Create successful ePaper yourself
Turn your PDF publications into a flip-book with our unique Google optimized e-Paper software.
It’s the time...<br />
of the season<br />
Leder<br />
Det er den tida att. Turistane har pakka sysakene og<br />
floge sørover, med elgsuvenirar og tusen ubesvarte<br />
spørsmål i kofferten (What’s a fi-jord Why isn’t there<br />
an hourly bus service to Ortnevik Did your grandparents<br />
know any vikings). Nok ein gong kan ein vandre<br />
over Torgallmenningen og utover Bryggen utan å gå i<br />
kø. Byen har igjen blitt erobra av den andre okkupantmakta:<br />
studentane. Ferske, gamle, høglytte, oppslukte,<br />
late, engasjerte studentar. Det faste inventaret i byen<br />
klynka frå seg i misnøye då fadderveka var på sitt verste,<br />
og halve Bergen var fylt med hordar som nok kunne<br />
utkonkurrert einkvar dansebandfestival i matchande<br />
kostyme. Men no har det stilna. Viss eg er heilt stille<br />
trur eg jamvel eg kan høyre ei svak risling av pensumlitteratur<br />
som blir bladd i og fordøydd, toppa med omhyggelege<br />
understrekingar i gul markørtusj.<br />
Er du ein håplaus haust-romantikar Bla bakover<br />
i bladet til teksten Den sure svie for å bli påminna om<br />
kva du eigentleg har i vente dei komande månadane. I ei<br />
bok eg hadde då eg var liten var hausten ein mann som<br />
kom og plukka med seg alle blada, fuglane og fargane i<br />
ein koffert, og vandra inn i solnedgangen for å vente på<br />
neste vår. Nitrist! Er det rart årstida passar uforskamma<br />
godt til singer-songwriter-melankoli og overtydelege<br />
flosklar om livets forgjengelege natur<br />
I studentsamanheng representerer vel knapt hausten<br />
død og forderving. Nytt studieår vil seie store utskiftingar<br />
for dei fleste studentorganisasjonar, og <strong>Atrium</strong> er<br />
ikkje eit unntak – dette nummeret presenterer vi mange<br />
nye bidragsytarar til ulike delar av bladet. Over gangen<br />
for kontoret vårt, hos HSU, vil eit nytt semester innebere<br />
nye forsøk på å opprette ein felles samlingsstad<br />
for studentane ved Det humanistiske fakultet: ja, det<br />
er snakk om den mykje omtala HF-puben. (Kviskring på<br />
gangen tyder på at det skjer noko seinare i semesteret,<br />
men det sikraste er vel kanskje å smørje seg med endå<br />
eit lag tålmod).<br />
Med dei første gulna blada på bakken kjem òg ei<br />
oppblomstring i Bergens kulturliv, med eit utal festivalar<br />
og andre arrangement. Haustens første utgåve av<br />
<strong>Atrium</strong> inneheld ein god del tekstar som tek utgangspunkt<br />
i desse. Dette nummeret har òg eit sterkt fokus<br />
på det visuelle, først i fagpresentasjonen, som tek opp<br />
aktuelle problemstillingar rundt religion og visuell kultur.<br />
Sistnemnde er eit forholdsvis nytt fokusområde i<br />
religionsvitskap som fag, slik det òg er det i mange andre<br />
tradisjonelt sett tekstbaserte humanistiske fagområde.<br />
Frå religiøse bilete går vi til Bill Wattersons stripe<br />
Tommy og Tigern, i høve foredraget til biograf Nevin<br />
Martell om den notorisk mediesky teikneserieskaparen<br />
på årets Raptusfestival. Vi kjem òg inn på det visuelle i<br />
digitale spel, som er temaet for den nyopna utstillinga<br />
på Permanenten (Vestlandske Kunstindustrimuseum). I<br />
Lesesalspoetene har vi vore ute med kameraet på jakt<br />
etter det skriftlege folk etterlet seg på lesesalspultane<br />
på Høyden, som ein slags oppfølgar til merksemda vi<br />
via doskribleri i forrige nummer. <strong>IKON</strong>-sidene denne<br />
gongen er i stor grad fylte med bilete av diverse representantar<br />
for det skjeggete kjønn – naturleg nok sidan<br />
temaet er «far».<br />
Håpar du finn noko du likar. God lesing!
Change language