Søkjarkatalogen for 2005 i pdf-format - Hordaland fylkeskommune

Søknad til Friskolar
(private vidaregåande skolar)
Hordaland fylkeskommune har inngått avtale med
følgjande friskolar om at søknaden til desse skolane
skal registrerast i det ordinære inntaket:
Danielsen videregående skole
Framnes kristne vidaregåande skule
Kongshaug Musikkgymnas
Dersom du skal bli vurdert som søkjar til ovannemnde
skolar, må du føre skolen opp som 1. skole/
kursønskje ved registreringa på søknadsskjemaet.
Inntakskontoret sender søkjarlista til dei aktuelle
skolane etter at søknadsfristen er ute.
Det er deretter den einskilde friskole som
vurderer søknaden, og gir melding om plass
eller evt. venteliste.
Dersom du takkar ja til tilbod om plass ved
ein friskole blir resten av søknadsprioriteringa til
offentlege skolar sett i passiv, det vil seia at du ikkje
deltek i tevlinga om plass ved desse skolane.
Inntaket til friskolane vil såleis, i hovudsak, vere
ferdig før inntaksresultatet for dei offentlege skolane
ligg føre.
Friskolane vil vere merka (Friskole) i skolekatalogen
og ved skolenamnet ved internettregistreringa.
Kva kompetansebevis (vitnemål)
skal leggjast ved søknaden
Dersom du er elev i ungdomsskolen eller den vidaregåande
skolen i Hordaland, skoleåret 2004/2005,
vil skolen sende inn karakterane dine til Inntakskontoret.
Dersom du går på skole i anna fylke, eller er
elev ved Friundervisninga/AOF i Hordaland, må du
sjølv sende inn kompetansebevis (vitnemål) for inneverande
skoleår. Innsendingsfrist: 28. juni.
Dersom vitnemål blir innsendt etter denne fristen,
blir søknaden ikkje med vidare i inntaket utan
at du får særskilt avtale med Inntakskontoret.
Dersom du har gått grunnkurs, vidaregåande
kurs I/II i den vidaregåande skolen i Hordaland etter
1994, har vi som hovudregel registrert karakterane
dine, og du treng ikkje leggje ved kompetansebevis
m. v. Du vil bli kontakta dersom vi likevel treng å
registrere karakterane dine på nytt.
Tilsvarande gjeld dersom du har fullført ungdomsskolen
i Hordaland etter 1994.
Dersom du ikkje kjem inn under søkjargruppa
ovanfor må du ved elektronisk søkning ettersende
kompetansebevis (vitnemål) slik:
• Søknad til grunnkurs:
Vitnemål frå ungdomsskolen eller anna grunnskoleutdanning.
• Søknad til vidaregåande kurs I:
Kompetansebevis frå godkjent grunnkurs.
• Søknad til vidaregåande kurs II:
Kompetansebevis frå godkjent vidaregåande
kurs I/II.
Søkjer du på papir skal ovannemnde vitnemål leggjast
ved søknaden.
Vilkår for inntak til grunnkurs
Søkjar til 1-årig grunnkurs må oppfylle eitt av desse
vilkåra:
a) Fullført ungdomsskole
b) vere utskriven av grunnskolen
c) fullført 7-årig folkeskole,
d) ha gjennomgått utdanning tilsvarande ungdomsskole.
e) ha tilsvarande utdanning frå andre land.
Søkjarane blir fordelte etter poengsum. Søkjar med
høgast poengsum blir tatt inn først. Sjå inntaksreglar
side 14.
Vilkår for inntak til vidaregåande
kurs I/II
Ved søknad om inntak til vidaregåande kurs I/II må
du lese inntaksvilkåra til det einskilde kursa nøye.
Dersom du har ei utdanning som ikkje er omtala som
inntaksvilkår, er det mest sannsynleg at du ikkje kan
søkje. Er du i tvil, bør du kontakte Inntakskontoret.
Du er sjølv ansvarleg for at du søkjer rett kurstype.
Dersom du søkjer eit kurs som du ikkje
er kvalifisert for, vil dette ønske bli stroke frå
søknadsskjemaet utan at det blir gitt nærare
melding.
Dersom du søkjer feil kurstype, og dette ikkje
blir sett ved behandling av søknaden, kan du ikkje
krevje å få plassen ved den feilsøkte linja. Dette
gjeld også om feilen ikkje blir oppdaga før etter
skolestart. Vi vil prøve å skaffe deg ny plass ved
anna kurs/skole, men dette kan ta tid og tilbodet
treng ikkje vere det same som du hadde meint å
søkje. Sjå elles nærare om inntaksreglar side 14.
Kontroller nøye om du er kvalifisert for det
kurset du søkjer.
Vilkår for inntak til læreplass
Sjå side 58.
12