Bv0518
Create successful ePaper yourself
Turn your PDF publications into a flip-book with our unique Google optimized e-Paper software.
Menn som overser kvinner<br />
Bothild Å. Nordsletten<br />
bothild@bondevennen.no<br />
LEIAR LANDBRUK, POLITIKK OG SAMFUNN<br />
Der godt vaksne menn dominerer, og det<br />
gjer dei i landbruket, er dei ofte forbausande<br />
flinke til å fremja folk som liknar<br />
seg sjølve. Det er nok ikkje vondt meint.<br />
Men det er heller ikkje ein produktiv<br />
måte å rekruttera fleire kvinner til næringa<br />
på.<br />
Likestilling og fleire kvinner har i årevis<br />
vore uttalte målsettingar for landbruket<br />
og bondeorganisasjonane. Mykje er oppnådd.<br />
I dag er kvinner i posisjon overalt i<br />
næringa, frå grasrot til konsernleiing. Likevel<br />
er dei ennå ikkje fleire enn at Bondelaget<br />
seinast rundt årsskiftet valde å<br />
gjennomføra ei undersøking for å læra<br />
meir om kva tiltak som kan bidra til at<br />
fleire kvinner vel landbruksutdanning,<br />
blir bønder og tillitsvalde.<br />
I landet med kvinneleg stats-, finans- og<br />
forsvarsminister er det kanskje lett å tru<br />
at likestillingskampen er fullenda. Det<br />
er sjølvsagt feil, noko ikkje minst metookampanjen<br />
avslører. Men i somme delar<br />
av landbruket er det til og med som om<br />
kampen aldri starta. Korleis elles forklara<br />
at dei seksten største landbruksorganisasjonane<br />
som stod bak Samvirkekonferansen<br />
i Rogaland i januar, valde å<br />
ha berre éi kvinne på det to dagar lange<br />
programmet?<br />
Varhaug-møte, Særheim-konferansen,<br />
Mat og Landbruk og Kornkonferansen er<br />
andre døme på landbruksarrangement<br />
der talarstolen eller debattpanelet blir dominert<br />
heilt eller i stor grad av menn. Rett<br />
nok finst det mange arrangement med<br />
bra miks av menn og kvinner, men alt for<br />
ofte er kjønnsbalansen alt for skeiv. Praksisen<br />
undergrev næringas eigne målsettingar<br />
om å tiltrekka seg fleire kvinner.<br />
I beste fall er den manglande evna til å<br />
putte kvinner på talarstolen eit utslag av<br />
medvitsløyse. I så fall vitnar det om kor<br />
vanskeleg det er for bodskapen om betre<br />
kjønnsbalanse å trenge inn, trass tiår<br />
med forsøk. Truleg er mannsdominansen<br />
dels også eit utslag av rutinetenking,<br />
dårleg fantasi og giddeløyse. Møteorganisator<br />
ringer han dei har høyrt før, det<br />
er safe. Det er underleg at ikkje fleire<br />
kvinner reagerer.<br />
I tillegg finst det også dei, både kvinner<br />
og menn, som parerer etterlysing av<br />
fleire kvinner på podiet, med argumentet<br />
om at kompetanse «trass i alt», er viktigare<br />
enn kva kjønn talaren har. Ei slik<br />
haldning vitnar om mangelfull kjennskap<br />
til alle dei høgkompetente kvinnene som<br />
finst der ute, på alle fagområde. Og den<br />
tek tilsynelatande for gitt at i ein mannsdominert<br />
bransje, er betre kjønnsbalanse<br />
noko som kjem av seg sjølv.<br />
I verste fall snakkar me om regelrett<br />
ekskludering av kvinner. Det er vanskeleg<br />
å tolka reine mannearrangement<br />
som noko anna.<br />
Kva veg kjønnsbalansen tippar på dei<br />
mange landbruksmøta rundt om, er ikkje<br />
aleine avgjerande for kor mange kvinner<br />
som vel ein karriere i landbruket, men<br />
det speler ei rolle fordi det påverkar kulturen<br />
for inkludering og mangfald i næringa.<br />
Nett slik menn speglar og stadfestar<br />
kvarandre som meiningsbærande og<br />
ansvarlege aktørar i alle fora, treng også<br />
kvinner å spegla og stadfesta relevansen<br />
av eigne innfallsvinklar, kunnskap og erfaringar<br />
i andre kvinner. Skal fleire kvinner<br />
inn i landbruket, må dei iallfall koma<br />
til orde.<br />
Å sette fleire kvinner på plakaten er eit<br />
enkelt rekrutteringsgrep som kostar lite.<br />
Det finst inga orsaking for ikkje å gjera<br />
det. Det er viljen det står på.<br />
BONDEVENNEN Nr. 5 - 9. februar 2018 3
Change language