100. Rød komposisjon

RØD KOMPOSISJON

SITUASJONSPLAN 1:1000
EKSTERIØRPERSPEKTIV HANDVERKSTUN
Bygningsvern til venstre, varmeverkstad rett fram, tekstilverkstad til høgre
DRIFT
TEKN.
BYGNINGSVERN
VARME
TUN
ADM.
WC
FORMIDLING
TEKSTIL
RESEPSJON
PUBLIKUMSINNGANG
Frå tilkomsten får dei vitjande presentert eit nøkternt og matt
raudmalt anlegg, som ligg mellom trestammane, over svaberget, under
trekronene og delvis tilbaketrekt. Verkstaden har mange små vindauge
som gir eit hint om produkta og prosessane på innsida. Dei tre pipene
fortel også at her skjer det noko spennande. Går ein vidare ser ein
hovudinngangen som opnar seg mot ein, det er ikkje tvil om kor reisa
startar. Frå resepsjonsområdet ser ein opp og inn på Handverkstunet.
I tunet er det kanskje masse aktivitet. Økser i alle fasongar og lafting
med sinknovar. Er det stengt kan ein uansett gå runden i tunet å sjå
inn på dei ulike verkstadromma, alle maskinene, hyllesystemet og
alt verktøyet og produkta handverkarane har liggjande. Sjølvsagt
er det opent. Då kan ein gå runden, shoppe inntrykk frå verkstad
til verkstad. Kurs i tradisjonell høvling i det første bygget, så ein
smed som varmar og former, ein filigranssølvsmed som loddar,
filer og polerer, keramikaren som dreier, tørkar, brenn og glaserer,
glassblåsaren som bles, snurrar og dekorerer og til slutt ein som står
og garvar skinn. Neste gong skal eg melde meg på eit kurs.
UTSTILLING
RØD KOMPOSISJON

INTENSJONAR OG OVERORDNA GREP
Hovudintensjonen er å skape eit innhaldsrikt, inspirerande, funksjonelt og samlande
Handverkstun. Prosjektet består av 3 nye verkstadbygg, plassert mellom trea oppå
svaberga nordvest for eksisterande administrasjonsbygg. Bygga er organisert som ein
hestesko som opnar seg mot eksisterande administrasjonsbygg. Dei er trekt mot syd
for å gi visuell plass til ein tydeleg hovudinngang i eksisterande bygg.
Dei tre bygga vil saman med administrasjonsbygget definerer det nye Handverkstunet
ved MiA Follo Museum. Grepet styrkjer utgangspunktet for å etablerer ein arena for
bygningsvern og tradisjonshandverk.
Dei 3 verkstadbygga er knytt saman av ein sjenerøs og samanhengande takoverbygd
svalgang inn mot tunet. Verkstad for Bygningsvern er plassert mot syd, og med
direkte tilkomst frå utandørs driftsområde på baksida. Verkstad for varmearbeid er
plassert mot vest med høvesvis tekniske rom mot syd og publikumstoalett mot nord.
Verkstaden har effektiv tilkomst til driftsområdet gjennom portar i mellomrommet
mot Verkstad for Bygningsvern. Baksida av Varmeverkstaden vender ut mot
parkeringsplassen og har ein collage av vindauge som gir glimt av prosessane,
produkta og folka i arbeid på innsida. Verkstad for tekstilarbeid er plassert mot
nord og inneheld også eit felles undervisningsrom med peis og kjøken. Baksida
av tekstilverkstaden vender ut mot tilkomstområdet og syner på same vis som
Varmeverkstaden fram arbeidet og gjenstandane som vert produsert i bygget.
Verkstaden er organisert slik at dei største, tyngste, mest bråkete og varmaste
prosessane er samla nært tekniske rom og driftstun, medan prosessane vert gradvis
finare, reinare og stillare jo lenger frå driftsområde ein flyttar seg.
Dei tre verkstadbygga er bygd opp etter like prinsipp. Dei består av 2 store, sjenerøse
og sentralt plasserte arbeidsrom. I kvar kortende av bygga er det faste støttefunksjonar
som malerom, verkstadkontor, forbrenningsomnar, piper, tekstillager, peis med meir.
Langs heile bakveggen er det hengt på eit hylle- og lagersystem. Hyllesystemet er
også konstruksjon og heng på som ein svevande ryggsekk over terrenget på utsida. I
arbeidsromma er det tydeleg definerte og fleksible arbeidssoner og transportsoner. Ein
har effektiv tilgang til alle støttefunksjonar og hylle- og lagersystem. Sentralromma har
også ei samanhengande og stor vindaugsflate inn mot felles arbeidstun, som sikrar
god kontakt mellom dei ulike verkstadromma og ut mot Handverkstunet. Prosessane
vert også godt synlege frå vitjande til tunet og friluftsmuseet. Alle verkstadene har
plass til undervisningsgrupper på ca. 25 personar.
Eksisterande bygg er bygd om til å innehalde resepsjon, museumsbutikk, utstilling,
kontor og personalavdeling. Resepsjonsområdet med museumsbutikk er gjort om til
eit sjenerøst og ope rom, der også ein del av veggane er opna med glas til golvet.
Inngangspartiet vert tydelegare, trivelegare, meir funksjonelt, og gir også utsyn til
delane av friluftsmuseet som ligg på baksida, aust for eksisterande bygg. For å
forsterke inngangen enda meir er det lagt til ein ekspressiv baldakin i cortenstål.
FORHOLD TIL OMGJEVNADENE
Den nye verkstaden har ei tydeleg innside og utside. Frå utsida fasadane relativt lukka,
men med mange små vindauge som gir glimt av prosessane på innsida. Dette skapar
nysgjerrigheit, men gjer også at verkstaden underordnar seg administrasjonsbygget og
tilkomstområdet.
Då verkstadbygga er plassert oppå høgda vert golvnivåa lagt over eksisterande
terreng slik at ein reduserer grunn- og fjellarbeid til eit minimum. Dei 8 trea som kan
vere omfatta av Forskrift om utvalde naturtypar er bevart i forslaget, og plasserer seg
fint ved innkøyrsle på driftstunet og inne i atriet i Handverkstunet. Kanskje må 1-2 av
trea fellast for å gi plass til fundamentering av bygga. På utsida av verkstadbygga og
driftsområdet skal tre av ein viss storleik bevarast, medan kratt fjernast. Verkstaden
vert då liggjande som del av eit skogsholt, i likskap med resten av friluftsmuseet.
Utandørs driftsområde på sydsida er skilt frå resten av anlegget med eigen avkøyrsle,
og er ikkje tilgjengeleg for publikum. Området er ope og fleksibelt med eit hovudlager
plassert mot friluftsmuseet i aust. Då lageret er det største og høgste bygget på
driftsområdet er det plassert for å gi minst mogleg sjenanse for naboane. Mot naboane
er det plassert opne lagerskur med godt takutsikk. Mellom skura er det etablert
skjermingsgjerde. Gjerda er plassert inn mot driftstunet slik at avgrensinga av tunet
vert rettlinja og at skura vert lagringslommer mellom gjerda. Skura har ulike djupner
mot nabo. Avgrensinga mot naboane vert trappa slik at ein ikkje får ein lang avvisande
vegg rett mot naboeigedommane. Dette gir også plass til ein del tre mellom sona
mellom naboar og driftsområdet. Ingen delar av driftsområdet er nærmare nabogrense
enn 4 meter. Verkstadbygga har nesten flate tak for å halde høgdene nede, tunet
opent, tilpasse seg eksisterande bygg og for å gi plass til mest mogleg av trekronene til
å leve fritt over anlegget.
PLAN 1:200
RØD KOMPOSISJON

SYNERGI MELLOM UTANDØRS- OG INNANDØRSAKTIVITETAR
Dei tre verkstadbygga har alle ei tydeleg og open innside med direkte tilkomst til
overbygd uteareal og Handverkstunet som ligg i midten. Tydelege transportsoner og
store dører i verkstadromma gjer at det er enkelt og effektivt å flytte aktivitetar og utstyr
ut og inn etter behov. Då verkstadene ligg med fronten mot kvarandre har ein god
oversikt og innsyn i mellom dei, og til og frå Handverkstunet.
GJENNOMFØRBARHEIT OG FLEKSIBILITET
Anlegget er enkelt å orientere seg i, tilfredsstiller krav til universell utforming og
har effektive og gode rømmingsforhold. Som arealoppsettet viser er det eit svært
arealeffektivt anlegg, med svært låg brutto/netto-faktor. Parkeringsplassen er etablert
i same område som eksisterande parkering, men har større kapasitet. Totalt er det 46
parkeringsplassar inklusive 2 HC-plassar.
FASADE NORD 1:200
Kvart av verkstadbygga har sitt eige autonome konstruksjonssystem. Dei kan enkelt
justerast i lengde og breidde og utkastet er såleis svært elastisk. Bygga har rasjonelle
konstruksjonssystem med enkle grunnformer og korte spennlengder. Trebyggeriet
består av tresøyler, trebjelkar og eit hyllesystem av massivtreskiver. Tette veggar og
takplate over bjelkelag er i massivtre. Eksisterande administrasjonsbygg er bygd om
innanfor eksisterande hovudinndeling og beresystem, og påverkar eksisterande statikk
i liten eller ingen grad.
Verkstadbygga er komponert av få men tydelege og funksjonelt bestemte
bygningsdelar. Mot terrenget har bygga ein base av betong. Varme og våte soner
har kjerneisolert skalmur av handbanka teglstein med grove fuger. Hovudvoluma
er bygd opp av limtre og massivtre med trefiberisolasjon og er kledd med uhøvla
trekledning malt med raud komposittmåling. Vindauge på utsida av anlegget er med
stepp-glas medan det inni tunet er klarlakkert treverk rundt vindauge og dører. Synlege
trekonstruksjonar og takutstikk er trekvite.
SNITT A-A 1:200
Eit senter for tradisjonshandverk og bygningsvern må ha høgt ambisjonsnivå på
materialbruk, detaljering og gjennomføring. Verkstadbygga er enkle og rasjonelle
bygg, men har samstundes nokre detaljar og tvistar som gjer dei interessante og tek
byggetradisjonen inn i vår tid. Det nye handverkstunet skal vere eit føregangseksempel
for korleis tradisjonshandverk kan nyttast i ny og god arkitektur.
AREALOVERSIKT
Romnr. NTA BRA BTA
BYGNINGSVERN (bygg A)
Verkstad - grovverkstad 16 120
Verkstad - maskinrom 17 71
Verkstad - malerom 18 30
Verkstad - kontor 19 14
Material- og verktøylager 21 inkl. i rom 16
Totalt BYGNINGSVERN 235 239 265
SNITT B-B 1:200
TRADISJONSHANDVERK - VARMEVERKSTAD (bygg B)
Verkstad - varmearbeid 28 186
Lager isolert - hylleystem 31 inkl. i rom 28
Teknisk rom 20 35
Sanitær - publikumstoalett 33 24 25
Avfallshandtering 11 12
TOTALT TRADISJONSHANDVERK - VARME 257 266 298
TRADISJONSHANDVERK - TEKSTILVERKSTAD (bygg C)
Verkstad tekstil 29 76
Lager 30 inkl. i rom 29
Undervisningsrom (med kjøken) 32 (33) 83
TOTALT TRADISJONSHANDVERK - TEKSTIL 159 160 183
TOTALT NYE BYGG 651 665 746
Brutto-/nettofaktor 746/651= 1,15
FOLLO MUSEUM (eksisterande bygg)
Administrasjon / kontor 6 71
Santiær - personalgarderober 7 52
Kjøken/møterom/lunsjrom 7 24
Lager, BK, korridor - 23
Adkomstområde (foaje/museumsbutikk) 5 95
TOTALT FOLLO MUSEUM 265
FASADE VEST 1:200
UTANDØRS
Lager utandørs 13 100
Drift utandørs inkl skur 12 1275
Undervisning utandørs 14 450
Overbygd uteområde 34 200
TOTALT UTANDØRS 2025
RØD KOMPOSISJON

INTERIØRPERSPEKTIV VARMEVERKSTAD TRADISJONSHANDVERK
RØD KOMPOSISJON

INTERIØRPERSPEKTIV GROVVERKSTAD BYGNINGSVERN
RØD KOMPOSISJON