ACTA DA ASEMBLEA XERAL ORDINARIA DO 03 DE ... - Adpf.es

D. Gerardo Orol Castro
Presidente
D. José Manuel Rey Alvela
Vicepresidente 1º
D. José Luís Abraira Arias
Vicepresidente 2º
D. José Luís García Pernas
Tesoureiro
P.D. Club Rodaballo
Xuíz
D. José M. Fernández Rodríguez
Delegado na Coruña
D. Enrique Fulgencio Vázquez
Delegado en Lugo
P.D. Club Os Pinos
D. Lisardo Serafín Pardo López
Subdelegado en Lugo
Deportista
D. José Ramón Conde Iglesias
Delegado en Ourense
Club Pesca Sport Ribeiro
D. Guillermo Piñeiro Fernández
Subdelegado en Ourense
D. Manuel González Martínez
Delegado en Pontevedra
Xuíz
D. Santi Domínguez Rodríguez
Presidente Comité Mar-Costa
D. Ramón Acebes Fernández
Presidente Comité Auga Doce
D. Manuel Alfonsín Marnotes
Presidente Comité de Xuíces
Xuíz
D. Pablo de Andrés Vales
Presidente Comité Black-Bass
ACTA DA ASEMBLEA XERAL ORDINARIA DO 03 DE FEBREIRO DE
2013 EN SANTIAGO DE COMPOSTELA
As persoas que á marxe se nomean, convocadas en tempo e forma, reúnense
en Santiago de Compostela, nos salóns do Restaurante Los Robles, o día 03 de
febreiro de 2013, para trataren da seguinte
ORDE DO DÍA
1.- Lectura e aprobación, se procede, da acta da Asemblea Anterior.
2.- Aprobación, se procede, da liquidación do Orzamento 2012.
3.- Lectura e aprobación, se procede, do Orzamento 2013.
4.- Informe do Presidente.
5.- Competicións 2013.
6.- Presentación e aprobación, se procede, do Calendario de Competicións
2013.
7.- Rogos e Preguntas.
O Presidente abre a Asemblea ás 10,30 horas dando a palabra ao Secretario
para que inicie o punto un, antes de entrar na lectura da acta gárdase un
minuto de silencio en memoria de Ripa e Suso, logo iníciase a lectura da Acta
da derradeira Asemblea Xeral que resulta aprobada por unanimidade.
No punto dous; o Tesoureiro presenta a liquidación do orzamento 2012. Don
Carlos Gesto García, en representación da Comisión Delegada, eleva o seu
informe á Asemblea, e di: Que as contas que lles foran presentadas á
Comisión Delegada, avalan a liquidación do orzamento 2012 tal e como foi
presentada nesta Asemblea Xeral. O informe da Comisión Delegada é
favorable. Apróbase a liquidación do orzamento 2012 por unanimidade.
No Punto tres; o Presidente da lectura á previsión de ingresos e gastos que
conforman o orzamento 2013 acadando éstes o total apoio da Asembea.
No punto catro; O presidente comeza facendo unha referencia aos logros
acadados neste pasado 2012 polos deportistas galegos fóra da nosa
comunidade, tanto en competicións nacionais coma internacionais, fai
referencia ao cuarto posto acadado pola selección galega da especialidade de
Black-Bass, así coma a cuarta praza da clasificación individual final acadada
polo deportista don Pedro Toucedo Iglesias. Segue pola primeira participación
da Federación Galega de Pesca e Casting nun campionato nacional de
Carpfishing na que os deportistas don Antonio Sandoval Martínez, don
Marcos Sahelices Láiz, dona Ana Belén Fernández Martínez, don David
Sahelices Láiz, don Eduardo Lázaro Rueda e don Germán Valle Pérez,
recordando asemade que é esta unha especialidade non subvencionada pola
Federación Galega de Pesca e Casting, acadaron o campionato de España.
Lembra a calidade dos nosos deportistas de salmónidos que, unha vez máis,
voltan a Galicia cun novo éxito por equipos. Desta volta foi o equipo formado
por don Vicente Pico Anido, don Juan Fernando Rodríguez Marcos, don
Carlos Gesto García e don David Arcay Fernández que voltaron á Terra co
título de Campións de España. Fai unha especial referencia a don David
Arcay, dándolle os parabéns polo derradeiro éxito, ese Campionato do Mundo
acadado no 2012, valorando asemade moi positivamente o seu trato tanto no
eido persoal coma no federativo. Ten tamén un recordo para tódolos Clubs e
Asociacións polo traballo que desenvolven a prol da pesca e dos deportistas
que escolleron esta disciplina deportiva na que tan brilantemente nos
representan a todos.
Segue o seu informe dicíndonos que nesta tempada entrará en vigor un novo
regulamento de competicións da Federación Española, no que a novidade

D. Manuel Mouzo Méndez
Secretario
SPD Neria
D. Eloy Saavedra Vidal
Caza e Pesca de Xubia
D. José Romero Fandiño
Venatoria de Santiago
D. Jorge García Duarte
P.D. Club Santa Comba
D. Julio Ignacio Sánchez Pérez
Sociedad de Pesca RIOMAR 2008
D. Mario López Menduiña
Club de Pesca O Capote
D. Félix Rodil Alvarez
A. Pesca Deportiva Róbalo
D. Gabriel Fernández Vázquez
A. D. N. de Pesca
D. Ricardo Rey Fernández
Club O Peixe
D. Jesús Martínez Carballo
S. P. F. de Valdeorras
D. José Seoane Alejo
P. D. A. D. P. Fluvial
D. J. Antonio Mourelos Alvarez
Club de Pesca Marítima O Isco
D. Emilio Castelo Tettamancy
P. D. A. P. Deportivos MOAMAR
D. David Arcay Fernández
Deportista
máis salientable vai ser nas competicións de salmónidos, nas que haberá unha
nova maneira de puntuación para as capturas feitas polos deportistas.
Fala da problemática xurdida na derredira tempada, completamente allea á
Federación Galega de Pesca e Casting pero que nos afectaba directamente,
como foi o asunto da Mutua General Deportiva que rematou nun Concurso de
Acreedores. Non obstante, dende a Federación fixéronse os trámites
oportunos, que expuxo aos membros da Asemblea, e tódolos deportistas
federados coa Federación Galega de Pesca estiveron cubertos con total
normalidade.
Por último expón o que foron dous asuntos de especial interese para a
Federación no pasado 2012.
O primeiro foi a resolución de Deportes na que non se lle concedeu as
sociedades, clubs e asociacións de pesca, ningunha axuda das contempladas
na convocatoria de subvencións 2012 feita por este organismo e, malia
intervención da Federación, á que nun primeiro contacto se lle prometeu que
se ía corrixir e modificar esa eiva, non foi así. Agora séguense mantendo
contactos para que neste 2013 as sociedades, clubs e asociacións de pesca non
sexan de novo discriminadas e afastadas das axudas públicas.
O segundo que a Federación Galega de Pesca e Casting non comparte a
necesidade dos pescadores deportivos de estar obrigatoriamente equipados
con casco, chaleco e radiobaliza como se contempla nunha proposición de Lei
feita fai uns meses. Neste senso, no de que se teña en conta o sentir e o pensar
dos pescadores deportivos galegos, estanse a manter conversas coa
Consellería de Medio Rural e do Mar.
Di tamén da necesidade de poder facer coa antelación suficiente as reunións
das distintas Delegacións Provinciais coas Sociedades para poder elevar aos
distintos Comités Provinciais de Pesca Fluvial as propostas que esas
Sociedades entendan de interese.
Remata falando da intención da Federación en seguir e, de ser posible,
reforzar o propósito de achegar a xente máis nova á pesca, implementando
medidas encamiñadas a acadar ese obxectivo, como poden ser o aumento ou
posta en pé de novas competicións específicas para eles. Neste senso, para a
tempada 2013 incorpóranse ao calendario oficial as competicións para nenos
Lecer e Pesca organizada pola Sociedade Londra e tamén a organizada pola
Sociedade Val de Lemos.
No punto cinco; O Presidente inicia sinalando a necesidade de solicitar unha
autorización para o desenvolvemento de concursos. Esta necesidade vennos
imposta pola Federación Española de Pesca e pola circunstancia de que todos
aqueles deportistas que participen, en competicións non autorizadas pola
Federación Galega de Pesca e Casting non estarían cubertos por ningún
seguro federativo. A Federación ten a intención de expedir esas autorizacións
a título gratuíto. Despois iníciase un pequeno debate e unha serie de
aclaracións e comentarios e decídese que a Asemblea queda informada.
Logo trátase da proporcionalidade entre as tarxetas federativas e os deportistas
que representan ás distintas provincias nas competicións autonómicas que,
como dixera don Félix Rodil Álvarez na derradeira Asemblea Xeral, e así
consta na acta, esa proporcionalidade fora aprobada en Asemblea Xeral co
acordo de revisala anualmente, acordándose na Asemblea Xeral do 2012
revisar esa proporción na próxima Asemblea Xeral, que é esta.
Propónse que para os autonómicos 2013 a proporcionalidade sexa a seguinte:

D. Pablo Francisco de Andrés Fernández Vales Méndez
Presidente Deportista Comité Black-Bass
D. Manuel Antonio Mouzo Cortés Méndez Araújo
Secretario Deportista
D. Jorge César García Fernández Duarte Gil
P.D. Deportista Santa Comba
D. Julio Manuel Ignacio Calvete Sánchez Díaz Pérez
Sociedad Deportista de Pesca RIOMAR 2008
D. Dna. Mario Zaída López Menduiña Bellas
Club Deportista de Pesca O Capote
D. Félix Carlos Rodil Gesto Alvarez García
Peña Deportista Róbalo
D. J. José Antonio Gutiérrez Guerreiro López Santalla
Asociación Deportista de Pescadores da Ulloa
D. Dna. Mario Margarita Coto Orero Fdez. Gómez
Club Náutico Salmo de Ribadeo
D. Manuel José Luís Rodríguez Boo Vázquez Meira
Club Pesca de Pesca Monforte a Mosca Trutta
D. Armando Antonio Gestoso Teijeiro Miguéns Fernández
A Club Venatoria de Pesca de Deportiva Lugo Londra
D. Jesús Martínez Bahamonde Rey
A. Club D. N. de de Pesca Pesca do Barbanza
D. Ricardo Rey Fernández
Club O Peixe
D. Jesús Martínez Carballo
S.P.F. de Valdeorras
D. Manuel Blanco López
A. D. Fluvial
D. Víctor Meijide Vázquez
P. D. P. S. A. Sección Pesca
D. J. Antonio Mourelos Alvarez
Club de Pesca Marítima O Isco
D. Jesús Calo Costa
P.D. A. P. Deportivos MOAMAR
D. José Méndez Méndez
P.D. Club Náutico de Arcade
Modalidade A Coruña Lugo Ourense Pontevedra
Salmónidos Lance 12 7 5 4
Salmónidos Mosca 11 6 6 5
Mar-Costa 14 4 4 6
Embarcación Fondeada 14 ou13 4 0 ou1 10
Auga Doce 5 4 14 5
A proposta de don David Arcay apróbase que para o cálculo da porcentaxe
de participación nas vindeiras tempadas deportivas se faga o cálculo
tomando coma referencia as tres derradeiras. A proposta é aceptada.
Propónse que os deportistas que acaden a súa clasificación para un
determinado autonómico, participen no autonómico da especialidade no
mesmo ano. Como polo de agora en Pontevedra os que acadaban a
clasificación para un autonómico participan no autonómico do ano
seguinte en tódalas especialidades, en tanto que no resto de provincias tan
só acontece iso na especialidade de salmónidos, a proposta para os
autonómicos do 2013, tendo presente que a capacidade de acollida dos
coutos de pesca é limitada, é a seguinte:
No autonómico de salmónidos lance 2013 participarán os clasificados no
2012 polas distintas provincias, os catro descendidos do selectivo 2012, os
doce clasificados pola Coruña no 2013 e os cinco clasificados por Ourense
no 2013. Sen posibilidade algunha de correr lista no caso de que un mesmo
deportista que xa tivese acadado a súa clasificación no 2012 volte a
acadala no 2013.
No autonómico salmónidos mosca 2013 participarán os clasificados no
2012 polas distintas provincias, os catro descendidos do selectivo 2012, os
once clasificados pola Coruña no 2013 e os seis clasificados por Ourense
no 2013. Sen posibilidade algunha de correr lista no caso de que un mesmo
deportista que xa tivese acadado a súa clasificación no 2012 volte a
acadala no 2013.
No autonómico salmónidos lance 2014 participarán os clasificados no
2014 polas distintas provincias, os catro descendidos do selectivo 2013, os
sete clasificados por Lugo no 2013 e os cinco clasificados por Pontevedra
no 2013. Sen posibilidade algunha de correr lista no caso de que un mesmo
deportista que xa tivese acadado a súa clasificación no 2013 volte a
acadala no 2014. Despois destas enmendas, para o autonómico 2015 e
sucesivos, xa participarán directamente os que acaden a clasificación na
mesma tempada.
No autonómico salmónidos mosca 2014 participarán os clasificados no
2014 polas distintas provincias, os catro descendidos do selectivo 2013, os
seis clasificados por Lugo no 2013 e os cinco clasificados por Pontevedra
no 2013. Sen posibilidade algunha de correr lista no caso de que un mesmo
deportista que xa tivese acadado a súa clasificación no 2013 volte a
acadala no 2014. Despois destas enmendas, para o autonómico 2015 e
sucesivos, xa participarán directamente os que acaden a clasificación na
mesma tempada.
No autonómico Mar-Costa 2013 participarán tódolos clasificados por cada
provincia nos provinciais 2013, os catro descendidos do selectivo 2013 (de
disputarse antes o selectivo ao autonómico) e os dez clasificados por
Pontevedra no provincial 2012. Sen posibilidade algunha de correr lista no

caso de que un mesmo deportista que xa tivese acadado a súa clasificación no 2012 por Pontevedra
volte a acadala no 2013. Despois desta enmenda, para o autonómico 2014 e sucesivos, xa
participarán directamente os que acaden a clasificación na mesma tempada.
No autonómico Auga Doce 2013 participarán tódolos clasificados por cada provincia nos provinciais
2013, os catro descendidos do selectivo 2012 e os seis clasificados por Pontevedra no provincial
2012. Sen posibilidade algunha de correr lista no caso de que un mesmo deportista que xa tivese
acadado a súa clasificación no 2012 por Pontevedra volte a acadala no 2013. Despois desta enmenda,
para o autonómico 2014 e sucesivos, xa participarán directamente os que acaden a clasificación na
mesma tempada. Despois desta enmenda, para o autonómico 2014 e sucesivos, xa participarán
directamente os que acaden a clasificación na mesma tempada.
No autonómico de Embarcación Fondeada 2013 participarán tódolos clasificados por cada provincia
nos provinciais 2013, os catro descendidos do selectivo 2013 (de disputarse antes o selectivo ao
autonómico) e os 11 clasificados por Pontevedra no provincial 2012. Sen posibilidade algunha de
correr lista no caso de que un mesmo deportista que xa tivese acadado a súa clasificación no 2012 por
Pontevedra volte a acadala no 2013. Despois desta enmenda, para o autonómico 2014 e sucesivos, xa
participarán directamente os que acaden a clasificación na mesma tempada. A proposta é aprobada.
Proponse que nas competicións tipo OPEN, cando sexa por equipos, unha volta inscritos coma
mínimo cinco equipos, se poidan seguir inscribindo tantos equipos máis coma capacidade teña para
acollelos o escenario elixido para esa proba. De superar o número de equipos inscritos ao número de
prazas disponibles, a aceptación desas inscricións resolverase por número de licenzas federativas que
teña o club ou sociedade á que pertenza ese equipo. De seren máis dun os equipos inscritos por unha
mesma sociedade ou club, terase en conta o cómputo total das licenzas dese club dividido polo
número de equipos inscritos pertencentes a ese club ou sociedade aplicándose a Lei D’Hondt. No
caso de probas individuais farase o mesmo, neste caso despois de ter acadado coma mínimo a
inscrición de quince deportistas. Apróbase a proposta
Trátase tamén a proposta de facer o selectivo de Mar-Costa en dous días de dúas mangas por día e en
dous escenarios e fins de semana distintos. Non habendo opinións en contra
En Embarcación Fondeada infórmase e sométese á Asemblea os acordos da Xunta Directiva:
Un, invitar a participar no Selectivo 2013 da especialidade a don Angel Ramón Rio Pérez, por mor
dun erro na clasificación da proba que deu lugar ao seu descenso de categoría.
Dous, que nas competicións desta especialidade será obrigatorio o uso de chaleco salvavidas todo o
tempo que se estea no mar. Cada deportista haberá de ter o seu propio chaleco.
Tres que as embarcacións para estas probas terán un mínimo de 4 metros cuadrados de bañeira.
Apróbanse estes acordos con tres abstencións e ningún voto en contra.
No punto seis; Preséntase o calendario de Competicións 2013 quedando aprobado segundo consta no
anexo I desta acta, despois de aceptarse unha solicitude de don Carlos Gesto García.
No punto sete: O Deportista don David Arcay roga que conste en acta o seu malestar co Comité de
Salmónidos da Federación Española de Pesca pola modificación feita no referente á nova normativa
de puntuación para as clasificacións nas competicións desa especialidade, expoñendo e
argumentando perante a Asemblea a súa postura. A este rogo súmase toda a Asemblea Xeral
apoiando a queixa de David. Don Eloy Saavedra propón mesmo elevar unha queixa á Española que é
ben acollida pola Asemblea.
En reposta a unha pregunta dun asembleista o Vicepresidente expón cales foron as conversas e con
quen as tivo para por en pé unha competición oficial dirixida aos máis novos.
Esgotada a Orde do Día o Presidente da por rematada a Asemblea Xeral Ordinaria ás 13,45 horas do
día sinalado.
Esta acta foi aprobada por unanimidade ao remate da sesión. Eu coma Secretario dou fe.