124 - Associação Paulista de Esperanto

Portreto de patrino
LAMPIRO 124 2009
2 La
Don Ramon Angel Jara
Episkopo de La Serena (¹ilio)
El la hispana tradukis portugalen: Guilherme de Almeida
El la portugala esperantigis: Osvaldo Pires de Holanda
Simpla virino ekzistas ke, pro la vastego de sia amo,
ŝi havas iometon de Dio;
kaj pro la konstanteco de sia sindediĉo ŝi havas multon
de anĝelo; ke estante juna, ŝi pensas kiel maljunulino kaj
estante maljuna, ŝi agas per ĉiuj fortoj de la juneco;
kiam malklera, plibone ol iu ajn saĝulo, ŝi malkaŝas
la sekretojn de la vivo, kaj, kiam saĝa, ŝi prenas sur sin
la simplecon de la infanoj;
malriĉa, ŝi scias riĉigi per feliĉo tiujn, kiujn ŝi amas,
kaj riĉa, sin malriĉigi por ke ŝia koro ne sangu vundita
de la nedankemuloj;
forta, tamen, ŝi tremetas antaŭ la ploro de infaneto,
kaj malforta, tamen, ŝi altiĝas antaŭ la braveco de
leonoj;
dum ŝia vivo, ni ne scias valorigi ŝin, ĉar sub ŝia ombro
ĉiuj doloroj malaperas kaj, post ŝia morto, ĉion, kio ni
estas kaj ĉion, kion ni posedas ni donus por revidi ŝin kaj
de ŝi ricevi ĉirkaŭbrakon, aŭ unu vorton de ŝiaj lipoj.
Ne postulu, ke mi diru la nomon de ĉi tiu virino, se
vi ne volos, ke mi malsekigu per larmoj tiun ĉi albumon:
ĉar mi vidis ŝin preterpasi mian vojon.
Kiam viaj gefiloj kreskos, legu al ili tiun ĉi paĝon,
ili kovros vian frunton per kisoj kaj diros, ke malriĉa
vojiranto, interŝanĝe de la luksa gastigado ricevita, lasis
ĉi tie por ĉiuj la portreton de sia Patrino.