Revista Terra e Tempo 149-152

Economía
Cruceiro nunha céntrica praza madrileña, agasallo
da Xunta de Galiza a Madrid, coa inscrición:
“gratitud histórica y centenaria”
(1) Sucesións e doazóns, Patrimonio,
Transmisións patrimoniais, Actos xurídicos, Taxa
sobre o xogo, e taxas afectas aos servizos
transferidos (consideradas con criterio normativo)
(2) Alcol e bebidas derivadas, Cervexa, Produtos
intermedios, Hidrocarburos, Labores do tabaco
38 terra e tempo 2009
onde se recada o 100% do imposto que
recae sobre o tabaco. Así, cando me
deleito fumando a miña cachimba ou
cando merco o tabaco correspondente
no estanco preto da miña casa, iso
non acontece na realidade: non son
máis que fabulacións idealistas miñas,
propias do bispo Berkeley, de facer caso
aos nosos benqueridos españolistas
‘galegos’ 8 . De feito, nas delegacións
madrileñas da AEAT recadouse en
2007, 35% do IRPF e do Imposto de
Sociedades, 55% do imposto sobre a
renda dos non residentes, 42% do IVE,
82% do todos os impostos especiais,
62% do imposto sobre primas de seguros.
En conxunto, case 42% da totalidade
da recadación derivada do sistema
fiscal español. Por isto, este
Informe da AEAT non serve nada para
nos indicar cales son os impostos totais
que soportan os galegos –nin os
outros– como consecuencia do sistema
fiscal español, por moito que as cifras
agregadas dos diferentes impostos
contidas neste informe sexan correctas.
Vemos así que a recadación de impostos
nas Delegacións galegas da
AEAT significarían unicamente 3,3%
da recadación total estatal. Xa nos gustaría,
pensarán algúns. Do mesmo xeito
que nel se reflicte que neste ano
(2007) –como dixemos– nada menos
que 42% da recadación total por todos
os impostos se concentra en Madrid,
cando o PIB deste territorio significa
17.7% do total español, case dúas veces
e medio menos, tornando evidente unha
incongruencia flagrante, unha anormalidade
absoluta, unha imposibilida-
de, sobre todo tendo en conta o paupérrimo
carácter progresivo do conxunto
do sistema fiscal español.
Porén, e afortunadamente, o Informe
de Liquidación do Sistema de
Financiamento, para o caso dos impostos
que se integran na cesta de tributos,
non utiliza o criterio de distribución
territorial que mantén o
Informe de Recadación Tributaria da
AEAT, consciente da súa irrealidade e
por obedecer a outras finalidades estatísticas
que resultan desapropiadas
para consideraren adecuadamente os
impostos realmente soportados polos
habitantes dos diferentes territorios
do Estado español. Deste Informe de
Liquidación podemos obter a recadación
xeográfica real da maioría dos
impostos que compoñen a cesta tributaria,
agás nos casos do IVE e dos
Impostos Especiais, para os que, dadas
as súas características ben coñecidas,
utiliza para a súa distribución
territorial uns índices de consumo específicos,
conscientes os seus autores
de que por medio deste procedemento
específico se achega moito máis á
carga tributaria real dos mesmos nas
diferentes Nacións e Rexións que
compoñen o Estado español.
No sistema de financiamento en
vigor, negociado a finais do ano 2001
e resultado, basicamente, dun acordo
entre o PP e CiU, os impostos que
compoñen a cesta tributaria, así como
a súa porcentaxe de cesión ou territorialización
e volume, foron no
ano 2007 para a Galiza, os que se
mostran no cadro a continuación:
SISTEMA DE FINANCIAMENTO. Recursos tributarios ano 2007 (millóns de euros) GALIZA
IMPOSTO % Ces/Terr. SdF Rec/Terr Resto Recad/Terr TOTAL Suportado
Cedidos tradicionais (1) 100 1077,1 -- 1077,1
IRPF 33 1195,9 2209,1 3405,0
IVA 35 1219,4 2264,6 3484,0
IIEE de Fabricación (2) 40 471,1 706,7 1177,8
IE Electricidade 100 85,8 -- 85,8
IE Matriculación 100 94,5 -- 94,5
V. retallista Hidrocarburos (Tramo estatal e autonómico) 100 93,9 -- 93,9
SdF : T O T A L 4237,8 5180,3 9418,2