SMALL-123

İdmançı üçün göz sağlamlığı əsasdır
Kim idmanla məşğul olarkən göz sağlamlığının təhlükə
altında ola biləcəyini düşünə bilər ki? Halbuki sağlam
həyat tərzini seçmiş hər bir kəs idmanı həyatından əskik
etmir; idmanı peşə seçmiş insanlar üçün isə idman
həyatlarının tam mərkəzindədir. Lakin idmanın, bədən
və zehin sağlamlığı üçün bu qədər faydalı olmasına
baxmayaraq, həyata açılan pəncərələrimiz olan gözlərimiz
üçün risk amili də ola bilər. Çoxlarına məlum olmayan,
idmançıların sağlamlıq problemlərindən birinin də gözlə
bağlı olduğunu bildirən Dünyagöz Bakı xəstəxanasından
Prof. Həkim Dilavər Erşanlı “Başda boks olmaqla, hər bir
idman növü ilə məşğul olarkən gözlərin zədələnməsi riski
yaranır. Xüsusilə də tor qişası təbəqəsində yarana biləcək
problemlər üçün fərdi və ya komanda oyunçusu, uşaq və
ya yetkin, lisenziyalı və ya lisenziyasız bütün idmançılar
mütləq göz dibi müayinəsindən keçməlidirlər” dedi.
"Ağ Canavar" ləqəbli Azərbaycanlı
peşəkar kikboksçu, 25 qat dünya çempionu,
7 qat Avropa çempionu, 7 qat dünya
kubokunun sahibi, 15 qat Azərbaycan
çempionu, Asiya və Avrasiya çempionu,
peşəkarlar arasında dünya çempionu,
peşəkarlar arasında WAKO versiya üzrə
interkontinental kəmərin sahibi, peşəkarlar
arasında IKBO versiya üzrə dünya kəmərinin
sahibi, əməkdar idman ustası, əməkdar
məşqçi, Azərbaycan Respublikasının
Prezidenti Cənab İlham Əliyev tərəfindən
layiq görülən "Vətən uğrunda" medalının
sahibi, Eduard Məmmədov Dünyagöz Bakı
xəstəxanasında müayinə oldu.
Hər-hansı bir travmaya səbəb olmasa da, idmanın
bütün növlərinin tor qişasına dolayı yolla mexaniki təsiri
olduğunu bildirən Dünyagöz Bakı xəstəxənasının prof.
həkimi Dilavər Erşanlı “İdmanla məşğul olarkən göz
sağlamlığının təhlükə altında ola biləcəyi ağılagələn bir
vəziyyət deyildir. Əsasən də yumruq və ayaq kimi travmaya
səbəb olan hərəkətlər edildiyi üçün idmançıların
gözlərinə xəsarətin yetirilməsi ilə bağlı ilk ağıla gələn idman
növü boksdur. Əslində bu risk hər idman növü üçün
keçərlidir. Bir futbol topuna kəllə vuran, basketbolda səbətin
altında dirsək zərbəsinə tuş gələn, karatedə ayağa
hədəf olan, voleybolda blok üçün tora qalxıb yerə düşən,
tennisdə üzünə top dəyən idmançılar və ya davamlı olaraq
ağırlıq qaldıran ağır atletikaçılar da risk altındadır.