SMALL-123

S P O R T S M A N
ЭЦЛЯШ
Yunan-Roma güləşçilərimizin Avropa zəfəri
İtaliyanın paytaxtı Romada
güləş üzrə Avropa çempionatı
keçirilib.
Sənan və Rafiq Avropa çempionu oldu
Yunan-Roma güləşi üzrə millimiz
baş məşqçi Aleksandr Tarakanov,
böyük məşqçi Rövşən Bayramov və
məşqçi Akif Əliyevin rəhbərliyi altında
tarixi uğura imza atıb. Belə ki, komandamız
tarixində ilk dəfə Avropa
çempionatında rekord sayda - 6 medal
qazanıb. Sənan Süleymanov (77
kq) və Rafiq Hüseynov (82 kq) bütün
rəqiblərinə qalib gələrək fəxri kürsünün
ən yüksək pilləsinə qalxıblar. Eldəniz
Əzizli (55 kq), Murad Bazarov
(60 kq), Ülvü Qənizadə (72 kq) və
İslam Abbasov (87 kq) isə 3-cü yeri
tutublar. Beləliklə, 2 qızıl və 4 bürünc
medal qazanan millimiz 116 xal toplayaraq,
komanda hesabında Rusiyadan
(128) sonra 2-ci olub. Türkiyə isə
90 xalla 3-cü pillədə qərarlaşıb.
“Möhtəşəm qələbə”
Yunan-Roma güləşi üzrə millimizin
2020-ci ilin Avropa çempionatında
tarixi uğura imza atması ölkə rəhbərliyi
tərəfindən yüksək qiymətləndirilib.
Azərbaycan Respublikasının Prezidenti
İlham Əliyev yunan-Roma
güləşi üzrə milli komandamızın 2020-
ci ilin Avropa çempionatında böyük
uğur qazanması münasibətilə özünün
“Twitter” səhifəsində paylaşım edib.
Dövlət başçısının paylaşımında
deyilir: “Avropa çempionatında yunan-Roma
güləşi üzrə tarixdə ilk dəfə
6 medal qazanan milli komandamızın
möhtəşəm qələbəsi münasibətilə idmançılarımızı,
məşqçilərimizi və bütün
Azərbaycan xalqını ürəkdən təbrik
edirəm”.
Ölkənin 1-ci vitse-prezidenti
Mehriban Əliyeva isə "Instagram"
səhifəsindən təbriklərini çatdırıb:
“İdman sahəsində növbəti böyük
uğurumuz! İtaliyanın paytaxtı Romada
keçirilən Avropa çempionatında
yunan-Roma güləşi üzrə Azərbaycan
millisi tarixində ilk dəfə 6 medal qazanaraq
komanda hesabında ikinci
yerdə qərarlaşıb. Bu möhtəşəm qələbə
sevincini Azərbaycan xalqına yaşadan
idmançılarımızı - qızıl medal
sahibləri Sənan Süleymanovu və Rafiq
Hüseynovu, bürünc medal sahibləri
Eldəniz Əzizlini, Murad Bazarovu,
Ülvi Qənizadəni və İslam Abbasovu
və onların məşqçilərini səmimi-qəlbdən
təbrik edir, onlara yeni-yeni nailiyyət
və qələbələr arzulayıram!”
спортсман № 123 / 2020
33