#9

Udmurtdunne

Литературалы

сӥзем газет

№36 (25846)

2020-тӥ ар 17-тӥ куарусён 13

Куарусёнэ вордскизы

7-тӥ куарусёнэ

150 ар талэсь азьло Пенза

улосвылысь Наровчат

черкогуртын вордскиз

Александр Иванович

Куприн (1870-1938) —

ӟуч прозаик, «Олеся»,

«Гранатовый браслет»,

«Яма» но мукет повестьёслэн,

трос веросъёслэн

но очеркъёслэн

авторзы.

________

«Удмуртия» издательство

Лӧпшо Педунь, Алдар Иван но

мукетъёсыз синмаськытӥзы

15-тӥ куарусёнэ

130 ар талэсь азьло Великобританиысь

Торки

карын вордскиз Агата

Кристи (1890-1976) —

прозаик, драматург, 60-

лэсь ятыр детективной

романъёслэн авторзы.

________

23-тӥ куарусёнэ

55 арес тырме Лидия

Степановна Нянькиналы.

Удмурт кылбурчи,

прозаик, Удмуртиысь

культура удысысь дано

ужась, «Ваёбыж кар»,

«Синучкон», «Почта

Пиля» но мукет бичетъёслэн

авторзы вордскиз

Алнаш ёросысь Сюрло

(Серп) гуртын.

Музей

Воткаысь Пётр Чайковскийлэн

музейусадьбаез

азьын крезьгуро

ӟусъёс пуктӥзы.

Гань-гань пукыса, Пётр

Чайковскийлэсь произведениоссэ

но со сярысь

аудиоспектакль кылзыны

луэ. Аудиоспектакле

пыртэмын композиторлэн

эшъёсызлэн со

сярысь тодэ ваёнъёссы

но Пётр Ильичлэн гожтэтъёсыз.

Премия

Туэ декабрьлэн пумаз

Ижысь Туала драматургияя

но режиссурая

центрын ортчоз Туала

литературалы сӥзем

тол фестиваль. Сое

радъяны грант утӥзы,

iВолга форуме пыриськыса,

«Туала поэзилэн

штабез» огазеяськонысь

егитъёс. Фестиваль

улсын ортчоз

бадӟым ярмарка, отын

Россиысь ог 30 издатетельствоослэсь

книгаоссэс

басьтыны луоз.

Со сяна, Удмуртиысь но

палэнысь вуэм тодмо

гожъяськисьёс егит

авторъёс понна мастерклассъёс

ортчытозы.

«Удмуртия» издательстволэсь ужзэ вылӥ дунъязы Москваын.

Москваын 33-тӥ ползэ

ортчиз калыккуспо

книжной ярмарка. Со

улсын ортчем пӧртэм

конкурсъёсын «Удмуртия»

издательстволэн

книгаосыз пусъемын

уно дипломъёсын.

Печатья но иворъёсъя

федерал агентство арлы

быдэ радъялля «Малая Родина»

конкурсэз. Со сӥземын

шаертодонэн герӟаськем

литературалы. Туэ отчы

ужъёссэс келязы пӧртэм

улосъёсысь 52 книгапоттонниос

— люкаськизы 100-лэсь

ятыр книгаос. Пӧлазы вал

«Удмуртия» издательстволэн

ужъёсыз но. «Мифы,

легенды и сказки удмуртского

народа» книгаеныз издательство

нырысетӥ интые

потӥз. Со сяна, та книга устоен

лыдъямын «Увлекательное

краеведение» номинациын.

«Секреты удмуртских

мастеров» книга устоен

лыдъямын вожвылъяськонлэн

выль номинацияз — «Дело

мастера боится». Та книгаос

поттэмын, Удмуртилэн кунлык

басьтэмезлы 100 ар тырмонлы

сӥзьыса.

— Та бадӟым конкурсын

нырысьсэ вормисе потӥм.

Жюри вылӥ дунъяз «Секреты

удмуртских мастеров» книгамы

бордын ужасьёсты. Нимаз

дипломъёсын пусъемын

сое дасясь Георгий Грязев но

дизайнер Валентин Семёнов,

— шуэ «Удмуртия» издательстволэн

кивалтӥсез Юрий Кузнецов.

Калыккуспо ярмарка улсын

йылпумъянъёс лэсьтэмын

мукетызлы но вожвылъяськонлы.

Тазэ радъяз

Россиысь книгоиздательёслэн

огазеяськонзы бордын

ужась Издательёслэн лигазы.

«Лӧпшо Педунь, Алдар

Иван но мукетъёсыз» книга,

«Туала удмурт поэзия», «Туала

удмурт проза» антологиос

вормисе потӥзы «Улосысь

устоез издание» номинациын.

— Зэм, Книгоиздательёслэн

огазеяськонзы арлы быдэ

бырйылэ Россиысь усто изданиосты.

Но вожвылъяськон

бадӟым, улосъёсысь книгапоттонниослы

вормон понна

нюръяськыны секыт. Соин ик

туж шумпотӥськом, та огазеяськонлэн

бурд улаз Издательёслэн

лигазы кылдытэмын

вал шуыса — ӵапак со саклык

висъя улосъёсын пӧртэм

кылъёсын потӥсь изданиослы.

Уката шумпотӥськом,

та вожвылъяськонын азьпал

радэ потӥмы шуыса, — шуэ

Ю. Кузнецов.

Туэ ар пумозь «Удмуртия»

издательство лыдӟисьёссэ

шумпоттоз уно выль книгаосын.

Удмуртилэн кунлык

басьтэмезлы 100 ар тырмонэз

пусъён улсын ӝоген потозы

«Письмо удмуртскому народу»

(удмурт югдытӥсьёслэн

гожъямъёссы), «Традиционная

удмуртская свадьба»,

«Атлас Удмуртской Республики»

книгаос, «Антологии

современной литературы»

книгалэн 3-тӥ томез. Но тужгес

бадӟымез луоз «Туала

нылпи литература» антология.

Со луоз 400 бамъем но

яркыт суредъёсын.

«Удмуртия» книгапоттонниын

тыршисьёс матысь

дыре нош ик сюрес вылэ дасясько.

Пыриськозы «Читающий

мир» калыккуспо конкурсэ.

Туэ со ортчоз Рязань

городын.

— Отын усто книгаосты

быръёзы 10 номинациосъя,

9-сэзъя книгаосмес келямӵектӥм

ни. Со сяна, та ужрадын

ми тӧршор куноос луомы

— книгапоттоннимылы но

Удмурт шаерлы сӥзем нимаз

ужрад ортчоз. Угось улосъёсысь

издательствоос пӧлын

ми гинэ 100 арлэсь ортчемын,

— шуэ Ю. Кузнецов.

________

Елена НИКИТИНА

«Удмуртия» издательстволэн «ВКонтакте» бамысьтыз


№36 (25846)

14 2020-тӥ ар 17-тӥ куарусён

«Лыдӟиськы, Ижкар!»

Карандаш, Самоделкин но Постников

«В зоопарке слёзы льёт

африканский…» —

лыдӟе кылбуръёссэ Москваысь

вуэм писатель

Валентин Постников

«Лыдӟиськы, Ижкар!»

фестивальын. «Бегемоо-от!»

— ӵошен кеськыса,

вазё солы пиналъёс.

Пичи дыръям туж яратӥсько

вал энциклопеди -

осты но приключениос сярысь

книгаосты лыдӟыны.

Соин мыным туж кельшо вал

Карандаш но Самоделкин

сярысь книгаос: та геройёс

олокыӵе но тунсыко интыосы,

учыръёсы шедьыло.

Соосын ӵош отчы но татчы

вуылыса, дунне сярысь трос

выльзэ тодылӥ. Та книгаосты

гожтӥсь Валентин Постников

Иже вуоз шуыса тодӥ но туж

шумпотӥ.

Пичи дыръяз Валентин

Постников вераськылэм Корней

Чуковскиен, Николай Носовен,

Виктор Драгунскиен,

Самуил Маршакен, Эдуард

Успенскиен но мукет тодмо

нылпи писательёсын. Доразы

куное вуылэм Италиысь

писатель Джанни Родари но.

Эшшо пичи Валентин Швециысь

Астрид Линдгрен гожъяськисьлэн

алвылаз огпол

пукем, ачиз та сярысь уг ни ке

но тоды. Вань писательёслэсь

автографсэс басьтӥ, соин но,

дыр, ачим писатель луи, шуэ

В. Постников.

В. Постников писатель «Лыдӟиськы, Ижкар!» фестивальын.

Писательлэн анаез Наталья

Постникова «Малыш»

издательствоын редактор

луы са ужаз, трос писательёсын

кусып возиз. Нош атаез

Юрий Дружков (Постников)

— тодмо нылпи писатель,

«Весёлые картинки» журналлэн

огез кылдытӥсез. Та

журналлэн бамъёсаз улӥзы

пӧртэм выжыкылъёсысь геройёс

— «весёлые человечки».

Соослэн «клубазы» выль

геройёс кылдӥзы: Карандаш

художник (ныр интые солэн

ымныраз карандаш будэ) но

котьмае лэсьтыны быгатӥсь

Самоделкин робот. Та геройёсты

малпаз Ю. Дружков.

Журнал бамъёсын Карандашлы

но Самоделкинлы ӟоскыт

луиз но, соос книга бамъёсы

выжизы — писатель соос

сярысь 2 роман гожтӥз. Та

книгаос трос миллион тиражен

печатласькылӥзы, мукет

кылъёсын но поталлязы.

56 аресказ Ю. Дружков улонысь

кошкиз — соку Валентин

пиезлы 13 арес вал. Быдэ

Туспуктӥз Анастасия ШУМИЛОВА

вуыса Валентин Постников

выльысен улӟытӥз та визьмо,

кибашлы но шӧртчи геройёсты.

В. Постников ог 35 произведение

гожтӥз ини. Тросаз

вераськон мынэ Карандаш но

Самоделкин сярысь. Геройёсын

ӵош нылпиос вуыло

паймымон шормуӵъёсы, тодматско

динозавръёсын, утчало

ватэм зарниез, лобало

Толэзе но Марсэ. Со сяна,

В. Пост ников аслэсьтыз ге ройёссэ

но малпаз, со «Весёлый

двоечник», «Шоколадный дедушка»,

«Мармеладная бабушка»

но мукет книгаослэн

авторзы луэ. 1997-тӥ арын

писатель Россиысь Культурая

министерстволэсь премизэ

но «Россиысь устоез нылпи

писатель» ним басьтӥз.

В. Постников мукет премиосын

но пусъемын, книгаосыз

кунгож сьӧрын но печатласькыло.

Ижысь пиналъёслы удалтӥз

— «Лыдӟиськы, Ижкар!»

фестиваль дыръя Валентин

Постников кӧ ня ке

пол пумиськылӥз лыд ӟисьёсыныз.

Со пиналъёслы но

соослэн анай-атайёссылы серемес

кылбуръёссэ, мадиськонъёссэ

лыдӟиз. Писательлы

юрттӥськизы пиналъёс но.

Быдэ вуэм нылпиос но пичи

дырзэс тодэ вайизы, горизы

пиналъёсын ӵош.

Валентин Постников мадиз

мукет геройёсыз сярысь,

лыдӟиз веросъёссэ но вазиськиз

пиналъёслы: оскелэ

библиотекарьёслы. Писатель

вераз, кызьы пичи дыръяз

синмаськиз Марк Твенлэн

Том Сойер но Гекльберри

Финн геройёсызлы — соос

сярысь книгаосты пияшлы

ӵектэм библиотекарь. Библиотекаын

ужась тӥледлы

мӧзмыт книга ноку уз ӵекты,

шуиз со.

________

Анастасия ШУМИЛОВА

Пумиськон

Матӥ, ма тӥ, me too…

7-тӥ-13-тӥ куарусёнэ

Ижысь «Артрезиденциын»

ортчиз

нылкышно искусстволы

сӥзем арня. 8-тӥ куарусёнэ

татын радъяськиз

удмурт литератураысь

нылкышно образъёслы

сӥзем пумиськон.

Удмурт гожъяськисьёсты,

блогеръёсты, студентъёсты

но Кузебай Герд нимо Национальной

гимназиысь дышетскисьёсты

люказ гожъяськись

но режиссёр Дарали Лели.

Вераськонэз нылъёс мытӥзы

солэн «Зорнамер но Занна»

романэз бордысен — али со

«Кенеш» журналын печатлаське.

— Героиняосы вашкала

вакытэ ке но уло, соослэн

улон-вылонзы туала югдурез

но возьматэ. Занна йӧскадь

луыны тырше, солэн ваньзэ

шонер каремез потэ. Нош

Зорнамер — эрико маке, со

кабъёсты тӥя, соин со шоры

кырыж но учкыло.

Нылъёс вераськизы Дарали

Лелилэн «Шакал» веросэз

сярысь но. Отын кудӟем

нылъёсты сантэмась-мыскыллясь

воргоронлэн нимыныз

вераськон мынэ. Та веросэз

лыдӟыса, сяласькисьёс но, авторлы

тау карисьёс но вал.

— Мон малпасько, та верос

дырыз дыръя гожтэмын,

— шуэ кылбурчи Анастасия

Шумилова. — Берло дыре вотэсын

тросэз кышномуръёс,

нылъёс шара вераны ӧдъязы

соосты сантэман, ултӥян

учыръёс сярысь. Кин ке шуэ:

малы тае бугыръянэз? Но

та сярысь вераськытэк, улонысьтымы

эриктэман учыръёс

уз кошке, адямиос асьсэды

нылъёсты янгыше уськытэмысь

уз дугдэ.

Алигес ӟуч кылын

ни мысьтыз книгаен печатласькиз

Кузебай Гердлэн

«Матӥ» повестез.

Сое берыктӥз тодосчи

но писатель Андрей Гоголев.

Таин валче малпаськон

ӝутскиз: воштӥськиз-а югдур,

100 ар ортчыса? (Повесть

1920-тӥ арын потӥз.)

— Мон пайми вал, удмурт

Матӥ ним англи кылын «me

too» верамлы туж кельше шуыса,

соос рифма но кылдыто.

Ӵапак #metoo (мон но, монэ

но) хештеген кунгож сьӧрын

кышномуртъёс верало улонысьтызы

кӧшкемыт учыръёссы

сярысь, — вера А. Шумилова.

— Нош мон понна Матӥ

«ма тӥ?» юан кадь чузъяське,

— ватса Дарали Лели. —

Йӧскадь улӥсь кышномуртэ

калык юнме шорысь жугыны

ӧдъяз, дэрие лёгаз. Ма тӥ,

малы тӥ озьы кариськоды? —

сыӵе юанъёс йыре лыкто.

Нылъёс вераськизы на

совето вакытысь произведениосысь

героиняос сярысь,

ӵошатӥзы соосты туала

нылкышно образъёсын,

кенешизы, кыӵе образъёс али

уг тырмо. Нылъёс асьсэлэн

творчествозы, ужан амалъёссы

сярысь но вераськизы.

— Мон малпасько, таӵе

пумиськонъёс туж кулэ, — вераз

УдГУ-ысь студентка, егит

гожъяськись Полина Куликова.

— Тунсыко адямиосын

вераськыса, бурдъяськиськод,

гожъяськем потыны кутске.

Та малпан борды

итӥськизы Национальной

гим назиысь дышетскисьёс

но — ваньзы Ижын сӥзьылысен

гинэ уло, Ижкарысь

удмурт ужрадъёсы вуылэмзы

потэ.

— Гожъяськыны мылкыд

куддыр кылдылэ, — шуэ Александра

Лукоянова. — Но кышкан

но вань: удмурт кылын

гожъяськеме умой уг пӧрмы,

оло, кутсконо но ӧвӧл.

Кенешыса- кенешыса

нылъ ёс малпанэ вуизы, гожъяськон

мылкыд портэ ке,

солы сётсконо шуыса. Нош

кышканэз вормыса, умойгес

гожъяськыны тыршоно,

тросгес лыдӟиськыса, быгатонлыкез

волятыса. Куддыр

гожъяськон мылкыд палэнысь

вуэ.

— Мон, Венгриын улыкум,

тодмо писательёсты пумиталляй,

соосын вераськылӥ,

— мадиз блогер но прозаик

Алина Крестьянинова.

— Мылкыды ӝутскиз гожъяськыны,

удмурт литература

понна мар ке выльзэ лэсьтыны.

Озьы «Кебит» лабораториез

радъяны малпан

кылдӥз.

Гожъяськон сяна, нылъёс

пӧраськон сярысь но вераськизы.

Перепеч пыжон

но творчестволы пӧрмыны

быгатэ, ужлы шумпотыса,

малпаськыса, куаныса

пӧраськиськод ке.

________

Виктория КРАМОВА


№36 (25846)

2020-тӥ ар 17-тӥ куарусён 15

Сэрттон-пертчон

«И ӟуч изучаю…»

Воткинскысь ӟуч кылбурчи Александр Корамыслов аспӧртэм кылбуръёс гожъя

Александр Корамыслов

(вордӥськиз 1969-тӥ

арын) Удмуртиысь огез

тодмо ӟуч автор луэ,

кылбуръёсыз Россиысь

зӧк литературной

журналъ ёсын печатласькыло.

Алигес сое

пусйизы Удмуртиысь

«Луч» литературной

журналлэн премиеныз.

Кылбурчи аспӧртэм

жанрын ужа: танкеткаос

гожъя но отчы удмурт

кылъёс пыртылэ.

3+3, 2+4

Танкетка кылбурез 2003-тӥ

арын малпаз Екатеринбургын

вордскем кылбурчи Алексей

Верницкий. Со 6 слоглэсь но

2 чурлэсь пӧрмем кылбур. Со

сяна, кылбурчилы мукет куронъёсты

чаклано: котькуд

чурын 3 слог луыны кулэ, яке

нырысетӥ чурез 2 слоглэсь

пӧрмытоно, нош 2-тӥзэ —

4 слоглэсь. Со сяна, кылбуре

5-лэсь ятыр кыл пыртыны

уг яра, нош пунктуационной

знакъёсыз текстын воксё ӧвӧл.

Танкетка гожъясьёс сокем

трос ӧвӧл, нош Александр

Корамыслов та жанр борды

рос-прос басьтӥськиз. Ӟуч

кылбурчилэн вакчи кылбуръёсаз

удмурт кылъёс ӵемысь

пумиськыло. Пусйыны кулэ,

ачиз автор удмурт кылын уг

вераськы. Кызьы мурт кылысь

асэстэм кылъёс юртто Александр

Корамысловлы произведениоссэ

мургес карыны?

Поэтлэсь кылбуръёссэ валаны

юрттэ паратекст (берыктыса

сётэм кылъёс, валэктонъёс).

Автор кылбуръёсаз

пырем удмурт кылъёсты ӟуч

лыдӟисьлы берыктэ, куддыр

быдэс танкеткалы но подстрочной

перевод сётэ. Озьы

пӧрме билингва — 2 кылын

(оригиналэн но берыктэмен)

печатлам текст.

билинч

для билингвы

«Билинч» кыл «пус» шуэмез

возьматэ. Та чуръёсты тазьы

лыдӟыны луоз: вань огдыре 2

кылын гожтэм текст, тае возьматэ

«билинч» кыл. Билингва

принципен ик герӟаськемын

мукетыз танкетка:

удмуртская танкетка

валамон

ӧй вала

Удмурт кылэз тодӥсьтэм

мурт, та кылбурез лыдӟыку,

«Читай, Ижевск!» фестивальын А. Корамыслов аслэсьтыз

кылбуръёссэ лыдӟиз.

уг вала, мар сярысь вераськон

мынэ. Со кылбурлэсь чузъяськемзэ

гинэ шӧдэ: татын ассонансэз

вань (2 чурын огкадесь

куараос кутӥсько), озьы кылдэ

аспӧртэм крезьгур. Танкетка

возьматэ кадь удмурт кыллэсь

чебер чузъяськемзэ.

Ӟуч кылэ берыктэм чуръёс

(— понял меня? / — не понял)

возьмато, адямиос ог-огзэс ӧз

валалэ шуыса. Малпаськоно

ке, ӟуч муртэз удмурт сямен

«валамон-а?» юасалзы ке,

со ӟуч кылын «не понимаю»

шуысалыз. Нош кылбурысь

вераськись геройёс ог-огзэс

валазы.

танкетки

кылбуръёс

Та танкеткаысь «кылбуръёс»

кылэз ӟуч лыдӟись уз вала.

Со мадиськон кадь чузъяське,

соин сэрен йырын пӧртэм

юанъёс-валэктонъёс кылдо.

Танкетка но — валантэм

жанр, кин ке но сое стихотворение

но ӧй нимасалыз, дыр.

Соин танкеткаез, стихотворение

шуытозь, кылбур ниманы

умойгес, оло.

Визьмын уд вала

Танкеткаосаз Александр

Корамыслов ӟуч но удмурт

кылъёсты сура, ваче вуттэ.

Валтӥсез ӟуч кыл луэ, нош удмуртэз

со борды итӥське.

что жизнь

улон-шудон

Мар со «улон-шудон»? Ӟуч

лыдӟись берыктытэк уз вала.

Улон-вылонмы но сыӵе ик —

валаны сое капчи ӧвӧл. Улонэз

«визьмын уд вала», со сярысь

йӧспӧртэм, валантэм кылъёсын

гинэ вераськыны луэ.

Озьы удмурт кылъёс узырмыто

кылбурлэсь философской

пуштроссэ. Со сяна, удмурт

кылын «улон» но «шудон»

кылъёс рифма кылдыто, огкадь

чузъясько. Улонэз но шудонэз

оградэ пуктыны луэ. Автор

кылъёсын но, кылъёслэн

пуштросъёсынызы но шудэ.

Философиысь валатонъёс

сярысь (улон, лул, оскон)

малпаськытӥсь танкеткаосыз

Александр Корамысловлэн

ӧжыт ӧвӧл.

все мы

палэсмурты

Удмурт фольклорын палэсмурт

— шори луэм адями,

солэн ӝыны йырыз но мугорыз,

одӥг киыз но кукыз,

адске кӧтпушкыз. Озьы ми

валаськом, палэсмурт тапал

но тупал дуннеосын улэ

шуыса. Та образэз пыртыса,

автор возьматэ: ваньмы асьмеос

герӟаськемын тапал но

тупал дуннеен, угось адями

вордскем дырысеныз кулонэн

герӟаськемын, со пала

вамыштэ. Мукет ласянь ке учконо,

автор вера, асьме вакытэ

адями лулзэ капчиен ыштэ,

адямиез яратон но гажан уг

тырмы шуыса. Танкеткалэн

мукет пуштросэз но вань на.

Со тодэ вайытэ вашкала грек

философлэсь Платонлэсь

«Пир» произведенизэ — отын

андрогинъёс сярысь (огдыре

воргорон но нылкышно луись

мурт) вераськон мынэ. Та

Туспуктӥз Анастасия ШУМИЛОВА

ласянь ке учконо, 2 чуръем

кылбур вера, адями мукет адямитэк

быдэс луыны уг быгаты,

палэсмуртлы пӧрме шуыса.

душа

мылысь-кыдысь

Та танкеткалы таӵе валэктон

сётэмын: «Мылыськыдысь»

(«От всей души»)

— удмурт кылын культурнопросветительской

программа.

Ӟуч адямилы валантэм

кылъёс пыр нош ик возьматэмын,

адямилэсь лулзэ валаны

капчи ӧвӧл шуыса. Со сяна, та

кылбур лулэз ыштон сярысь.

Ӟуч кылын «душа» существительной

но «душить» глаголлэсь

пӧрмем «душа» деепричастие

омоформаос луо. Ӟуч

кылэ берыктымтэ танкетка

возьматэ, адямиос ог-огзэс

валаны уг быгато шуыса. Нош

берыктоно ке — та произведение

ик маде адямиослэн

чурыт луэмзы сярысь. Оглом

таӵе малпан кылдыны быгатэ:

выросъёсызъя, вылтусызъя

мылысь-кыдысь, сюлмо

адскись адямилэн лулыз

чурыт но жалясьтэм луыны

быгатэ.

Рудмуртары

Пичи танкетка пушкын

одӥг кыл узыргес луэ, малы

ке шуоно кӧня ке кылъёсысь

валатонъёсты пыӵатэ. Александр

Корамысловлэн кылбуръёсыз

возьмато, куд-ог

удмурт кылъёсты ӟучъёс ас

сяменызы валало шуыса.

и ӟуч

изучаю

Та танкеткаысь ӟуч но

удмурт чуръёс огвыллем

чузъясько, кылъёсын шудон

пӧрмыто. Текст ӟуч кылэз

дышетӥсь адями сярысь маде

кадь, но зэмзэ ке, югдур ӵапак

мукет. Ӟуч автор ачиз дышетэ

удмурт кылэз, сое уже кутыса,

кылбурын возьматэ кыллэсь

чеберзэ.

«Оскон / посконная», «кивал

/ на кивалтэт», «бандиты

/ и ворьё-с» танкеткаос

возьмато, кызьы мурт кылэз,

культураез адями валаны

тырше, анай кылысьтыз кельшись

кылъёс, ассоциациос

утчаса. «Посконная» ӟуч кыл

удмурт «оскон» кыл бордысь

пӧрмемын шуыса малпалод.

«Посконная» «огшоры», «зэмос»

шуэмез возьматэ. Вераськонысь

кошкем ӟуч кыллы

валэктон утчаса, мукет

калыкъёс вӧзын улӥсь адями

мурт кылысь валэктон утчаны

ӧдъя кадь, «посконина»

(куэм дэра) историзмен уг ни

герӟа.

Мукет учыре удмурт кыллэн

кылдэмез ӟуч кылын

герӟамын. «Кивалтэтэз» озьы

нимало, малы ке шуоно адямиос

со шоры йырзэс шоналляло.

Удмурт кылын «Иворъёс»

программалэн нимыз ӟуч

«вор» кылэн герӟамын, малы

ке шуоно телевизор пыр ӵем

верало лушкаськонъёс, йыружъёс

сярысь.

Александр Корамысловлэн

кылбуръёсаз ӟуч адями, мукет

выжыысь потэм муртъёс

вӧзын улыса, 2 кылын малпаськыны

кутске. Кылсярысь,

«шудбурим / до счастья» выллем

веранъёсты улонын но

кылыны луэ. Анай кыл мукет

кылэз валаны юрттэ, но мурт

кыл но анай кыллэсь кыӵе ке

валантэм интыоссэ мур пуштросэн

тырмытэ.

Асьме элькунын кӧня

ке калыкъёс уло, озьы кылдэ

аспӧртэм пространство,

кытын кӧня ке кылъёс сураськемын.

Кылбурчилэн

ӟучо-удмурто танкеткаосыз

калыкъёслэсь кусыпсэс возьмато.

Озьы «народ / рудмуртары»

танкетка возьматэ,

калыкъёс эшъяськыса улыны

быгато шуыса. Та ласянь учконо

ке, «валамон / ӧй вала»

танкетка вера, Удмуртиысь

калыкъёс ог-огзэс валаны дышизы

шуыса. Тросэз ӟучъёс

«валамон» кылэз тодо, сое вераськоназы

куто.

________

Ирина КАДОЧНИКОВА,

филология наукаосъя кандидат


№36 (25846)

16 2020-тӥ ар 17-тӥ куарусён

Кылбурет дунне

Ужас ужасьёслы

Воткинскысь ӟуч кылбурчилэн Александр Корамысловлэн танкеткаосыз

* * *

Ижевск

и иже с ним

* * *

удмуртам

жечь буречь

* * *

увы мне

из Увы

* * *

в Уву

вувузелы

* * *

бандиты

и ворьё-с

* * *

вукочи

мелет вздор

* * *

душа

мылысь-кыдысь

* * *

оскон

посконная

* * *

кивал

на кивалтэт

* * *

что жизнь

улон-шудон

Удмуртская

танкетка

валамон

ӧй вала

аффтарам

жечь бы речь

* * *

и ӟуч

изучаю

* * *

народ

рудмуртары

* * *

Дэри ёросысь Ягул черкогурт

вӧзын сылэ таӵе ик нимын

чурыт режимен колония

Ягул

я гуляю

* * *

птица

тылобурдо

* * *

Тыловай, Гондырвай —

удмурт гуртъёс

зверьё

Удмуртии

крыса

Тыловая

медведь

Гондырвая

* * *

вам дан инь

мне данъян

* * *

only you (англи) — только ты

онли ю

только пей

* * *

2008-тӥ арын 15-тӥ

ноябре Ижкарын Артемий

Троицкийлы «Дано удмурт»

ним сётэмын вал

дано

Дано Удмурт

* * *

вор-шут

таков воршуд

* * *

нунал

бӧрсьы нунал

* * *

лица

умой-умой

* * *

либидо

чичпотон

* * *

аптека

эмъюмни

* * *

туж чебер

не тужи

* * *

шудбурим

до счастья

* * *

пырыны

пасаран

* * *

Воткаысь заводын ракетаос

лэсьтыны кутскемысен 50 ар

тырмонлы сӥзиське

между

континентов

* * *

ужас

ужасьёслы

* * *

«Не мы повинны

в том, что половинны,

но жаль...»

А. Вознесенский.

«Прощальная ария Резанова»

шелестят

Тополя

* * *

Воткинск

земля-земля

Резанов

палэсмурт

Китеж

вода-вода

* * *

кизили

инвожо

Нью-Йорк

небо-небо


№36 (25846)

2020-тӥ ар 17-тӥ куарусён 17

Уӵы но чирдоз шур дурам…

Пичи Пурга ёросысь Пуро-Можга гуртысь Маргарита Тулбаевалэн чуръёсыз

Сюлмы тон понна бӧрдэ

Юртэ, огназ сылэ куштэм юртэ...

Сое адӟыса, бӧрдэме потэ.

Гуртэ, мынам пичи дуно гуртэ,

Сюлмы тон понна бӧрдэ.

Эрик Батуевлы

Ӵош будӥмы, эшъяськимы,

Асьме гуртысь Валерике.

Ноку ӧй вал малпанамы:

Сыӵе тодмо луод куке…

Ульчаен-ульчаен бушало коркаос,

Ӧжытгес кылӥсько ни пинал куараос.

Ужасез на татын чиньыен лыдъямон,

Ӝытъёсы сюлэмез позыртэ мӧзмылон.

Данъяськисько, шумпотӥсько

Тонэ матысь тодэмелы,

Анайдэ но гажасько

Сыӵе батыр вордэмезлы.

Жингырто вал куке но гуръёс клубамы,

Асьмелэн вал на ай егит гармонистмы.

Нош со милемлы кемалы кылдымтэ —

Гуртаз улыны малы ке малпамтэ.

Кӧня кылизы быдэстымтэ

Трос малпам выль ужъёсыд.

Малы пинал но мугордэ

Тушмон вормиз, Валерике?

Кӧня гуртамы вордӥсько семьяос,

Но кошко ужаны городэ пиналъёс.

Со понна ик бӧрдэ ук мынам сюлэмы —

Весь буша но буша Атыкай музъеммы.

Тау тыныд, дуно эше,

Мыным сюрес усьтэмедлы.

Уд тырмиськы, Валерике,

Ӧз шӧд сюлэм яратэмдэ.

Тодӥсько, мон уг луы тонэн

Уӵылэсь чирдэмзэ кылыкум,

Пель сьӧрам шуккиське куараед.

Льӧмпу сяська бичакум,

Син азям пуксе чеберед.

Но малы меда со сяська

Емышез быгыльске ке, тӧлӟе?

Уӵы но уг ни кырӟа,

Но сюлэм тон доры куриське.

Янгыш соин мон тон азьын,

Но мар карод на табере?

Адӟиськомы на уйвӧтын,

Матысь эше, Валерике…

Нырысь лымы

Кыӵе шулдыр урамын!

Шунды пиштэ яркыт инмын!

Нырысез лымы усиз,

Нуныкайме шумпоттӥз.

Ой, малы меда, гажанэ,

Кусыпмы кыдёкын асьмелэн?

Шӧдӥськод-а меда тон монэ?

Тодӥсько мон: уг луы тонэн.

Я кылёд тон мынам малпанам,

Нош ик вуоз сяська дыр.

Уӵы но чирдоз шур дурам,

Кытын меда тон, пинал дыр?

Бызьыса потӥз кыре,

Пыремез уг пот доре.

Тапыр-тапыр бызьылэ,

Выль лымылы шумпотэ.

Киосыз но котмиллям,

Бамъёсыз гордэктӥллям.

«Нэнӥ, пот дорам, — шуэ, —

Мунё ныл лэсьтом ӵошен».

Мед гинэ шуныт зороз

Шыргуби но нингуби,

Вӧйгуби но яггуби —

Ваньзэ-ваньзэ бичано,

Анаймес паймытоно.

Туспуктӥз Максим ЕГОРОВ

Бӧтьыртэ понназ пересь

Пуке огназ укно улын,

Огназ сылӥсь кузьпу дорын,

Бӧтьыртэ понназ пересь,

Кинэ ке возьма кадь весь.

Тани мырдэм гужем вуиз,

Кыӵе солы со шумпотӥз.

Соку ваньмыз тодаз лыктӥз,

Кызьы пушнер, пот нянь сииз.

Нош чебер, пичи дырзэ —

Каргам война талаз созэ.

Тодэ вае на атайзэ,

Быдӟым оже кошкемзэ.

Димимылы шумпотон,

Нэнӥлы нош — малпаськон:

Кызьыгес бен лэсьтоно,

Нунокме шумпоттоно?

Лымыез погыльтӥмы,

Мунё ныл пӧрмытӥмы.

Ужмылы синмаськыса,

Шунды учке пальпотыса.

Пукисько мон огнам…

Пукисько мон огнам мӧзмыса,

Улон сюресме малпаса.

Пичи дыр, пинал дыр но ортчиз,

Тани пересьмон но вуиз.

Возиськиз ке куазь мускыт,

Нош вуом ай нюлэскы.

Мед гинэ шуныт зороз,

Нош губи вылез потоз.

Пипугуби, лӥялгуби,

Сӥзьылзэ пужмергуби

Толалтэлы дасялом,

Бӧлякъёсмес утялтом.

Тыныд гинэ

Тыныд гинэ, тыныд гинэ

Мон усьто та мӧзмись сюлэмме.

Тыныд гинэ, тыныд гинэ

Верало та дуно кылъёсме.

Басьтӥз сое ӝуась музъем —

Озьы нэнӥ огназ кылем.

Вить нылпиез будэтоно,

Кызьы ке но вордоно.

Пиналъёс но гуртысь кошкизы,

Монэ огнаме кельтӥзы.

Пукисько мон огнам бӧрдыса,

Яратон кузпалме малпаса.

Я, лык дорам, я, лык дорам,

Мон тонэ уй-нунал витисько.

Пуксьы вӧзам, пуксьы вӧзам,

Мон тонэ туж юн ӟыгырто.

Со пинал даур ортчиз,

Пересьмон но матэктӥз.

Бӧтьыртэ ас понназ пересе:

Сием потонэз медам ни адӟе…

Пукисько мон огнам мӧзмыса,

Анайме-атайме малпаса.

Пиналэн ук соос кошкизы,

Монэ мӧзмонэ кельтӥзы.

Тонэн гинэ, тонэн гинэ

Шӧдӥсько мон шудо луэмме.

Тонэн гинэ, тонэн гинэ

Мынам потэ валче улэме.

Пукисько мон огнам бӧрдыса,

Азьланьзэ улонме малпаса.

Пичи дыр, пинал дыр но ортчиз,

Тани пересьмон но вуиз…

Шуд, арганэ, кисьты гурдэ,

Тынэсьтыд куарадэ возьмасько.

Лык, туганэ, одӥг ӝытэ,

Мон тонэ уй-нунал витисько.


№36 (25846)

18 2020-тӥ ар 17-тӥ куарусён

Эссе

Эшъяськон

ЛЮБОВЬ ГАНЬКОВА

Удмуртиысь Писательёслэн

огазеяськонзылэн ёзчиез

Кемаласен ни эшъясько

кужмо, йӧно тыпы но баблес

веськрес кызьпу. Кусыпсы

матын ӧвӧл, куар усён вакытъёсы

шаян тӧл сьӧры горд

но ӵуж куаръёссы вылэ гожтэт

гожтыса келяло. Омырын поръясь

куаръёс тӧл пельтэмъя

пумисько, ваче ӟыгырско,

ӵошен лобало, лычсузьымон

куспазы лушкемен шыпырто,

куддыръя ӵашето, шаугето но

чалмытско.

— Тыпы уроме, ойдо ӵош

пукомы, ваче син учкыса вераськомы,

лулпушкысьтымы

кырсьсэ эркын сузяломы.

Мӧзми, лэся, тынэсьтыд, тыпые,

чутрак адӟеме, куарадэ

кылэме потӥз, — вазиськиз

эшезлы кызьпу одӥгаз акшан

ӝытэ. — Эх, тыпы уром! Мугоры

ӟукыртыны, кырыжаны

ӧдъяз, тӧл музозь мыкыръя.

Уд ке но юаськы, мон верало

тыныд, кытысь но кызьы

вуэмын тапала. Кин ӵыжывыжые,

кытын уло. Кӧня

пол тулысэз-гужемез, толэзсӥзьылэз

пумитай но келяй ас

улонам. Мае ке сурай, янгышай

ке, тон шонертод. Угось

шеректо куаръёсы, ӟугасько

малпанъёсы, вайёсам-мугорам

вунэтон кугӟаське.

Тон, уроме, азьло кадь ик

тузӥ но эрико. Вайёсыд вольытэсь,

тазаесь, куаръёсыд

чиляло, мугорыд юн но югмыт.

Тыкмульы емышед таза

но тыро. Кидысэд котырад

пушъемын, кыдёке тӧл сьӧры

лобӟемез но уно. Син медаз

усьы, уроме, синмаськыса учкисько

шорад.

Уг ватӥськы, вожъяськисько

тыныд, данъяськисько эшлыко

кусыпенымы. Нокыӵе

лек сильтӧл но йӧзор тонэ

погыртыны уз быгатэ, уз но

дӥсьтэ. Кылзы, тыпы уроме,

улэм-вылэмме, кӧтӝожме.

Кин валалоз на монэ? Тон

гинэ мынам осконэ. Кӧня пол

меда мон тынэсьтыд чик возьыттэк

визь-нод но юрттэт

курылӥ? Вождэ эн вайы, лыдзэ

вунэтӥ, пунэме, дыр, кыли.

Тау тыныд вань ӟечез

понна. Тон дышетӥд кайгуэз

вормыны, янгышлэсь палэнскыны.

Тон тодӥськод, уроме,

сямы ӵогыресэн-а, мар-а мынам

улонэ тулыс куазь кадь

шундыё ӧй вал. Шуныт гужем

чиль-дол пиштӥсь сяська

гырлыосыныз ортчыт ӧз

куан дырыты.

Бен, вал одӥг-ог шуныт

нуналъёс, тодам вайылӥсько.

Я, ӵок ойдо, улонэ туж майбыр

ӧй вал, ӧз удалты шуыса,

Инмарлэсь вожзэ медам потты.

Сыӵе кирос нуыны сӥзиз,

вылды, ачиз Инмар. Яке аслам

визьмы-а шукыё?

Вал дыръёс, вадесъёсвакытъёс:

вож куаръёсме

шунды маялляз, шунтылӥз.

Ыркыт тӧл вож куар пушкам

ватӥськылӥз. Тӧдьы

суйпос вылам уӵыпиос

ӵыккетылӥзы. Куажыпилэсь

ӵажгетэм куаразэ но кылдӥз

кылзыны. Туж ик кема ӧз

кыстӥське сыӵе шудо дыръёс.

Мон кадь тӧдьы кызьпуос

дунне вылын туж трос. Шундылэн

шунытэз ваньмызлы

тырмоз шат?

Кин ке толалтэ куазен

кынмыса куалекъяны вордскемын,

дыр. Кин ке — сӥзьыл

пужнӥсь зор улын шульыкмыса

сылыны...

Кин но со покчи гужем

вискын гинэ но аслыз куандырымон

шуд шедьтыны

быгатэ. Шудпурыос гужем

куазьлэсь сяська мӧльзэ сюпсё,

чечызэ нюло, вож ожоын,

небыт турын вылын, дун

омырын погыллясько. Вань

кыр бурдоос соос вадьсын

гурен чирдо. Курдыт ӧвӧл кезьыт

тӧл соослы: шуныт пала

лобӟо. «Куректон» кыл но соослы

валантэм.

Нош мон, тыпы уроме, калыклы

ӟеч карыны вордскемын.

Саюлам егитъёс люкасько,

выжыме, ожоме лёгало.

Сяська гурыме эмъяськыны,

чай парыны бичало, туйме

кесяса, лянэс кутало. Чик жалятэк

арлы быдэ вож вайёсме

вениклы куаӵ-куаӵ корало,

я исьнерлы, я пудо сиёнлы

тӥяло. Сурсвуме ӟизатон понна

еж мугорам корт тул

шуккылӥзы. Таре со бервылын

лёгмош кылдэмын, котырыз

пыктэмын. Гибылёгме

(чага), пужейлёгме (нарост),

пуртэн лусйыса, вӧлыса октыло.

Со яра бервылам кузьылинумыр,

вожтэй тубе но мугор

пушме поръя, сюпсе. Кыжмем

мугоры гижлозе. Сулэ сисьмыса

усьылэ, мугоры гольык

кыле. Лулсэры лябӟе, куаръёсы

шыгырско, куарсало.

Отчы уг ни зумылы ӵук шунды,

чупамез но уг поты ни.

Куасьмем вай ёсы уг ни витё

тулысэз. Шерык-турык кылем

ӵужектэм куаръёсме лек тӧл

капчиен ишкалтэ но шудыса

бергатэмез бере палэнэ сэрпалтэ.

Шобреттэк кылем выжыме

кынтэ кезьыт тол.

Пумитъяськыны уг тырмы

ӟигары. Сӧсыр кыли, тыпы

уром, вань чебере быриз кадь

потэ. Таре ни возьмасько:

сильтӧл-а погыртоз, кислэс

пулы-а вандылозы. Вождэ эн

вайы, тыпы уром, ӝожмыт

гурме нёръясько шуыса. Куддыр

сулеп кадь луисько, висё

мугор яраосы. Вань улон дауре

толыктэм ортчиз кадь

потэ. Сыӵе дыръя асме ачим

адӟонтэм карисько. Выжыысеным

кутскыса, йыртышкозям

вайёсме йырйисько.

Тыпы уроме, марысь-мар

ке, эн вунэты монэ. Ваньмыз

понна тау тыныд, тыпы уром!

Тон котьку вал артэ, валад

монэ. Гумыред кузь тынад,

мыным кылдэм вакчи сюрес.

Ваньзэ верай, тыпы уром,

йыбырттӥсько мон кускозям,

тон вал зэмос матысь эше

мынам...

* * *

Чигиськиз, тӥяськиз мугорыз

кызьпулэн, зор-котэз,

лек тӧлэз, кезьытэз чидатэк.

Уртэз (лул), бус луыса, инбаме

ӝутӥськиз. Пыкмем но

сисьмем мугорыз пень сюйлы

пӧрмытскиз.

— Тыпы уроме, таяз дуннеын

пужнӥсь сӥзьыл зор лякытгес,

тол шунытгес, сильтӧл

сабырлы но шыпыт. Кайгу

но татын тыбыре ныпъямон,

пельпуме ӝутымон. Угось

вань уродэз, секытэз сьӧлыке

кылемын музъем вылэ. Мон

оскисько, тыпы уроме, аръёс

ортчыса, кызьпу мырк котырам,

бусы шорысь нёжалэ,

гурезь бамалэ, ӝужалоз ай

ӵыжак-выль кызьпу арама. Тон

сое одно ик адӟод, мон оскисько,

шӧдӥсько. Вылӥысен мон

котьмае адӟисько, котькинэ

кылӥсько. Татын эркын, номыр

кулэ ӧвӧл, кулэяськон улэ

музъем вылын. Чылкыт чагыр

буёлэн эмъясько сюлэм яраме.

Лулме лӥято нӧкырес, шукыё

тӧдьы бус пилемъёс.

Та паймымон дуннеын огогзэс

нокин нырк уг кары, уг

куйдыры, уг куйла. Вӧсь карон,

кыл нуллон но ӧвӧл. Дэриен

но шумен лулпушкез нокин

уг нашта. Татын ваньмыз

чылкыт. Кыр нюлэс пушкысь

лёгамтэ, йӧтылымтэ сяська

кушын кадь татын чечы зын

лӧсъяське. Сурсвуэ вӧсям ву

кадь чылкыт.

Сяськаос чеберлэсь но

чебер, синэз мальдыто,

шундыя чиляло. Юг нуналэз

пеймыт уен ачиз Инмар

пӧртмаськыса вошъя. Инбамлэн

буёлэз зангари кадь

чагыр, унябей кадь ӵужмыт,

легезьпусяська кадь гордалэс

но луэ. Дун-сьӧлыктэм уртъёс

сузьйылэмын инбукое (вуюись),

сизьым турлы буёлъёс

пӧлы. Уртъёс зарни кобыенызы

сизьым ошмес йыр йылысь

дун ву омыръяло. Инбуко

вылын пукыны — бадӟым

дан. Со зарни кобыысь вӧсь

вуэн мугорме сузяса пылато

мон. Сяська уктоез (мӧль)

йыр вылам пазяса, йырсиме

жильыё-жильыё бинё,

ӟугырто но тон понна, тыпые,

вӧсь кылъёс вераса, кырӟало.

Тӧдьысяська бурдъёсты огинэ

люкаса, кылбуран пӧросме

(быгатонлык, талант) тыныд

кузьмало. Тон эн потты вождэ,

тыпы уроме, одӥг-ог вазь

ӵукна, вай вылад пуксьыса,

гӧгӧрсин (дыдык) куараен гуккетыса

сайкатӥ ке...

* * *

Эшъяськон. Кӧня пӧртэм

пумо луэ эшъяськон? Эшъяськыны

луэ, одӥг гуртын будыку,

школаын, институтын

дышетскыку, уж дурын, сюрес

вылын, пытсэт сьӧрын, армиын,

ожын... Али Интернетысь

но эш шедьтыны луэ.

Эшъяськонлэн даурез кузь

но, вакчи но. Мар карод: дыр

жалясьтэм, ваньзэ воштэ,

мылкыд но лапка, яратон но

шупа.

Аръёс ортчемъя, арлыд

будэмъя егит вакытэ эшъяськем

эшъёслэн малпанъёссы,

улон шоры учконъёссы, кудог

сям-йылолъёссы чылкак

воштӥсько, тынадэныз уг ни

тупало. Эшъёс куспын валан

быре ке, эшъяськон гозы сэраське

яке воксё чигиське.

Кусыпъёс йӧӟекто, шуныт кыл

шедьтыны уг луы ни.

Туспуктӥз Максим ЕГОРОВ

Эш шуон витьымтэ шорысь

огшоры верам кыл борды

гудӟиськыны кутске, мар

ке вогзэ, лексэ утча. Сыӵе

дыръя ымез мултэс усьям

уг поты ни, пумиськыку палэнэ

кожем потэ. Зэмзэ ке

верано, эшъяськонлэсь кулэлыксэ

котькин ас сяменыз

вала. Ӵем дыръя эшъясько

огкадь сямо, маин ке огеныз

тунсыкъяськись адямиос.

Эшъясько чорыгасьёс, крезьгурчиос,

кылбурчиос, огкадь

ваньбуро, тыро-буро улӥсь

семьяос. Начар улӥсьёсты

узыръёс пӧлазы уг пырто:

нырккес, улӥгес каро. Мар ке

курыса, ёртозы кожало-а яке

ог ӝӧк сьӧрын пукыны юрдо?

Валамон ини, юись, кадыртэм

адями данлыко, йӧно муртъёслы

ноку эш уз луы. Ӟучъёс


№36 (25846)

2020-тӥ ар 17-тӥ куарусён 19

шуэмъя: «Гусь свинье не товарищ».

Эшъясько огкадь кайгукуректон

пыр потэм адямиос,

калык пӧлын данзы шоры

учкытэк. Эшъяськон мылкыд

ваньмызлы Инмарен сётэмын

ӧвӧл. Та сям лул-сюлэм

пушкы пыдло каръяське но

мӧйымытозь улэ. Эшъяськонэз

ярато капчи мылкыдо,

шырыт, лякыт, шулдыр адямиос.

Эшлыко гердэз вожъяськон

сыномытэ, сисьтэ. Шерысь

дыръя огкадь ӧнерен

ужасьёс эшъясько ог-огзылэсь

мар ке умойлы, вылезлы тодонлык

басьтон понна. Вордскем

интызылэсь палэнын

улӥсьёсты эшъяськытэ но

герӟа вордӥськем музъемзылэсь,

кылзылэсь мӧзмон.

Но куддыръя эшъяськон

луэ палдурес. Амало но куймыр

сямо адямиос эшсылэсь

пайда поттон утчало, юрттэмзэ

возьмало, вань умойзэ,

ӟечсэ кайпалтыны тыршо.

Пунэмзэ сётыны тодазы ик

ӧвӧл. Сыӵе эш аслыз кулэ мугзэ

пыриськыса-нюлӥськыса,

сик таса-поръяса тодыны,

кыс кыны быгатэ. Бератаз,

эшезлэн йыр вылтӥз лёгиськыса,

вылӥе тубе. Ӵем дыръя

эшъяськон кусыпез уретэ

вормытъяськон, вылтӥяськон

сям, ужын вылӥегес шедён.

Паймонэз ӧвӧл: эшъёс пӧлын

эшъёс вань, сюлэм чигисез но

вань, Иуда Искариот выллем

лулзэ дьяволлы вузасез но

вань.

Эшъяськон кылдэ малпамтэ

шорысь, котькыӵе арлыдын.

Но мӧйымыса выль

эшъёс шедьтыны шуггес луэ.

Зэмос эшъёс ӧжыт луо. Соос

ог-огзылэсь визь-нод, кужым,

азинлык, быгатонлык басьто.

Сыӵе эшъёслэн улон, политика

ласянь малпанъёссы тупало,

тодон-валанзы, вераськон манерзы

огпорма. Соос кыктоос

кадь, — ог-огзылэсь номырзэс

уз ватэ. Куспазы споръяськозы,

эчешозы, куатаськозы, но

выльысь огкыл шедьтозы.

Эш — со сыӵе мурт, кин

тынэсьтыд сьӧлыкъёстэ, янгышъёстэ,

лушкем шекъёстэ

одӥгтэм нымыляк тодэ. Тодэ

ке но, тонэ ноку уз вуза, уз

тэгыздыры, калык вылтӥ кыл

нуллыса, данатыса уз ветлы.

Со тыныд мудрон, кулэ визьнод

сётоз, шугъяськыкуд —

юрттоз, палад пыроз, янгышакуд

— дурбасьтоз, усьыкуд

— кизэ сётоз. Эшъяськонын

тужгес дуноез — ог-огедлы

лул-сюлэмдэ пӧяськытэк усьтон,

оскон. Эшъяськон — синучкон

выллем: астэ но эштэ

адӟиськод. Зэмос эш тынад

вормонъёсыдлы, сӥлы каремзылы

ноку уз вожъяськы

— тонэн ӵош шумпотоз, данъяськоз.

Эшлыкез тросэз утчало,

но ваньмыз уг шедьто. Кудогезлэн

эшез ноку уз луы. Со

шып, ас кайтаяз оген улонэз

яратэ. Кинлэн ке эшез — Инмар,

кинлэн ке — Интернет.

Кужмо, узыр, быгачи, ӟудонэз

валасьтэм адямиослы эшласькон

кулэ но ӧвӧл. Соос

нокинлы уг оско. Соослэн

тодмооссы туж трос, но зэмос

эшсы ӧвӧл.

Эшъяськыны эшъяськы,

но ваньмызлы эн оскы — шуо

удмуртъёс. Мурт сюлэмез тодыны

уг луы, отын пеймыт.

Эшъёслэн но тамак калтазы

но уксё пуйызы нимаз. Огезлэн

кисыез мур, мукетызлэн

— лазег. Огез — чурыт куртчем:

дас копейказэ жалялоз.

Мукетыз — шырыт: ӝыны

копейказэ шори люкоз. Ӟеч

сямо, лякыт сюлэмо эш — со

визь пуйы но шуд.

Эссе

Тэрег шур но мувырбадьпу

Синмаськиз шаян Тэрег

шур вӧзаз сылӥсь вож-вож,

ненег, пуштрес куаро мувырбадьпулы.

Писпулэн выжыез

сю куасьмемзэ юзматылӥз

шурлэн вуэныз. Возьыттэм

шур шыр гольык кылиськиз.

Музъемез ӵабъяса,

нюж кыстӥськиз бадьпулэн

выжыез доры. Куаразэ

ӟымыль-ӟамыль векчиятыса,

нюртыса, котькуд нунал

шыпыр-шып шыпыртылӥз

бадьпулы:

— Мусое тон мынам, чебере,

кыӵе небытэсь, ненегесь

тынад вож куаръёсыд.

Мыкырскы матам, някырскы

ву вогыриям, сузьтӥськы

ву вылам. Мон йӧтско тон

борды, вешало, чупало мугордэ,

вайёстэ. Бызись вуам

гылляло тынэсьтыд тузонэн

кыжмем куаръёстэ. Ву вогыриям

веттало тонэ, вукарнан

кырӟалоз крезьгур. Огшап

гинэ ӵошен уяломы, зумылод

дыртыса кошкись вуам.

Тон борды матэктон, ваче

вуон понна, мусое, мон котькуд

нунал выжы бордысьтыд

музъемдэ тазатӥсько: поръясько,

ярдур ожоез миськисько,

гылтӥсько.

Эн кышка мынэсьтым,

дуное, вож пильысэн чилясь

мугордэ ӟыгыртэме

потэ. Шӧдӥськод-а тон векчи

куо выжыостэ нюлэмме,

пыдчиньыостэ бичатэмме,

кырмамме? Кыӵе небытэсь

тынад пуштрес пучыосыд!

Кыӵе потэ мынам шунды

пӧсен ӵыжектэм куаръёстэ ву

салкымам сӥятэме. Учкы ву

гыэ (вогыри, тулкым) шоры,

някырскы! Соку ачид адӟод,

кыӵе тон чебер, егит но веськрес,

— Тэрег шур таман мерскиз

мувырбадьпу борды.

Визьзэ ыштӥз мувырбадьпу,

мылкыдэз лӧпкытӥсь

лӧбырес кылъёсты кылыса.

Лаптӥськиз ву дуре шурлэсь

пӧечи кылъёссэ умойгес кылон

понна. Ярдур писпуэз

вайёстӥз кырмиз, ас палаз

кыскиз, выжыоссэ сюеныз

зӥбиз. Бадьпуэз вуэ усёнлэсь

утьыны турттӥз. Но бадь

улысь сюй шуре чумбыляк

куашказ. Ашкынэм шур ву

небӟем музъем пушкы эшшо

мургес пыриз. Миськиз, гылляз

пож вуэныз музъем борды

кырмиськем, али гинэ

юнманы кутскем писпулэсь

норед вирсэръёссэ. Ӧз вала

мувырбадьпу быронлэсь вуэмзэ,

оскиз шурлы. Аслэсьтыз

чеберзэ адӟон, ву шӧмез

веръян понна някырскиз шур

вадьсы. Ярдур ӧз ни вормы

сое. Лыньыр-ланьыр сылӥсь

бадьпу ву вылэ пужак! ёмыраз.

Шукыръяськись, кужмо

тулкым ӟыгыртӥз бадьпуэз ас

бордаз. Позыръяз, бергатӥз,

месылӥз, зумытъяз ву ӧраз.

Вайёссэ жалятэк сузмытъяз,

погылляз, ву коже сэрпалляз.

Пумитъяськиз бадьпу, вуэн

пазяськиз, вайёсыныз шоназ,

шур кошконлы пумит воньдылыса

уяз, но вубуртчин

выжыоссэ сьӧлтаз. Шаян шур

куаныса мыскылляз:

— Эх, шузи бадьпу! Тон

ачид мерскид бордам, ву

бамме чупамед потӥз. Нош

мон уг яратӥськы ву дур кузя

будӥсь чыры-пыры ненег будосъёсыз.

Мынам вуэлы чылкыт,

эркын ярдур кулэ. Толон

тон, бадьпу, чебереныд данъяськыса,

ожо вылын сылӥд.

Туннэ шур пыдэсы кӧльы

вылэ выдод. Дун сётыны ӧд

вала тон мыным. Кӧня тонэ

мон вуэным сектай! Мон

кужмо, шаплы но лек. Нош

тынад выжыед пӧлэстымтэ

сӥньыс нюжа выллем гинэ

вылэм, юнмаса вуымтэед. Чебер

ке но тон, бадьпу, йырад

визьмыд ӧжыт. Выд табере ву

пыдэсы. Лулоси нумыръёслы,

вусизьлы, изьверъёслы коканы-йырйиськыны,

вукыйёслы

чача мунёлы яралод.

Жалялом ке шат, зуметэным

ке но шобыртом шат, капчи

Туспуктӥз Максим ЕГОРОВ

медло вайёсыдлы музъем

пушкын пуньырӟыны. Неужто

чик ӧд вала тон? Шурен

бадьпу уз яратэ огзэс огзы

ноку! Визьмыд ке чик ӧвӧл,

тон юа вал топольлэсь! Сое

пӧяны шуггес, солэн юн вайёсыз

полысало инмын, кужмо

выжыосыз пыдлон музъем

пушкын. Нош тон туж капчиен

чаляк мыкыртӥськид мынам

гыась вуам. Кӧня визьмаз,

нодаз тонэ мувырэбек!

Ведь тон кылэм-адӟем ӧд

кары солэсь куальккетэмзэ!

Кӧня пол вайёсыд вылын

куӵо коӵо кыӵыртӥз, ӧз кылы

шат пельыд?

Шуге-леке вуэм бадьпу

сӧсырмем вайёсыныз шокпотыса

полысаз вубызёнлы

пумит. Ӵоксузьылӥз пож шур

вуэн, уяз, шопылляськиз,

кырмиськыны тыршиз ву

дур куакъёс борды, юрттэт

куриз. Ки сётӥсьёсыз шур ву

ньылӥз, нош уноез палэнскизы,

адӟымтэ улэ аналскизы.

Шур серекъя, куанэ — кызьы

писэй шудэ шырен, кызьы

кион иса вож ыжпиез.

Ву тулкым, тылы бурдэз сямен

ӝутыса, писпуэз ву коже

ыргалтӥз. Бадьпу юрттэт куриз

на Инмарлэсь. Но бер вал

шат? Инмар ӧз кылы шат?

Вуберганын кема бергаз,

поръяз бадьпу. Ву пыдэсы

зумылӥз, лосыртыса ву вылэ

лӧптылӥз. Вож куаръёсыз суиськыса,

ву вылын лэйкаса

кыдёке кошкизы. Сьӧд кож

шудыса жадемез бере катьтэммем

бадьпуэз кулэ ӧз ни

кары, пушкысьтыз сялӟиз но

палэнэ зӥртӥз.

Йырсазьзэ ыштэм бадьпуэз

шур, ас сьӧраз кыскыса,

жуг-жаген тымиськем силё-сюрно

борды шедьытӥз.

Кема лэйказ на бадьпу зылзыл

кошкись ву вылын.

Берпуметӥ кужымзэ поттыса,

пычкиськыса, горд сюен

напырӟем ярдуре ву тулкымен

ӵош жыльк-жальк шуккиськиз.

* * *

Чик кайгырытэк, Тэрег

шур азьлань бызиз. Шукыё

тулкымзэ вылэгес ӝутӥз но

шормуӵ дурын будӥсь егит

лулпуэз синйылтӥз. Ымпушкысьтыз

сюен суро жоб дыльдызэ

сяласа, пазяса, ӟырдыт

дарт кужымен лулпу доры

пальккаськыса бызиз...


№36 (25846)

20 2020-тӥ ар 17-тӥ куарусён

Яратоно книгае

Яратоно книгаосыз сярысь вера удмурт режиссёр,

драматург, актёр, Удмуртиысь Правительстволэн

литературной премиезлэн лауреатэз

Сергей АНТОНОВ.

____________________

Улон — тунсыко книга

Василий Шукшинлэн «Стенька Разин» веросэз, «До третьих

петухов» выжыкылэз (12+).

Николай Островский «Как закалялась сталь» (6+).

Григорий Горинлэн пьесаосыз (16+).

Антон Чеховлэн, Михаил Зощенколэн, Лев Толстойлэн веросъёссы

(6+).

Сергей Есенинлэн кылбуръёсыз (16+).

Леонид Филатовлэн выжыкылъёсыз (6+).

Нырысь ик, мыным туж кельше та произведениослэн кылзы.

Котькуд книгаез лыдӟыса, мон авторъёслэсь гожъяськон

амалъёссэс чакласько, соослэсь гожъяськыны дышетскисько.

Нош дунне шоры учконэз воштӥсь книга мон понна — со ачиз

улон-вылонмы. Котькуд нунал мон понна — выль бам, отысь

аслыд выль пуштрос басьтӥськод.

Книга ӝажы

Лӧпшо Педуньлэн ужез уз быр

«Удмуртия» издательствоын

«Лӧпшо Педунь,

Алдар Иван но мукетъёсыз»

книга потӥз (0+).

Татын люкамын кескич

сямо, провор, пӧртэм учыръёсысь

капчиен потыны

быгатӥсь адямиос сярысь удмурт

калык выжыкылъёс. Та

геройёс пӧлын тужгес но тодмоез

— Лӧпшо Педунь.

Та героез ваньзы тодо, нош

кин со Алдар Иван? Алдар

— шӧртчи, визьмо воргорон.

Таӵе ик нимын герой пумиське

мукет калыкъёслэн выжыкылъёсазы

но. Башкир кылын

но «алдар» «пӧяськись» шуэмез

возьматэ. Нош казахъёслэн

вань Алдар-Косе геройзы.

Солэн но образэз удмурт Алдар

Иванлы тупа.

Трос аръёс ӵоже удмурт

калыклэн зарни шыкысысьтыз

та выжыкылъёсты пырыен-пырыен

люказы тодмо

тодосчиос но гожъяськисьёс

Надежда Кралина, Даниил

Яшин, Аркадий Клабуков но

трос мукетъёсыз. Та бичетэ

пыртэмын «Удмуртия» книгапоттонниын

1940-тӥ арысен

печатлам книгаосысь но

журнал-газетъёсысь выжыкылъёс.

Соосты шедьтыны

юрттӥзы Удмурт Элькунысь

Национальной библиотекаысь

ужасьёс, нош книгаез дасяз

«Удмуртия» издательстволэн

кивалтӥсез Юрий Кузнецов.

Улонмы интыяз уг

сылы. Котькуд вакытэ пумиськыло

сьӧраз ортчем,

кӧттырмостэм, чурыт, сук,

азьтэм, азгынмем адямиос.

Туала улонмы но асьмелы

нуналлы быдэ витьымтэ кузьымъёс

вуттэ. Кӧтӝожезкуректонэз

серемпыр ортчытыны

ӧй ке луысал, секыт

но мӧзмыт ортчысал даурмы.

Тырмымтэосын нюръяськон

ноку уг дугды, таин

сэрен ик калыкын выль выжыкылъёс

ветлыны кутско.

Дыр ортчемъя соосты

кылдытӥсьёс вуно, нош выжыкылъёс

уло. Оло, та книгаысь

но кӧттырмостэм купец,

капчи визьмо эксэй,

вылӥнъяськись узыр барин

али но уло асьмемын артэ.

Соин ик Лӧпшо Педуньлы но

солэн эшъёсызлы уж котьку

но шедёз.

________

Георгий ТУЙМАТОВ

Кылпумысь

Бускель «Убыр»

Мар кароно, тон

14 аресъем пияш,

анай-атаед асьсэды

валантэм

возё, нош тыныд

керӟегъяськись сузэрдэ

чаклано ке?

Тае тододы, Наиль

Измайловлэсь

«Убыр» книгазэ

лыдӟыса (16+).

«Убыр» — быдэ

вуон, кыл кутыны дышон,

семья кусыпъёс

сярысь произведение.

Сое туала ужастик

шуыны луоз: татын

пӧлэстӥськемын бигер

мифология но городын

улон, вотэс бамъёсын

дырзэс ортчытӥсь

егитъёс но кӧшкемыт

ишанъёс.

Книгаысь герой

Наиль вань пинал

пиос кадь улэ: школае

ветлэ, компьютерной

шудонъёсын

шудэ, сузэреныз керетэ.

Но анай-атаез

гуртысь ватӥськемысь

бертэмзы бере ваньмыз

воштӥське. Наиль

анайзэ но атайзэ тодмамысь

дугдэ. Валэктон

утчаса, пияш сюрес

вылэ потэ.

Малпасько, Удмуртиын

улӥсьёслы та

книга туж тунсыко потоз,

малы ке шуоно

действие ортче бускель

элькунын — Татарстанын.

Асьмеос бигеръёс

вӧзын улӥськом, бигер

кылэз ӵем кылӥськом,

соин книгаын суредам

учыръёс зэмос улонысь

кадь пото. Геройёс Казане

но кыӵе ке пичи

гуртысь шайвылэ вуыло,

Огырчи кар, Балтач

каргурт сярысь но вераськон

мынэ. Книгаын

трос бигер кылъёс пыртэмын,

куд-ог кылъёсты

удмурт лыдӟись,

ӟуч кылэ берыктэмъёсты

учкытэк но, валалоз.

Ма, «убыр» кыл но

асьмелы валамон луэ,

отысь тодмаськомы

«убир» кылэз.

Книгаез гожтӥз Казаньысь

журналист

Шамиль Идиатуллин,

Наиль Измайлов кушем

ним кутыса. «Убыр»

книга потӥз 2012-тӥ

арын, сое пусйизы Владислав

Крапивин нимо

литературной премиен.

«Мир фантастики» журнал

«Мистика и хоррор»

номинациын «Убырез»

ар куспын потэм устоез

книга нимаз. Нош

2017-тӥ арын Шамиль

Идиатуллин «Большая

книга» премилэн 3-тӥ

степенё лауреатэз луиз

— жюри пусйиз солэсь

«Город Брежнев» романзэ.

«Убыр» книгалэн

2-тӥ люкетэз вань, но

со сокем тунсыко ӧвӧл.

Нош нырысетӥез книга

кышкатоз но лулсэръёсты

бичатоз. Сое

лыдӟоно сӥзьыл, кырын

вазь ӝомыт луыку,

кезьыт толалтэлэсь вуэмзэ

шӧдыса.

________

Максим ЕГОРОВ

Иворъёс

Спектакль ум учке на

Удмуртиысь театръёс

но кинотеатръёс

матысь дыре

уз усьтӥське.

Россиын туэ сӥзьыл

ортчозы Антон

Чехов но Михаил

Шолохов писательёслы

сӥзем

вожвылъяськонъёс

но ужрадъёс.

Ноябрь толэзе онлайн

амалэн ортчозы

«Узнай Россию. Донское

слово» литературной

фестиваль но культурая,

туризмъя но ивор

вӧлмытонъя «Живое наследие

малой Родины»

конгресс. Конгресс но

фестиваль сӥземын Антон

Чехов вордскем дырысен

160 ар тырмонлы

Али Россиысь кудог

улосъёсын та учреждениос

ужало ини,

Роспотребнадзорлэсь

куронъёссэ чакласа.

Удмуртиысь культурая

министр Владимир

Соловьёв верамъя,

Удмуртиысь Роспотребнадзоре

келямын

вал куриськон, элькунысьтымы

культурая

учреждениослэсь ужзэс

мытыны лэзьыны

курыса. Но федерал

служба залъёсын калыкез

люканы ӧз на

лэзьы. Культурая учреждениос

августысен

усьтӥськемын ни ке но,

бадӟым ужрадъёс ортчытъяны

али кырын

гинэ яра.

Шолохов но Чехов:

14 вожвылъяськон

но Михаил Шолохов

вордскем дырысен 115

ар тырмонлы.

Фестивале но конгрессэ

пыриськыны

быгато Удмуртиын

улӥсьёс. Со понна быгатонлыкез

возьматоно,

вожвылъяськонэ пыриськыса.

Оглом радъяське

14 конкурс. Литература,

крезьгур, театр,

кино, туризм, суредаськон

но мукет удысъёсын

тунсыкъяськисьёс

асьсэлэсь проектъёссэс

ӵектыны быгато, 15-

тӥ октябрёзь куриськон

келяса. Положениен

тодматскыны луэ

Удмуртиысь Правительстволэн

Тӧроезлэн

нырысетӥ воштӥсез

Александр Свинин верамъя,

али тодмо ӧвӧл,

ку кинотеатръёс ужзэс

мытозы, соин Правительство

кинотеатръёслы

юрттэт сётыны дасяське,

чылкак медаз

пытсаське шуыса.

________

Анастасия ШУМИЛОВА

glory-gallery.ru вотэс

бамын. Вожвылъяськисьёслы

пӧртэм

кузьымъёс дасямын,

фондлэн быдӟалаез —

420 сюрс манет.

Юанъёсын вазиськоно,

glory-gallery@

mail.ru электрон почтае

гожтыса. Ужрадъёсты

ортчытэ Россиысь Дано

муртъёслэн ассоциацизы,

Президентлэн грантъёсызъя

фондлэн но

Россиысь Общественной

палаталэн юрттэменызы.

________

Виктория КРАМОВА

«Ингоже» юанъёсын, дэмланъёсын вазиськоно

73-33-42 телефон номеръя.

Веросъёстэс-кылбуръёстэс ыстэлэ, «Ингоже» шуыса,

электрон почтае udmdunne@yandex.ru.

More magazines by this user
Similar magazines