formatin PDF - Banka Credins

4
I. RUBRIKA: Vlera, Besim, Traditë...
KËNAQËSIA NË PUNË DHE
AKSIOMA E SUKSESIT
KËNAQËSIA E STAFIT = KËNAQËSIA E KLIENTIT = SUKSES I KOMPANISË
Imagjinoni të punoni me një grup
ku ndershmëria dhe sinqeriteti
janë parimet bazë të të gjithë
anëtarëve të skuadrës, ku proceset e
vendimmarrjes nuk krijojnë ngërçe
dhe janë të pranuara nga të gjithë.
Imagjino që Ti dhe të gjithë
pjesëtarët e tjerë të jeni të aftë
të përdorni konfliktin në mënyrë
konstruktive, një ambient ideal
ku të gjithë kanë të qarta rolet
dhe përgjegjësitë e tyre, ku çdo
kush mirëpret kritikën dhe ku
inatet personale nuk ekzistojnë.
Efektiviteti i kësaj skuadre do çonte
në maksimizimin e rendimentit në
punë.
Dhe në fund, imagjinoni që nuk
është thjesht një skuadër që punon
në këtë mënyrë, por një Credins
bank e tërë. Sa më shumë rritje do
të njihnim dhe sa më e këndshme
do të ishte dita e punës ...
Nisur nga një shkrim shumë
interesant botuar në një faqe që i
dedikohet tërësisht problemeve të
menaxhimit të aseteve njerëzore,
morëm guximin dhe shkëputëm një
pjesë, duke modifikuar vetëm emrin
e Kompanisë në atë; “ëndërr ideale
ambienti pune”.
Nëse e konsiderojmë veten si
anëtarë me të drejta të plota në
një familje dhe jo thjesht punonjës
të një kompanie, secili prej nesh
do të niste ditën e punës krejt
ndryshe. Si anëtarë të një familje,
do të mundoheshim me vetëdije
të analizonim sa me efektivitet
praktikojmë kritikën si për shembull;
a) të vlerësojmë sa me të drejtë
ngremë zërin, apo akuzojmë dhe
kërkojmë me çdo kusht fajtorin.
b) të shqyrtojmë si të marrim nisma,
të mbledhim informacionin e
duhur më parë, të mbrojmë bindjet
tona me argumente, të marrim
vendime duke diskutuar me të
gjithë pjesëtarët e rritur të familjes
dhe si të përpiqemi me çdo kusht të
kalojmë pengesat.
Të dish të marrësh dhe japësh kritikë,
bën pjesë tek aftësitë komunikuese
të cilat, përforcojnë të mësuarit
dhe ndihmojnë për të promovuar
progres dhe sinergji.
Por sa mund kërkon të punosh
bashkërisht, në mënyrë efektive, në
kohë të mira dhe në kohë të këqija,
me pagë të lartë apo të ulët dhe sa
relative janë këto dy koncepte të
fundit?
A është më e lumtur një familje ku
komandohet dhe kontrollohet apo
ku tek çdo anëtar transmetohet
besimi, dashuria, respekti dhe liria?
Cilat janë format të cilat nxjerrin në
pah vlerat më të mira të njerëzve?
Çfarë më bën mua të punoj më
shumë?
Përgjigjja është e thjeshtë:
Kënaqësia!
Nëse do të vijoja me barazime
“matematikore” do të kishim:
Kënaqësia= Rritje vetëbesimi=Dalja
në pah e vlerave të mia = Motivim
Afatgjatë = Sukses!
Në punën tënde të përditshme i
dashur anëtar i familjes Credins,
bëje komunikimin tënd shembullin
e padiskutueshëm për tu ndjekur,
njësoj si shembulli më i mirë që
kemi në shtëpi.
Në punën tënde i dashur anëtar
i familjes Credins, ndiq vlerat e
bashkëjetesës në familje, gjej forma
të dallosh anëtarë / kolegë / vartës
të stafit të cilët jetojnë me këto vlera.
Nxjerrja në pah e këtyre vlerave
dhe nxjerrja në pah e njerëzve
në veçanti janë një motivim më
i fortë dhe më afatgjatë se sa
paratë. Lidh objektivat që të janë
vënë me vlerat e secilit anëtar të
skuadrës ku punon. Lidhe skemën e
kompensimit me vlerat e vendit ku
punon. Falëndero, nxirr në pah dhe
shpërble moralisht bashkëpunimin
dhe efektivitetin e skuadrës. Kërko
ndihmë, përdore tjetrin dhe lejo
të të përdorin për të realizuar të
tërën. Kontribuo personalisht që
procesi i vlerësimit të punës tënde
të përforcojë vetëbesimin tek çdo
pjesëtar i familjes Credins.
Në kohë të mira e të vështira
një familje që të vazhdojë të
ecë përpara duhet që të gjithë
pjesëtarët të kontribuojnë. Kjo do të
thotë që, nëse ecim së bashku me
frymën e të punuarit dhe jetuarit
në Familje, do të ndihesh Ti mirë
dhe kjo = ndikim që të tjerët të
ndihen mirë = Kënaqësi në punë
= Kënaqësi klientit = Efektivitet =
Arritje rezultatesh = SUKSES për të
Gjithë Familjen CREDINS!
SUKSESE!