Final- Shona Version Edited - Women's Learning Partnership
Final- Shona Version Edited - Women's Learning Partnership
Final- Shona Version Edited - Women's Learning Partnership
Create successful ePaper yourself
Turn your PDF publications into a flip-book with our unique Google optimized e-Paper software.
Zvinotungamirira Mukusarudza Zvido: Bhuku Rekushandisa Kudzidzisa Madzimai<br />
Utungamiri<br />
mutereri akanaka anogona kupepeta musarudzo yemashoko emutauri<br />
kuti anzwe pfungwa dzemutauri pasina tsvete.<br />
Kuteerera uchivawo nezvauri kuita<br />
Kupa mhinduro isina kutaura mashoko: Zvausingatauri munhaurirano<br />
zvine chazvinoreva chingangofanana nezvawataura. Mukuziva<br />
nemukusaziva tinombotaura pasina mashoko pamusoro pezvatinofunga,<br />
nemaonero pamusoro pezviri kutaurwa nevamwe. Pane zvekusataura<br />
zvakawanda zvaunogona kupa kutaridza kuti uri kuterera uye kuti<br />
wanzwa zviri kutaurwa nemutauri. Kurerekera mberi, kuramba maoko<br />
ako asina kupesaniswa asi akavhurwa, kutaridza kuchenjera<br />
kusanganisana maziso nekugutsurira kana uchibvumirana nazvo<br />
ndedzimwe nzira shoma dzekukurudzira munhu ari kutaura newe.<br />
Ipawo mhinduro yemashoko: Kuterera hachingosiri chiito chepfungwa<br />
nechemuviri; panewo chiratidzo chemashoko chaunogona kupa kutaridza<br />
kuti uri kuterera kwaari nekuteverera zviri kutaurwa nemutauri. Pakati<br />
pazvo pane:<br />
• Zvaunotaridza nezvikuwo: Zviratidzo zvakakosha zvemashoko<br />
zvinosanganisa zvaunoratidza kana zvikuwo zvekudavira.<br />
Semuenzaniso, kuti “hongu” “ndizvozvo” “hmmm” kana kuti “uhahuha”,<br />
apo mutauri anombomira kana apedza zvaari kutaura.<br />
• Kupfupikisa: Chimwe chidobi kupfupikisa (kupfupikisa nemashoko<br />
akowo) uchidzorera kumutauri zvaataura. Kupfupikisa<br />
kunokumanikidzira kuti unyatsotereresa kune zviri kutaurwa<br />
nemutauri uye zvinopa mukana kumutauri kuti usimbise kuti<br />
wanzwisisa zvaanoreva. Semuenzaniso, kupfupikisa zvataurwa<br />
nemutauri zvinogona kuita sekuti, “Saka uri kuti wakambosangana<br />
nezvinhu zvakawanda zvisingakomboreri uchishanda nesangano<br />
riya, zvekuti, kunyange mukuru waro mutsva unonzwa kuti hazvina<br />
kukodzera kuti uzviise pakaoma kuti ushande navo zvakare?<br />
• Mibvunzo yekuteverera zvataurwa: Kazhinji, mibvunzo<br />
yekutererera inogona kuva nzira yekuratidza mutauri gwara. Dzimwe<br />
nguva mutauri anogona kungova neruzivo nje rwezvaanoda kutaura,<br />
uye mibvunzo yekuteverera inogona kumubatsira kuumba mhedziso<br />
dzinoreva chinhu. Mibvunzo yekuteverera yakabudirira ndeiyo<br />
inogonesa pachokwadi kunzwisisa kwako zviri kutaurwa nemutauri<br />
kana maonero ake. Nekuterera chaizvo kumutauri unogona kuona<br />
zvaasiya mukutaura kwake izvo unogona kubvunza. Mibvunzo<br />
inotaridzika seyegakava chete kana kuti isingaenderani nedingindira<br />
riripo ingogona kuva nezunziro yakashata yekuvharidzira kugona<br />
kutaura zvine simba kwemutauri uye zvinotogona kutomunyaradza.<br />
152