Ukuhlengwa - Bible Consultants

Nakanani Khona Lokhu . . . .
Ukuhlengwa
. . . . Zwanini ilizwi leNkosi

Ngizabahlawulela ekufeni
Ngoba bonke bonile njalo basilele
enkazimulweni kaNkulunkulu. AbaseRoma
3.23.
Umphefumulo owonayo uzakufa. UHezekeli
18.20.
Ubusisiwe uNkulunkulu loYise weNkosi yethu
uJesu Kristu, osibusisileyo ngaso sonke
isibusiso somoya ezintweni zezulwini kuKristu;
njengoba wasikhetha kuye ngaphambi
kokusekelwa komhlaba, ukuthi sibe ngcwele,
njalo singasoleki phambi kwakhe ethandweni,
esesimisele ngaphambili ekumeni
kwabantwana kuye ngoJesu Kristu,
njengokufisa okuhle kwentando yakhe, kube
ludumo lobukhosi bomusa wakhe, asiphe
ngawo umusa koThandiweyo; esilohlengo
kuye ngegazi lakhe, uthethelelo
lweziphambeko, njengokwenotho yomusa
wakhe. AbaseEfesu 1.3-7.

Kodwa ngelakhe igazi wangena kanye kuphela
endaweni engcwele, esezuze ukuhlengwa
okulaphakade. AmaHeberu 9.12.
Kodwa kwathi ukuphelela kwesikhathi
sekufikile, uNkulunkulu wathuma iNdodana
yakhe, yazalwa ngowesifazana, yazalelwa
ngaphansi komthetho, ukuze ihlenge
abangaphansi komlayo, ukuze samukele
ukuma kwabantwana. AbaseGalathiya.
Njengoba lingamadodana, uNkulunkulu
wathuma uMoya weNdodana yakhe
enhliziyweni zenu, ememeza esithi: Aba,
Baba! Ngakho kawuseyiso isigqili, kodwa
indodana; njalo uba uyindodana, futhi
uyindlalifa kaNkulunkulu ngoKristu.
AbaseGalathiya 4.4-6.
Ungesabi ngoba ngikuhlawulele

. . . . Khuthala ezintweni lezi
Busisa iNKOSI, mphefumulo wami,
ungakhohlwa zonke izinzuzo zayo, ethethelela
zonke izono zakho, eyelapha zonke izifo
zakho, ehlenga impilo yakho ekubhujisweni,
ekwethwesa umqhele womusa lezihawu.
Izihlabelelo 103.2-4.
UKristu wasihlenga
Free Presbyterian Church of Scotland, Zimbabwe Presbytery
9 Robertson Street, Parkview, Bulawayo, Zimbabwe
Tel. 09 62636 / 61902. Email fpchurch@mweb.co.zw. Fax 09 61902
Zwanini, lomphefumulo wenu uzaphila . . . .