IsiXhosa - Treatment Action Campaign

IMFUNO YAMACHIZA
AMATSHA
18
Ingxaki ngonyango lomgca
wesibini nomgca wesithathu
Njengoko abantu abaninzi bechitha ixesha elininzi kunyango
lwe-antiretroviral, sinokulindela ukuba unyango lomgca
wesibini nomgca wesithathu luyakunyuka kwiminyaka ezayo.
Kuba unyango lomgca wesibini nomgca wesithathu lubiza
kakhulu kunonyango lomgca wokuqala, oku kungenzeka
ukuba kukhokelele kwiingxaki ezinzima zenkxaso.
Kubalulekile ke ngoko ukuba sikhankase kwangaphambili
siqinisekise ukuba unyango olunobulunga lomgca wesibini,
nomgca wesithathu nolulandelayo luyafikeleleka kwaye
luyafumaneka kwinkqubo yempilo karhulumente.
Alpha Mlondobozi
Ifoto ngu-Adam Malapa
Ukuhlala ngoloyiko
U-Adam Malapa uye wadlana indlebe no-Alpha
Mlondobozi oxhathisayo kunyango lwe-antiretroviral
yomgca wokuqala kwaye okwangoku ekwirejimeni
omgca wesibini.
U-Alpha Mlondobozi uneminyaka engama-43
yobudala. Uhlala e-Bridgeway, ngaphandle nje
kwedolophu yase-Tzaneen kwiPhondo laseLimpopo.
Unonyana oneminyaka engama-24 kwaye ube ne-HIV
ukusukela ngo-2000.
Wathi akufumanisa isimo sakhe se-HIV u-Alpha
woya kakhulu. Awayekwazi nje yayikukuba i-HIV
ayinayngeki kwaye wayecinga ukuba umntu
uyafa msinyane nje awukwazi ngesimo sakhe.
Ngecandelo labucala waye waqala ngoko nangoko
unyango lwe-antiretroviral (ART). U-Alpha
zange afumane kucetyiswa ngendela ezisebezna
ngayo ii-antiretrovirals (ARVs), okanye nakuphi
na ukucetyiselwa ukubambelela kumachiza.
Ngamanye amaxesha unyango lwakhe wayeluthatha
emva kwexesha ngeeyure ezimbalwa kuze okuke
kumtatazelise kuba ugqirha wamxelela ukuba
kufuneka awathathe ngexesha amayeza akhe.
U-Alpha swaqala ngerejimeni ye-stavudine (d4t),
lamivudine (3TC) ne-efivarenz (EFV). Wayephathwa
lurhudo olungamandla rhoqo kwaye egabha.
Indlela ekukuphela kwayo yokulawula ezi ziphumo
bezingalindelekanga yaba kukuba angeniswe
esibhedlele iintsuku ezimbalwa. Wayehlala ephethwe
bubucaphucaphu kwaye eziva ebuthathaka.
Emva kokungaboni bungcono kolu nyango waye
watshintsela kwirejimeni yomgca wesibini. Kweli
tyeli u-Alpha waye wabhalisa kwisibonelelo sempilo
sikarhulumente. Waya kwizifundo zonyango
kunye nakwiiseshoni zokubamabelela kunyango
kwiSibhedlele iLetaba apho waye wazuza ulwazi
oluninzi malunga ne-HIV kunye nokuba kubaluleke
kanjani na ukuthatha unyango lwakho. Emva
kweenyanga ezimbalwa ekunyango lomgca wesibini
kwaye kwabakhona utshintsho olungundoqo
empilweni yakhe. Waye waqala ukufumana amandla
akhe kwakhona waze wazimanya namaqela enkxaso
esibhedlele, apho waye wabelana namava akhe
kunye nezinye izigulane ezine-HIV.
Ku-Alpha, unyango lomgca wesibini lelona
themba lakhe lokugqibela kwicandelo lempilo
likarhulumente. Nangona unyango lunceda,
akakwazi ukukuqhela ukukrakra kwamanye
amachiza, umzekelo i-didanosine (ddI), ethathwa
kanye ngemini ungekatyi. Iyipilisi enzima ukuba
uyiginye kuba inkulu kakhulu. Mhlawumbi
ungayinyibilikisa okanye uyihlafune ukuze ukwazi
ukuyiginya. “Andikwazi ukuyichaza ukuba
ingcamleka njani kodwa imbi,” utshilo u-Alpha.
“Omnye umceli mngeni kum yi-lopinavir/ritonavir
(LPV/r). Kufuneka ndithathe ama-100mg amane
[iipilisi] ukwenza ama- 400mg [engumthamo
olungileyo] obunzima bam. Kum [ezo] ziipilisi
ezininzi kakhulu ngexesha elinye,” uphawule.
“Ngaphambili kwakungcono kuba ndandizithatha
njengeekhapsule, kodwa ngoku ndizithatha
njengeepilisi ekufuneka ndizingcamle, eyinto embi
kakhulu ke leyo kum.”
U-Alpha woyika kwakhona into enokwenzeka kwixa
elizayo ukuba ngaba uvela uxhathiso kwirejimeni
ayesebenzisa ngoku. “Andazi ngenene ukuba yintoni
eza kwenzeka. Ndicinga ukuba umntu uyakuvela
alindele ukusweleka.”