shkarko - Syri 3

- Lartëmadhëri, nuk mund të mësoni me të Zgjedhurin krejt derisa nuk
e tejkaloni pavëmendësinë personal.
- Pavëmendsinë?! Tha mbreti, pse a nuk jam i kujdesshëm në
plotësimin e obligimeve fetare? Se a nuk kujdesem me vëmendje të plotë për
popullin tim? Ma gjej dikë në mbretërinë time i cili do të ankohet në
moskujdesin tim ndaj ti.
- Pikërisht këtu qëndron problemi! Tha sufisti, - sepse pavëmendja aq
ka hyrë në disa gjëra sa që njerëzit mendojnë, në të vërtetë, se duhet të jetë
pjesë e qenies së tyre..
- Nuk po e kuptoj këtë vërejtje, tha mbreti, dhe ndoshta do ta
konsideroni se nuk jam i përshtatshëm për Mësim dhe se nuk jam i aftë t’i
interpretoj enigmat e juaja.
- Aspak, tha sufisti, por ai i cili ka qëllimin të bëhet nxënës, me të
vërtetë nuk mund të polimizojë me mësuesin e tij të ardhshëm. Sufistët
garojnë në dijeni e jo në grindje. Por, do t’jua tregoj me shembull qëllimin e
juaj, po qe se jeni të gatshëm në një testim të vogël, por sipas kushteve të
mia.
Mbreti ishte pajtuar për t’u testuar, dhe sufisti e urdhërojë të thotë “të
besoj” krejt çka mund të jetë e shprehur në llogarin e tij për disa minuta
pasues.
- Nëse ky është provim, atëherë ky është filllim i lehtë për t’u bërë
sufist, tha mbreti.
- Mandej sufisti e filloj testimin. Ai tha:
- Unë jam njeri matan qiellit
- Të besoj, tha mbreti.
Sufi vazhdoi:
- Njerëzit e rëndomët përpiqen të fitojnë dije, derisa sufisti ka aq shumë
sa që mundohet të mos e aplikoj.
- Të besoj, tha mbreti.
Sufisti vazahdoi:
- Unë jam gënjeshtar.
- Të besoj, tha mbreti.
- Kam qenë prezent kur keni lindë.
- Të besoj, tha mbreti.
- E babai juaj ka qenë fshatar! tha sufisti.
- E kjo është gënjeshtër! bërtiti mbreti.
Sufisti e shikoi pikëllueshëm dhe tha:
- Pasi që jeni aq të pavëmendshëm sa që një minutë nuk mund ta mbani
në mend se duhet thënë “të besoj” pa ndonjë paragjykim, asnjë sufist nuk
është në gjendje t’ju mësoj për çfarëdo qoftë.
6