Stojim na steze i čkomim srečen - POU Zelina

Stojim
na steze
i čkomim
srečen
XXVII. SMOTRA
DJEČJEGA KAJKAVSKOG
PJESNIŠTVA
"DRAGUTIN DOMJANIĆ"
- SV. IVAN ZELINA 2007.
Priredio
Dr.sc. Ivo Kalinski
Sveti Ivan Zelina
2007.

Mala biblioteka
»Dragutin Domjanić«
knjiga 46.
Nakladnik
Pučko otvoreno učilište Sv. Ivan Zelina
Za nakladnika
Ivica Kukovačec
Urednik
Dr.sc. Ivo Kalinski
Naslovnica
Valerija Židak i Paula Šaljatović, 5. razred,
OŠ Ksavera Šandora Ðalskog, Donja Zelina
– kolaž
Likovna interpretacija pjesama u zbirci
učenici osnovnih škola sudionica Smotre
Grafičko-tehnička priprema
POU Sv. Ivan Zelina
Tiskano u 600 primjeraka
Tisak i uvez: »Tiskara Zelina« d.d.
CIP zapis dostupan u računalnom katalogu Nacionalne i
sveučilišne knjižnice u Zagrebu pod brojem 647575.

Na poziv Pučkog otvorenog učilišta Sv. Ivan Zelina za
sudjelovanje na XXVII. smotri dječjega kajkavskoga
pjesništva »Dragutin Domjanić« – Sv. Ivan Zelina
2007. odazvale su se 63 osnovne škole s ukupno 430
učeničkih radova. Ocjenjivačko povjerenstvo u sastavu
dr.sc. Ivo Kalinski (predsjednik), prof.dr.sc. Joža Skok i
mr.sc. Božica Pažur, za objavu u ovoj zbirci odabralo je 56
radova od kojih je 20 predloženo za javnu izvedbu na
završnom događanju Smotre 20. listopada 2007. u Sv.
Ivanu Zelini.

Predgovorna riječ
Ivo Kalinski:
Brižnost prema jeziku i zabrinutost odrastanja
VI
Stojim na steze i čkomim srečen
Valentina Šargač: Dedekova hiža 13
Matea Mrvčić: Sreča 14
Maja Turković: Zima na pragu 15
Jelena Novak: Puž 16
Emily Šigir: Tak su lepi ti pospani cajti 17
Elena Kušt: Pri meše 18
Petra Cindarić: Kaj 19
Marija Bortiek: Zemlica 20
Krešimir Ban: I oni su prešli 21
Petra Žeželj: Cvetje 22
Karlo Siladi: Moj ded 23
David Beljan: Vreme v Skradi 24
Anamarija Capek: Žaljo 26
Ana Marija Koritnik: Vičer 27
Mateja Mikulčić: Jezošek je uskrsnul 28
Marija Ilić: Deda 29
Tihana Matijević: Protuletje u mojem kraju 30
Ivan Sušec: Ja bi štel... 32
Ana Tuković: Samo mira oču! 33
Tomislav Antolić: Stara bouja 35
Nikolina Pavetić: Moje življenje 36
Valentina Šoštarić: Bili angeli 38
Ana Šestak: Pesma za tebe 39
Antonija Furda: Pud Ivančicu 40
Katarina Janči: Svati 41
Paula Brezovec: More moje zlatnu 43
Tajana Obad: Sveča 44
Dominik Gašpić: Rad ju imam 45
Patricija Hrman: Čez oblok 46

Marija Matušin: Rožica 47
Mirna Dvorski: Spomenik horvackom jeziku 48
Ivan Mihaljek: Časek lepote 49
Hana Beloša: Mujcek cifrasti 50
Andreja Bacalo: Bum se promenila 51
Izabela Tot: Zimska večer 52
Dina Kralj: Potok 53
Martina Žegman: Hižica uz potek 54
Valentina Horvat: Snieg, snieg i snieg 55
Tina Markovčić: Rejč damača 56
Ivan Golubić: Moji posli 57
Vladimir Matušin: Vranka 58
Matea Fegeš: Moj dvor 60
Nives Lukač: Zakaj me sram? 61
Margareta Sinković: Protuletna vila 62
Anja Štefančić: Hičem lafru 63
Mia Mališ: Kaj mi je povedala babica 64
Vlatko Hrček: Zagorske hižice 65
Anton Tomi Laškaj: Ranje 66
Aleks Panijan: Harmunka 67
Nikola Hren: Kmica 68
Danijel Moharić: To ti je se zaista drugač - in 69
Ana Horvatić: Trepteča zviezda 70
Goran Horvat: Jesen tu je 71
Sara Gašparić: Cvetek 72
Fran Marković: Brigi 73
Tajana Huljek: Moja školica 74
Kazalo autora likovnih priloga 76
Osnovne škole koje su se odazvale na natječaj 77

Brižnost prema jeziku i
zabrinutost odrastanja
Naši osnovnoškolci nikako da se otrgnu od hižica,
hižnoga praga, dedeka, babica, jeseni, protuletja, zime,
itd., što je sasma razumljivo kad je ta njihova privrženost
iskrena i spontana, ali je dvojbeno da i neće biti tako kad
je stihovni okvir nametnut, tematski i motivski utrasiran sa
strane - bili to roditelji ili škola. No, ako i jest tu i tamo
tako, oni vješti u oblikovanju riječi izbjeći će postavljene
zamke i možda s većim naporom, ali ipak, koliko je
moguće iznjedriti puninu vlastita doživljaja. Kad je tako,
onda će se na primjer i ta dedekova hiža, pa i sam dedek,
iz bajkovitosti u mlade pjesnikinje premjestiti u stvarnost, u
onu stvarnost u kojoj mlado biće vapi za zaštitom. Ali, nije
to tada samo žudnja za zaštitom, nego je to i uzvrat
prigrljenosti koje mlado biće iskazuje prema onom od kog
se nada zaštiti. No, tu je i strah kojem se dijete odupire
pred nepoznatim naznakama i zato neumorno priča o
uzdanici iz stvarnosti za koju vjeruje da je ispravna : Kak
mladica/ okoli dede se svijam,/ pod njegvom se krošnjom/
od sake nevolje skrivam. (Marija Ilić, Deda; Valentina
Šargač, Dedekova hiža.)
Izvan traženja te ispomoći (dedek), ono izvanjsko,
ma kakvo bilo, mlada pjesnikinja moli da je napusti za
pronalaženje puta u sebi, zadobivanje – mira! Uz zamolbu
na adresu starijih da se okane penezof, cipelof, čokolade i
koješta još na njezin račun, ona moli jasnom izrekom: Oču
mira/ da si glava z dušu/ male otpočine./ Samo oču oči
zaklopiti/ i z srca one/ reči prečitati./ Oču se z srcem i dušu/
pospominjati/ da mi veliju kak i kud dalje. (Ana Tuković,
Samo mira oču!) E, tu se već nazire novovjeka trauma
useljena u mlado biće, tu se već nazire moćna i opako
VII

azgranata novovjeka izgubljenost i nema, čini se, načina
da neka nova životna igra podari spasonosnu formulu. A
to što se zaziva da oču biti kak/ anđel na nebu/ mirna –
pitanje je koliko su anđeli, u onih koji vjeruju, mirni?
A ti anđeli/angeli u prenesenu su značenju sve one
fijolice, trubentice, najglini itd. u domaćem podneblju koji
nestaju kad se maštarija sklopljenih očiju sukobi sa
stvarnošću. Uljuljkivanje maštarijom također je, kao i u
pređašnjem slučaju, spas od mogućeg mrtvila i pustoši
koju pjesnikinja iz prikrajka osjeća. Ta svojevrsna
eskapada, taj svojevrsni radosni nestašluk s natruhom
iluzije, s trkom/"bježanijom"(?) (Bežim po gmjani./ Sunce
sviti,/ Fijolice, trubentice, najglini/ Zoveju me k sebi) u
susretu s emotivno bliskim značajkama rodnog krajolika
imaju u javi onu drugu stranu, onu stranu koja je
deziluzija, osvješćivanje, pa će tako usporedno s
odrastanjem i ta bijela boja anđela – znak nevinosti – iz
dana u dan nestajati i poprimati boju stvarnosti, boju
sivila: Oči otprem. Bilih angelof več ni. (Valentina Šoštarić,
Bili angeli).
I nikakvo čudo nije kad se u tom isključivanju iz
maštarije i opisa stvarnih podataka o podneblju, o
kajkavskom krajoliku s figurama koje ga čine onim što
zapravo jest, javlja onaj unutarnji prigušen zov, zov
pounutarnjenja. Kad je tako, a tako nerijetko jest, ona
djetinja vedrina i bezbrižnost sve više će zadobivati sjenku
osame kojoj se u nadolazećim silnicama sazrijevanja i
životnih spoznaja o prolaznosti ionako nitko ne može
oduprijeti: Čez oblok gledim/ kak suho listje/ leče čez
dvorišče./ A onda/ si zamišljam/ kak sama/ hodim/ k
nekomu/ što me/ išče. (Patricija Hrman, Čez oblok). No,
taj put pountarnjenja kao specifičan vid osame ipak znade
iznenaditi trunkom zadovoljstva, osobitim osjećajem
sretnog trenutka istodobno s rađanjem novoga jutra: Tak
lepo, čisto i stiha/ polefko, z kmice/ ranje se zvleklo. (…)
Den se kak hambrela raširil,/ ja stojim na steze/ i čkomim
srečen. (Anton Tomi Laškaj, Ranje).
VIII

Na što će se - u opisu idiličnosti podneblja -
nadovezivati osvjedočena djetinja radost, igra i smijeh:
Črlena črešnja/ na toplom vuletnjem soncu./ Zaigrani
vrabec/ na krovu stare štale./ Vuletje lepo diši/ v babičinom
vrčjaku./ Lopta i smeh/ na mojem obrazu. (Ivan Mihaljek,
Časek lepote).
U toj osnovnoškolskoj dobi javljaju se i prve
ljubavi; nerijetki se svojih osjećaja, prem srameći se,
javnim priznanjem u opisu ne odriču, iako se i u njih već
"ukopao" crv odrastanja: Zakaj me sram/ če ga gledim
poskrivečki,/ a lice mi se začrleni kak rožica. (…) Zakaj me
sram,/ a volim ga tak!/ Morti sam još mala./ Morti se bojim
da bum/ velika postala. (Nives Lukač, Zakaj me sram?).
U toj se dobi, ponajviše potaknuta školovanjem,
javlja i svijest o horvackom jeziku, o spomeničkoj baštini
sa Kukuljevićem Sakcinskim i Petrom Preradovićem: A na
nji se lepo vidi/ kak je Sakcinski naški povedal/ i kak je
Preradović/ svoj dragi jezik opeval./ Vsaki pravi Hrvat/ kaj
kre njega prejde,/ trebal bi znati/ da ne stoji tu/ kakti obični
kamen,/ neg našem horvackom jeziku/ dela večiti znamen.
(Mirna Dvorski, Spomenik horvackom jeziku).
Zato nam se je s radošću nadati kako će ta
osnovnoškolska brižnost pojedinih mladih autora o
horvackom jeziku, pa i kajkavskom kao njegovu dijelu,
danas-sutra i sve nas još više obradovati stvaralačkim
"prepoznavanjem" snage riječi.
Dr.sc. Ivo KALINSKI
IX

Stojim
na steze
i čkomim
srečen

Valentina Šargač, 5. razred
Voditeljica: Ivana Nogić, prof.
OŠ Breznički Hum
Dedekova hiža
Dedekova hiža sto lijet več ima.
Drvena je i krovek je se klima.
Ima jen potrti obluk
čez koji mački stalne v hižu idu,
a na najži je jena stara škrinja
v koju je moja babica
stkana platna sprijemala.
Tam se još i najde starije lancov za krave,
starije, črnije deski i još neke je tam bile...
Nijesam znala koj to je,
pak sem dedeka pitala.
Dedek mi je rekel: "Pucica, to ti je sprijema
na koje sem ja bali i bali platna stkal."
„Kak se same fali...", mislila sem si.
„Motale, mahale, mikale, greben, preslica...",
dedek si je mrmljal.
Nijesam ga ništ razmela. On je to videl,
al' je same čkomel.
Po soze v njegovom oku sem vidla
zake se je s tak tešku muku k nam
v novu hižu preselil.
13

Matea Mrvčić, 6. razred
Voditeljica: Maja Jaklenec
OŠ Sveta Nedelja
Sreča
Kaj je sreča?
Sreča je ajngel beli
koji lubav deli.
Sreča je prijatelstvo pravo
i za dobro delo pohvala: „Bravo!'
Kaj je sreča?
Sreča je moje selo,
moja hiža, moja škola
i moj Gospod koji mi sve
to da.
Sreča je nedelom maša
i vjutro zobna kaša.
Sreča je leti more iza brega
i zimi bunda ak ima snega
i naša lica nasmejena.
14

Maja Turković, 6. razred
Voditelj: Joža Prudeus
OŠ Samobor
Zima na pragu
Sneg pada.
Mrzli veter popuhavle
Čez gang vrata zapuhavle.
Prezimec na oblok tuče.
Kozoderec v rafung luče.
15

Jelena Novak, 8. razred
Voditeljica: Marija Aščić
OŠ Milana Langa, Bregana
Puž
Na putu do škole
puž je nekaj štel.
Štel me nekaj pitat
pa se splel.
Od srama je roge v hižu del
tak da susedu ne mora reč
da je to on bil.
Drugi put gda sem tud hodila,
od puža ostala je samo hiža.
16

Elena Kušt, 7. razred
Voditeljica: Marijana Obad - Poldrugač
OŠ Ksavera Šandora Đalskog, Donja Zelina
Pri meše
Gledim!
Luba, Ivka i Slava v prvi red so stale
kak da so one Bogu više dale.
Popevaju glasne i glasne moliju,
fest se trudiju da ih glediju.
A ja bi štela znati
jel' zajni redi moreju Bogu više dati.
Jel' se vera po redima broji
il' pri dragomu Bogu se drugač stoji.
Morti on i one postiha čuje
i morti prvi red za raj ne odlučuje.
Ak Bog odzgora gledi
tak je sejene v teremu redu se stoji.
A Luba, Ivka i Slava vane so tihe
da ih drugi ne čujeju
kak po tuđi životi gliboke oreju.
18

Petra Cindarić, 8. razred
Voditeljica: Nada Kanižanec
OŠ Gradec
Kaj
Si mi navek govoriju: kaj, kaj...
Kaj delaš, kaj si gruntaš, kaj mi šepčeš?
Kaj si kupila, kaj si zmislila, kaj si ponorela?
Kaj pak zutra pišemo testa,
Kaj novoga ima vu škole?
Kaj si se znova zaljubila?
Kaj se na me furiš, kaj ti nikaj ne kužiš?
Vu mojem kraju kaj je reč domača
i si je navek govoriju,
i saki je razme i prihvača.
Gda se smeju il popevaju
gda se svadiju il srdiju,
gda se negdo rodi il vmerne
same se čujeju kaj reči vredne.
Kaj ti je živlenje čudno
bogato ili bogečko, lahko ili teško,
kaj se navek oglasi.
Sukud i sakoga pomiluje kaj,
nebo, ljude, hiže, celi kraj.
Same posluhnite kak moj kaj
pita, draga, zvoni, smeje se i živi.
19

Marija Bortiek, 8. razred
Voditeljica: Ivana Benković
OŠ "Vladimir Nazor", Budinščina - PŠ Hraščina
Zemlica
Naša draga zemlica
lefka je kak melica,
ona nas na svojim pleči drži.
Saki dan ju gazime
meste da ju mazime!
Nek na nje raste cvetje,
nek ne smrdi smetje!
Nek diši se oko nas
jer to je, nje i nam, spas!
20

Krešimir Ban, 6. razred
Voditeljica: Biserka Fruk
OŠ Stjepana Radića, Božjakovina
I oni su prešli
Božek, Božek, kak su prešli
ovi letni dani!
Baš nekak brže nek
oni lani.
Nema više igrarije
i nikakve ludorije.
21

Petra Žeželj, 2. razred
Voditelj:Barica Mlinarek
OŠ Breznički Hum
Cvetje
Vu maminom vrtu
naviek raste cvietje.
Jedne je kak krv črlene,
druge je kak nebe plave.
Jedne lepše diši,
druge pak lepše zgledi.
Jemput sem štela
vu hižu cvetja donesti,
ali nisem znala kojega zeti.
Na kraju sem si premislila,
naj bu rajše vu vrtu,
nek da vu hiži vene.
22

Karlo Siladi, 5. razred
Voditeljica: Đurđica Trakoštanec
OŠ Sveti Petar Orehovec
Moj ded
Črna šiltača na sede glave
Zaraščena brada i oči plave.
Drvena bota v žuljevite roke
Saki mu korak zadaje moke.
Ščem krave narani, na traktor se zvlječe
Karnister si zeme i kljeti kreče.
Pak onda s tatekem gemišta si spije
Vesel postane i slatke se smeje.
23

David Beljan, 7. razred
Voditeljica: Ruža Mavrinac
OŠ Skrad
Vreme v Skradi
Vreme v Skradi
ko da je vrak prnesof,
celi daž
v Skrad je stresof.
I maglo gusto
na Skrad je spistof,
celo mesto je razjadof.
Malo pada,
malo ne
ko da vrago to paše.
Iše samo falji snega
onda bode belo sega.
Stabla lama kao nič
ko da ema vrajži bič.
Mene v hižu vavik tira,
nigdar meni ne da mera.
Puna mi je glava siga
pa me za nič
ni ni briga.
Al na empot si večijo
medveda po mojin zelenikon gledajo.
Cela je zbrka v Skrade
na vočkah dela ludnicu
malo se penje
pa pade.
24

Pu noč pasi poludijo
na medveda lajejo.
Lidje ne morejo opče spat
na pase morajo večat.
Već nan ga je belo dost
negdo ga otirat mora,
zeleniku več ni bil gost
sakoj vočki falji kora.
To sem trpif celo jesen
bif sam več ko vuk besen,
Al kad je v zimi
va san paf
meni ga je belo žaf.
Vreme v Skrade ko da je vrag prnesof
daš, sneg i maglo ni belo dost,
pa je v zeleniki
i medved postaf gost.
25

Anamarija Capek, 5. razred
Voditeljica: Đurđica Stubičar
OŠ Franje Serta, Bednja
Žaljo
Restepilo sa fljatne
Zviezdio sniežno
Štaro ja ne ličeke ma
Epalo...
Kok da ma kušnaš!
V sercu
Sume ja žaljo estalo.
26

Ana Marija Koritnik, 5. razred
Voditelj: Rezika Jašarević
OŠ "Petar Zrinski", Čabar
Vičer
Vičer je pršua,
sonček je adošou spat.
Armjene se mejsoc
na nebe pajaveu
i tihu glida
na Prizet naš.
Zajegrana deca
zos dvarišča
dirjajo v hišo
kej jeh več čaka
večirja na mize.
Hitru pajedo,
v špampet gredo
i dok jen sajni
na uači padajo
stare mumene
porpuvde paslušajo.
27

Mateja Mikulčić, 7. razred
Voditeljica: Cilika Tarandek
II. OŠ Čakovec
Jezošek je uskrsnul
Več v jutro se budi nebo plavo,
sunčeko več greje moj topli oblok,
matulji veselo letiju i nebo farbaju,
ogenj je zaigral na nebu.
Zajci veselo skačejo, se se spremenilo,
fijolica pesmu popeva,
cifrasto ji oko svetli i navješčuje:
«Jezušek je uskrsnul!»
28

Marija Ilić, 7. razred
Voditeljica: Ana Ilić
OŠ Svibovec
Deda
Z glibokim korenjem
starega hrasta
v rodnu zemlu
još navek vrasta.
A duša njegva
široka ravnica,
v njegvoj krošnji
popevka ftica.
Odnavek nas vežu
izpretkane niti,
v pleter ljubavi
one se moreju sviti.
Kak mladica
okoli dede se svijam,
pod njegvom se krošnjom
od sake nevolje skrivam.
Tak z dena v den
rastemo k soncu,
k živlenja vrhuncu.
29

Tihana Matijević, 4. razred
Voditeljica: Željka Čupić
OŠ Popovača
Protuletje u mojem kraju
Se je lepo kak i lani
gda nam dojde protuletje,
precveteju tulipani
i se drugo šaro cvetje.
Polak grabe ljubičice
tak nam lepo zadišiju,
pa šafrani i jaglaci
mam za njima ponoriju.
Breskve su se nakitile
kakti mlade za venčanje,
roze broše pokvačile
svud na svoje tenko granje.
Po dvorišču sused hodi
kruške, šlive obrezuje,
a i kosu v ruke nosi
zločeste koprive kosi.
Žene su kraj plota stale
i dugo se spominale,
kak su vrta zeštihale
i več sega posejale.
30

Traktori su zabrenčali
ljude v pole odpelali,
dost su celu zimu v štaglu
kak medvedi leno spali.
Sad je pole za orati,
kuruza bu za sejati
če na vreme ne poseješ
v jesen nemaš kaj za brati.
A i deca svud kričiju
i z lopatum se dangubiju,
a začas bu škole kraj
bole v hiže da učiju.
Skoro bu i Vuzem došel,
farbala se buju jajca,
i šunka se bu načela
s pisancima se pojela.
31

Ivan Sušec, 5. razred
Voditeljica: Dubravka Antunica Jelinčić
OŠ Dragutina Domjanića, Sv. Ivan Zelina
Ja bi štel...
J a bi štel oranice...
i ...
se liepe ulice.
Još bi štel da...
na svietu niema granice,
niti da v škole niema jedinice.
Štel bi...
hmm...
i zgodne se pucice
kaj daval bi im pusice.
(A one bi se lepile za me kaj mucice!)
Štel bi da saka puca ima...
lepe okice.
I da mi daje, pune ljubavi, pusice.
32

Ana Tuković, 8. razred
Voditeljica: Lidija Bistrički
OŠ Dragutina Domjanića, Sveti Ivan Zelina
Samo mira oču!
Neču peneze!
Neču nove cipele!
Neču čokolade!
Neču ničega
osim male svojega mira.
Oču da čkomite
od mene
i da me male pustite samu.
Je l' iščem pune?
Ne trebate se otrošiti,
ni zmučiti da bi
mi male mira dali.
Oču mira
da si glava z dušu
male otpočine.
Samo oču oči zaklopiti
i z srca one
reči prečitati.
33

Oču se z srcem i dušu
pospominjati
da mi veliju kak i kud dalje.
Je l' mi morete tu želju ispuniti?
Oču biti kak
anđel na nebu
mirna...
I oču kaki anđel na krili
z svojemi misli
nekam odleteti.
Ja samo male mira oču!
34

Tomislav Antolić, 5. razred
Voditeljica: Nediljka Mrčela
OŠ Đure Prejca, Desinić
Stara bouja
V moji zidanci
Stara je bouja
Od hrasta narejena
Železom opasana.
V muji hiži je najstarejša
I najmejša.
Vino se v jej držalo
Dok smo ga vlili ga je blo puno
Dok ga spili ostalo ga je moulo.
V suši nas je napajalo
V žalosti spajalo.
Dalo nam popevku
V ju smo rivali lefku.
Bogi fala na jej!
Ježuši na bačvi tej!
35

Nikolina Pavetić, 7. razred
Voditeljica: Marija Škoko
OŠ Bedekovčina
Moje življenje
Devedeset i treite
me na sviet prinesla roda,
unda je to
bila moda.
Nu, sem senek kasniejše zeznala
Da sem se rudila.
Mati mi je
cainke spremienjala,
ja sem brže prirasla
i svojemi bedastoči
na vrh glave
sem je bila.
Nie mi zamierila.
Furt je guvorila,
da sem vragu
z torbe zginula,
elji je senek
lete dan stariešu sestru
raiši imeila.
Nekak je bila
srčeca topliešega
i dušice mekše.
36

Gda se rodil brat,
ja sem mu najavila rat.
Nebu vezda on
kre matere
kak mazen maček
došel spat.
Da ne pozabim,
tu je i japa,
dok je polek mene,
se štima,
je se onak
kak biti ima.
Po materi
si bi mi morti
več bili h Vrapču,
elji ke je najgorše,
te več i si okoli
pri susedu šepču.
Pak unda
slobodne
i dalje kričime,
naj se zna
da pri hiži
ima dosti
družine.
37

Valentina Šoštarić, 6. razred
Voditeljica: Jasna Horvat
OŠ Ivana Perkovca, Šenkovec
Bili angeli
Bežim po gmajni.
Sunce sviti,
Fijolice, trubentice, najglini
Zoveju me k sebi.
Ležem si med jih.
Gledim h nebo.
Sviuni oblaki
Kak angeli bili
Meni se smijeju,
Polafko letiju.
Sunce bol zasviti.
Zažmim
I skorum zaspim.
Vitar me podraga,
Oči otprem.
Bilih angelof več ni.
38

Ana Šestak, 5. razred
Voditeljica: Nevenka Petrić
OŠ " Fran Koncelak", Drnje
Pesma za tebe
Veter je pripovedal
pričo o tebi.
Oblaki so putuvali
po nebu mojih osečajov
i dešč je plakal za tebe
v kapi srebra na obloku.
Sonce se nasmešilo,
prestalo je grmeti!
Dešč je postal srečen
i veselil se z menom.
Sprogla je na nebu
Imala samo crveno bojo
Vele da je to ljubav!
39

Antonija Furda, 8. razred
Voditeljica: Verica Havoić
OŠ Belec
Pud Ivančicu
Pud Ivančicu se moje sele skrile
Ud negda je one tu bile.
Još ud unda da je muoj pradedek
Z dalkuga svieta v Belec prišel
I da je same četiri razreda v škuolu išel.
Još ud unda da je muoj dedek
Pu skivečki horvatske pesme pupieval,
Prijatelje čez šumu na Bistricu vodil
I saku nedelju k meše vesele hodil.
Još ud unda da se je muoj tatek
Za zidara vučil,
Saki dan na vroučem souncu pekel,
Za kuoricu kruha moučil.
Još i dien denes sele na istumu mestu stuji
Kak da se baš ničega ne buji.
Stale bu one tu još precek liet.
Se du onuga dana dok bu pustajal sviet!
40

Katarina Janči, 7. razred
Voditeljica: Marija Halaček
OŠ Molve
Svati
Kak da je to samo tak!
Neje samo tak
Posel neje niti malko lak.
Strošek se mora nanositi
I svati se pripraviti.
Celi tjeden vrpa žen
I gazdarica
Prkače pečo i scifrava,
Štruklje rastežo i namotava
Meso režo i nasaljo
I sarmo frčo.
Dojde ti za ponoreti
Beš sim, beš tam,
Prinesi ovo, prinesi ono,
Fort se nekej pripeljava.
Mlada se nalickava
Mladoženja nacifrava.
Ondar po selu
Nuz mužiko štrekajo,
Vu cirkvo se otpravljajo
Pod mešom zvenčajo,
Donegda se naslikavajo.
41

Od veselja plešo, jedo, pijo
I stečo z svatovske fašenjke.
Nekoji se vmijo i mam domov otijo,
A nekoji do polneva drugoga ostano.
Tak svati prejdo.
I pak beš tam, beš sim
samo jempot se ženji
jedinec sin!
42

Paula Brezovec, 6. razred
Voditeljica: Sanja Biškup
OŠ Vidovec
More moje zlatnu
Sonce pomalim zihaja
kak da mu se još spi.
Svoje zlatne roke
na dedikovu
pšenicu spusti.
Dok ju popetam,
onak rosnu,
kak more se čini.
Pšenicu treba požeti
i v snope zavezati.
Zmlatiti ju treba,
zvietrati
i v melin otpeljati.
Melin klompoče, šumi,
zlatnu pšenicu
v mefku melju spravi.
Mi deca smo jaku veseli,
kruha i pogaču
burno cielu letu jeli...
43

Tajana Obad, 8. razred
Voditeljica: Ivanka Lazar
OŠ Sveti Đurđ
Sveča
Vužge se,
tinja,
pucketa,
lovi zdenoga zroka
i telo tali.
Zdiže roke
na sam vrh pota
de se prelevlejo
čerlena, naranđasta i žota.
Tak lepo gori,
a nikaj ne govori.
44

Dominik Gašpić, 2. razred
Voditeljica: Katica Golob
OŠ Draganići
Rad ju imam
Rad ju imam saki dan.
V pondeljak, v torak,
v sredu, v četrtak,
v petak, v subotu
i nedelju.
Tak saki dan se više
i više rad ju imam.
45

Patricija Hrman, 6. razred
Voditeljica: Nevenka Stanojević Zorko
OŠ Trnovec
Čez oblok
Tak ja gledim
na svoje dvorišče
saki den
znova...
i znova
kak se šepiriju kokoti,
kvočka vodi čučeke
a purani brbočeju.
Čez oblok gledim
kak pes natiravlje mačke.
Gledim kak deca
kokoši gađaju z pračke.
Čez oblok gledim
kak suho listje
leče čez dvorišče.
A onda
si zamišljam
kak sama
hodim
k nekomu
što me
isče.
46

Mirna Dvorski, 6. razred
Voditeljica: Ana Lodeta
OŠ A. i I. Kukuljevića, Varaždinske Toplice
Spomenik horvackom jeziku
V seni drvi stoji
i plavo nebo nad sobom gledi.
Okoli njega ljudi hodiju,
z brigami v glavi
niti ga ne glediju.
A na nji se lepo vidi
kak je Sakcinski
vu Saboru naški povedal
i kak je Preradović
svoj dragi jezik opeval.
Vsaki pravi Hrvat
kaj kre njega prejde,
trebal bi znati
da ne stoji tu
kakti obični kamen,
neg našem horvackom jeziku
dela večiti znamen.
48

Ivan Mihaljek, 3. razred
Voditeljica: Ljubica Bešenić
OŠ Novi Marof
Časek lepote
Črlena črešnja
na toplom vuletnjem soncu.
Zaigrani vrabec
na krovu stare štale.
Vuletje lepo diši
v babičinom vrčjaku.
Lopta i smeh
na mojem obrazu.
49

Hana Beloša, 3. razred
Voditeljica: Ljubica Bešenić
OŠ Novi Marof
Mujcek cifrasti
Saki dan dimo donesem nekakve teste.
Negdar su same petice pak mi si govore
da sem pametni mujcek cifrasti.
Gda donesem neku grdu ocenu,
onda sem pak bedaček mali.
Na kraju sem se cela zmešala.
Kaj sam ve?
Pametni mujcek cifrasti ili bedaček mali?
50

Andreja Bacalo, 6. razred
Voditeljica: Jagica Buntić
OŠ Dugo Selo
Bum se promenila
Prošlu sam nedelju odlučila;
Bum se promenila.
Moram se promeniti!
Moram mami pomagati,
Moram suđe prati,
Svoju sobu sama pospremati.
Moram sve dvojke popraviti.
I tak je došel ponedeljek, pa utorak,
Ima još vremena.
Tek je počel tjedan.
Došla je i sreda pa četrtek.
To baš i nisu dani za nekakav početek.
Onda petek, pa subota.
Em je vikend.
Ko bu se baš sad menjal?
Denes je opet nedjelja.
Odlučila sam:
Bum se, sigurno se bum promenila...
51

Izabela Tot, 7. razred
Voditeljica: Đurđa Majcen
OŠ " Braće Radić", Koprivnica
Zimska večer
Zima je, sneg curi,
japa čez oblok gledi.
Škrljak je črni naheril
i kupicu rakije potegnul.
"Deca, zima bo doga i jaka
črni kos se na oblok nalukava,
a severec snega zapuhava."
Božičnice i rožička smo gledali,
staroga japeka slušali.
Pomalo smo dremali
i na kraju si zaspali...
52

Dina Kralj, 7. razred
Voditelj: Mirko Klun
VI. OŠ Varaždin
Potok
Potok po kamenju skače
kak majušno neko dete
i svoje lasi plave
z kaplic vode plete.
Kak glasna frula
šumi i popeva
i hitro se v dol
prek kamenja preleva.
53

Martina Žegman, 3. razred
Voditeljica: Ankica Dmejhal
OŠ Ivana Granđe, Soblinec, PŠ Adamovec
Hižica uz potek
Em je tak liepa
Kak črlena roža
Kak mladi ptiček
V jesen.
Gda ju god pogledim
Setim se detinstva
Kak sam letela k
Hižice med putokem.
54

Valentina Horvat, 5. razred
Voditeljica: Sanja Jelačić
OŠ Oroslavje
Snieg, snieg i snieg
Snieg curi,
pahulje letiju,
v zraku se svetiju.
Beli doli,
beli trnaci,
saki put,
kre sake hiže
i kleti.
V jutre,
čim mi sunce
čez okne polukne,
stanem se fletne,
pobežim po štenga
i hitim se v snieg.
Mama kriči,
huda je na me,
i veli mi: «Betežna buš!»
Ma kaj mama zna
kak je liepe
valjati se v sniegu!
55

Tina Markovčić, 8. razred
Voditeljica: Marina Hrga-Arh
OŠ " Petar Zrinski", Čabar
Rejč damača
Se vofku mine
muadost i lepe cajte,
al' vrejme nemre zbrisat
testu kaj je čovejke najlejpšje.
I ku bu lepota prajšua,
i ku bu cajt da se
zos tega svejta prajde,
zos vust se bu pleškeh ledi
slišaua ko tiha molitva,
rejč domača.
Ku krv tječe kroz nas,
njesemo je na srceh
i damo je samu unmen
kire vejo da je posibna.
Skuze je med ledmen,
vona je dika našga kraja,
vona je kluč
kaj zaprta vrata votpira
vona je ana, ana i jedina
vona je naša rejč damača.
56

Ivan Golubić, 5. razred
Voditeljica: Mirjana Košarić - Futač
OŠ "Vladimir Nazor", Pisarovina
Moji posli
V jutro se zdignem,
v školu pojdem
pak v jenu vuru dojdem.
Neke si pojem
pak si televizora pogledim,
onda mi mati dojde i veli:
Jesi v dučan otišel,
jesi babi pomogel?
Onda ja velim:
Cucku sem jesti dal,
štraju sem dopeljal
i po dvorišču sam trkeljal.
I projdu vure
pak mi tatek dojde i veli:
Kaj ima novega?
Pak mu ja odgovorim:
Niš.
A on veli:
Dobro, odi male drvec donesi
pak se bumo greli.
A od sih tih poslov
meni glava pukne
pak se ja najadim i velim:
Ja sem gazda, mene se posluša!
Se sem to napravil i sad idem spat.
57

Vladimir Matušin, 7. razred
Voditelj: Mato Đakmanec
OŠ Podrute
Vranka
Štimna, gizdava,
črnega oka,
ponosna hoda.
bila je Vranka.
Japa je stari
uzde joj del
i tužno za sobom
z dvorišča povel.
V očima još joj
tugu gledim,
dok tromim je hodom
išla za njim.
Jenega jutra
vu cik zore
z dvorišča je prešla
i više je ni.
Još denes pamtim
te črne oči,
kak z togom gledi
i pognutu glavu
do zemlje drži.
58

Bila je ponos
našega grunta,
a denes samo
v srcu mi spi.
59

Matea Fegeš, 5. razred
Voditeljica: Marija Smolec
OŠ Veliko Trojstvo
Moj dvor
U mom dvoru
Hiža stoji,
Nju su delali
Dedi moji.
I štala je tu
Iz nje se čuje
Glasno muuu,
A iz koca ku-ku-ri-ku!
Pri zdencu
Mačka prede,
Pod orejom
Babe sede.
Po dvoru
Guske beže,
Pod kvočkom
Se pile leže.
Iz lada se čuje av- av!
Za sakog ko dojde
Lep pozdrav.
Na ruški
Ftiči poje
To je
Dvorišče moje.
60

Nives Lukač, 5. razred
Voditeljica: Nataša Grubješić
OŠ Tužno
Zakaj me sram?
Zakaj me sram
če ga gledim poskrivečki,
a lice mi se začrleni kak rožica.
Zakaj me sram
če mi veliju da sem zacopana
do vuh i niš pred sobom ne vidim
a to je istina.
Zakaj me sram,
a volim ga tak!
Morti sam još mala.
Morti se bojim da bum
velika postala.
61

Margareta Sinković, 2. razred
Voditeljica: Vesna Grabušić
OŠ Oroslavlje
Protuletna vila
Po dane cele
cveteke bele
i drevlje greje
od hude zime.
Deždž spušča
kad je ljuta!
No sejene
ima dobre srčeke:
Sončece nosi,
Toplinu sprosi.
Zdigla se na drevlje,
nahranila tičeke.
V brlog se zavlekla,
probudila pospanog medveda.
Pčele več delaju male meda.
Puh još v postelji drema.
Leptiri tancaju z njom!
Saki dan je vesel
s protuletnom vilom!
62

Anja Štefančić, 8. razred
Voditelj: Andrija Međimurec
OŠ Ludbreg
Hičem lafru
Teško se je smejati
dok ti se srce trga,
teško je biti ono
kaj drugi očejo da boš.
Si strahi, toge, boli,
čak i bes i del moje kmične strone,
bili so skriti gliboko v meni,
deleko od očijo „bezgrešnih" ludi.
A ve pomali
othitavlem lafro tobožne sreče
i kažem del sebe
koj se nesem vupala otkriti...
No ipak, jen komačec mene
navek bo gliboko,
v dnu srca,
zanavek skriti od pravoga življenja.
63

Mia Mališ, 8. razred
Voditeljica:Marija Bolšec
OŠ Antuna Mihanovića, Petrovsko
Kaj mi je povedala babica
Babica i ja sedimo
na staroj klupici.
Pobelela je od sančeka,
ali si mi dve na njoj najrajši sedimo.
Veli mi da je mlada bila
Najrajše je škornje nosila.
Šlap i sandal ni bilo.
Gda je dete bila
Bosa je pute gazila.
Teško je delala,
grunta je puno bilo.
Veli da si ni mogla počiniti po denu.
Pitam ju:
„Zakaj si babica nisi počinula"?
Ona se nasmeje:
„Mislila sam da bu zemljica pobegla".
64

Vlatko Hrček, 8. razred
Voditeljica: Ksenija Zubić
OŠ Đurmanec
Zagorske hižice
Hižice tople, niske
na sancu bleščiju,
dišobom starine
i obločecima malim
mudro paziju.
Male ih je još ostale,
ljudi su ih porušili
i velike, mrzle dome napravili.
Kere su ostale,
prazne su i samotne,
z brega motriju ljude komotne.
One vu sebi nosiju
stare hrvatske običaje,
z rasklimani brajda se družiju,
cvetje starinsko dišiju
i spomenke na prošlost mamiju.
65

Anton Tomi Laškaj, 6. razred
Voditeljica: Branka Jakupec
OŠ "Antun Nemčić Gostovinski", Koprivnica
Ranje
Tak lepo, čisto i stiha
polefko, z kmice
ranje se zvleklo.
Sonce zranja
z onkraj brega,
budi ftice i celi svet.
Kaplice rose se blešče vu trave
z gde kojoju rascvetanom tratinčicom
koja namigavle svojem žotem jokom.
Aleluja je otprla svoje obloke
Pak diši i diši.
Den se kak hambrela raširil,
ja stojim na steze
i čkomim srečen.
66

Aleks Panijan, 5. razred
Voditeljica: Ingrid Žorž
PŠ Tršće
Harmunka
Na vrhe omare
več na lejta staj
ana harmunka,
ko da je je kraj.
Stare mejh ima
več strušen,
a i sjaj je je
fajn zbrušen.
Na dne harmunke
tipka fali.
Ke tu viden,
mjene srci zabali.
Al ke moj dedo
prime to staro
harmunko v raki,
zapišče vesiu
da be se
znucale se opanki.
Pole jest še
zamen majo,
pa zes harmunkamen
guasnu zapiščemo
muziko svajo.
67

Nikola Hren, 8. razred
Voditeljica: Danica Pelko
OŠ Donja Stubica
Kmica
V črne kmice,
V čme huste,
Na črnami kitami
Črni tiči čepiju
Črne glediju
Bele zime se bojiju.
68

Danijel Moharić, 7. razred
Voditeljica: Mirjana Rajter
OŠ Brezovica
To ti je se zaista drugač - in
Selo moje sad je mali gradič,
a ja sem ti skoro več mladič.
Traperice stalno furam,
ispite slabo guram.
Brege naše naselili vikendaši,
se to skovali su saborski mudrijaši.
Oni nas vode vu Europu,
delat niš ne trebaš- kupiš se vu šopu.
Ni krave ni konja više ni,
po celi den bruje auti.
Vu našem potoku ribe više nima,
Sakim denom vu njemu smeča se više ima.
Polja su puna pesticida,
se se šprica bez kontrole i stida.
Su baštinu kaj su nam stari ostavili,
tajkuni i paraziti nam pokrali.
Ja na znam kaj bum na to se rekel,
mlad sem, iskustvo još nisem stekel.
Vu glavi mi je samo moja cura
kaj pamet mi rastura.
69

Ana Horvatić, 5. razred
Voditeljica: Sanja Vragović
OŠ Ljubeščica
Trepteča zviezda
Nat čkomečem zagorskem selom
kmična se fierunga spustila.
Pospane sunčeke oblaki su zanunali
kak i mati diete v zibaljke.
Na rastu črleni tiček se njiše,
a kre njega njegova liepa ftičica spi.
Potek lagane oči zapira,
a i ribice več komaj glediju.
Na kraju sela kre jene hiže
f trave se skrila dišeča roža.
Si spiju...
Same trepteča zviezda
Trepti,
trepti,
trepti…
Čeka da se sonce zbudi
Kaj bu i ona v svoju postelicu legla.
70

Goran Horvat, 5. razred
Voditeljica: Maja Priher
OŠ "Vladimir Nazor", Sveti Ilija
Jesen tu je
Zbudil sem se rano.
Vuni se sivi mokri plašč
Prek do zemlje spustil.
Torbu sem na pleča del,
v roko si jembrelo zel.
Roke su me mam počele zepsti,
A mrzli je veter počel listje tresti.
Kostaj sem našel na blatnom potu,
A v grabi zagledal tikvu žoto.
Negdi daleko klopotec se čuje:
Zgleda da jesen tu je!
71

Sara Gašparić, 2. razred
Voditeljica: Veronika Špišić
OŠ Gornje Jesenje
Cvetek
Lepi, lepi,
cvetek moj,
dišeči, beli, črleni,
naj mi vehnuti,
jer imam te pune rada.
Vesela sem,
gda te lučem,
na traniku zelenem,
gde mola pčelica
oko tebe leti i
iste kaki ja ti se veseli.
72

Fran Marković, 5. razred
Voditeljica: Andreja Marković
OŠ Lokve
Brigi
Brigi me gledajo,
kad jutra se budijo,
gledajo me i kantojo
o mojimo zavičaje.
Lipi i visoke
škure il svetle,
zelene i jerjove,
gledajo me smeron.
Visoko zgoraj
tice letijo,
a moji brigi s ticame
sakan putujejo.
73

Tajana Huljek, 7. razred
Voditeljica: Monika Miholić
OŠ Konjščina
Moja školica
Morti ste negda
i vi vu školu išli?
Rane se z postelje digali,
gda najslajše se v jutre spi?
Pak onda polefke,
z noge na nogu,
kak težaki gda se z polja
v trnu kmicu vračaju?
I šest vur pri miru sedeli
da ti križa doktora iščeju?
I još cijeli pušlek zadatkov za
doma riješiti
i deset strani
za sutra nafčiti!
O, Božek,
pa za kaj mi svoju mladost tepemo?
I dok tak sedim
na trde klupe v parku
i premišljam svoje školske jade,
čujem kak me nešče pita: "Si morem tu
sesti?"
O, školica moja draga,
pune ti fala kaj si mi njega dala!
74

Kazalo autora likovnih priloga
Strana
Autori ilustracija
11 Maja Gregor, 2. razred
OŠ "Antun Nemčić Gostovinski", Koprivnica
15 Barbara Juranić, 8. razred
OŠ Svibovec, Varaždinske Toplice
17 Iva Brajković, 6. razred
OŠ Bogumila Tonija, Samobor
22 Ana Rajić, 2. razred
OŠ "Antun Nemčić Gostovinski", Koprivnica
34,53, Marinela Sentić, 8. razred
75 OŠ Gradec
42 Petra Crnjak, 6. razred
OŠ Molve
44 Hrvoje Peremec, 8. razred
OŠ Sveti Đurđ
47 Tara Sodomka, 6. razred
IV. OŠ Bjelovar
59 Kruno Drčec, 8. razred
OŠ Podrute
68 Karla Tomiek, 6. razred
OŠ Ljubeščica
71 Mateja Vuk, 7. razred
OŠ Svibovec
76

78
39 OŠ Konjščina Konjščina
40 OŠ Lokve Lokve
41 OŠ Ludbreg Ludbreg
42 OŠ Ljubeščica Ljubeščica
43 OŠ Martijanec Donji Martijanec
44 OŠ Mihaela Šiloboda Sv. Martin pod Okićem
45 OŠ Milana Langa Bregana
46 OŠ Molve Molve
47 OŠ Novi Marof Novi Marof
48 OŠ Oroslavje Oroslavje
49 OŠ Oroslavje PŠ Krušljevo selo Oroslavje
50 OŠ Podrute Novi Marof
51 OŠ Popovača Popovača
52 OŠ Rude Samobor
53 OŠ Samobor Samobor
54 OŠ Skrad Skrad
55 OŠ Sveta Nedelja Sveta Nedjelja
56 OŠ Sveti Đurđ Sv. Đurđ
57 OŠ Sveti Petar Orehovec Orehovec
58 OŠ Svibovec Varaždinske Toplice
59 OŠ Šemovec Trnovec Bartolovečki
60 OŠ Trnovec Trnovec Bartolovečki
61 OŠ Tužno Radovan
62 OŠ Veliko Trojstvo Veliko Trojstvo
63 OŠ Vidovec Vidovec

Pučko otvoreno učilište Sv. Ivan Zelina
zahvaljuje svim školama i mladim kajkavskim
pjesnicima koji su se odazvali na natječaj te
prijateljima kulture koji su pomogli ostvarenje
27. Smotre dječjega kajkavskoga pjesništva
"Dragutin Domjanić" – Sv. Ivan Zelina 2007.