Ang Mangarap nang Gising sa Only You at - Philippine Center for ...

Ang Mangarap nang Gising sa Only You 

at mga Katulad na Korean Telenovela 

at sa Ating Telenovelang Midya 

ni 

Fanny A. Garcia, PhD 

Tagapangulo, Departamento ng Filipino 

De La Salle UniversityManila 

Mga Buod 

2006 Pambansang Seminar 

Wikang Filipino, Midya at Pagtuturo: Mga Isyu, Perspektib at Pamamaraan 

Abril 26, 2008, Rm 407408, Yuchengco Bldg., DLSUManila 

PARA SA KASUNOD na pagtalakay ay mahalagang ibigay ko muna ang buod ng Only You at ng ilang 

pinili kong Korean telenovela na naipalabas na ng ABSCBN Channel 2¹ o ng GMA Channel 7². 

Ang Only You ay aking pinanood sa Chan. 2 sa unang bahagi ng taong ito, at dahil umano sa 

insistent public demand ay muling ipalalabas ngayong Mayo. Gayunman, maitatanong, ano ba ang 

magagamit nating batayan para sa umanong due to insistent public demand na ito, o gimik lang ba ito 

para muling pagkakitaan sa commercials ang bayad nang Korean telenovela? 

Narito ang buod ng Only You: 

Sa Venice , Italy nagumpisa ang istorya. Ang mga bidang sina Jillian at TJ, at si Jonathan na 

umiibig kay Jillian, at si Trixie na umiibig kay TJ ay pareparehong nasa Venice . Pareparehong may 

kinalaman sa pagluluto ang dahilan para kina Jillian, Trixie at Jonathan. Nagaaral silang tatlo ng 

Italian cuisine: si Trixie ay para sa kanyang career bilang manager ng restaurant, sina Jillian at Jonathan 

ay para maging chef. Si TJ ay hinahanap ang kanyang inang doon na tumira mula nang iwan ang mister 

na isang tycoon, gayundin ang dalawang paslit na anak, si TJ, at ang kanyang nakatatandang kapatid, 

ang kanyang Ate Dina. Napakahusay sa Italian cuisine ang ina ni TJ, na nang nasa Korea pa ay manager 

ng Italian restaurant na kasama sa group of companies kung saan may malaking shares ang asawa. 

Hindi importante sa tycoon ang emosyon at relasyon, walang mahalaga sa kanya kundi ang business 

empire. Magdedesisyon ang ina ni TJ na umalis, sa katunayan, ginawa ng ama ni TJ na walang opsyon 

ito kundi ang magpakalayolayo itong magisa. Ang mas nakatatandang si Dina ang naging parang ina 

na ring umasikaso kay TJ. 

Naging binata si TJ at hinanap sa Venice ang ina, na nagasawa na sa isang Italian, may sarili na 

ring restaurant. Mas una nang nakatagpo ni Jillian ang ina ni TJ, itinuro pa nga kay Jillian ang kanyang 

paboritong recipes. Nagkatagpo sina TJ at Jillian, at isang gabing magkasama silang dalawa at 

iniiyakan ni TJ ang kanyang pinanabikang ina, may nangyari sa kanilang dalawa. Nadama nilang para

sila sa isat isa. Pero hindi alam ni Jillian, kinausap ni Jonathan si TJ, magnobyo raw sila ni Jillian. Hindi 

iyon totoo, magpapaliwanag sana si Jillian pero tinalikuran na siya ni TJ, nagbalik ito sa Korea agadagad. 

Sa lahatlahat, sa anim na araw naganap ang istorya nina TJ at Jillian sa Venice . 

Matapos ang anim na taon ay muling nagkita sina TJ at Jillian. Sa panahong ito, si Jillian at ang 

kanyang mga magulang at ang anak kay TJ ay nakikitira sa bahay ni Jonathan. Walang regular na 

trabaho si Jillian; si TJ ay nagmamanage ng Italian restaurant na dating pinangasiwaan ng kanyang ina; 

si Trixie ay manager ng restaurant, at chef niya rito si Jonathan. Botongboto ang mga magulang ni 

Jillian kay Jonathan; malapit sa isat isa sina Jonathan at Joshua, anak ni Jillian. Malinaw sa istorya na 

kaibigan lang ang turing ni Jillian sa mabait na si Jonathan. Gentleman si Jonathan, kahit pa sa kanya 

ang bahay, mas manliligaw ang papel niya kay Jillian. Kung ang mga magulang lang ni Jillian ang 

masusunod, gusto na nilang magpakasal ang dalawa. Malinaw naman kay Jillian na pansamantala lang 

ang pagtira nila; kulang ang kita niya bilang single mother at tagasuporta sa inang taongbahay at sa 

amang hindi maabilidad sa hanapbuhay. Kung anoano lang maliliit na magagawa sa bahay ang 

pinagkakakitaan ng kanyang ama. 

Magtatrabaho bilang chef si Jillian sa Italian restaurant na si TJang manager. 

Ang kabuuan na ng mga susunod na pangyayari ay ang komplikasyon ng love story nina TJ at Jillian 

nang dahil ipinaggigitgitan ni Jonathan ang pagibig niya kay Jillian, si Trixie kay TJ. Ayaw sumuko 

nina Jonathan at Trixie, hindi na ito basta pagibig, obsession na nga. Ayaw ni Ate Dina kay Jillian, ang 

bagay sa kapatid ay si Trixie; aayawan din ng ama ni TJ si Jillian, payag ito kay Trixie na bagamat 

manager ngayon ay naulila lang sa mayamang mga magulang na hindi napanghawakan ang bisnes. 

Gagamitin ng tycoon at ni Ate Dina ang kapangyarihan ng salapi upang takutin si Jillian, o 

kayay bilhin ang desisyon nito para magpakalayolayo sa balak ipakasal na TJ at Trixie. Consistent si TJ 

sa paghabolhabol kay Jillian; urongsulong si Jillian: kapag nagiisa, gusto niyang ipaglaban siya, sila 

ni Joshua pero kapag kaharap si TJ na sinasabing tatalikuran ntoa ang lahat para sa kanyang magina, 

ayaw naman ni Jillian. 

Sa tinakbotakbo ng maraming pangyayari, nanatiling lihim kay TJ na may anak pala siya kay 

Jillian. Sa bandang dulo na lang niya matutuklasan ang tungkol kay Joshua, at hindi ito nang dahil lang 

kay Jillian, may kontribusyon ang ama ni Jillian upang malaman ni TJ ang tungkol kay Joshua. Nang 

malaman ng tycoon ang tungkol kay Joshua, tinanggap ng matanda ang alok ni Trixie na kapalit ng 

kasal nila TJ ay si Trixie na ang magpapalaki kay Joshua. 

Kinausap ni Jillian ang tycoon, iginiit ang karapatan ng kan yang anak na mabuhay kapiling ang 

amang si TJ. Nagpuyos ang tycoon pero ang kasunod na eksena ay isang masayang photo session sa 

harap ng kan ilang Italian restaurant. Obyus na sina Jillian at TJ na ang nagpapatakbo sa Italian 

restaurant, at obyus na paborito ng tycoon at ni Ate Dina si Joshua. 

Ang mga huling ilang eksena pa ay sa Venice na: sina TJ, Jillian at Joshua ay obyus na larawan 

ng isang mayamang pamilyang turista. Gabi na. Nakasakay si Joshua sa balikat ni TJ, tatapat sila sa 

isang bahay, at sina Jillian at TJ ay buong pagmamahal na magtitinginan, masayang titingalain nila ang 

bintana sa ikalawang palapag kung saan naganap ang kanilang isang gabing pagniniigna si Joshua ang

naging bunga. 

NARITO NAMAN ANG ilang isinalin kong buod mula sa isang listahang nakuha ko sa internet. Hindi 

ko napanood ang mga ito. Ang batayan ng aking pagpili ay kung naipalabas na ang mga ito sa Channel 

2 o Channel 7: 

Attic Cat (Chan. 7) 

Tungkol sa dalawang away nang away pero iibig din sa isat isa, matutuklasang hindi nila kayang 

mabuhay nang wala ang isat isa. 

Stairway to Heaven (Chan. 7) 

Isang babae at isang lalaking magkapatid ang nagkahiwalay bago magtinedyer, nangako silang hindi 

nila kalilimutan ang isat isa. Sa bagong bahay ng babae, umibig sa kanya ang kan yang stepbrother. Fast 

forward, babangga ang kan yang kotse, magkakaroon siya ng amnesia. Ang lalaking umiibig sa kanya 

ay magpapasyang huwag nang ikuwento pa sa babae ang kan yang dating buhay upang hindi na nito 

mabalikan pa ang iniibig bago ito naaksidente. 

Lovers in Paris (Chan. 2) 

Isang babaeng mahirap ang nagaral sa France, nakatagpo niya ang isang lalaking mayaman, spoiled 

brat; nagtrabaho siya bilang katulong nito. Iibig sila sa isat isa. 

Full House (Chan. 7) 

Isang mayaman, popular at guwapong artista ang inis na inis sa maingay at galawgaw na babaeng 

umaangkin sa bahay na binili ng bidang lalaki. Nagkasundo sila na para mabawi ang bahay, magiging 

katulong ng lalaki ang babae. Buwisit na buwisit sila sa isat isa, pero kalaunan, magkakaibigan sila. 

Spring Day (Chan. 2) 

May isang babaeng may di maipaliwanag na sakit na ang epekto sa kanya ay hindi siya makaiyak at 

makapagsalita. Iibig siya sa isang doktor na siyang tutulong sa kan ya upang siyay gumaling. 

Winter Sonata (Chan. 7) 

Naaksidente ang kotseng sinasakyan ng dalawang hig school students, isang babae at isang lalaki. Sa 

desisyon na rin ng ina ng lalaki, pinabayaan na lang na wala nang maalala pa ang lalaki. Matapos ang 

sampung taon ay hindi pa rin matagpuan ng babae ang kanyang tunay na pagibig bagamat 

nakikipagdeyt siya sa kan yang matalik na lalaking kaibigan. Nakita ng babae ang isang lalaking 

kamukha ng kanyang dating kasintahan sa hayskul. Ayon sa kan yakanyang pamilya, magkapatid daw 

sila. Iibig sila sa isat isa pero sa isang construction site ay mababagsakan ng bakal sa ulo ang lalaki, 

mabubulag siya. 

Depinisyon ng Termino 

Naging popular sa Pilipinas ang terminong telenovela nang sumikat ang mga ganitong palabas mula sa 

Latin America , lalot higit sa artistang si Thalia at sa kanyang superhit na Marimar. Ang telenovela ay

nasa genre na domestic drama, o love story, o soap opera: may istorya ng pagiibigan kung saan ang 

mga bidang lalaki o babae ay kailangang kumaharap muna sa maraming problemasyempre pa, ang 

marami kundi man ang lahat ng ito ay kagagawan ng mga tahang kontrabida sa kanilang buhaywalang 

kuwenta ang mga problemang hatid ng kalusugan o kalikasan dahil walang mukha ang mga ito. 

Karaniwang ang babaeng tauhan ang sentro ng istorya, tulad ng Marimar, dahil mga babaeng 

manonood ang target ng mga ganitong palabas; pero dahil nga mga mambabae ang target viewers, 

kasabay ring nagiging popular ang mga bidang lalaki na ang kagwapuhan ay pinagpapantasyahan na rin 

ng mga babaeng manonood. 

Naging popular ang Latinong telenovela hindi lang sa mismong Latin America kundi maging sa 

USA , sa ilang bansa sa Europe , sa Asia kasama na nga tayo. Nakilala natin ang Latinong telenovela sa 

pamamagitan ng dubbing sa Filipino. Nahaling ang mga Filipinong manonood sa mga Latinang 

kaygagandat mahahaba ang buhok na hindi lang itim ang posibleng kulay, sa mga Latinong kayhahaba 

ng patilya at kulang na lang ay maging mga pusa sa kapal ng balahibo sa kanilang dibdib at mga 

brasopero lahat silay nagsasalita sa ating wikang Filipino! 

Ang telenovela ay naging Chinovela nang naging popular na ang mga telenovelang galing sa 

Taiwan . Megahit ang Magic Garden nang dahil sa F4, isang grupo ng mga mangangantang may 

androgynous na kagwapuhan, ibig kong sabihin, sakaling gawing sagala sa prusisyon ng mga bakla ang 

F4, mas maganda pa sila kaysa tunay na mga babae. Lalo pa nga ba na ang mga Asyano ay hindi naman 

talagang mga lahing mabalahibo. 

Megahit ang Magic Garden dahil kumpara sa Latinong telenovela na mas nakatatandang babae 

ang mga manonood, at mas nasa kategoryang C at D, ang Magic Garden ay tumuhog sa mga manonood 

na matanda, kabataan at maging bata (at lahat silay may paborito o crush sa F4), tinuhog din ang mga 

kategoryang A,B,C, Dmayaman at mahirap, nagaral at hindi nagaral. Bakit kaya? Mas kabataan ang 

mga artista sa Magic Garden , mas mabilis ang pacing ng istorya, mas mataas ang production value 

(halimbawa, maraming outdoor scenes). Bukod sa kagwapuhan ng F4, natuwa rin ang maraming 

manonood sa bidang babaeng tauhan na oo ngat may mga pagkakataong umiiyak pero nakikipagmanomano 

rin sa mga bruskong bidang lalaki. Sa international news, ilang beses na rin nating nakita kung 

paanong sa Taiwan , ang kanilang mga mambabatas ay dinadaan na lang sa pisikal na pamamaraan ang 

kanilang debate. Sa Magic Garden, nakita natin kung paanong ang mga tauhang babae at lalaki ay 

sinasapak ang isat isa. Kaiba ito sa tipikal na representasyon ng mga Filipina sa panitikan, tv at 

pelikula: hindi butangera ang mga Filipina. 

Nang dahil sa chinovela at dahil na rin sa ngayoy popular na popular na Korean telenovelas, 

sumulpot ang terminong Asian drama para tumukoy sa mga ito. Mula chinovela ay ang mga terminong 

Korean telenovela, o Korea n TV drama, o KTV drama, o Kdrama. 

Para sa papel na ito, gagamitin ko ang terminong Kdrama para sa Korean telenovela o Korean 

TV drama o Korean dramayaong mga pelikulang gawa sa Korea ng mga Koreano, ginawa para sundan 

ng mga manonood sa TV gabigabi kaya ang pelikulay nahahati sa ilang episodes. Iyan naman ay kung 

ordinaryong manonood kadahil basta may pera ka ay bumili ka na lang ng kopya ng telenovela at 

puwede mo nang panoorin nang derederetso. 

Sa pangkalahatan ay mas marami sa Korean telenovelas ang nasa kategoryang romance

comedymaproblemang love story na may mga bahaging nakatatawa. Ang romance comedy ang 

mainstream Korea n telenovelas, bagamat popular ang naiibang Jewel in the Palace o Forbidden Love, 

halimbawa. Magiging pokus ng papel na ito ang Only You na isang tipikal at popular na Korean 

telenovela na romance comedy. 

Kung Bakit Popular ang KDrama 

Sa internet ay may isang sarbey na bukas sa lahat. Ang items na sasagutan ay ang mga sumusunod 

(http://www.google.ph.com): 

Name : 

Email : 

Place of residence : 

Favorite drama : 

Why I love Korean TV dramas 

Other comments : 

Ang mga sagot sa sarbey ay may mga petsang Enero at Pebrero ngayong taong ito. Binasa ko ang site 

nitong pangatlong linggo ng Pebrero, at narito ang ilang kantitatibong datos: 

Ang respondents ay 28 lahat: 

Asia North America Europe 

Pilipinas 7 USA 7 (2 ang mula sa Hawaii ) Finland 1 

Indonesia 4 Canada 1 

Malaysia 2 

Korea 1 

Singapore 1 

Thailand 1 

Vietnam 1 

Australia 1 

Dahil hindi isang item ang sex o gender, hindi matantya sa sarbey kung ilan talaga ang babae o lalaking 

sumagot, gayunman, maipagpapalagay na ring popular ang Kdrama sa kabataang babae (batay na rin 

sa paraan ng pagsulat at expresyon ng respondents), sa dami ng nagpapantasya sa mga gwapong 

artistang lalaki. May respondents na dahil ang pangalan ay hindi English o Spanish na mas sanay 

tayong kilalanin kung babae o lalaki, ang pagpapantasya sa mga gwapong artista ay siya na lang marker 

kung babae at puwede ring bakla/bading ang respondents. May tatlong respondents na lalaki batay sa 

mga pangalan Mark, Earl, Richard, Francisco Castañedana posibleng mga bakla/bading. 

Mula sa mga sagot ay ang mga sumusunod: 

1. Ang tatlong pinakagustong Kdrama:

Only You (7) Forbidden Love (3) Full House (2) 

Gumiho (3) Lovers in Paris (2) 

2. Bakit gusto ang Kdrama? 

a) dahil sa istorya/plot/iskrip r ealistic and very romantic 

all the actors are very dedicated to the woman they love.; simple; 

interesting; touches my soul; not boring; full of romance, 

passionate; story is really2 good; beautifully written; mostly clean 

content; stories are so true to life; the language is fascinating also; 

very entertaining story is good 

b) dahil sa mga tauhanlovable; nakakareleyt ang mga manonood sa mga tauhan 

c) dahil sa mga artista (babaet lalaki)actors and actresses are beautiful people; acting is 

superb; The actors are convincing in playing their part.; because of Jo Hyun Jae. I find 

him a very good not to mention a very handsome actor, his portrayal as Lee Han in Only 

You is very good. 

Sa sarbey na ito, mas marami ang tagahanga ni Jo Hyun Jae, gumanap na TJ sa Only 

You hindi lang dahil sa mahusay siyang gumanap sa pangkalahatan (hyun jae is the 

finest among the actors, promotr him and the industry would surely rise) kundi dahil din 

napakagwapo niya: He looks great in clean white shirtsI w ish hed come here in Manila 

so we can see him. cant get enough of hyun jae I love hyun jae jo hyun jae is the sexiest 

alive rain only second to him, becoz jhj bested him in handsomeness. jo hyun jae is a 

very handsome actor more handsome than rain and jo in sung, 

Gusto ko ring bigyangdiin ang mahalagang detalye: may tatlong uri ng pagbasa/panonood ang 

Filipinong manonood: ang Kdrama bilang lalagyan (receptacle) ng unibersal na emosyon, relasyon 

(halimbawa, pagibig, pamilya, atbp.), at maaari ring sa Filipinong milieuang kolektibong Ako/I; at ang 

Iba/Other. Sa pagbasang unibersal at pananawFilipino ang sinabing They present good stories taken 

from real life dramas which are quite similar to Filipinos way of living. Ang Iba/ Other ay nasa 

komentong the most important thing in Korean TV drama not only talk about love, but also the 

relationship with ur family, friends, their culture, etc. very different from America n dramas. Interesting 

din ang komentong nagbigaypansin sa pagkamabakayan ng mga Koreano kahit pa sa Kdramas: I 

would say that Korea ns are very nationalistic. So far, Ive seen this virtue in almost all the dramas that I 

have watched, promoting their own products in some of the scenes. 

Sa pangkalahatan kung gayon, mahalagat kapakipakinabang na aktibidad ang panonood ng K

dramas. Hindi lang ito paglilibang kundi edukasyonal pa nga: pagaaral tungkol sa buhay, pagiging 

malay sa ibat ibang kultura. 

Ang respondents ay rebyuwer/kritik din in their own right wika nga. Ang kanilang konsepto ng 

maganda, ng estetika ay inaplay nila sa istorya, iskrip, mga tauhan, casting (ang itsura ng mga 

actor/aktres, at ang kan ilang pagganap). Katangitangi ang pagbasa/panonood ng ibang respondents na 

ibat ibang realidad at mundo ang sabaysabay, sapinsapin nilang nakikita: ang realidad at mundo ng 

mismong istorya sa Kdrama, ang kultura ng mga Koreano, ng mga Filipino, ng mga Amerikano A t 

nauna na nga ang kulturang Latino, Taiwanese. Hindi man malawak at malalim ang kaalamang 

naihahatid sa pamamagitan ng telenovelas, sapagkat nakapaloob ang telenovelas sa pop culture at sa 

midyum ng TV, mas buhay na buhay na nailaladlad ang kultura, na ang impact at impluwensya ay 

singlakas, kung hindi man mas malakas pa nga kaysa mga librong nakapaloob sa isang pormal na 

sistema ng edukasyon. At sa isang mahirap pa ring bansang tulad ng Pilipinas kung saan ang 

edukasyon, kahit pa sa primarya man lang, ay isa pa ring pribiliheyo sa halip na pantay na karapatan ng 

mga mamamayan, ang napakapopular na telenovelas, sa puntong ito ng ating buhaybansa ay Kdramas, 

hindi lang enterteynment ang telenovelas, isang paaralan na rin ito sa katunayan. 

Ang Only You sa Ibang Pananaw 

Marami man sa respondents ang gustonggusto ang Only You, maraming puna, pintas, atake ang 

maibabato rito, halimbawa ng mga feminista, mga Marxista. 

Sa pananawfeminista: 

Mahusay na chef si Jillian, may treyning pa nga sa Venice , bakit hindi niya magamit sa pagbuhay sa 

sarili? Siya ang super chef basta nagtatrabaho siya sa Italian restaurant na minamanage ni TJ; basta 

pinalayas siya sa Italian restaurant ng kontrabidang si Ate Dina, o lumayas siya sa sarili niyang 

desisyon, wala na siyang special skills, kontento na siya sa pagiging weytres, dishwasher, tagalinis ng 

gulay S i Jillian ay walang obhetibong imbentaryo ng kanyang mga kahinaan, lalo pa nga ba ng 

kanyang mga kalakasan upang maging survivor, lalo pa nga at siyay isang single motherna inaapiapi 

pa ng kan yang hilaw na inlaws: ang ate at ang ama ni TJ. 

Bakit din pabagobago ang isip ni Jillian? Kapag nagiisa siyat kinakausap ang sarili, alam na 

alam niya kung ano ang gusto niya (mahal niya si TJ), kung ano ang gusto niyang gawin ni TJ 

(ipaglaban siya, silang magina, kung hindi posible ang lahat ay magpakalayolayo na lang sila). Pero 

basta magkaharap na sila ni TJ, si TJ na lagit laging sinasabing mahal nito si Jillian kahit pa hindi nila 

naging anak si Joshua (at sigurado akong maraming babae sa tunay na buhay ang kikiligin diyan!), 

kapag sumusumpa si TJ na mahal na mahal nito ang kanyang magina, at tatalikuran nito ang lahatlahat 

(ang kanyang ate at ama, ang siya bilang tagapagmana ng isang business empire), walang 

reaksyon si Jillian kundi ilan sa mga ito: walang kibo at basta lang iyak nang iyak, o susumbatan pa si 

TJ na ginagamit lang sila ni Joshua para hindi ito magkaguilt feelings nang dahil sa anim na taong 

pagkahiwalay sa magina, o kayay itutulak pa ni Jillian si TJ sa pagsunod sa kagustuhan ng pamilya na

si Trixie ang pakasalan nito. Hindi nakapagtataka na isang babaeng respondent ang nagsabing ang 

tangatanga ni Jillian, apingapi na nga si TJ sa ganitong pagdededma ni Jillian kay TJ, kung 

masasampal lang daw ng respondent si Jillian! 

Ang magandat career woman naman na si Trixie ay hindi lang basta umiibig kay TJ: bulag, 

sakim, irasyonal, mapangwasak ang kanyang pagibig. Sa paghahangad na magtagumpay ang kanyang 

pagibig kay TJ, winawasak niya ang buhay ng kanyang mismong pinakamamahal (TJ), ng mga taong 

wala namang ginawang masama sa kanya (Jillian at Joshua), winawasak niya ang kanyang mismong 

katinuan. Ang kan yang pagibig ay obsession, fixation. Sa pananawfeminista, ano ang silbi ng paglaya 

sa economic bondage ng isang career woman kung nananatili siyang nakakadena, sa katunayay siya pa 

mismo ang nagkakadena sa kanyang sarili, sa isang makitid na depinisyon ng isang makabuluhang 

buhay: Ang buhay na kasama ang lalaking iniibig at iniibig din siya. Ang tradisyonal na paniniwalang 

kung walang lalaki sa buhay ng isang babae, bigo pa rin siya, matagumpay man siya sa kanyang career 

o anupaman. Nang hindi nirereject ang importansya ang romantikong pagibig, ang feministang 

pagtingin ay ang pagiging makabuluhan ng sariling buhay para sa sarili, para rin sa iba. Sa kaso ni 

Trixie, magandat matagumpay na career woman na siya ay bigo pa rin siya sa tingin niya dahil bigo siya 

kay TJ. Sa feministang pananaw, ang mga katulad ni Trixie bilang mga tauhan sa mga akda, o bilang 

mga babae sa tunay na buhay, ay dapat ireinvent bilang babaeng marunong tumanggap ng pagkabigo sa 

pagibig dahil alam niyang ang kanyang pagiging indibidwal, ang kanyang pagiging babae ay hindi 

basta nakasalalay lang sa afirmasyon ng partikular na lalaking inaalayan ng pagibig, o ng 

Lalaki/Patriarki. 

Kaiba sa romantikong pagpapares kina TJ at Jillian sa Only You , sa feministang pananaw, ang 

dapat magkasama ay sina Jillian at Jonathan pa nga. Sa kabilang bansa, sa sarbey at sa blogs na nabasa 

ko ay high na high, nagsuswoon ang mga babaeng manonood sa pagiyakiyak ni TJ, magisa man siya 

o sa harap ni Jillian, nang dahil sa pagibig kay Jillian. Winawasak nito ang dekahon o stereotyped na 

mga konsepto ng kung lalaki ay ganito, kung babae ay ganitoat ang pagiyakiyak ni TJ ay isang 

katanggaptanggap na asal, reaksyon ng isang lalaki. Sabihin man ng iba na baka naman kaya gusto ng 

mga babae na iniiyakan sila ng mga lalaki ay dahil repleksyon ito ng isang gender war kung saan tila 

panalo ang babae, mas gusto kong isipin ito sa ganitong pakahulugan: ang pagtatanggal ng gender 

labelling sa akto ng pagiyak: na babae lang daw ang dapat umiiyak; kung gayon, ang lalaking umiiyak 

ay bakla/bading. 

Pero kahit pa ikatuwa ng mga babaeng manonood ang pagiyakiyak ni TJ, si TJ sa katunayan, 

sa tunay na buhay, ay isang nobyo, isang mister na mapanganib. Sapagkat ang mga kabataang babaeng 

manonood ay sinusundan ang istorya ng Only You nang may suot na romantikong salamin, nakakakilig 

pa marahil sa kanila ang confrontation scenes nina Jillian at TJ, at ilang beses ito, kung saan bruskongbrusko 

si TJ kay Jillian: ang payatpayat ni Jillian pero gayon na lang kung hatakhatakin, hilahilahin si 

Jillian kapag nagagalit siya, padarag na kinokorner niya ito, ang mukhat pananalita ay tila sa isang 

nagngangalit na dragon at kulang na lang ay lumabas ang apoy sa kanyang bibig! Sa marami nang 

research na pangkababaihan, natuklasan na sa kaso ng pambubugbog sa mga misis, at kahit pa nga ba 

habang nobya pa lang, ay konsistent ang mga natuklasan sa maraming kaso ang mga ganitong detalye: 

Ang pagiging mambubugbog o batterer ng isang lalaki ay hindi basta naguumpisa lang sa

panahon ng pagiging magasawa o magnobyo. Matagal na itong nakatanim sa personalidad at karakter 

ng isang lalaki. May mga indikasyon o telltale signs katunayan (Sobritchea, ed., 2001)iyon nga lang, 

dahil wika ngay bulag na bulag sa pagibig ang babae, iniinterpret pa ngang ang pagiging seloso ng 

lalaki ay tanda ng malaking pagibig sa kanya at hindi dahil sa insecure/unstable personality ng lalaki; 

na ang mga panimulang pananakit sa babae tulad ng paghatak, pagtabig, pagsampal, halimbawa, ay 

karaniwan ding isinisi ng babae sa kanyang sarili (kasi naman, pagod siya, tampo pa ako nang tampo, 

etsetera, etsetera), hindi naisip na ang pagiging pisikal ng lalaki ay kawalan ng disiplina, kontrol sa 

sarili. Sa mga kasong ganito, ayon sa pangkababaihang research, hindi dapat sisihin ng babae ang kan 

yang sariliwala siyang kinalaman sa sanhi ng pagiging mambubugbog ng isang lalaki. Ang sanhi, 

karaniwan, ay ang mga pinagdaanan ng lalaki noong itoy bata pa hanggang lumakiwalangwala pa ang 

babae sa kan yang buhay. Halimbawa, kung susuriin si TJ, professional psychologist ka man o layman 

psychologist mula sa iyong pagbabasa ng mga libro at pagbabasa sa mismong buhay, masasabing 

mapanganib si TJ bilang kasama sa buhay at sa bahay dahil kapag nagagalit siya ay nagngangalit siya sa 

anyot aksyon: madali siyang bumigay kay Jonathan nang dahil sa selos, nagsusuntukan tuloy sila ni 

Jonathan, ilang eksena ring naging barumbado siya kay Jillian. Sa loob ng telenovela, ang mga 

barumbadong eksena ni TJ kay Jillian ay cute at nakakikilig dahil napuputol ang mga ito sa paghupa ni 

TJ, ang kan yang sweet na paghingi ng tawad. Pero sa tunay na buhay, batay na rin sa mga kaso ng 

pambubugbog na nababasa natin, sa research man o sa mga balita sa dyaryo, mga kasong napapanood 

natin sa mga programang investigative reporting o bilang mga balita sa TV, ang nangyayari ay ang 

paulitulit, at sa katunayay magiging papadalas at papatinding pambubugbog pa nga. Tulad ng 

mababasa natin, o mapapanood natin, may mga kaso pa ngang nauuwi na sa pagkamatay ng babae nang 

dahil sa bugbog. Kaso ba ito ng di sinasadyang pagkapatay, o pagpatay? Ipinapayo ng mga propesyonal 

na ang mga babae ay dapat maging malay sa personalidad/karakter ng lalaki, sa katunayan, sa panahong 

nagliligawan pa lang. Maging malay sa mga hudyat o telltale signs. Maging malay at bukas sa 

katotohanang wala sa mga kamay ng babae ang ikapagbabago ng ugali ng isang lalaki, o ang umasang 

pagdating ng araw ay magbabago ang lalaki. 

Guwapo man ang artistang gumanap ng TJ, ang TJ bilang isang tauhan ay kumakatawan sa mga 

lalaking potensyal, o kayay aktwal nang mambubugbog sa tunay na buhay. Sa tunay na buhay, ang payo 

pa nga ng mga propesyonal sa mga babaeng may nobyo o mister na mambubugbog ay Layuan mo dahil 

kaligtasan, buhay mo ang nakataya. Sa tunay na buhay, si Jonathan ang dapat makapartner ni Jillian: 

mulat sapul ay maaruga, masuporta, katunayan, hindi lang sa maginang Jillian at Joshua kundi sa 

mismong mga magulang na Jillian. Masuporta sa lahat ng bagay: kay Jillian bilang iniibig at kaibigan, 

kay Joshua bilang surrogate father, sa mga magulang ni Jillian. Isang syeyrer si Jonathan: pagibig, 

panahon, pera, ang kanyang mismong bahay. Mas may kontrol siya sa sarili kumpara kay TJ. Sa istorya 

ng telenovela, si TJ ang romantikong bida; sa realidad ng tunay na buhay, ang mga tipo ni Jonathan ang 

dapat makapartner ng mga babae para sa mas maligayang pagsasama. 

Sa pananawMarxista: 

Interesting ang Only You dahil ang malaking kabuuan ng istorya nito ay angkop sa Marxistang pananaw

kung ano ang paguugnayan ng mga nagtutunggaliang uri sa isang lipunan; gayunman, ang wakas ng 

istorya ay ipagngingitngit ng mga Marxista. 

Makauring pagmamahal (class love) at makauring pagkamuhi (class hatred) ang namamaibabaw 

sa amat kapatid ni TJ, gayundin kay Trixie. Ayaw ng amat ate kay Jillian dahil hindi raw nila ito kauri. 

Gusto nila si Trixie para kay TJ, kauri nila ang class background nito. Aminado si Trixie na sa umpisa, 

talagang plinano niya ang pagiging magasawa nila ni TJ upang siya, na naulila sa mga magulang na 

bumagsak ang kabuhayan, ay makabalik sa dating mataas na kinalalagyan; ang plano ng iyon ay 

sumanib sa naramdamang malaking pagibig kay TJ kalaunan (na kanyang tunay namang kauri). 

Dudangduda ang tycoon at ang ate kay Jillian at sa ama nito. Ang lahat ng ito ay pagsungkit 

lang ni Jillian, ng kanyang mga magulang, sa malaking kayamanan sa parte nila ni TJ. Sa tingin ng 

tycoon at ng ate, walang pagibig na hindi matutumbasan ng salapi tula d din naman ng pagkukuwenta 

nila, o pagkatas nila, sa lakaspaggawa. Kaya Jillian, magkano ka at ang iyong pagibig? Lagit laging 

nagbabagsak ang ate ng makapal na sobre ng pera tuwing lagit laging pinalalayas si Jillian bilang chef 

sa Italian restaurantpera lang ang katumbas ng paglayo ni Jillian kay TJ. Sa paguusap ng tycoon at ni 

Jillian, sinabi ng tycoon na kapalit ng paglayo ni Jillian kay TJ ay ibibili niya ito ng isang bilding, 

sobrasobra nang pambuhay ito ni Jillian kay Joshua. Para kay Jilliaam ay walang katumbas na pera ang 

kanyang pagibig at dignidad, pulos tanggi siya. Gayunman, dahil sa class hatred, ipagkakamali pa rin 

ng ate na ang balak na ama na pagbili ng bilding para kay Jillian ay pakana pa rin mismo ni Jillian. Sa 

tycoon at ate, ang hindi nila kauri ay laging parang mga asong ulol na naglalaway sa kan ilang 

kayamanan. 

Sa tinagaltagal ng makauring tunggaliang ito sa loob ng istorya, na konsistent sa Marxistang 

paglalarawan sa naghaharing ur i, ang wakas pala ay class reconciliation. Sa punto ng teknik at estilo, 

ang biglang pagpasok ng wakas ay may epektong tila minadali. Matapos ang eksenang kinausap ni 

Jillian ang tycoon at matatag na sinabing hindi niya lalayuan si TJ dahil ayaw niyang lumaki nang 

walang ama si Joshua, bigla na lang sumunod ang eksenang picturetaking sa harap ng Italian 

restaurant. Isang masayang pamilya na sila: ang tycoon at ang ate, sina Jillian, TJ at Joshua. Sa kuhanan 

ng retrato, ang dating ordinaryo sa itsurat pananamit na si Jillian ay biglang naging mukhang mayaman, 

mukhang mayaman na rin si Joshua. Sa ilang huling eksena, sa pagdalaw sa Venice ay magkakasama 

sina Jillian, Joshua at TJ. Masasaya sila, obyus na mayayamang turista. 

Sa mga huling eksena kung saan magasawa na sina TJ at Jillian, isang eksena ang isiningit na 

nagpapakita sa mga magulang ni Jillian, naguusap ang dalawa tungkol sa kanilang balaeng tycoon. 

Hanganghanga na sila sa kabaitan ito dahil nagdoneyt ito ng milyonmilyon sa kawanggawa. Alls well 

that ends well? Itanong sa mga Marxista kung posible ang class reconciliation. Ang posible lang ay 

class transformationat ito ay isang mahirap, matagap na proseso ng pagtalikod sa iyong uring 

pinagmulan at kinapapalooban tungo sa pagiging proletaryo (Avineri, 1968).

Kung gayon, hanggang kailan ang pagbait ng tycoon at ni Dina? At ngayong superyaman na rin 

sina Jillian at Joshua, hindi rin kaya matulad sila sa mas namamayaning asal at ugali ng tycoon at ni 

Dina? 

Mula sa Kristiyano/humanistang pananaw: 

Tayoy mga anak ng Diyos. Tayoy pareparehong bahagi ng sangkatauhan. Posible ang pagkakasundo ng 

mga ur i. 

Gayunman, maitatanong, saan nanggaling ang biglang pagbabagongpuso ng tycoon? Biglangbigla 

ito sa istorya. At dahil may sablay sa motibasyon, sa karakterisasyon sa tycoon, hindi tunay na 

pumapasok sa kaibuturan ng manonood kung ano ang pagmamahal sa kapwa, kung ano ang karapatdapat 

na kawanggawa. Hindi ito ang basta paghahagis sa mga iba ng kung ano mayroon ka nang sobrasobra. 

Sa kabilang banda, simbigat ng bundok ang pagkakawanggawa ng isang mahirap na tao, na ang 

pagkaing isusubo ay iniabot pa niya sa isang nanghinging mas gutom pa pala kaysa kanya. 

Sa kasalukuyan, naririnig natin ang terminong corporate conscience. Para sa mayayaman, 

pagbalanse ito sa ginagawa ng dalawang kamay: hindi dapat nagkakamal ng yaman ang isang kamay 

nang dahil sa pagkatas ng lakaspaggawa, ng dignidad ng iba, at upang hindi makonsyensya ay 

naghahagis ng kaunting kawanggawa ang kama y sa kabila. 

Laughter is the best medicine. 

Kumpara sa mga telenovelang Filipino na inirereklamo sa sobrang iyakan at sobrang 

pagpapakita ng kasamaan ng mga kontrabida, na ang baryasyon ay ang fantaseryes na naging kasawasawa 

na rin bandang huli, ang Kdramas ay maraming pagkakaibaiba. May drama, romance comedy, 

action. May contemporary period, mayroong old Korea . May parang travelogue: sa Paris, sa Bali , sa 

Venice . Nanonood ka lang ng telenovela ay nagaaral ka na ring magluto, tulad ng sa Only You at 

Jewel in the Palace. 

Ang titulo ng papel na ito ay tumukoy sa Only You at sa mga katulad na Kdramasibig kong 

sabihin, ang Kdramas na kabilang sa romance comedytulad ng Lovers in Paris at mga iba pa. At 

napakaepektib ng mga ganitong palabas sa pagpapatawa sa mga Filipinotawa nang tawa ang mga 

manonood sa mga nakatatawang eksena, korni man ang mga iba, sa kagagawan ng mga bida, o kayay 

ng secondary characters. 

Kung ang Korean telenovelas na romance comedy ay nagpapakita ng mga istoryang baryasyon 

lang pala ng fairytales kung saan ang babae ay naghihintay lang ng lalaking hahalik sa kanya upang 

siyay magising sa sumpang matagal na pagkakatulog, ng lalaking hahanapin siya dala ang isang paa ng

kanyang sapatos at para na rin hanguin siya sa pagmamalupit ng kanyang madrasta at stepsisters, ng 

isang lalaking ililigtas siya, ang babaeng superhaba ang buhok, sa mataas na toreng kinalalagyan K ung 

prinsipe noon , ngayoy isang bourgeois, burges. 

Sa mga babaeng manonood ng ganitong Kdramas, sasabihin ba natin, hoy, huwag kan g 

mangarap nang gising! 

At ngayoy ang Princess Lulu, pareho nang mayaman ang babaet lalaki. Sasabihin ba natin, hoy, 

huwag kan g mangarap nang gising! 

At ngayoy sesentruhan ko ang mga salitang mangarap nang gising. Sa karaniwan, negatibo ang 

pakahulugan dito ng marami. Hindi ka praktikal, hindi ka realistik, hindi ka objective. Halimbawa, 

huwag mo siyang ligawan, huwag kang mangarap nang gising, ibig sabihin, malaki ang tsansa na hindi 

ka sagutin nang dahil sa kung anong dahilan, at tiyak na malakit mabigat ang dahilan dahil nga sa 

ekspresyong mangarap nang gising. Mayroon ding pakahulugang tamad ang isang taong laging 

nangangarap nang gising. 

Gusto kong ihain ang expresyong mangarap nang gising sa kung paano nabigyangbagong 

pakahulugan ang ating expresyong bahala na, isang katangian/ugaling Filipinona negatibo ayon sa mga 

expertong dayuhan na sumilip sa atin sa kanilang telescope at microscope. Sa atin mismong mga libro 

ay naging Biblia na ring isama sa mga negatibong katangian/ugali umano ng mga Filipino ang nasabing 

bahala na. Sa muling pagsipat ng mga antropolohistang Filipino gamit ang pananawFilipino, ang 

negatibo ay magiging positibo: ang pagsasabing bahala na ay hindi pagsuko, hindi kawalan ng pagasa, 

hindi pagiging tamad. Ang bahala na ay isang ekspresyong may implicit na kasunod: bahala na muna 

ngayon pero patuloy ang kayod bukas; bahala na (ang Diyos, nasa Kan ya ang awa, nasa tao ang gawa). 

Sinasabi ng isang inang magdiDH man sa Maynila o sa Saudi Arabia , Bahala na, bahala na 

Sa hirap ng buhay, e ano ba naman kung marinig mo ang sarili na sa loob ng tatlumpung 

minuto, bawasan mo pa nang dahil sa sangkatutak na komersyal, mula Lunes hanggang Biyernes, ay 

napapahagalpak ka ng tawa. Pagkatapos naman niyon ay babalik ka sa iyong pagiging katulong, 

tindera, labandera, sekretarya, guro, researcher, etsetera, etsetera. Hindi kayang tabunan, iwaksi ng 30 

minuto, o mas kaunti pa dahil sa sangkatutak na komersyal, ang tunay na realidad ng iyong mismong 

buhay. Kaysarap marinig ang iyong sariling boses na napahahagikgik ka, napahahagalpak ka ng tawa. 

Naririnig natin, Laughter is the best medicine. At hindi ito basta sabisabi lang. Natuklasan, 

halimbawa, na ang mga taong malulungkutin, depressive, ang siyang susceptible sa kans er. Sa kabilang 

banda, karaniwang maganda ang kalusugan ng mga taong may sense of humor, masayahin. Sa kabila 

man ng mga problemang di maiiwasan, ang mga taong may sense of humor ay survivorsmayaman man 

sila o mahirap, babae man o lalaki, bata man o matanda, anuman ang kulay ng balat. 

Sa isang segment ng isang episode ni Korina Sanchez sa kanyang Rated K ay binalikan niya 

ang Real, Quezon kung saan kayraming namatay dahil sa landslide. Isang human interest item niya ay 

ang isang inang ang naisip na paraan ng paghahanapbuhay ay gawing sinehan ang kanyang salas. Mahal 

ang koryente sa kan ilang lugar, piso ang singil niya sa bawat manonood. Sa kan yang tv set ay 

nakapanonood ng ibat ibang pelikula, marami siyang tapes. Tinanong ni Korina ang babae kung anong

pelikula ang popular sa mga manonood doon at mabilis na sagot ng babae, comedy at mabilis din ang 

kanyang paliwanag, mahirap na kasi ang pinagdaanan namin, gusto naman namin, masaya. 

Kung gayon, iba ang mangarap nang tulog sa mangarap nang gising. Ang mangarap nang gising 

ay isang coping mechanism, isang paraan ng surviving. Walang masama sa paglilibang. Hindi ito isang 

escapist act. May silbit gamit ang isang Korea n telenovela, o anumang pelikulang nakatatawa, o 

anumang akdang pansumandaliy magpapatawa sa iyo. 

Mas matindi ang landslide na nagbaon sa buong barangay ng St. Bernard sa Ginsaugon, Leyte 

(Philippine Daily Inquirer, Jan. 23, 2006 ). Sa iilang nakaligtas, at dahil lang silay wala sila sa kanilang 

barangay nang maganap ang landslide, ang trahedyay ang sabaysabay na pagkawala ng buong pamilyat 

angkan, ng buong pamayanan. Ang mamatayan ng isa lang minamahal ay sapat nang makawindang sa 

puso ng sinuman. Kaya nakapagtataka bang sa kan ilay maraming natutulala? Isang pulis na nawalan ng 

pamilya ang tinanggalan muna ng baril, baka kung ano ang mangyari kung siyay bumigay. Sa isang 

misa para sa mga namatay at sa mga namatayan, isang babae ang bigla na lang humagulgol na nagwala, 

nasaan ang Diyos, may Diyos ba talaga, hindi na siya naniniwala sa Diyos dahil bakit Niya binayaang 

mamatay nang sabaysabay ang matatanda, ang mga bata? Kailan kaya matutuyo ang luha sa kan ilang 

mga pisngi? Kailan kaya babalik ang ngiti sa kanilang mga labi, kailan muling maririnig ang taginting 

ng kanilang mga halakhak? 

Magpapatuloy ang buhay gayunman. Kailangang kumapit sa pananalig at pagasa, sa mga taong 

puwedeng sandigan. Puwede rin namang sa isa sa mga hinaharap, sa panonood ng isang palabas, 

mababaw man sa pamantayan ng iba ay mapangiti, mapatawa sila. Sana s ana 

Ang Telenovelang Midya 

Sa kasalukuyan, ang dalawang pangunahing channel ay nagpapatalbugan sa pagpapalabas ng Kdramas 

na pruwebado nang naging hits sa labas ng bansa, ang My Name is Kim Sam Soon at Jewel in the 

Palace (sa Channel 7), ng Forbidden Love at Princess Lulu sa Channel 2. Sa pinakahuling reyting, mas 

malakas ang Jewel in the Palace. Naging popular tuloy ang Korean cuisine sa mga Filipino dahil ang 

istorya nito ay may detalye ng tungkol sa isang lumang cookbook na matagal nang hinahanap at hawak 

ng bidang babae. Sa isang feature program sa TV, halimbawa, inireport na dumami ang mga Filipinong 

customers sa Korean restaurant, sa malaking pagkatuwa syempre ng mga Korea nong mayari ng 

restaurants. Ang mga Filipinong ininterbyu ay nagsabi ring naging interesado sila hindi lang sa pagkain 

ng Korean cuisine, nagaaral na rin sila kung paano maghandat magluto nito. Sa kuwentuhan ng mga 

nanonood ng Kdramas, nagkakatawanan na lang kapag nagkaalamang nagagaya na rin pala sila sa 

ugaling Koreano na pagyukod bilang tanda ng paggalang o kayay pagpapaalam sa kausap. 

Maraming Kdramas sa TV programming ng mga nangungunang channels sa ating bansa: sa 

umaga, sa hapon at sa gabi mula Lunes hanggang Biyernes bukod pa sa weekends. Pero sa katunayan, 

hindi naman ang mga manonood ang nagdikta sa TV owners and executives na magpalabas ng 

telenovelas. Ang telenovelas ang sagot sa bagsak na industriya ng pelikula sa Pilipinaskaya naman ang 

mga nasa pelikula ay nagsiksikan sa TV ind ustry. Nakita ng mga nasa TV ind ustry na mas malaki ang 

tubo nila sa telenovelas, package deal na ang lahat kaysa sa hiwahiwalay na pagbabayad sa Filipinong

direktor, iskriprayter, cinematographer, production designer, mga artista, extras, at iba pa. Kaya habang 

parami nang parami ang telenovelas, nawawalan ng trabaho ang local talents na nawalan ng trabaho sa 

film industry, sa TV ind ustry. 

Syempre pa, may mga ibang pumupuna sa pagiging eskapista, at low quality rin, ng mga 

ganitong palabas, bagamat nasabi ko na ngang may positibo rin namang gamit ang Kdramas lalo pa 

nga ba ang romance comedies, lalo na ang pagiging comedy nito. 

Gusto ko na ring idagdag ang puntong sa Kdramas, alam na alam naman ng mga manonood na K 

dramas ang pinanonood nila bago, habang, at matapos ang panonood. At ang malay na pagkaalam na 

telenovela lang ang pinanonood ay ang siyang marker ng manonood na hindi naman talaga totoo ang 

kanyang pinanonood. Ang mas malaking problema ay kung ang midya, sa pangkalahatan, ay nagaalok 

sa kanya ng mga ideyang malatelenovela sa pagiging fantastic. Maraming halimbawa. Paulitulit na 

mababasa natin sa print media ang pagsasabi ni Presidente Gloria Macapagal na para raw makakuha 

tayo ng maraming trabaho sa call centers, kailangang magpakahusay tayo sa English, kaya dapat 

magbalik sa English bilang wikang panturo. Kapag nagsasalita siya ng ganito, front page ito sa 

broadsheets natin sa English syempre pa, dahil pabor sila dito. Kadalasan, tuwing magsasalita ng 

ganito ang Unang Lider ng bansa, kinabukasan o ilang araw lang pagkaraan, lagit laging lalabas ang 

mga balita tungkol sa mga unibersidad na nagmamalaking English na ang kanilang wikang panturo gayong 

ilegal ito dahil iba ang nakasaad sa ating Konstitusyon kaugnay ng mga probisyong pangwika. 

Sa pinakahuling balitang nabasa ko, isang unibersidad sa Mandaluyong ang nagsabing bawal na raw 

magsalita ng Filipino sa loob ng kampus kahit ang janitorial staff, ang security guards. Nabasa na rin 

natin sa broadsheets sa English na ang ating Labor Secretary ay kakausapin daw ang Education 

Secretary para maging English na ang wikang panturo para maging internationally competitive daw ang 

ating OCWs. Kinabukasan nang sabihin niya ito, sumunod ang balita ng broadsheet sa English tungkol 

sa posisyon ng isang trade union na talagang dapat magpakahusay sa English, dapat na English ang 

wikang panturo. Kung paano naging sagot ang call centers sa pagunlad ng ekonomya ng bansa, kung 

paanong ang English ay karapatdapat daw na wikang panturo, iyan ang pantasyang malatelenovela na 

wala sa parametro ng telenovela. Gayong ang maraming bansa sa mundo ay nagaaral ng English bilang 

pangalawang wika, o pangatlong wika, o espesyal na wika ang sarili pa rin nilang wika ang kanilang 

midyum sa pagtuturo, sa gobyerno, sa midya, sa pangarawaraw na buhay. At mauunlad, o umuunlad 

naman silatulad ng Germany , France , Italia , Japan , China , etsetera, etsetera. Pero ang English naman 

ay kasakasama na natin mula 1900 at ngayo'y 2006 na, ano't bagsak pa rin ang ating ekonomya at 

ngayo'y nakabaon sa mga utang internasyonal ang mga susunod na salinlahing Filipino? 

Pero nitong magdeklara ng state of national emergency sa pamamagitan ng Proclamation No. 

1017, biglang buongbuong inanawns ito ng Pangulo sa pamamagitan ng wikang Filipino. Sabagay, 

tulad sa isang telenovela, may iskrip naman ang mga pulitiko sa paggamit ng Filipino: sa panahong 

nagkakampanya para mahalal, ang ating malalaking pulitiko ay nagpiFilipino. Pagkatapos mahalal, 

para sa kanilang state of the nation address at press conferences at iba pang ordinaryo't mahahalagang 

pagkausap sa bayan, Ingles sila nang Ingles kahit pa si dating presidenteng Joseph Ejercito Estrada 

na pelikulang Filipino ang ipinaging tanyag, at siyang nagpanalo sa kanya bilang presidente. Nadagdag 

sa iskrip ng paggamit sa Filipino, kung eleksyon, ang paghahanap ng unawa't simpatya ng mga 

ordinaryong mamamayan, kung namemeligro na nang dahil sa mga kudetakudeta. Kapag normal na 

ang sitwasyon, gudbay pambansang wikang Filipino! At kahit na hindi pa normal ang sitwasyon at ang

clamor ay bawiin na niya ang state of national emergency, na siyang dapat niyang gawin kung ayaw 

niyang matatak sa isip ng mga Filipino na siya'y isa nang diktador, tulad din ni dating Presidente 

Marcos na ama ni Congresswoman Imee Marcos at ang diktador na sinuportahan din ng dating Joseph 

Estrada, ng dating host Tito Sotto na naging senador, etsetera, etsetera. Kung makita man natin si 

dating Presidente Cory Aquino at si dating Presidente Fidel Ramos na kasama sa kampo ng mga 

nagpagbagsak kay Marcos gayong si Ramos ay pinsan ni Marcos at siya ang secretary of defense sa 

panahon ni Marcos at gayong pinatay si Benigno Aquino sa panahon ni Marcos kaya naman naging 

presidente tuloy si Cory Aquino nang dahil sa galit ng bayan sa mga Marcos, pero sina Ramos at 

Aquino ay kasama sa nagpabagsak kay Estrada, at ang Kaliwa ay hindi kasama sa unang EDSA pero 

natuto na sila sa leksyon ng kasaysayan kaya ngayon ay sumasama na sila nauna gayong may panahong 

pinagbagsak nila si Estrada, at may panahong magkasama sina Aquino at Ramos at Gloria pero ngayo'y 

pinagbabagsak na nila si Gloria, at si Gloria namay nagdeklara ng Proclamation No. 1017 nang buongbuo 

sa wikang Filipino (brinodkast ng lahat ng tv station noong Pebrero 24, 2006; ang text nito ay 

ilalathala ng mga dyaryo kinabukasan), at ngayon, ang saklap naman na ang pambansang wikang 

Filipino na iniingusingusan ng mga pulitikong Inglesan nang Inglesan at hindi naman talaga 

naiintindihan ng maraming karaniwang Filipino, kaysaklap na ngayon pa ginamit nang buongbuo ang 

wikang Filipino sa isang kasulatang kinamumuhian, kinatatakutan ng marami. Iyan ang telenovelang 

the mother of all telenovelas na yata. Mabuti pa ang totoong telenovela, ilang episodes lang ay tapos na, 

kung may pera ka ay bumili ka ng kopya at matatapos mo sa isang minsanang panonood lang. 

Sa kabilang banda, lalo pa nga bang nagiging telenovela na ang midya kung kasangkot ang 

mismong mayari ng midya. Halimbawa, ang Wowowee bago at matapos ang stampede sa Philsport 

Arena sa Pasig City na nagresulta sa mahigit 70 namatay at pagkasugat ng marami (Philippine Daily 

Inquirer, February 4, 2006 ). Tulad ng telenovelang popular sa mga babaeng manonood, natuklasang 

mga babae, matatandang babae ang marami sa mga naging biktima. Bago ang unang taon ng 

anibersaryo ng Wowowee, malaking pangarap ang P1M jackpot sa Pera o Bayong portion, ang P3,000 

bawat isa sa sampung players na makasasagot nang tama sa BigatTen portion kung saan din may 

P50,000 jackpot price. At para sa unang anibersaryo, ang Pied Pier na si Willie Revillame (at syempre 

pa, nasa likod niya ang lahat ng nasa ABSCBN na responsable sa programang ito) ay nagalok ng mas 

malalaking pangarap: dalawang taxi, dalawang passenger jeep, tatlong traysikel, bahay at lote, P2M 

jackpot price sa Pera o Bayong, paraffle na P20,000 bawat sa isa sa 50 mabubunot. Ano ang panama 

ng mga pangarap at pantasya sa Kdramas kumpara sa mga pangarap at pantasyang alok ng mga 

totoong palabas? 

Pagkatapos ng stampede tragedy, bagamat sinabi ng ABSCBN management na sasagutin nito 

ang mga gastos bunga ng pagpapalibing at mga gastos sa ospital, naging high profile na sa mga 

pagbabalita nito ang mga interbyu sa mga militanteng isinisi sa Presidente ang trahedya nang dahil daw 

sa sobrang kahirapan ng bansa kaya umaasa na lang sa game shows ang mga mamamayan, ang mga 

interbyu sa mga nakaligtas na pawang sinasabi na walang kasalanan si Willie Revillame dahil aksidente 

lang naman ang lahatlahat. Ayon din sa ABSCBN, nakatutulong ang Wowowee sa mahihirap na 

contestants nalilibang na sila sa panonood, nagkakaroon pa ng tsansang manalo ng kung anoanong 

premyo. Hindi aaminin ng ABSCBN na malaking kasalanan nila na nagimbita sila ng napakaraming 

tao sa isang lugar na may kapasidad lang para sa 17,000, sa pinakamarami. Lumabas mismo sa bibig ni 

Revillame na may ilang gabi na siyang nagpupunta sa venue kaya hindi masasabing hindi niya alam na 

marami nang tao ang hindi na umuuwi nang ilang araw at gabi, makabilang lang sa masuwerteng

papapasukin sa venue. Galing pa sa mga ibang probinsya ang makapal na pilang doon na kumakain, at 

ayon sa report, doon na rin inaabot ng pagihi't pagdumi. Hindi aaminin ni Revillame at ng ABSCBN 

na tuwangtuwa pa nga sila habang papakapal nang papakapal ang mga tao sa venue dahil sa 

pinakamimithing pangarap na maitumba na, sa mismong araw ng anibersaryo, ang Eat Bulaga. Kung 

madami ang mga manonood na nakaharap sa TV sets, kung hindi makahinga sa dami, at ito'y literal at 

hindi figurative, ang maraming tao sa harap, sa paligid ng venue, sa araw man lang ng mismong 

anibersaryo, ito na nga ang katuparan ng pangarap at ambisyon ni Revillame, ng mga tagaWowowee, 

ng ABSCBN. Ang Wowowee ay isang game show, pero may sarili itong laro. Isinakripisyo nito ang 

mahigit na 70 namatay, ang maraming nasugatan, ang mga naulila, sa paghahangad nitong manalo sa 

isang rating game. 

At padami nang padami ang telenovelas sa ating TV programming. Sa newscasts na lang, 

nagbabalita man ng tungkol sa masaker, reyp, sunog, tsunami, kudeta ay bakit kaya nakangiti ang mga 

ibang nagbabalita, tila nagpapakyut na mga artista o commercial models kaya? May naturingang 

malalaking pangalang brodkaster na nakaismid, o mapakla ang boses gayong naghahatid lang daw ng 

balita. Pansinin din na kapag may isyu, bakit ang mga iniinterbyu ay kayrami sa isang panig, at 

kayhahaba ng mga sinasabi? 

Sa midya, maraming alok ng kung anoanong pangarap at pantasya sa ating mga mamamayan 

mula sa ating mga lider ng bansa na alam na alam gamitin ang midya para sa kanilang 

kapakinabangan, mula sa media practioners at media owners na alam na alam gamitin ang midya para 

sa kanilang kapanibangan. Kaugnay nito, sa Ingles ay may tinatawag na spin doctors: tamangtama, 

pinaiikot ka dahil may dinodoktor, tulad ng doktorin mo na lang ang sarbey natin. Ewan kung paanong 

ang marangal at tinitingalang propesyon ng pagdodoktor ay naikapit sa gawaing pandaraya. Sabi nga, 

mabuti pa ang telenovelas sa pagiging matapat, Telenovelas lang kami, no! Gayunman, kahit may 

therapeutic value ang mga ito, lalo pa nga ba ang romance comedies, ang magpakasobra sa panonood 

nito, kasabay ang di mapagmatyag at di mapanuring pagbasa/panonood sa midya ay maghahatid at 

magbubunga ng malaking kapahamakan. Ito na talaga ang mangarap nang tulog. 

Marami nang nasayang na panahon at pagkakataon ang Pilipinas. Kung talagang desidido 

tayong umunlad na, dapat nating paramihin ang mga Filipinong gising na gising. 

Bibliograpi: 

Avineri, Shlomo, ed. The Social and Political thought of Karl Marx . Cambridge 

University Press, c1968. 

Sobritchea, Carolyn I., ed. Gender Violence: Its SocioCultural Dimensions. 

Quezon City , University Center for Womens Studies (University of the 

Philippines ), 2001.

http://www.abscbn.com 

http://www.google.com 

http://www.igma.tv.com 

http://www.yahoo.com 

Philippine Daily Inquirer, January 23, 2006 . 

Philippine Daily Inquirer, February 4, 2006 . 

Philippine Daily Inquirer, Feb. 25, 2006 .

Ang Mangarap nang Gising sa Only You at - Philippine Center for ...

Create successful ePaper yourself

Delete template?

Save as template?