GENGU SAMAN TIL DÓMARA Baugsmálið er umfangsmesta ...

FRÉTTIR
Þyrping reisir stórhýsi á Bílanaustslóðinni við Borgartún:
ÁTTA HÆÐA HÚS Á BÍLANAUSTSLÓÐINNI
Í
þessu verkefni eins og
öðrum er markmið okkar og
metnaður að byggja vandað
mannvirki á góðum stað og geta
boðið viðskiptavinum okkar samkeppnishæft
verð, hvort sem
þeir leigja húsnæðið eða kaupa,“
segir Oddur Víðisson, framkvæmdastjóri
Þyrpingar hf. Nú í
september hefjast framkvæmdir
við smíði átta hæða verslunarog
skrifstofuhúss í svonefndum
Bílanaustsreit í Borgartúni í
Reykjavík. Þyrping stendur að
þessu verkefni, en til stendur að
reisa alls tólf þúsund fermetra
byggingu á átta hæðum með
þriggja hæða bílakjallara sem
rúma mun um 200 ökutæki.
Þetta er enn einn áfanginn í
þeirri endurreisn Borgartúnsins í
Reykjavík sem átt hefur sér stað
á undanförnum árum, en óhætt
er að segja að starfsemi við götuna
hafi gengið í endurnýjun lífdaganna.
Gamlar byggingar hafa
vikið fyrir nýjum, sem margar
hverjar hýsa framsæknustu fyrirtæki
landsins og þá ekki síst í
fjármálageiranum.
Undirtektir eru góðar
Þyrping keypti lóðina að
Borgartúni 26 í Reykjavík fyrir
nokkrum misserum. Á hluta
lóðarinnar mun ÍAV reisa um
200 íbúðir, en á þeim hluta sem
snýr út að Borgartúni mun áðurnefnt
stórhýsi rísa. Á neðstu hæð
hennar verður um 1.200m² verslunarrými
en á efri hæðum hússins
er gert ráð fyrir ýmiss konar
skrifstofu- og þjónustustarfsemi.
Oddur segir að framkvæmdir
ættu að vera komnar á fullt skrið
undir lok ársins og fyrri hluta árs
2007 eigi húsið að vera tilbúið
til innréttinga. Starfsemi í húsinu
ætti því að vera komin í fullan
gang eftir um tvö ár.
„Við erum að byrja markaðssetningu
og kynningu á húsinu
þessa daga og það litla sem við
höfum þreifað fyrir okkur þá eru
undirtektir góðar,“ segir Oddur.
Hann telur stjórnendur leggja höfuðáherslu
á þrjá þætti þegar þeir
velja húsnæði fyrir starfsemi fyrirtækja
sinna. Í fyrsta lagi staðsetningu,
í annan stað sýnileika
og í þriðja lagi aðgengi viðskiptavina
og starfsmanna. „Ef þú ert
með vel þekkt vörumerki skiptir
miklu að velja starfseminni
Skrifstofu- og
verslunarhúsið verður
alls tólf þúsund fermetra
bygging á átta hæðum
með þriggja hæða
bílakjallara sem rúma
mun um 200 ökutæki.
Oddur Víðisson, framkvæmdastjóri Þyrpingar hf.
áberandi stað. Að því leyti til er
Borgartún sterkur valkostur enda
í alfaraleið og í nágrenninu eru
einmitt mörg fyrirtæki með kunn
vörumerki sem eiga sér sterka
vitund í huga þjóðarinnar.“
Mörg verkefni framundan
Þegar stórhýsið við Borgartún
er risið er ætlun Þyrpingar
að koma því í útleigu eða
sölu og í framhaldinu verður
Suðurhlið skrifsofu- og verslunarhúsnæðis sem rísa mun á Bílanaustslóðinni á næstunni.
það selt til fjárfesta. Þyrping,
sem er í eigu Baugs Group
og Fasteignafélagsins Stoða,
stendur auk byggingarinnar við
Borgartún, að fjölmörgum öðrum
verkefnum um þessa mundir.
Þar má nefna verslunarhús á
Völlum í Hafnarfirði sem verður
opnað í desember á þessu ári og
framhald á uppbyggingu í 101
Skuggahverfi í Reykjavík. Nú er
á prjónunum að fara í uppbyggingu
á 2. og 3. áfanga hverfisins
með 180 íbúðum sem koma á
markaðinn á næstu misserum.
Jafnframt er sala hafin á einbýlishúsalóðum
í landi Akralands
ehf., það er sunnan megin við
Arnarnesveg í Garðabæ. Sala
þar á lóðum hefur gengið vonum
framar og byrjað verður að selja
lóðir í næsta áfanga hverfisins
um áramót.
F R J Á L S V E R S L U N • 7 . T B L . 2 0 0 5 11