GENGU SAMAN TIL DÓMARA Baugsmálið er umfangsmesta ...

D A G B Ó K I N
23. júlí
Burðarás
setti glæsilegt
Íslandsmet
í hagnaði
Hvílíkur hagnaður; mönnum var
allt að því brugðið yfir tölunni.
Burðarás skilaði 24,5 milljarða
króna hagnaði á fyrstu sex mánuðum
ársins og var það talsvert
meiri hagnaður en bankarnir
höfðu spáð. Þetta er glæsilegt
Íslandsmet yfir hálfsárs rekstur.
Stærsti hluti hagnaðarins varð til
á öðrum ársfjórðungi af sölunni
á Eimskip, alls 12,2 milljarðar.
Hagnaður Burðaráss í fyrra var
9,3 milljarðar og rúmir 2 milljarðar
árið 2003.
Fleiri stórtíðindi af Burðarási
áttu eftir að sjá dagsins ljós áður
en sumarið var á enda; um verslunarmannahelgina
var félaginu
skipt upp á milli Landsbankans
og Straums.
29. júlí
Páll Magnússon
útvarpsstjóri RÚV
Það sáu það örugglega sárafáir
fyrir í upphafi sumars, þegar
umræðan var sem mest um að
Markús Örn Antonsson væri á
Páll Magnússon.
leiðinni til útlanda sem sendiherra,
að „erkióvinurinn“ Páll
Magnússon, sjónvarpsstjóri
Stöðvar 2, ætti eftir að verða
skipaður útvarpsstjóri RÚV af
Þorgerði Katrínu Gunnarsdóttur
menntamálaráðherra til næstu
fimm ára. Páll var á meðal 23
umsækjenda um stöðuna. Hann
verður seint sakaður um að vera
reynslulítill eftir að hafa verið
viðloðandi Stöð 2 sem fréttastjóri
og framkvæmdastjóri frá
haustdögum 1986, eða í bráðum
nítján ár. Eftir svo langan tíma
á einkarekinni sjónvarpsstöð er
hann líklegur til að koma með
ferskan blæ inn í stofnunina, blæ
hins frjálsa útvarps og sjónvarps.
28. júlí
SÍMINN SELDUR Á 66,7 MILLJARÐA
Þetta var sögulegur dagur í íslenskri viðskiptasögu.
Opnuð voru tilboð í Símann í mestri
einkavæðingu Íslandssögunnar. Jón Sveinsson,
formaður einkavæðingarnefndar, dró þá
upp úr umslagi nöfn þriggja bjóðenda í Símann.
Nafn hæstbjóðanda var Skipti ehf.
Fjárfestingafélagið Skipti ehf., sem er í
eigu Exista og Kaupþings banka, auk fjögurra
lífeyrissjóða og fjárfesta, bauð hæst
66,7 milljarða. Rætt var um það í spjallþáttum
um kvöldið að þetta væri mikill sigur
fyrir Brynjólf Bjarnason, forstjóra Símans,
sem hefur unnið náið með bræðrunum í
Bakkavör sem eru aðaleigendur Exista
og Kaupþings banka. Er gert ráð fyrir að
Brynjólfur verði „stóra nafnið“ við stjórnun
Símans á næstu árum sem forstjóri eða
„starfandi stjórnarformaður“.
Símstöðin ehf. átti næsthæsta tilboðið,
upp á 60 milljarða. Að baki þess félags stóðu
Burðarás, KEA, Ein stutt, Talsímafélagið, og
Tryggingamiðstöðin. Tilboðið var 6,7 milljörðum
lægra en Skiptis, hæstbjóðanda.
Það kom mörgum á óvart að Burðarás
skyldi ekki bjóða hærra og tryggja sér Símann.
Ekki hefur farið fram hjá neinum að
Björgólfur Thor Björgólfsson hefur mikinn
áhuga á fjarskiptamarkaðnum og hefur látið
til sín taka í nokkrum þekktum evrópskum
símafélögum, eins og í Búlgaríu, Tékklandi og
Finnlandi. Menn sögðu þess vegna sem svo,
að hann væri eflaust sá sem gæti gert sér
mestan mat úr Símanum og samnýtt hann
við þau evrópsku símafélög sem hann kemur
að.
Þriðja tilboðið var frá Nýja símafélaginu.
Að baki þess félags voru Atorka Group,
Mósa, Straumborg og F. Bergsson eignarhaldsfélag.
Tilboðið var um 54,7 milljarðar og
um 12 milljörðum lægra en tilboð Skiptis.
YFIR TIL ÞÍN, SKIPTI
Þau voru skemmtileg nöfnin á nokkrum félögunum
sem stóðu að tilboðunum þremur í Símann.
Þetta eru nöfn eins og Skipti, Ein stutt,
Talsímafélagið og Símstöðin.
En hverjir standa að hæstbjóðandanum
í Símann; Skipti? Exista ehf. er með 45%
hlut. Félagið er í eigu Bakkabræðra Holding,
Kaupþings banka og nokkurra sparisjóða. Þá
er Kaupþing banki einnig á eigin vegum með
30% hlut. Lífeyrissjóður verslunarmanna er
með 8,25% hlut sem og Gildi - lífeyrissjóður.
Sameinaði lífeyrissjóðurinn og Samvinnulífeyrissjóðurinn
eru með 2,25% hlut. Loks eru
Imis ehf., félag í eigu Skúla Þorvaldssonar,
og MP Fjárfestingarbanki með 2% hlut hvor.
Erlendur Hjaltason er framkvæmdastjóri
Exista og var talsmaður Skiptis við kaupin á
Símanum.
30% HLUTUR KAUPÞINGS VERÐUR
SELDUR Í aðdraganda sölunnar á Símanum
var mikið rætt um aðkomu almennings að
kaupunum. Gekk það svo langt að Agnes
Bragadóttir og Orri Vigfússon stofnuðu fjárfestingarfélagið
Almenning á vormánuðum og
hafði það gert bindandi samning við Símstöðina
(Burðarás og fl.) um sölu á 30% hlut til
almennings í landinu á sama verði og Síminn
væri keyptur á í frumútboðinu.
Í frétt sem Skipti sendi frá sér eftir að
gengið hafði verið að tilboði félagsins sagði
að kaupin tryggðu aðkomu stórs hluta landsmanna
í gegnum eign þeirra í lífeyrissjóðunum,
auk þess sem stefnt væri að því að
skrá félagið á Aðallista Kauphallar Íslands í
síðasta lagi fyrir árslok 2007. Þá sagði að
samfara skráningunni yrði 30% hlutur Kaupþings
banka boðinn almenningi og fagfjárfestum
til kaups.
32 F R J Á L S V E R S L U N • 7 . T B L . 2 0 0 5