Inkulumo kaNgqongqoshe wezokuThuthukiswa koMnotho ...
Inkulumo kaNgqongqoshe wezokuThuthukiswa koMnotho ...
Inkulumo kaNgqongqoshe wezokuThuthukiswa koMnotho ...
Transform your PDFs into Flipbooks and boost your revenue!
Leverage SEO-optimized Flipbooks, powerful backlinks, and multimedia content to professionally showcase your products and significantly increase your reach.
<strong>Inkulumo</strong> <strong>kaNgqongqoshe</strong> <strong>wezokuThuthukiswa</strong> <strong>koMnotho</strong><br />
nezokuVakasha KwaZulu-Natal, uMnuz Michael<br />
Mabuyakhulu ngesikhathi kuvulwa ngokusemthethweni i-<br />
Ziphatheleni Community Care Centre eMbumbulu<br />
ngomhlaka-06 Ncwaba 2010<br />
Mphathi wohlelo;<br />
Inkosi yesizwe sakwaMakhanya, inkosi Makhanya;<br />
Amakhosi aseNdlunkulu;<br />
Amakhansela ahloniphekile;<br />
Izikhulu zeMinyango kaHulumeni;<br />
Izihambeli zethu;<br />
Abezindaba;<br />
Umphakathi wase-Mbumbulu<br />
Sekucishe kube yiminyaka eyishumi sahlangana lapha endaweni yase-<br />
Mbumbulu sizogcoba iSakhisizwe Cultural Tourism Development<br />
Association ngomhlaka-9 Ncwaba 2001, okuyisakhiwo esikhuthaza<br />
ukuqhakambiswa kwamasiko ethu ukuze futhi siwasebenzise<br />
njengengxenye yemboni yezokuvakasha futhi sikwazi nokudayisa<br />
imisebenzi yezandla eyinkomba yokunotha kwamasiko ethu.<br />
Kulowomcimbi owawuhanjelwe yiSilo saMabandla, nalowo<br />
oseNgumengameli walelizwe, ngesikhathi eseyisekala likaMongameli,<br />
uMnuz Jacob Zuma kanjalo nabanye abaholi bakahulumeni<br />
wesifundazwe nozwelonke kanye nabomdabu, sasikhethe inyanga<br />
kaNcwaba njengenyanga yoMama ngoba sasikholelwa ukuthi ukuze<br />
inhloso kaSakhisizwe iphumelele kwakufanele siyikhuthaze kuwonke<br />
wonke kubandakanya neMbokodo imbala njengoba kushiwo ukuthi<br />
okufundise abesimame kufana nembewu yolwazi ehlwanyelwe esizweni<br />
sonke.<br />
1
Ngakho sasinethemba futhi lokuthi lokho okuyisisekelo sikaSakhisizwe<br />
kuzokuba nezingxabo kukhule ngesivivinini nasentsheni njengoba<br />
amasiko amaningi nendlela yokuziphatha kufundwa kubona omama.<br />
Ngalamazwi mphathihlelo ngigcizelela ukuthi kuliqiniso ukuthi uma<br />
ufuna into iphumelele, kufanele ukhuthaze iqhaza lomama. Yingakho<br />
namuhla sihlangene lapha ukuzohalalisela omama balapha eMbumbulu<br />
ngokuthatha isinqumo sokuba basungule isikhungo sokuzithuthukisa<br />
nokunakekela labo abangakwazi ukuzisiza.<br />
Lokhu kuyinkomba yenkuthalo futhi enginesiqiniseko sokuthi<br />
kuxhumene namazwi ethulwa abaholi abehlukene ababehambele<br />
umcimbi wango-2001 njengoba nakuba sasigcoba uSakhisizwe kodwa<br />
umyalezo wawuthi imiphakathi mayisukume izisize, kuthi noma<br />
kungenelela uhulumeni, kodwa indima ibe iqalwe yiyona imiphakathi.<br />
Lapha eMbumbulu sengathi lawomazwi awawelanga phansi njengoba<br />
namuhla sihlangene sizovula ngokusemthethweni iZiphatheleni<br />
Community Care Centre.<br />
Kuzokhumbuleka ukuthi ngesikhathi sihlangana lapha ngo-2001,<br />
omama abayishumi balapha basebevele beyisungulile iZiphatheleni<br />
njengoba isifiso sabo saqala ukuba nezithelo ngo-1999, kodwa ngenxa<br />
yezinselelo sonke esizaziyo okuhlangabezwana nazo uma kuqalwa<br />
umsebenzi wentuthuko, kuze kwaba wu-2004 lapho labomama bacela<br />
khona ukwelekelelwa wuhulumeni.<br />
Njengoba babesebenzela kwiziqukathi, ama-containers, kwacaca ukuthi<br />
lomsebenzi ungahle uphunze uma kungatholakali izakhiwo ezisesimweni<br />
sokuqhuba umsebenzi onesithunzi, kwazise nezinhlelo zikaZiphatheleni<br />
zasezikhula ngamawala. Angingabazi ukuthi umcimbi wokugcotshwa<br />
kukaSakhisizwe endaweni yaseMbumbulu kwathumela umyalezo<br />
2
kulabomama ababesebebona ukuthi kuningi abangakwenza<br />
ukuzithuthukisa kanye nomphakathi wakubo.<br />
Ngakho isicelo salomphakathi ukuba ulekelelwe ekwakhiweni<br />
kwalesikhungo sezwakala ngoba kwakunezinkomba zokuthi<br />
wawukuqonda kahle ukuthi lomsebenzi unezinselelo kodwa<br />
ezinganqotshwa uma kusetshenzwa ngokubambisana<br />
nangokuzikhandla. Futhi kwakungekhona nje ukuthi ulindele<br />
ukukhangezwa uhulumeni njengoba sesishilo. Imibono ekhaliphile<br />
nokukwazi ukuhlanganisa okuncane ukuze nohulumeni uphose kulokho<br />
osekuqoqiwe, kungezinye zezinto esizishayela ihlombe njengohulumeni<br />
futhi esifisa ukuzibona zenzeka kuyoyonke imiphakathi ukuze intuthuko<br />
ingabi yinto okulindeleke ukuba iholwe nguhulumeni, kodwa kube yinto<br />
eyingxenye yesiko mpilo labantu bakithi – njengoba negama lalendawo<br />
lisho ukuthi lomphakathi uziphathele ikusasa nentuthuko yawo.<br />
Lesikhungo-ke sihlanganisa imikhakha eyahlukene kahulumeni<br />
njengoba kukhona abakhuthalele ukuqhuba umsebenzi wezolimo,<br />
ezempilo, ezomnotho kanye nokuyizinsika zenhlalakahle yomphakathi.<br />
Ngakho asiwuncome umbono nevuso lomphakathi walapha eMbumbulu<br />
ngokwenza isiqiniseko sokuthi kusungulwe isikhungo esibhekele<br />
izingxenye ezahlukene zempilo. Konke lokhu kuyinkomba yokuthi uma<br />
imicabango eyakhayo iqhamuka komama noma yikanjani ishaya<br />
emhlolweni njengoba beziqonda kangcono izidingo zomphakathi kwazise<br />
yibona abayizinsika zemindeni yethu – baluqonda kabanzi usizi<br />
olukhungethe izindawo abahlala kuzo ngoba baluphila nsukuzonke.<br />
Nakuba ukugcotshwa kuka-Sakhisizwe kwabonakala kuwuhlelo<br />
oluholwa amadoda, ngaphansi koMnuz Cibane, neNkosi<br />
yaseMambedwini, yakwaXolo neyakwaNgcobo, neJaji uMadondo noMnuz<br />
Mjaphane Mkhize nabanye abaningi, kodwa kuyasijabulisa ukubona<br />
3
ukuthi kwafaka ugqozi komama baseMbumbulu abathi nathi asizugoqa<br />
izandla kube kukhona esingakwenza ukuzithuthukisa, ngakho<br />
bakhuthazeka ukunweba izinhlelo zika-Ziphatheleni.<br />
Engifisa ukukugcizelela-ke mphakathi waseMbumbulu ukuthi njengoba<br />
indlela sebeyivulile omama be-Ziphatheleni, ngithanda ukuphosa<br />
inselelo entsheni yalendawo ukuthi isike iphethini kulezingqalabutho<br />
ngokuba izimbandakanye nazozonke izinhlelo zentuthuko eziqhubeka<br />
ngaphansi kwalesakhiwo.<br />
Ngokwenzenjalo siyobe sisimamisa izingxabo zentuthuko futhi sakha<br />
isisekelo sokulwa nobubha nokwentuleka kwamathuba emisebenzi.<br />
Njengoba ngishilo ekuqaleni uma ufundisa owesifazane usuke<br />
usufundisa isizwe sonke, ngakho amantombazanyana mawasondele<br />
komama be-Ziphatheleni ukuze ancele umbele wolwazi abayowudlulisela<br />
kwizizukulwane ezilandelayo njengenzalabantu. Kodwa-ke asisho ukuthi<br />
abafana bona abazithele ngabandayo. Njegoba namalungu kaSakhisizwe<br />
ezibophezele kwezentuthuko, phakathi kwezinhlelo zawo, kubalulekile<br />
ukuqinisekisa ukuthi intsha engabafana nayo iyakhuthazwa ekutheni<br />
ibambe iqhaza kulokhu.<br />
Njengoba sibhekene nenselelo yokulwa nesifo sengculaza, kungumthwalo<br />
wethu sonke ukuthi siphose esivivaneni ngezindlela ezahlukene. Intsha<br />
kufanele siyikhalime ingazitholi isihileleke ezenzweni ezingabeka isizwe<br />
engcupheni njengaso lesifo ezidla-silaza sidle-fumuka. Yizindawo<br />
nezinhlelo ezifana noZiphatheleni ezingenza umehluko, ngakho<br />
siyaziqhenya ngegalelo elibanjwe amalungu alenhlangano ekulweni<br />
nobubha kanye nesihluku salesifo kanjalo nezinye ezihlobene naso<br />
njengoba sazi ukuthi ngokukhuthaza umsebenzi wezingadi, kuyingxenye<br />
yokulwa nezifo, futhi kwandise ukudla okunomsoco kulabo okudingeka<br />
bathole ukudla okungcono ngaphambi kokuthi badle amakhambi ezifo<br />
4
ezahlukene. Umnyango kababa uDinangwe usembhidlangweni<br />
wokukhuthaza intsha engabafana ukuba isokwe ngenhloso yokwehlisa<br />
amathuba okutheleleka ngegciwane lengculaza nezinye izifo zocansi,<br />
ngakho yizikhungo ezifana nalesi ezingalekelela ukuthi lenqola<br />
eshayelwa wu-Dinangwe, nebusiswe yi-Silo sethu, futhi ekhuthazwa<br />
nawuNdunankulu wethu, uNgunezi, ihambe ngesivinini ukuze kuvikelwe<br />
ikusasa lalesizwe.<br />
Lesikhungo njengoba ngibalulile ngenhla, siyingxubevange yezinhlelo<br />
zentuthuko okwenza sibenethemba elinqala lokuthi sizobanomthelela<br />
omkhulu kwezenhlalakahle njengoba uma abantu bezenzela izinto,<br />
bezizithukisa ngakwezomnotho, lokho kwenza banganciki<br />
ekukhangezweni wuhulumeni ngasosonke isikhathi. Umnyango ka-<br />
Bhungane wenza omkhulu umsebenzi wokuletha impilo engcono<br />
emiphakathini empofu njengoba kuyiwona obhekele ogogo nomkhulu<br />
kanye nalabo abangakwazi ukuzondla ngenxa yezizathu ezahlukene.<br />
Lapha sibala izingane nezintandane zakithi kanjalo nabakhubazekile.<br />
Lokhu kusho ukuthi uma singabhukula njengamalungu kaZiphatheleni,<br />
singaphumelela ukwehlisa umthwalo wesondlo obhekene nohulumeni,<br />
kuthi imali okufanele ngabe ingena izinhlelweni zezenhlalakahle kodwa<br />
isize ekuletheni ezinye izidingo ezifana namanzi, ugesi, imigwaqo, izikole,<br />
imitholampilo, ekulweni nobugebengu konke okuyizinsika zokukhuthaza<br />
ezomnotho – futhi nazo ezinomthelela empilweni engcono.<br />
Lendawo yaseMbumbulu isemakhaya, kodwa inomlando onothile<br />
wokukhiqiza abaholi abanohlonze ezweni. Ngakho lokhu kufanele ukuba<br />
yinselelo entsheni okulindeleke ukuba ihole imiphakathi ngomuso.<br />
Lapha sinobaba uNgqongqoshe wezempilo ongumfana wendawo, naye<br />
onyathele ezidladleni zamanye amaqhawe aseMbumbulu afana nomunye<br />
5
wezingqalabutho embuthweni wentsha kaKhongolose, owaba<br />
nguMongameli waloluphiko, ubaba u-Anton Lembede.<br />
Konke lokhulu kuyincwadi ebhaliwe okufanele intsha iyifundisise bese<br />
kuthi okuqukethwe iyona ikusebenzise ukuzithuthukisa ibambisene<br />
nemikhakha eyahlukene kahulumeni. Ngokwenzenjalo siyokube<br />
sihloniphe ukuzikhandla kwabobonke abaholi abenza iMbumbulu<br />
nalesifundazwe kuhlonishwe.<br />
U-Mnyango <strong>wezokuThuthukiswa</strong> <strong>koMnotho</strong> nezokuVakasha<br />
usuneminyaka eminingana ubambisene nomphakathi waseMbumbulu<br />
njengoba lokhu kwagqama futhi ngesikhathi sibambisene nobuholi<br />
balendawo ekusingatheni umsebenzi wokugcotshwa kweSakhisizwe ngo-<br />
2001.<br />
Kanti zikhona nezinye izinhlelo ebeziqhutshwa imikhakha eyahlukene<br />
engaphansi kwalomnyango njengoba ngesikhathi sikhuthaza<br />
ukukhiqizwa kwemifino nezitshalo ezingathakiwe ngomanyolo besimanje,<br />
kodwa sisebenzisa imvunde yendalo, okubizwa nge-Organic Farming,<br />
iMbumbulu yaba ngenye yezindawo esahlola ngazo loluhlelo.<br />
Ukwenyuka kolwazi malungana nomsoco oqukethwe izitshalo<br />
ezingakhuthaziwe ngomanyolo, sekwenze lenyuka isasa lemikhiqizo<br />
yaloluhlobo ikakhulukazi emazweni angaphandle okwenza ukuba<br />
loluhlelo lwezolimo lube nenzuzo enkulu. Ngakho ngifisa ukugcizelela<br />
ukuthi uMnyango wami uzinikele ekubambisaneni nosomabhizinisi<br />
kanye nomphakathi nje-jikelele ekwenzeni izindawo esihlala kuzona<br />
zikwazi ukuzithuthukisa ngakwezomnotho.<br />
Uhlelo lwemifelandawonye, ama-co-operatives, namabhizinisi<br />
ajwayelekile amancane kanjalo nomkhakha wezokuvakasha<br />
6
kuseyingxenye yamaqhinga ethu okuthuthukisa izinga lenhlalo<br />
kusosonke isifundazwe. Siyazi ukuthi ukuqala ibhizinisi akuwona<br />
umsebenzi olula, kodwa kuthiwa indlela ibuzwa kwabaphambili kanye<br />
nalabo abanolwazi ngezimfihlo zokuqhuba ezohwebo ngempumelelo.<br />
Ngakho, kulomnyango sikhuthaza labo abafisa ukuqala amabhizinisi<br />
amasha noma ukukhulisa amadala ukuba bazihluphe ngokuthintana<br />
nomnyango ukuze bathole ukwelulekwa okufanele malungana<br />
nezimpambosi zokuqhuba ibhizinisi elinempumelelo. Akwanele ukuba<br />
nombono nentshisekelo yento, kodwa lokho kufanele kwesekelwe<br />
ngolwazi ukuze lowomsebenzi ukwazi ukuncintisana neminye<br />
ngempumelelo.<br />
Abomnyango bayakwazi ukukuhlomisa ngamaqhinga afanele baphinde<br />
futhi bakweluleke uma uhlobo lomsebenzi ofisa ukuwenza ungakhombisi<br />
ithemba lokuthi ungaba impumelelo ngenxa yezimo abazaziyo<br />
emikhakheni yezimboni ezahlukene – babuye bakwazise ngohlobo<br />
nolwazi namakhono adingekayo ukuthi umsebenzi usimame. Kanti futhi<br />
uthola nokwelulekwa ukuthi isiphi isikhwama ongasizama ukuze<br />
sikwelekelele ngezimali zokuqala noma ukuqhuba umsebenzi wakho<br />
ukuze ube yimpumelelo.<br />
Njengoba sikuqonda ukuthi uhulumeni unezinhlelo eziqondene ngqo<br />
nokuthuthukisa omama nentsha kwezamabhizinisi, kanjalo<br />
nalomnyango unophiko olubhekele izidingo zabesimame emkhakheni<br />
wezohwebo nezomnotho-nje jikelele. Nginesiqiniseko sokuthi njengoba<br />
lenyanga iqhubeka nemikhosi yokuqhakambisa indawo yomama<br />
emphakathini, labo abayihambelayo bazokwazi ukuhlangana nalabo<br />
abamele umnyango ukuze bacobelele ulwazi kubona noma bahlele<br />
ukuhlangana nabo emahhovisi ethu asethe chithi-saka nesifundazwe.<br />
Kulandela ukusungulwa kohlelo olubhekene ngqo nemifelandawonye,<br />
kanye namabhizinisi amancane, sibe sesivula amahhovisi ezifundeni<br />
7
zomasipala abehlukeni ukuze usizo lwezokwelulekwa kwezamabhizinisi<br />
lube seduze. Njengalapha eThekwini namaphethelo akudingeki ukuthi<br />
uze uye emahhovisi amakhulu eMgungundlovu, kodwa ungavakashela<br />
ehhovisi lesifunda eliku 22 Gardiner Street lapho ungathola khona<br />
ulwazi ngezinhlelo ezahlukene zokusungula noma ukuqhuba umsebenzi<br />
webhizinisi.<br />
Ngaphandle kwemikhakha eyahlukene emnyangweni, sinezinkampani<br />
ezingaphansi kwethu eziqhuba wona umsebenzi wokuthuthukisa<br />
umnotho esifundazweni ezifana neThala, Tourism KZN, Trade &<br />
Investment KZN, Agricultural Development Agency, Growth Fund njalonjalo.<br />
Zonke zibhekene nokwelekelela labo abanentshisekelo yokubamba<br />
iqhaza emikhakheni eyahlukene yezomnotho – kubandakanya nalabo<br />
asebesesimweni sokuhweba ezingeni lomhlaba njengoba amathuba<br />
evuleka kulandela ukusingatha kwethu ngempumelelo iMidlalo yeNdebe<br />
yoMhlaba – okubuye kwahambisana futhi nokuvulwa kwesikhumulo<br />
sezindiza esisha ceke i-King Shaka International Airport enyakatho<br />
neTheku. Omama bethu banomlando omuhle wokuqhuba umsebenzi<br />
webhizinisi ngempumelelo – kanti abavami ukuba nenkinga ukusebenza<br />
ngokubambisana njengoba sibona lapha kuZiphatheleni. Futhi<br />
kuyiqiniso elisobala ukuthi ulwazi abasuka nalo ezinhlelweni ezifana<br />
nezitokofela kanye nomasingcwabisane lube nomthelela omuhle kulabo<br />
abazibandakanye nohlelo lwemifelandawonye. Ngakho sithi<br />
singuhulumeni sizimisele ngokufezekisa iphupho lawowonke umuntu<br />
okhuthele kwezohwebo kanye nentuthuko yomphakathi jikelele.<br />
Ukubakhona kweminyango eyahlukene lapha esibungazakhona<br />
umsebenzi womama beseMbumbulu, kuyinkomba yokuthi<br />
singuhulumeni sikholelwa ekuthenini ubumbano luyisizinda samandla<br />
nempumelelo ebheke ekwakheni ikusana elingcono nelisimeme.<br />
Ngithanda ukuphetha ngokubongela omama beZiphatheleni<br />
8
ngokubekezela nakuba izimo zazinzima beqala lomsebenzi<br />
osihlanganisile. Namuhla imiphumela yezithukuthuku zabo<br />
isiyabonakala.<br />
Kuthiwa izimpande zokusebenza ngokuzikhandla ziyababa, kodwa<br />
izithelo zakhona zimnandi ngisho kulabo abenqenayo ukusebenza.<br />
Sengathi lokhu esenikuqalile kungafana nenkasa ezochelela wonke<br />
umphakathi waseMbumbulu kuye kuyokapakela nakwezinye izindawo<br />
ezisakhungethwe ububha. Lemali engu R1,5 million etshalwe<br />
ekwakhiweni kwalesikhungo sithemba ukuthi sesiyabona sonke ukuthi<br />
kayizange yaba yincithakalo – kodwa isibe yisikhuthaza-khaba okumanje<br />
londla futhi linakekela abantu bakithi ababhekene nezinkinga zenhlalo<br />
ezahlukene. Sithi-ke singuhulumeni, sekusezandleni zowowonke<br />
umuntu owakhele lendawo ukwenza isiqiniseko sokuthi lomsebenzi<br />
uyachuma. Ngokubambisana singakha umnotho onensada yamathuba<br />
asihlomulisa sonke futhi sikwazi ukuba nemboni yezokuvakasha<br />
esebenzela uwonkewonke.<br />
Hhalala Ziphatheleni hhalala!<br />
Ngiyabonga.<br />
Michael Mabuyakhulu, MPP<br />
Ngqongqoshe <strong>wezokuThuthukiswa</strong> <strong>koMnotho</strong> nezokuVakasha - KZN<br />
9
Change language