Create successful ePaper yourself
Turn your PDF publications into a flip-book with our unique Google optimized e-Paper software.
2 VÍKURFRÉTTIR<br />
fimmtudagur 22. desember 2016<br />
Sjá fram á bjartari tíma<br />
●●Reykjanesbær hefur náð samkomulagi við kröfuhafa<br />
●●Skilmálar samkomulags Reykjanesbæjar við hluta kröfuhafa liggja nú fyrir<br />
frá býli í bolla<br />
kaffitár<br />
kaffitáR<br />
frá býli í bolla<br />
kaffitár<br />
hátíð<br />
í bæ<br />
frá býli í bolla<br />
kaffitár<br />
frá býli í bolla<br />
Reykjanesbær<br />
semur við<br />
kröfuhafa<br />
frá býli í bolla<br />
kaffitár<br />
Reykjanesbær og kröfuhafar Eignarhaldfélagsins<br />
Fasteignar hafa náð<br />
niðurstöðu um skilmála samkomulags,<br />
sem unnið verður í að útfæra<br />
nánar á næstu vikum og mánuðum og<br />
sjá bæjaryfirvöld því fram á bjartari<br />
tíma þó að áfram verði nauðsynlegt<br />
að gæta aðhalds í rekstri. Viðræðum<br />
við kröfuhafa Reykjaneshafnar er ekki<br />
lokið og verður haldið áfram á nýju<br />
ári. Eignarhaldsfélagið Fasteign er nú<br />
alfarið í eigu Reykjanesbæjar og kveða<br />
samningar við kröfuhafa þess á um<br />
skuldbreytingar, skilmálabreytingar<br />
og sölu eigna. Ekki er gert ráð fyrir<br />
afskriftum eða niðurfellingum skulda.<br />
„Við höfum náð mikilvægum áfanga<br />
en þessu er ekki lokið. Við þurfum<br />
áfram að velta fyrir okkur hverri<br />
krónu,“ segir Kjartan Már Kjartansson,<br />
bæjarstjóri Reykjanesbæjar.<br />
Ný sveitastjórnarlög tóku gildi hér á<br />
landi árið 2012 og kveða á um að árið<br />
2022 beri sveitarfélögum að skulda<br />
minna en 150 prósent af árlegum<br />
tekjum. Ljóst var að róðurinn yrði erfiður<br />
fyrir nokkur sveitarfélög og hvað<br />
erfiðastur fyrir Reykjanesbæ. Kjartan<br />
segir að ljóst hafi verið að Reykjanesbær<br />
myndi ekki ná skuldaviðmiðinu<br />
nema semja að nýju við kröfuhafa<br />
sína. „Fyrst þegar við hófum viðræður<br />
við kröfuhafa fyrir tveimur árum<br />
var staðan önnur og verri en nú. Þá<br />
sáum við ekki fram á annað en að við<br />
þyrftum afskriftir skulda.“ Með uppsveiflu<br />
undanfarinna missera hefur<br />
ástandið batnað og aðilar frekar einbeitt<br />
sér að því að ná fram breytingum<br />
á skilmálum og tilfæringum á greiðslum.<br />
Nú er samkomulag í höfn sem<br />
Kjartan segir hjálpa bæjaryfirvöldum<br />
í þá átt.<br />
Fasteign skipt í tvö félög<br />
Þátttaka í Fasteign ehf. hefur verið<br />
umdeild en í henni fólst að eignarhaldsfélagið<br />
keypti fasteignir sveitarfélaga,<br />
sá um rekstur þeirra og<br />
sveitarfélögin leigðu þær af því undir<br />
starfsemi sína. Kjartan Már var bæjarfulltrúi<br />
á þeim tíma þegar kerfið var<br />
innleitt í Reykjanesbæ og var það samþykkt<br />
í bæjarstjórn með tíu atkvæðum<br />
af ellefu. Einn bæjarfulltrúi sat hjá<br />
en það var Kjartan. Hann kveðst enn<br />
þann dag í dag vera ánægður með þá<br />
ákvörðun sína. „Hefði ég samþykkt<br />
þetta á sínum tíma væri erfitt fyrir<br />
mig að vinna gegn fyrirkomulaginu.<br />
Ég skil vel að menn hafi viljað prófa<br />
nýjar leiðir. Eftir á er auðvelt að sjá<br />
að það var rangt að hafa helming fjármögnunar<br />
í erlendum lánum. Nú er<br />
búið að endurskipuleggja félagið sem<br />
samanstóð af mörgum eigendum,<br />
sveitarfélögum, bönkum, traustum og<br />
góðum stofnunum á sínum tíma.“<br />
Reykjanesbær er eina bæjarfélagið<br />
sem eftir er í Fasteign og því er fasteignafélagið<br />
aðeins utan um eignir<br />
Reykjanesbæjar sem hefur tekið það<br />
inn í rekstur sinn. Kröfuhafar félagsins<br />
voru meðal þeirra sem bæjaryfirvöld<br />
í Reykjanesbæ náðu samningum<br />
við í vikunni. Reykjanesbær er með<br />
langa leigusamninga við félagið. Upphæð<br />
skuldarinnar er um 14 milljarðar.<br />
Höfuðstóll lánanna hefur ekki verið<br />
lækkaður en vextir verða endurskoðaðir.<br />
Ákveðið hefur verið að skipta<br />
Fasteign í tvö félög, annars vegar um<br />
þær eignir sem hýsa lögboðna starfsemi<br />
og sveitarfélagið getur ekki verið<br />
án, eins og grunnskóla og leikskóla.<br />
Annað félag verður stofnað um aðrar<br />
eignir sem Reykjanesbær hefur leigt<br />
og eru ekki fyrir lögboðin verkefni.<br />
Að sögn Kjartans verða leigusamningar<br />
styttir og skuldbinding þar með.<br />
Þá er til skoðunar að selja hluta fasteignanna.<br />
Beina nú orkunni í annað<br />
Viðræður við kröfuhafa hafa staðið<br />
yfir í um tvö ár og hafa tekið mikinn<br />
tíma og orku bæjaryfirvalda og fulltrúa<br />
þeirra. Kjartan segir það ágætis<br />
tilbreytingu að þau verkefni séu frá.<br />
„Þetta er búinn að vera mjög lærdómsríkur<br />
tími og við erum öll reynslunni<br />
ríkari. Nú förum við að beina<br />
sjónum okkar að öðrum verkefnum<br />
eins og uppbyggingu í Reykjanesbæ<br />
og á Suðurnesjum öllum til að grípa<br />
þau tækifæri sem liggja í loftinu, til<br />
dæmis í tengslum við uppbyggingu á<br />
Keflavíkurflugvelli.“<br />
Hækka hvatagreiðslur til barna<br />
Fjárhagsáætlun Reykjanesbæjar fyrir<br />
tímabilið 2017 til 2020 var samþykkt<br />
samhljóða á bæjarstjórnarfundi síðasta<br />
miðvikudag. Þrátt fyrir áframhaldandi<br />
aðhald í rekstri verður<br />
markmiðið að bæjarfélagið bjóði<br />
íbúum áfram upp á góða þjónustu,<br />
að sögn Kjartans. „Það hefur verið<br />
okkar keppikefli. Til að mynda ætlum<br />
við að taka Borgarveginn í gegn og<br />
sinna áfram viðhaldi gatna og styðja<br />
við íþróttastarf, svo eitthvað sé nefnt.“<br />
Lagt hefur verið til að hvatagreiðslur<br />
til tómstundastarfs barna verði hækkaðar<br />
úr 15.000 í 21.000 krónur á næsta<br />
ári. „Við ætlum að halda áfram á þessari<br />
braut svo að bæjarbúar geti unað<br />
sáttir við sitt þó að við séum á sama<br />
tíma í þröngu aðhaldi.“<br />
Tekjur Reykjanesbæjar hafa aukist<br />
undanfarin misseri með fjölgun íbúa<br />
og betra atvinnuástandi. Kjartan<br />
segir mögulegt að nýta innviði þar<br />
sem tekjur vaxi en kostnaður ekki eins<br />
mikið. „Þegar við svo förum að byggja<br />
skóla verður kostnaður meiri en tekjur<br />
og þá kemur mínus sem jafnast út<br />
næstu ár á eftir.“ Nú er að nást jafnvægi<br />
í rekstri Reykjanesbæjar. Samkvæmt<br />
reglum ber sveitarfélögum að<br />
vera í plús á hverju þriggja ára tímabili<br />
og Reykjanesbær er að ná því í fyrsta<br />
sinn í langan tíma.<br />
Þakklátur fyrir samstöðu<br />
Kjartan tók við stöðu bæjarstjóra<br />
sumarið 2014 og hafa viðræður við<br />
kröfuhafa staðið yfir síðan þá. Hann<br />
kveðst ánægður með samstöðu bæjarfulltrúa<br />
á þeim erfiðu tímum sem<br />
senn eru að baki. „Í um 95 prósent<br />
mála hafa minni- og meirihluti verið<br />
sammála. Auðvitað hefur komið upp<br />
núningur og mál þar sem fólk er ekki<br />
sammála. Það hefur munað miklu að<br />
vera ekki að eyða púðri í innbyrðis<br />
átök. Ég vil líka nota tækifærið og<br />
þakka íbúum fyrir þeirra samstöðu.“<br />
Vegna slæmrar fjárhagsstöðu hefur<br />
verið sérstakt álag á útsvar. Það verður<br />
fellt niður 1. janúar 2018 og fer þá úr<br />
15,05 prósentum í 14,52 prósent líkt<br />
og tíðkast víða um land.<br />
Lengri útgáfu af viðtalinu við Kjartan<br />
Má, sem er jafnframt sjónvarpsviðtal,<br />
má sjá á vef Víkurfrétta, vf.is.<br />
Fjárhagsáætlun Reykjanesbæjar til<br />
fjögurra ára, 2017 til 2020, var afgreidd<br />
að lokinni síðari umræðu á<br />
bæjarstjórnarfundi og samþykkt samhljóða<br />
síðasta þriðjudag. Undanfarin<br />
misseri hefur verið unnið að endurskipulagningu<br />
fjármála Reykjanesbæjar<br />
og hefur sveitarfélagið meðal<br />
annars átt í viðræðum við helstu<br />
kröfuhafa sína með það að markmiði<br />
að endurskipuleggja efnahagsreikning<br />
samstæðu A og B hluta sveitarfélagsins.<br />
Viðræður hafa nú skilað árangri<br />
og liggja fyrir skilmálar samkomulags<br />
við lánveitendur Eignarhaldsfélagsins<br />
Fasteignar, sem nú er alfarið í eigu<br />
Reykjanesbæjar, en viðræðum við<br />
kröfuhafa Reykjaneshafnar er ólokið.<br />
Má segja að með þessu sé Reykjanesbær<br />
að rétta úr kútnum og bæjaryfirvöld<br />
horfi fram á bjartari tíma þó að<br />
áfram verði nauðsynlegt að gæta aðhalds<br />
í rekstri og útgjöldum, segir í<br />
tilkynningu frá Reykjanesbæ.<br />
Skilmálar samkomulags við kröfuhafa<br />
Fasteignar gerir ráð fyrir skuldbreytingum,<br />
skilmálabreytingum og sölu<br />
eigna. Ekki er gert ráð fyrir afskriftum<br />
eða niðurfellingum skulda. Með samkomulaginu<br />
er greint á milli eigna sem<br />
nýttar eru til lögbundinnar grunnþjónustu<br />
sveitarfélagsins og annarra<br />
eigna, en dregið er verulega úr<br />
leiguskuldbindingum sveitarfélagsins<br />
vegna þeirra eigna. Samkomulagið er<br />
háð endanlegri undirritun aðila sem<br />
og skilyrðum af beggja hálfu. Unnið<br />
verður að því á næstunni að útfæra<br />
og uppfylla þau ásamt því að ljúka<br />
viðræðum við aðra hagsmunaaðila<br />
og kröfuhafa sveitarfélagsins og samstæðu<br />
þess. Einnig er sveitarfélaginu<br />
gert kleift að huga að uppbyggingu<br />
nauðsynlegra innviða svo sem nýs<br />
grunnskóla í Dalshverfi og fjölgun<br />
leikskólaplássa.<br />
Samhliða þessu er ætlunin að færa<br />
Fasteignir Reykjanesbæjar, sem<br />
heldur meðal annars utan um félagslegt<br />
húsnæði, yfir í húsnæðis-sjálfseignarstofnun<br />
eins og heimild er fyrir<br />
í nýjum lögum um almennar íbúðir og<br />
mun það létta talsvert á skuldabyrði<br />
sveitarfélagsins.<br />
Þessar aðgerðir, ásamt ýmsum öðrum,<br />
munu gera Reykjanesbæ kleift að<br />
uppfylla fjárhagsleg skilyrði sveitarstjórnarlaga<br />
og miðað við núverandi<br />
forsendur er ekki lengur þörf á að<br />
sveitarfélagið óski eftir skipun sérstakrar<br />
fjárhaldsstjórnar á vegum<br />
innanríkisráðuneytisins eins og útlit<br />
var fyrir um tíma. Áfram verður þó<br />
þörf á ströngu aðhaldi í fjármálum<br />
sveitarfélagsins.<br />
Sendum bæjarbúum<br />
okkar bestu óskir um gleðileg jól<br />
og farsælt komandi ár