29

Iż-żgħażagħ fil-każin…
Għaddiet sena oħra u wasal ix-xhar ta’ Lulju. L-isbaħ xhar għalina l-
Gżirjani, aktar u aktar għalina d-delettanti tal-festa. Ix-xhar iddeddikat
lill-Padruna tagħna, Ommna l-Madonna tal-Karmelu.
Permezz ta’ dawn il-kelmtejn nixtieq nagħti rendikont ta’ x’sar issena
l-oħra waqt is-sorpiriża tal-Kummissjoni Żgħażagħ. Bħalma
kulħadd ra fil-festa li għaddiet żanżanna tip ta’ bandalora ġdida li
tinfetaħ f’żewġ partijiet. Fil-parti ta’ quddiem jiġifieri fuq il-faċċata
tagħha wieħed seta’ jara l-arma tas-Soċjetà meħjuta u sfumata fuq iddrapp,
filwaqt li fil-parti ta’ ġewwa kien hemm impittra xbieha tal-
Padruna tagħna, il-Madonna tal-Karmelu.
Bħalma jsir ta’ kull sena iż-żgħażagħ għal festa 2017 ippreparaw
żewġ sorpriżi oħra: waħda għall-marċ tal-Ġimgħa u oħra għall-ħarqa
tan-nar ta’ lejliet il-festa jiġifieri tas-Sibt filgħaxija. Għall-marċ tal-
Ġimgħa wara diskussjonijiet mal-Kumitat Ċentrali ħassejna li għandha
ssir sorpriża li minbarra li tkun xi ħaġa ġdida, għandha tkun ukoll
investiment għas-Soċjetà tagħna, u b’hekk tiħi utilizzata mhux biss fil-
Ġimgħa tal-festa imma anki matul is-sena. Id-disinn ta’ din is-sorpriża
din is-sena ġie fdat f’dejn is-Sur Silvio Pace. Il-ħjata f’idejn is-Sur
Bernard Attard u l-pittura u l-isfumar f’idejn is-Sur Kurt Friggieri. Minn
hawn nixtiequ nistiednukom biex tinagħqdu magħna il-Ġimgħa
filgħaxija biex flimkien ingawdu ix-xogħol li hemm lest għalikom.
Bħalma kulħadd jaf, is-Soċjetà tagħna għanda f’idejha
r-responsabbiltà tan-nar kollu li jsir matul il-festa. Matul is-sena isiru
attivitajiet fil-każin u ġbir mingħandkom ir-residenti biex ikun jistgħu
jiġu koperti parti mill-ispejjeż tan-nar kollu li jinħaraq matul il-ġimgha
tal-festa. Għall-festa ta’ din is-sena ħadna ħsieb li jkollna ħarqa nar tajba
u tkun imżewqa bi ftit minn kollox bħal per eżempju blalen tas-sitt
pulzieri, murtalletti tal-ħames pulzieri u ħafna aktar. Għal din is-sena
xi ħaġa speċjali li se jkollna għall-ħarqa prinċipali tas-Sibt filgħaxija hi
show tan-nar li fl-irħula ta’ Malta huma popolari ferm imma se tkun qed
issir għall-ewwel darba mis-Soċjetà tagħna. Ha jiġi imtella’ show tannar
sinkronizzat mal-mużika bl-isem ta’ Firestorm of Music. Din ilħarqa
nar li se tkun maħruqa minn fuq il-baħar biswit il-pont ta’
Manoel Island se tkun kollha xogħol il-kamra tan-nar 12 th May ta’ Ħaż-
Żebbuġ. Ix-xogħol ta’ mużika nħadem mill-ħabib tagħna Matthew
Calleja u l-kumplament tax-xogħol sar miż-żgħażagħ tal-każin flimkien
mal-membri tal-kumitat u helpers. Nistidnukom biex tattendu għal dan
ix-show għax żgur mhux ta’ min jitilfu.
Fl-aħħarnett nixtieq nirringrazzja lil sħabi tal-Kummissjoni, Clive
Ciantar, Andrew Micallef u Roxanne Bugeja tax-xogħol u s-sagrifiċċju
li għamlu matul is-sena sabiex stajna nagħmlu dak kollu li kellna
ppjanat. Nixtieq nirringrazzja wkoll lil Matthew Debono u lil Matthew
Calleja li bħal dejjem ħdimna id f’id u kienu ta’ għajnuna biex wasalna
fejn xtaqna. Barra minn hekk nixtieq nirringrazzja lil sħabi tal-Kumitat
Ċentrali talli dejjem sibnihom hemm biex jappoġġjawna f’dak kollu li
għamilna.
Joshua Chircop
Chairperson Kummissjoni Żgħażagħ
Minn qalbi nixtieqilkom ilkoll il-Festa t-tajba!
Viva tal-Karmnu
29