ushoroba wa msitu wa derema - Eastern Arc Mountains ...

RASIMU
42. Maeneo haya yanabainishwa hapa kwa madhumuni ya kuonyesha tu kwamba
yanaweza kuwa maeneo ambayo yanatumiwa sana na watu, na ambayo watu wa maeneo
hayo wanaweza kudai kuwa ni maeneo yao. Wazo la kuyahifadhi au kuyapandisha hadhi
linaweza kuwa muhimu na la lazima, lakini hatua hiyo haiwezi kuchukuliwa bila ya
kufanya uchanganuzi makini wa suala zima, ikiwa ni pamoja na uchanganuzi wa kina na
wa kitaalamu wa gharama za binadamu zitakazotokana na kuchukua hatua hiyo. Aidha
kutatakiwa pia maelezo kamaili yanayohusu gharama zitakazotakikana katika mchakato
wa kutangazwa kwake. Katika muktadha wa MKUSHUKI, na ili kulinda uhai wa mradi,
ni muhimu kuhakikisha kwamba kuna uthabiti wa utekelezaji mambo, kusiwe na
ugeuheu.
Kuhamishwa katika Ushoroba
43. Wajibu wa Kiasasi Tanzania. Katika Tanzania hakuna wakala mkuu mwenye
dhima ya usimamizi wa shughuli zote za ugawaji ardhi kwa makazi mapya. Sheria ya
Ardhi ya 1999, Sheria ya Ardhi ya Kijiji ya 2000, na sheria nyingine ndogo za kisekta
zinaeleza taratibu zitakazotumika katika ugawaji ardhi na usuluhishaji wa migogoro ya
ardhi, lakini usimamizi wa sheria hizo umeachwa katika mamlaka ya serikali za mitaa,
serikali kuu na mahakama. Wakala Mkuu atakayeshughulika na usimamizi wa utekelezaji
wa Mpango wa Kuhamisha Shughuli za Kipato (MKUSHUKI) ni Idara ya Misitu na
Ufugaji Nyuki ya Wizara ya Tanzania ya Maliasili na Utalii (WMU). Tazama sehemu
ifuatayo hapa chini kuhusu muundo wa majukumu mbalimbali ya asasi zinazohusika na
utekelezi wa Mpango wa Kuhamisha Shughuli za Kipato (MKUSHUKI).
44 Kustahiki kulipwa fidia. Kustahiki kulipwa fidia kwa ajili ya mashamba
yaliyochukuliwa katika Ushoroba wa Derema ni jambo rahisi tu. Wale wote waliokuwa
na mashamba wanastahiki kulipwa. Mikutano iliyofanyika miaka kadhaa ikiendeshwa na
Hifadhi ya Mazingira ya Amani (HIMAA), Wilaya, na washauri wengine wa mambo ya
hifadhi walikwishawatayarisha wanavijiji kwa ajili ya malipo hayo. Mnamo miezi ya Mei
na Juni, mwaka 2002, timu iliyokuwa ikiongozwa na wataalamu wa tathmini,
wakishirikiana na maafisa wa Wilaya ya Muheza, wa mazao, ardhi na kilimo, maafisa wa
misitu, na maafisa uwandani wasaidizi wanne , kutoka vijiji vilivyoathirika walipita kila
32