ushoroba wa msitu wa derema - Eastern Arc Mountains ...

RASIMU
• Kuhakikisha upanuzi wa “Kanda iliyozuiliwa”, sheria nyingine za maendeleo ya
vijijini, shughuli, na marupurupu kwa ajili ya vijiji vya Derema.
66. Malipo ya Fidia: Kuna hatua kubwa mbili zitakikanazo katika kukamilisha
mchakato wa ulipaji fidia. Kwanza mpango huu wa MKUSHUKI pamoja na marekebisho
yote yaliyopendekezwa kwenye sera ya zamani ya ulipaji fidia viwekwe wazi kwa
wanavijiji wote, na kwa viongozi wa Wilaya na Mkoa. Baada ya kuwa uongozi wa vijiji
na watu wote walioathirika wamelazimishwa kukubali mapendekezo mbalimbali ya
malipo ya fidia huko nyuma, na baada ya kuwa wamepinga vikali pendekezo la mwaka
2005 la kulipwa asilimia 50, wanahitaji kujua na kutoa maoni yao juu ya mapendekezo
yaliyotolewa sasa kwa mujibu wa sera ya Benki ya Dunia yanayohusu mchakato huu. Ili
kulitekeleza hili maelezo kuhusu MKUSHUKI yatafsiriwe katika lugha rahisi ya
Kiswahili na yaweze kupatikana kwa urahisi. Kisha warsha na maelezo vitolewe kwa
vijiji vilivyoathirika. Timu ya WWF ya Tanzania, ambayo inafadhiliwa na taasisi ya
Critical Ecosystems Partnership Fund, iko tayari kufanya kazi hii. Timu hii iko katika
nafasi nzuri ya kuifanya kazi hii, ikizingatiwa kwamba timu hii imekuwa ikijishughulisha
na usimamizi na uchunguzaji wa athari za HIMAA kwa muongo mzima.
67. Pili, mchakato wa ulipaji fidia lazima ufanyike. Katika hatua hii, TFCMP,
ikifanya kazi kupitia ofisi ya Tanga Catchment Office ilikwishaweka utaratibu wa malipo
wakati wa zoezi la kulipa sehemu ya malipo mnamo mwezi Oktoba mwaka 2005.
Maofisa wa FBD, wakishirikiana na maofisa wa serikali za vijiji, watafanya kazi ya
kuthibitisha bakaa (fedha iliyobaki) wanayodai wanavijiji, orodha ya malipo
yanayodaiwa ikiwa na fomu zilizotiwa sahihi na wakulima. Mkuu wa Wilaya na Mkuu
wa Mkoa watie saini zao kwenye ratiba (Fomu ya Ardhi Na. 23). Malipo yafanywe kwa
hundi, ambazo zitalipwa katika tawi la NMB ya Tanzania, mjini Muheza, ambayo ina
akaunti iliyokwishaanzishwa ya ulipaji ya Derema, na ambayo ina halbaki hai. Siku ya
malipo inawekwa, na malipo yanafanywa kijiji baada ya kijiji. Baada ya kuhakikisha
kwamba hundi ni sahihi, utaratibu wa ulipaji uko sawa, na kuna maofisa wa NMB,
Wilaya na wa FBD, thibitisha utambulisho wa mlipwaji na kisha apewe hundi yake.
Rekodi ya makabidhiano haya itiwe saini na pande zote mbili na kila upande ubaki na
48