21 қыркүйек, 2017 жыл №103 (15130)
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
САРЫАРҚА САМАЛЫ<br />
АЙНА <strong>21</strong> <strong>қыркүйек</strong>, бейсенбі, <strong>2017</strong> <strong>жыл</strong> 3<br />
Гүлжайна ТҮГЕЛБАЙ<br />
ЖИЫН-ТЕРІМ<br />
Картоп пен көкөніс көлемі<br />
қажеттілікті жеті орап кетеді<br />
Аймағымызда диқандар жаз<br />
бойғы маңдай тердің жемісін<br />
көруде. Еккендерін жиыптеріп,<br />
қоймаға құюда. Көкөніс<br />
өсіретін шаруаларда да қазіргі<br />
кезде тыным жоқ. Картобы мен<br />
сәбізін, қызанағы мен қиярын,<br />
пиязы мен қырыққабатын<br />
қаптап, бір бөлігін тұтынушыға<br />
жөнелтіп, енді бірін қысқа<br />
сақтау қамына кірісіп кеткен.<br />
Облыстық ауыл шаруашылығы<br />
басқармасының ауыл шаруашылығы<br />
өнімдерін дайындау және қайта өңдеу<br />
бөлімінің мәліметінше, алдағы қараша<br />
айында Павлодарда көкөністерді арзан<br />
бағамен сату басталады. Яғни көкөністер<br />
әлеуметтік дүкендерге биыл 1 қарашадан<br />
2018 <strong>жыл</strong>дың мамыр айына дейін арзан<br />
бағамен босатылады.<br />
Жалпы биыл облыста қыс-көктем айларына<br />
белгіленген бағамен 10 мың тонна<br />
картоп, 1 мың тонна сәбіз, 200 тонна<br />
қызылша, 500 тонна және 200 тонна<br />
пияз сақтауға салу жоспарланып отыр.<br />
Бағаларына келетін болсақ, келесі <strong>жыл</strong>дың<br />
1 ақпанына дейін көкөніс қоймаларынан<br />
картоп пен сәбіз, қызылшаның келісі<br />
50 теңгемен босатылады. Ал одан кейін<br />
дүкендерге мамыр айына дейін 60 теңгеден<br />
жөнелтіледі. Демек, әлеуметтік дүкендердің<br />
қосатын үстемелерін ескерсек, жоғарыда<br />
С<br />
аталған көкөніс бағасы сәйкесінше<br />
65-75 теңге шамасында болады.<br />
Ал қырыққабаттың келісі 1 ақпанға<br />
дейін 60 теңгеден, пияз 55 теңгеден<br />
босатылып отырады. Ары қарай мамырға<br />
дейін олардың бағасына 10 теңге қосылып<br />
әлеуметтік дүкендерге сатылады.<br />
Облыстық ауыл шаруашылығы<br />
басқармасының ауыл шаруашылығы<br />
өнімдерін дайындау және қайта өңдеу<br />
бөлімінің бұған дейін жергілікті атқарушы<br />
билік аймағымыздың 40-тан астам ауыл<br />
шаруашылығы өндірушілерімен меморандум<br />
жасады. Екі жақты келісімдердің негізінде<br />
қыс-көктем мезгілдерінде тұрғындарға<br />
делдалсыз арзан өнімнің жетуін қамтамасыз<br />
ету көзделіп отыр.<br />
Жалпы, биыл өңірімізде 17, 2 мың<br />
гектарға «екінші нан» егілсе, 6,9 мың<br />
гектарға көкөніс тұқымы себілген болатын.<br />
Облыстық ауыл шаруашылығы басқармасының<br />
өсімдік шаруашылығы және механизация<br />
бөлімінің басшысы Есентай<br />
Мүрсәлімовтің мәлімдеуінше, қазіргі<br />
таңда өңірімізде егілген картоптың<br />
82 пайызы жиналды. Ал көкөніс өсірушілер<br />
алқаптан өнімнің 75 пайызын теріп үлгерген.<br />
Мамандар ауа райы қолайлы болса, картоп<br />
пен көкөніс жинауды <strong>қыркүйек</strong>тің аяғына<br />
дейін толық аяқтауды межелеп отыр.<br />
Басқарма мәліметі бойынша картоп пен<br />
көкөніс көлемі облыс қажеттілігінен жеті<br />
есеге асып түседі. Яғни, аймақ тұрғындары<br />
бұл өнімдерден таршылық көрмеуі тиіс.<br />
Жұртшылық қазір арзан бағалы картоп<br />
пен көкөніске жарып отыр. Бірақ қыста<br />
қай-қайсысының да бағасы шарықтайтыны<br />
жасырын емес. Енді билік қолға алып<br />
жатқан бұл шаралар бағаны тежеуде<br />
тиімділігін көрсетсе игі.<br />
ҚАУІПСІЗДІК<br />
Ұшатын аппарат ұтымды болмақ<br />
Еуразиялық топқа кіретін «Еуроазиаттық энергетикалық корпорациясы»<br />
АҚ-ның «Шығыс» кеніші квадрокоптер сатып алды.<br />
Кәсіпорын мамандарының айтуынша, бұл заманауи ұшатын шағын<br />
ғана аппарат қауіпсіз әрі тиімді.<br />
МЕЗГІЛ МӘСЕЛЕСІ<br />
Қыстың<br />
қамына<br />
кірісті<br />
Облыс орталығында алдағы<br />
қыста күнделікті қар тазалауға<br />
248 техника жұмылдырылмақ.<br />
Бұл туралы Павлодар қалалық<br />
мәслихаттың тұрақты комиссиясының<br />
отырысында сөз болды.<br />
Павлодар қалалық мәслихатының<br />
тұрақты комиссиясында қалалық тұрғын<br />
үй-коммуналдық шаруашылық, жолаушылар<br />
көлігі және автомобиль жолдары бөлімі<br />
басшысының орынбасары Николай Казанин<br />
қыс мезгілінде қар жинау жөнінде айтып<br />
берді.<br />
- Қаланың орталық көшелері ғана емес,<br />
шеткі көшелер де қардан тазартылатын<br />
болады. Атқарылатын жұмыс көлеміне<br />
көшелерді күтіп ұстау, айына 14 рет<br />
жинау және көктайғаққа қарсы материал<br />
төсеу енеді. Түскен қар күндізгі нормадан<br />
асып кеткен жағдайда жол қауіпсіздігін<br />
қамтамасыз ету мақсатында ақ ұлпа тәулік<br />
бойы жинастырылады, - дейді тұрғын<br />
үй-коммуналдық шаруашылығы жолаушылар<br />
көлігі және автомобиль жолдары<br />
бөлімі басшысының орынбасары Николай<br />
Казанин.<br />
Қала шартты түрде төртке бөлініп, үш<br />
мердігер ұйым қар тазалаумен айналысады.<br />
«Горкомхоз-Павлодар» ЖШС Ертіс өзенінен<br />
Кутузов көшесіне дейін айналып өтетін<br />
жолды, «Холдинг Транс Павлодар» ЖШС<br />
Кутузов көшесінен Шарбақты ауданына<br />
шығатын жолға, «Шығыс» ЖШС солтүстік<br />
және оңтүстік айналып өтетін жолдарды<br />
тазалайды.<br />
Айта кетейік, ведомствоның қарамағында<br />
130 жүк тасымалдайтын көлік, 18 құм<br />
шашатын және әртүрлі 248 техника бар.<br />
Өз тілшіміз.<br />
ОЙТАЛҚЫ<br />
Жаңа жүйені<br />
қалай<br />
қабылдадыңыз?<br />
Бұл құрылғы қолжетімділік тұрғысынан<br />
аса қиын орындар мен опырылған тұстарға<br />
тексеріс жүргізуді, кен жыныстарының<br />
айтарлықтай габаритті түрлерін тиеуді<br />
жеңілдетеді. Нысандардың құрылысын<br />
айқын бақылауға мүмкіндік береді. Яғни,<br />
қауіпсіздік тұрғысынан едәуір тиімді болмақ.<br />
Еуразиялық энергетикалық корпорациясының<br />
қауіпсіздік және еңбекті қорғау<br />
бөлімінің мамандары өндіріске әкелінген<br />
жаңа аспаптың арқасында кәсіпорындағы<br />
көптеген өндірістік үдерістерді, қызметкерлер<br />
мен мердігерлердің жұмысын қадағалауға<br />
жол ашады. Дәл осы құрылғы «нөлдік<br />
жарақатқа» қол жеткізудің тағы бір<br />
мүмкіндігіне айналады.<br />
- Дронды екібастұздық «Шығыс»<br />
кенішіндегі жұмыстарға арнап алдық.<br />
Оның көмегімен кеніштің маркшейдерлік<br />
түсірілімін жасауға ниеттіміз. Енді қарап<br />
көріңіз, бұрындағыдай әр «нүкте» бойынша<br />
ұзақ жүрудің қажеті болмайды. Оның<br />
орнына жаңа құрылғы арқылы бір сәтте<br />
толық көрінісін көре аламыз. Осылайша<br />
көмір жыныстарын жинауға, үйінділерді<br />
қалыптастыруға, жол салуға едәуір қолайлы<br />
учаскелерді анықтайтын боламыз. Мұндай<br />
жаңашылдық жанармай үнемдеуге де<br />
септігін тигізеді. Сонымен қатар көмір<br />
жынысы ойдағыдай жарылмай қалған<br />
жағдайда, жарылыс заттарын қою орындарын<br />
қарау да оңайға түседі. Яғни<br />
адамдардың жарақат алу ықтималдығын<br />
айтарлықтай азайтады, - дейді «ЕЭК» АҚ<br />
еңбекті қорғау және қауіпсіздік техникасы<br />
бөлімінің басшысы Сергей Руссу.<br />
Ал акционерлік қоғамның ақпараттық<br />
технологиялар және басқару жүйелері<br />
басқармасының басшысы Жасұлан<br />
Смағұловтың сөзіне сүйенсек, сатып<br />
алынған төртінші буынды квадрокоптер<br />
үлгісі биыл үздік деп танылған.<br />
- Біздің дрон бағыттаудың бес<br />
инфрақызыл датчигімен қамтылған. Бұл<br />
дегеніңіз, кедергіні кез келген жақтан<br />
оңай айналып өте алады әрі жиіліктің<br />
екі әртүрлі диапазонында жұмыс істейді.<br />
Құрылғының мұндай ерекшеліктері жүктеме<br />
жиілігі өте жоғары дәл осы «Шығыс»<br />
кеніші үшін аса қажет. Сонымен бірге<br />
дрон тар әрі күрделі жағдайларда автономды<br />
түрде ұша алады. Аспаптың тағы<br />
бір артықшылығы – нүктелер бойынша<br />
ұшу тәртібінің болуы. Яғни экрандағы<br />
сызықты сыза өтсеңіз болғаны, квадрокоптер<br />
белгілі бір биіктікте бола тұра,<br />
белгіленген траектория бойынша ұшады.<br />
Ұшқыш камераны басқарумен айналыса<br />
алады, ал ұшуды дронның өзі реттейді:<br />
көрініс басқару пультіне онлайн-режимде<br />
беріледі. Аппарат көтеріле алатын ең<br />
жоғарғы нүктесі ұшуға көтерілген нүктеден<br />
бастап жарты шақырымға созылады, -<br />
дейді Ж.Смағұлов.<br />
Кәсіпорын басшылығы осылайша жаңа<br />
аппараттың арқасында өндірісте уақыт<br />
та, өзге де ресурстарды да барынша<br />
үнемдемек ниетте. Ең бастысы заманауи<br />
құрылғының қызметкерлердің<br />
қауіпсіздігін қамтуда орны ерек.<br />
Г.МАҒЖАН,<br />
Екібастұз қаласы.<br />
Ел құлағы бес күндік<br />
білім беру жүйесіне<br />
көшу төңірегіндегі<br />
толассыз тартыстардан<br />
тұнып қалды. Осы тұста<br />
әлеуметтік желілерде<br />
көптеген пікірлер айтылуда.<br />
Соның бірін<br />
оқырман назарына<br />
ұсынуды жөн көрдік.<br />
Жассерік ЖӘЛЕЛҰЛЫ:<br />
- Мектепте бала оқытып отырған<br />
ата-аналармен пікір бөліскім келеді.<br />
Биыл бес күндік оқытуға көштік, осыған<br />
орай балалардың жүктемесі артып,<br />
жетінші, сегізінші сабақ шықты. Осыған<br />
қалай қарайсыздар? Содан соң, эксперимент<br />
түрінде физика, химия сияқты<br />
пәндер үш тілде оқытыла бастады.<br />
Балаларыңыз мұны қалай қабылдады?<br />
Өздеріңіз ше? Пән оқулықтарына<br />
көңіл тола ма? Пікір білдіргенде,<br />
қызбалыққа салынбай, уәжді сөз,<br />
дәйекті пікір айтсаңыздар құба-құп.<br />
Мектеп басшылары, мұғалімдер мен<br />
білім бөлімі қызметкерлерінен де пікір<br />
күтемін. Алдын ала алғыс білдіремін.
Change language