Views
9 months ago

Parnasimautik newsletter #2

ᐸ3Nymᐅt4

ᐸ3Nymᐅt4 Parnasimautik - ᓄᕐᕋᓕᐅᑦ December 2017 ᖃᕐᔪᐃᑦ ᐅᕕᒃᑫᑦ ᑲᑎᖕᖓᔨᖏᑕ ᐊᖓᔪᕐᖄᒪᕆᖓ ᓯᕗᓕᓚᐅᔪᒋᕗᖅ ᐅᖃᖃᑎᒌᒍᑕᐅᑎᓪᓗᑦ ᐅᕕᒃᑲᓅᓕᖓᔪᑦ, ᐅᖃᐅᓯᖃᓚᐅᔪᕗᕐᓗ ᐅᓇᒻᒥᓱᐊᒍᑎᖏᓐᓂᓗ ᓯᕗᓪᓕᐅᔨᒍᒪᔭᖏᓐᓂᓗ ᐱᓇᓱᒍᑎᑦᓴᒥᓐᓂᒃ ᐸᕐᓇᓯᒪᒍᑎᒥᓐᓂ ᐅᖃᕐᓯᒪᔭᒥᓐᓂᒃ ᑐᖕᖓᕕᖃᕐᓱᓂ ᐊᒻᒪᓗ ᐅᖃᐅᓯᖃᕐᒥᓱᓂ ᐱᓇᓱᒍᑎᐅᓕᕐᑐᓂᒃ ᐅᕕᒃᑲᓂᒃ ᕿᑲᑐᐃᓐᓇᑎᑦᓯᒍᓐᓀᕈᑎᐅᑦᓱᑎᒃ, ᐃᒻᒥᓂᐊᕐᓂᒥᓪᓗ ᐊᑑᑎᔭᐅᑎᑦᓯᑌᓕᓇᓱᒍᑎᒥᓐᓂᒃ ᐃᓱᒪᐅᓪᓗ ᐃᓗᓯᖃᑦᓯᐊᑐᑦᓴᐅᓂᖓᓂᒃ. ᐊᕙᑕᖅ ᐱᐅᓯᑐᖃᓕᕆᕕᐅᑉ ᐊᖓᔪᕐᖄᒪᕆᖓ ᐅᖄᒍᑎᖃᓚᐅᔪᒻᒥᔪᖅ ᐱᔭᑦᓴᖁᑕᐅᔪᓂᒃ ᐃᓗᕐᖁᓯᕐᒨᓕᖓᑦᓱᑎᒃ ᐅᖃᐅᓯᕐᒨᓕᖓᑦᓱᑎᒃᓗ ᑭᖕᖒᒪᓇᕆᐊᖓᓪᓗ ᐊᑦᑕᓀᑦᑐᒥᒃ ᐃᓂᓪᓚᓯᒪᔭᐅᔪᑦ ᑮᓇᐅᔭᖃᕐᑎᑕᐅᒍᑎᐅᒋᐊᓖᑦ ᐊᑐᕐᑕᐅᔪᑦᓴᐅᓱᑎᒃ ᓴᐳᒻᒥᓂᕐᒧᓗ ᖁᕝᕙᑎᕆᓂᕐᓄᓗ ᓄᓇᕕᒻᒥᐅᑦ ᐃᓄᑐᐃᓐᓀᑦ ᐃᓗᕐᖁᓯᖓᓐᓂᓗ, ᐅᖃᐅᓯᖓᓐᓂᓗ ᑭᓇᐅᓂᕐᒥᓅᓕᖓᔪᖁᑎᖏᓐᓂᓗ. whx3y[4 ᑲᑎᕕᒃ ᓄᓇᓕᓕᒫᑦ ᑲᑎᖕᖓᔨᖏᑕ ᓯᕗᓕᕐᑎᖓᓗ ᐊᒻᒪᓗ ᒪᑭᕝᕕᐅᑉ ᐊᖓᔪᕐᖄᒪᕆᖓ ᑕᒪᕐᒥᒃ ᐅᖃᐅᓯᖃᓚᐅᔪᕘᒃ ᐃᒡᓗᖃᕐᑎᑕᐅᑦᓯᐊᕆᐊᖃᕐᓂᓅᓕᖓᔪᓂᒃᓗ ᐊᒻᒪᓗ ᓄᓇᕕᒻᒥ ᐃᓅᒐᓱᓐᓂᐅᑉ ᑮᓇᐅᔭᕐᑐᒪᕆᒍᑎᐅᒋᐊᖃᕐᓂᖏᓐᓂᒃ. ᐃᓕᖓᓂᖃᓪᓗᑯᕐᑐᑦ ᐃᒡᓗᖃᕐᑎᑕᐅᓂᑦᓴᓅᓕᖓᔪᓄᑦ ᐃᓚᖃᓚᐅᔪᖅ ᐃᒡᓗᓂᒃ ᓇᒻᒥᓂᖃᕐᓂᒥᒃ ᐱᓇᓱᒍᑎᓕᐊᖑᒪᔪᓄᑦ, ᐃᓚᖃᕐᒥᓱᑎᒃ ᐊᑭᓕᕐᑐᑕᐅᒋᐊᓖᑦ ᑭᖑᕙᕐᓯᒪᓯᓲᖑᓂᖏᓐᓂᒃ ᐃᒡᓗᓂ ᐃᖏᕐᕋᓯᐊᕐᑎᓯᒋᐊᖃᕐᓂᒥ ᓯᖁᒥᓯᒪᔨᐊᖃᕐᑌᓕᒋᐊᖃᕐᓂᓂᓪᓗ. ᓄᑖᑦ ᐃᓕᖓᔪᑦ ᐊᑭᓕᕐᑐᐊᓄᑦ ᐃᓅᒐᓱᒋᐊᖃᕐᓂᑯᑦ ᐊᖏᖃᑎᒌᒍᑎᑖᖑᕐᖃᒦᑦ ᑲᔪᓯᑎᑕᐅᕕᑦᓴᑖᕐᑕᐅᒪᑦᓱᑎᒃ ᐁᕆᓕ 1, 2018-ᒥᒃ ᐅᖃᖃᑎᒌᒍᑕᐅᓚᐅᔪᒻᒥᔪᑦ. ᓄᓇᕕᒻᒥ ᓄᓇᒥᒃ ᑎᒍᒥᐊᕐᑏᑦ ᑲᑐᑦᔨᖃᑎᒌᓐᓂᖏᑕ ᐊᖓᔪᕐᖄᒪᕆᖓᑦ ᑐᑭᒧᐊᒍᑎᓂᒃ ᐃᓱᓕᑎᑦᓯᔨᐅᓚᐅᔪᕗᖅ ᐅᖃᖃᑎᒌᒍᑎᖃᕐᓱᓂ ᑮᓇᐅᔭᖃᕐᑎᑕᐅᒍᑎᒋᒋᐊᓕᖏᓐᓂᒃ ᑲᑐᑦᔨᖃᑎᒌᕝᕕᖁᑎᒥ. 6

ᐸ3Nymᐅt4 Parnasimautik - ᓄᕐᕋᓕᐅᑦ December 2017 ᓄᑖᖅ ᐃᓱᐊᕐᓯᕕᒻᒥᒃ ᓴᓇᒍᑎᑦᓭᑦ ᐁᑉᐸᖓᓐᓂᐅᑎᓪᓗᒍ ᐆᒃᑐᐱᕆ 24-ᒥ, ᐃᓱᐊᕐᓯᕕᒃ ᐃᑲᔪᕐᓯᓂᕐᒥᒃ ᐱᑦᔪᔨᕕᐅᑉ ᐊᖓᔪᕐᖄᖑᖃᑎᒌᑦᑐᖁᑎᖏᒃ, ᒥᐊᔨ ᐁᑦᓯᓴᓐᓗ ᑏᕝ ᕘᕆᔅᓗ ᐸᕐᓇᓯᒪᐅᑎᓕᕆᔨᒃᑯᓂᒃ ᑐᓴᕐᑎᓯᒋᐊᕐᑐᓯᒪᓚᐅᔪᕘᒃ. ᐃᓱᐊᕐᓯᕕᒃ ᐱᑕᖃᕐᑎᓯᒍᑎᖃᓲᖑᒻᒪᑦ ᐃᓗᕐᖁᓯᕐᒥᒃ ᐃᓚᐅᑎᑦᓯᓂᕐᑕᓕᒻᒥᒃ ᐅᐃᕆᓂᕐᓗᓯᒪᐅᑎᓕᓐᓂᒃ ᐋᕐᕿᒍᑎᑦᓴᓯᐅᕆᓂᕐᒥᒃ ᐱᑦᔪᔨᒍᑎᓂᒃ ᓄᓇᕕᐅᑉ ᐃᓄᑐᐃᓐᓇᖏᓐᓄᑦ ᑕᒪᑐᒥᖓᓗ ᐱᓇᓱᐊᓕᕐᓱᓂ ᐊᕐᕌᒍᑦ 20 ᐅᖓᑖᓄᑦ. ᑖᓐᓇ ᑌᒫᒃ ᐱᑦᔪᔨᔨᐅᑦᓱᓂ ᑲᓇᑕᐅᑉ ᐅᑭᐅᕐᑕᑐᖓᓂ ᓇᐸᔪᑐᐊᖑᔪᖅ ᐃᓄᒃᑎᑐᑦ ᐅᖃᐅᓯᕐᒥᒃ ᐊᑐᕐᓱᓂ ᐱᑦᔪᔨᔨᐅᑦᓱᓂ. ᑕᒐᑕᒐ ᐃᒡᓗᔪᐊᖅ ᓇᔪᕐᑕᖓ ᐃᒡᓗᔪᐊᑐᖃᐅᓂᕐᐹᖑᔪᖅ ᑰᒃᔪᐊᒥ, ᓇᑉᐸᑕᐅᓚᐅᕐᑐᕕᓂᐅᑦᓱᓂ ᐊᒥᕆᑲᒥᐅᑦ ᐅᓇᑕᕐᑐᓴᖁᑎᖏᓐᓄᑦ 1943-ᖑᑎᓪᓗᒍ. ᓇᔪᕐᑕᐅᒍᓐᓇᓲ ᖁᓕᐅᖕᖏᒐᕐᑐᐊᐱᑐᐃᓐᓇᓄᑦ ᒥᑭᓗᐊᕐᓱᓂᓗ ᑐᖕᖓᓱᑦᑎᓯᓂᐊᕈᓂ ᐃᓚᒌᓂᓪᓗ ᕿᑐᕐᖓᖏᓐᓂᓗ. ᑌᒣᑦᑎᓗᒍᓕ ᐊᒥᓱᖕᖑᐸᓪᓕᐊᑐᐃᓐᓇᖁᑦ ᐅᐃᒪᓇᕐᓯᕙᓪᓕᐊᓱᑎᒃᓗ ᐱᓀᓗᑌᑦ ᐱᑐᑦᓯᒪᓂᓖᑦ ᐋᖓᔮᓐᓇᑐᓂᒃ ᐊᑐᕐᓂᓗᓐᓂᓄᑦ ᓄᓇᕕᒻᒥ ᐃᓅᖃᑎᒌᓂᒃ ᓱᕃᓂᖃᕐᓯᒪᓕᕐᑐᒥᒃ. ᓄᓇᕕᒻᒥᐅᑦ ᐃᓅᒍᓐᓀᐸᑦᑐᑦ ᐱᔭᐅᑦᓱᑎᒃ ᐃᒥᐊᓗᒻᒧᑦ ᐅᓄᕐᓂᖏᑦ ᓯᑕᒪᕕᓪᓗᐊᑐᒥᒃ ᐳᕐᑐᓂᕐᓴᐅᕗᑦ ᑯᐯᒃᓕᒫᒥᑦ. ᑲᑉᐱᐊᓇᕐᑐᒦᓕᕐᓱᓂᓗ ᐱᖁᔭᓂᒃ ᓯᖁᑦᑎᕆᓂᓕᓐᓂᒃ ᐱᓂᕐᓗᑲᑦᑕᓂᖅ ᐊᒥᓲᓗᐊᓕᕐᓱᑎᒃᓗ ᐃᓄᑐᐃᓐᓀᑦ ᑎᒍᔭᐅᒪᕕᓐᓃᑐᑦ ᐅᕕᒃᑫᓗ ᓴᐳᑎᔭᐅᒪᕕᖏᓐᓃᑐᑦ. ᐃᓚᖃᕐᒥᓱᑎᒃ ᓄᓇᓖᑦ ᐱᑕᖃᖕᖏᓂᖏᓐᓂᒃ ᐅᐃᕆᒪᓂᕐᓘᑎᓕᓐᓂᒃ ᐱᑦᔪᔨᕕᓐᓂᒃ ᑕᒪᒃᑯᓂᖓ ᐊᐅᓚᑦᓯᓇᓱᕝᕕᐅᒐᔭᕐᑐᓂᒃ. ᐱᓇᓱᑦᑕᐅᔪᑦ ᓄᑖᒥ ᐃᓱᐊᕐᓯᕕᒃ ᓄᓇᓕᓕᒫᑦ ᐋᕐᕿᑕᐅᕕᒋᓗᒍ ᐱᑦᔪᔭᐅᕕᑦᓴᖓᓂᒃ ᐅᒃᑯᐃᑕᐅᓂᖃᕈᒫᕐᑐᒥᒃ 2020 ᑐᓴᕐᑎᓯᒍᑎᐅᓚᐅᔪᒋᕗᖅ, ᐃᓚᖃᓚᐅᔪᒻᒥᔪᖅ ᐱᕙᓪᓕᐊᑎᑕᐅᒍᑎᑦᓴᖏᑕ ᐸᕐᓇᑕᐅᓯᒪᒍᑎᖏᓐᓂᒃ ᐊᕐᕌᒍᓄᑦ 2016-ᒥᑦ ᑎᑭᓪᓗᒍ 2036 ᐃᓕᖓᒐᔭᕐᑐᓂᒃ. ᓄᑖᖅ ᐃᓱᐊᕐᓯᕕᒃ ᓄᓇᓕᓕᒫᑦ ᐋᕐᕿᑕᐅᕕᒋᓗᒍ ᐱᑦᔪᔭᐅᕕᑦᓴᖓ ᑕᑯᑦᓴᐅᒍᑎᒋᓚᖓᕙᖓᑦ ᓄᓇᓖᑦ ᐱᒐᓱᖃᑎᒌᒍᓐᓇᓂᖓᑕ ᐅᑎᕐᑎᓯᒋᐊᕐᕕᒋᓗᒍ ᓄᓇᑦᑕ ᓯᕗᓂᑦᓴᖓᓂᓪᓗ ᐊᒻᒪᓗ ᓴᐳᑦᔨᒋᐊᕐᕕᒋᓗᒍ ᐃᓅᓯᑦᑎᒍᑦ ᐱᐅᓯᑦᑎᓂᒃ ᑕᕐᕋᒥ.” ᐅᖃᕐᑐᖅ ᒥᐊᔨ ᐁᑦᓯᓴᓐ. ᐅᖃᐅᓯᑦᓴᐅᓗᐊᖕᖑᐊᑐᑦ 2016-2036 ᐊᕐᕌᒍᖏᓐᓅᓕᖓᔪᑦ ᐱᕙᓪᓕᐊᑎᑦᓯᓂᑦᓴᒥᒃ ᐸᕐᓇᕈᑎᐅᒪᔪᑦ ᐅᓄᕐᓯᒋᐊᕆᓂᐅᒐᔭᕐᐳᑦ ᐃᓄᐃᑦ ᐃᓪᓕᓴᖏᓐᓂᒃ ᖁᓕᐅᖕᖏᒐᕐᑐᓂᑦ ᐱᓗᑎᒃ 22-ᖑᒍᓐᓇᓯᓗᒋᑦ New Isuarsivik Regional Recovery Centre Project On Tuesday October 24th, the Co-Chairs of the Isuarsivik Treatment Centre, Mary Aitchison and Dave Forrest made a presentation to Parnasimautilirijiit. Isuarsivik has been providing culturally sensitive addiction treatment services to Inuit of Nunavik for more than 20 years. It’s the only such centre in the Canadian Arctic to offer services in Inuktitut. The current Isuarsivik building is the oldest in Kuujjuaq, built by the American Air Force in 1943. It can only accommodate nine clients at a time, and is too small to host families and children. Meanwhile the scope and intensity of problems related to substance abuse in Nunavik affect the entire society. Mortality rates due to alcohol alone are four times higher in Nunavik than the rest of Quebec. There is an alarming level of crime and an over-representation of Inuit in corrections and Youth Protection services. In addition communities do not have specialized addictions services to deal with these issues. A project for a new Isuarsivik Regional Recovery Centre scheduled to open in 2020 was presented, as well as a Development plan for 2016-2036. “The New Isuarsivik Regional Recovery Centre is a symbol of the communities coming together to take back our regions’ future and protect our way of life in the North,” said Mary Aitchison. The main points in the 2016-2036 Development plan are to increase capacity from nine beds to 22 beds and increase client capacity from 45 to 175 annually, integrate a family approach to include spouses and children of clients admitted, welcome pregnant women on an emergency basis, deploy certified Inuit addictions counsellors to provide assessment, specialized counselling and aftercare in each community and partner with Saqijuq and the judicial system to deploy the Court of Québec addictions treatment program. 7

Newsletter 2-11 - JOY Lutheran Church
Newsletter n. 2 - SDA Bocconi
Newsletter 2-10 - JOY Lutheran Church
newsletter 2/2011 - Era21
FM95.5 Newsletter เดือนสิงหาคม 2555
Newsletter dla Przedsiębiorców - grudzień 2011 - CTT AGH
Heritage Newsletter, No 2
5 Ways to Increase Open Rates on Your Next Newsletter
Gravenhurst YMCA Newsletter - YMCA of Simcoe/Muskoka
Newsletter April 2011 - ESM Manila
Monthly Newsletter