You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
PARATHËNIE<br />
popullore edhe në ditët e sotme, mbase për atë tjetërsim të qelqtë, por<br />
prapë tjetërsim, të njeriut nga njeriu në një mjedis kryeqytetas. Muret<br />
janë të qelqta, por sot njeriu dhe natyra rreth tij, njeriu dhe e natyrshmja<br />
si përvojë, si komunikim, janë ngjethshëm e rreptësisht larg njëri-tjetrit,<br />
janë të papërputhshëm fizikisht e shpirtërisht:<br />
Ca pika shiu ranë mbi qelq.<br />
Për ty unë befas ndjeva mall.<br />
Jetojmë të dy në një qytet,<br />
Dhe rrallë shihemi, sa rrallë.<br />
Disa nga kryeveprat e tij të mëpasme, si poezitë: Kristal, Dreri, Pas<br />
darke, Monolog, Akullnaja, Mundja e ballkanasve, Në studion dimërore, etj.,<br />
shënojnë një tjetër nivel mjeshtërie. Në këto poezi merr rëndësi tonaliteti.<br />
Ndeshim në një tonalitet të zymtë, të ngrysët, tragjik e, prapë, shumë intim.<br />
Organizimi gjuhësor dhe ai kompozicional janë të karakterit klasik, por<br />
ndjeshmëria, krejt moderne, është aq e hollë, pothuaj fare e brishtë. Është<br />
po ai Kadare që mëton kthjelltësi e qartësi gjuhe, por, përtej fjalëve, në<br />
këto poezi diçka është ngjeshur aq thellë e aq mjeshtërisht, sa edhe trysnia<br />
që ngjiz kristalet. Ndjesia e dikurshme e hapësirave pa fund, tashmë ia<br />
ka lënë vendin një dramaticiteti të mbyllur me thekse nga tragjikja. Tej<br />
rreptësisë së formës poetike, në realitetin e gjithçkasë poetike të kësaj<br />
kohe, shfaqet një dhembje e grumbulluar prej kohërash pa fund, prej<br />
kohërash të përmasave biblike. Organizimi gjuhësor pëson një ngjeshje<br />
jo të zakonshme. Ngjeshjen e gjenezave që çojnë në krijimin e botëve<br />
të reja. Një ndjesi tjetër të pushton, një ndjesi e kozmikes. Vijnë pengje<br />
tragjike të një mistike, të cilat, sado thekshëm e ngushtësisht intime të<br />
ngjajnë, aq dhe të përbotshme janë. Dhe, përmbi gjithçka të tillë, lartohet<br />
një imagjinatë e ndezur, një imagjinatë e sovranes, një fantazi që rreket të<br />
na e japë në pëllëmbë të dorës atë që përjetojmë, por që nuk e rrokim dot<br />
kurrë me shqisat tona. Dhe nuk do t’i prekim dot, se jemi të kufizuar, të<br />
paaftë për të kuptuar realitetet tona intime. Kështu jemi. Ndaj na duhet<br />
arti, jo dhe aq shumë si art për veten e tij, por si një alternativë për atë çka<br />
xviii