Views
9 months ago

.. مصطفي سفيري

غطاها وبقالا

غطاها وبقالا لحد اترحت فروعا ً فيها في الواقود فاحت للمدائن ند راحت ولا َّ راحت تاني من دنيانا تاني أبت ما بترجع وحاتك تاني بين َّا وبين َا قامت سد ومما راحت المسكينة لا سيرات بكانا غشن لا خيرا قريبا قعد لا اتلموا ناس في صرفة لا كان بين جماعة وعد والنيل بي دموعو الفايضة بلّ‏ مكانها بلل الدمعة فوق الخد والسيل شال طمي النيل عنوة رجعو ليها تاني حسد

والدار خلو حالها الدار تتندر في حشاها نكد تترادف سنين وسنين حتين يوم يجيها سعد وادي الضيف سنينو كسد وخور السيل اتكمسد تقعد بالطويل يا احمد إ ُّنو فلان تسمعو حتين الجاب شيلتو ليها زمان يقولو عقد شجرة يا ود فضل يا احمد منو البي خيرها اتعدد ومنو البي طوقها اتفكر جبل النوق يقيف بي طولو يتمدد والاتر الحضن ياخوي أهلنا اسامي جد عن جد يحس العشرة والجيرة