Views
1 month ago

AITORMA APRIL-2018 PDF

POKYATWI Puila bwkhak

POKYATWI Puila bwkhak Dutchrok tongnma thaio, Dutch tei English kok South Africani bosongni kok hinwi gosimung mankha. Ulo Holandni dalok mislok kok South Africani, Africanas kok hinwi borom mankha. South Africao Dutch rok Cape Town, Natal, Transvaal tei Orange Free state o, kwbang tongma bagwi Dutch tongthai naphai nairok, aphuruni sini Africani barok hinwi sinijakha. Sana thangkhe Europeni phainai tei Dutchrokni bising tongthai segwi choba nanglaima thaklaiya. Phiya Africani ha bwsa kosomsa rokni hamari kisa phano wngliya. Sakur kosomrok teibo se satokjagwi tongbaisio. Europeni phainairok kosomsa rokno belai borok kusu, siya, bolongni borok hinwi uansugu. Sakur kuphurrok kosomrokno naslejaksugu. Aboni bagwi borok rang kisa bai kosomrokno belai samung tangrwo. Kosomrokno bohrok borok hinwi khakaiya. Belai kung chukjak kuphur borokrok kosom borokrokni bebak manthairok segwi nabaikha. Africa haktorni aswk ha tolani thok tei rangchakrok kuphur borokrok simi nabaikha. Phiya hani bwsa kosom sakur rokkhe machaya ma nwngya belai biyalo kwlai tongna nangkha. Pherlaimungni bagwi sakur kosom tei sakur kuphur borokrokni bising halok belai hamya tei tong kwchang tongmung derana nangkha. Kha kosong borok kosom sakur rok puila bwkhak phatar haktorni phainai tongthai naphainairokbai koklam salaima bisingtwi bohrokno satokma mwthaknani tei manthairok rwnani sanlaikha. Ulni jora thansakhe bohrokni manthaino sana bagwi 1912 bisio ‘South African Native National Congress’ mungwi motha achaio. O mothano ulni jorao ‘African National Congress’ hinwi kisa mung swlaiwi motha khajakphiro. Omotha bisi kwbang romwi sakur kosom hinwi, hani borokno satokma tei bohrokni manthaini bagwi choba khwlaiphaikha. Nelson Mendela ulo omothani ojama wngwi poja yachakkha. South Africao Jan Christian Smuts montri bokhorok tongma jorao sakur kuphur borokrok, kaisani ulo tei kaisa kerong swnamwi kosom borokrokni tongthai, ajinani lama, sebuk khwlainani lama, bania khwlainani manthaino seplemano karwibo, kosomsarok baithangni hao baithangni muchungtwi thanglaisunani manthai manliya. Kosomsa rokno chongmario vote rwnani sepbo rwjakliya. Aboni bagwi kosomsarok o kerong kosomno, kasunani phanbo manliya. 1913 bisio ‘Native Land Act’ mungwi kerong swnamwi haktorni jogano, kuphursarok tei kosomsarokni bising bagnani saklaijakha. Haktorni khorok charchi rasai kosom borokrokni bagwi, bebagwi ra-o chitham simi rwjaksio. Yang ‘Pass law’ mungwi aitorma 22 kerongbai kosomsa rokno gosimung bwlai rwjago. A gosimung bwlai kwrwi hinkhe kasomsarok keboni nogo thangwi laisui manya. Gosimung bwlai phunuk manya hinkhe kosomsarokno dondi khwlai rang najago tei alongnogo chobwi tono. Yang Dutchrok Europeni borokrokni thani chenwi, bohrokni thamchino kosomsarokni sago, thamchino hamrwo. Europeni borokrok tei Dutchrok rang gwnang, phangwnang kharwrwk, kasomsa rokni sago satokma teibo bangrwrwk wngkha. Ulni jorao o satokma tei kusubmarokno kasuna bagwi Nelson Mendela tei bini logisongrok belaikhe satokjakna nangkha. Chongmari thango chongmari phaio, montri bokhorok swlai jago, phiya kosomsarokni hamari kisa phano wngliya. Kosomsarok chongmario gwdalwi manya. Kuphursarok teibo nailaio kosomsarokni joto hodani manthaino seplejakthwng. Purified National Party hinwi bodol kaisani ojama Daniel Molanni jorao kosomsarok aswkkhe satokjakha hwno, abohai satokjakma laihbumao belai kisano tongnaphu. Yang Hendric Frensch Verwoerd montri bokhorok tongphru, kwtal tei kaisa kerong swnamkha. Apartheid mungwi o kerongbai kosomsarok, Indianrok tei sakur chaksrurokno tongna bagwi juda juda amchai bagwi rwjakkha. Tamni hinba Hendric Verwoerd kosomsarokno malmatani slaibo selengjago. Kuphursarok khe kaham kaham jaga nama bagwi, jaga hamya mannai kosomsarok hainohai thangwi tongna bagwi kuphursarokni chubuchu nangkha. Aboni bagwi kosomsarok bisi kwbang romwi kuphursarokni thani rang kisa bai kwbang samung tangwi

POKYATWI seleng wngwi ma tongkha. Omo khochorrwi swijak, ulni jorao Nelson Mandela achaimani tei bini samungno nailaiyanw. 1918 bisini 18 Julyo South Africani Kunu kamio Nelson Mandela achaio. Buma bupha bini mung rwkha Nelson Rolihalahana Mandela. African kokbai ‘Rolihalahani’ hwnmani abo urpatrinai (walairwnai) hwnmase, phiya boh naislema samung tangmano kebengwi, choba khwlaise Novel sokat mansio. Boh bini sandai tei kichingrokni thani ‘Baltu’ hinwino sinijagu. Kunu kamio rwngnokrok kwrwi, swnamkhor bo kwrwi. Bohni bagwi Nelsonni buma bupha bo rwng nogo, swrwngnani sep manliya. Haiphano bohrok, bohrokni laibuma tei hukumunotwi jaikhe saimanjak tongmani. Rwngkwrwngbo, aswk wngna nangya tamoni hinba bohrokni langmao bohrokni bosongbai simino, kwchang kwchangkhe tonglaio. Phatar harokbai bohrokni manjumung kwrwitha. Nelsonni bosongni mung Xhosa. Aphru South Africao ‘Zulu’ ‘Xhosa’ ‘Pondo’ tei ‘Thembo’ o kaibrwi bosong tongo. Nelsonni buphani mung wngkha Gadla Henry Mandela. A jorao, boh Xhosa bosongni ojama tongmani. Kamio walai suklai wngkhe bohno walaima hamrwo, kamio kwchang-kwchang khe tonglaio. Bini bosongni borokrok bohno ha bubugra haikheno borom khwlailaio. Xhosa bosong nograino nogo, kasarwthani belai mung tongo. Nogo nograi phaikhe, khabai khukbai charwna bagwi Xhosa bosongni borokrok belai hamjagu. Nok bwsate-bwsate no, borok belai tongthok chathokkhe khakchangwi bohrok tonglaio. Kwchang kosong borokrok salo Henry Nelson Xhosa bosongni bugra phano boh rang gwnang tongmaniya. Chikonsa nogono boh bihik tei bwsajwk bwsala songno twi tongmani. Henry Mandelani bihik Khorokbrwi tongmani, Nelsonni buma Noskini Henryni ultham (3 rd ) bihik tongmani. Henryni nukhung maikhul kaimani tei musuk punrok riwi, musuk tei punni dhut (milk) phalwi bohrok kahamkheno chalai nwnglai tonglaio. maikhul kailaio, sarigo hor tongtwtwi kereng kothomarok salaio, mwnwilaio. Bohrok belai rang gwnangya, haiphano kisa baino khachomwi tonglaio. Mungsanotwi uanama kwrwi. Chwrai Nelson sanja jorao hor gana achugwi chakrarokni kok salaimarok khwnai tongo. Nelson torwi salsa bini chwrai tongphruni kokno khursai sakha. Je jorao ang kamini chakrarokni thani chini bosongni kokrokno khwnakha, aphruno puila rajnitino (political) khao hapkha. Ang saimankha swkango chini hao sakur kuphur phatarni borokrok phaiyasani, chini bosongni borokrok belai tongthok chathok tei kwchang kwchangkhe khakwchangwi tonglaimani. Chini hani hapung hathai, twma twisa, buphang uaphang, panthor bebakni bugra chini bosongni borokrokno tongmani. Bohrokni khao kirina kwrwi, uanana kwrwi aitorma 23 tongmani. Ha no naikolnani phan, ha mwrwknani tei sengkrakrokni phan bebakno, chini bosongni thanino tongmani. Henry Nelson Xhosa bosongni bugra phano boh rang gwnang tongmaniya. Chikonsa nogono boh bihik tei bwsajwk bwsala songno twi tongmani. Henry Mandelani bihik Khorokbrwi tongmani, Nelsonni buma Noskini Henryni ultham (3 rd ) bihik tongmani. Henryni nukhung maikhul kaimani tei musuk punrok riwi, musuk tei punni dhut (milk) phalwi bohrok kahamkheno chalai nwnglai tonglaio. Nelsonni omor bisichiphru bini bupha belaikhe sak hamya wngkha. Boh saimankha tei bisi kwbang thangwlakkha hwnwi. Boni bagwi boh bwsala Nelsonni thinangnotwi uanajakha. Nelsonni achaisongo khorokbrwini bising Nelson simino chwla tei khoroktham bwrwi. Bupha Henry, bwsala Nelson buini swlai tongmung tei uansukmungrok kaham hinwi saimano. Henry saimano Nelson thinango samung kotor tangna bagwise achaio. Boni bagwi Nelsonno rwngmari rwna nanganw. Henry Nelsonni bagwi bini sandai Dhalindhobani thani yapharkha. Dhalindhoba khoroksa rang, phan tei mungwnang ojama tongmani. Nelson bisichi omor joraono buma bupha, sandai masarokno tei hamjakmani kamino yakarwi Kikenbani mungwi kwtal tongthai Dhalindhobani nok kotormao tongna nangkha. Arono boh hayung kotorma bai sininani kisisa sep mankha. Aro politicsni koklam tei laijak laibumani kokrok khwnate-khwnate Nelson emang nukna chengu. Bahaikhe bini achaima hano hamchajak tei

April 2018
Belluqian Magazine April 2018
Autism Voice April 2018
Yuva Sahyadri Epaper April 18, 2018 to April 24, 2018
Yuva Sahyadri Epaper April 11, 2018 to April 17, 2018
allgäu weit März/April 2018
PDF Learning LABS 2018