Views
1 week ago

AITORMA APRIL-2018 PDF

Postal Charges Extra

Postal Charges Extra (Rs. 60 annually) 1 Year Rs. 350 2 Years Rs. 700 3 Years Rs. 1050 Name : ............................................................................ Address : ............................................................................ State : ...................... Pin : ......................... Renewal Sub. No. PSY................ Sew Sub..................... Phone/Mob. : ..................... E-mail : ................................. Cheque (Outstation cheques not allowed)/MO/DD No. aitorma Subscription Form KOKRWBAI Jora chwngkhiri nasingjak Chini hama tabukbo tongkhu Ulo bo tongwino thangnai. O haao no, ih Tiprahaa o noh Saracharchibrwi bubagra tonglangkha, Haiphano kung-kuchuk hwnjakha Tangwi hwnmale? O haani ama-apha cherai-sikla jotono Naikol-langliya kahamkhe Horlangliya pojarog kahamkhe Tongna nangkha bebak Bolong besero, hathai kesebo. Yakhili kwbai swnamjakliya Chini ari-rog sekjakma thakliya Sekjakte-sekjakte ari sukurukjakha Chini haa mwktwi yorjak Buini yapha tolao kaphikjakmabai. O dophani thinangni chatirog O dophani bekereng hwnjaknairog Phaidi-phaisidi thansani phanbai Baksa wnglaiwi chwng ari khalainai, Sekjakyatwi busu berabai. Watwi sikla wama thakgwlak Haa pekhokma kebo sigwlak Jorabai baksa himna ringwlak Tabukno jora— Tabuk khayakhe ulo tongwlak. –Jahen Debbarma aitorma 26 Mwktwi Swngchar gwnangwi naharwi naikhe Mwktwi se swkang yoro. Eh, hathai hapung ni tini mwktwi yorwi tongo. Toksa toktwi rog biyang thang bai kha Eh,hathai hapung ni tini Swngchar gwnangwi naharwi naibo Bono nukliya tini Eh, hathai hapung ni tini mwktwi yorwi tongo. Bolong ni buphang-waphang kwmai Thang bai kha Eh,hodani hukumu-mukumu Mwktwi yorwi tongo Langa dingra tiching kwmai tongo tabuk O hayungo achai phai mani Tamo kwpal ba mankha. Bwini tong mung bo ma tong liya Luku chamung bo ma chaliya Bigra nukhungo achai phai mani Tamo birman man kha. Swngchar gwnangwi naharwi nai khe Mwkwi se swkang yoro. –Govinda Debbarma YALOKTI Yalokti rignai tago bwchang chikonti Gola twi paiya khegwi kwlaio Maituk homani tusumui kagya Nog lepemani milip wngya Yalokti cheraikhu. Khumhai barsawi phaio bo tabok Jorina ta rwdi yaloktino Lamani kwcharo howi thangmahai Bole tabokse bahai motomriwi Bongburaihai birsana naio. Naithokno siniya, kahamno siya Jotono yaloktini thanio kaham Kwchak kormo kwkharang Palise siniyakhu yalokti Bole tabok cheraikhu. Rignai berna rwngya chango Risa sorna rwngya khabao Bole rwngo khapang khologwi Chirigwi Jadusongbai rwchabna. Sairikni khum sairikhai barsawi Motomsai rwnase rwngo yalokti Bole tabokbo cheraikhu. –Nayan kr. Tripura

aitorma 27

April 2018
Belluqian Magazine April 2018
Autism Voice April 2018
Yuva Sahyadri Epaper April 3, 2018 to April 10, 2018
Yuva Sahyadri Epaper April 11, 2018 to April 17, 2018
Yuva Sahyadri Epaper April 18, 2018 to April 24, 2018
allgäu weit März/April 2018
Mahamegha 2561 Bak (2018 April)