x-lady

KİTAB “PSİXOLOGİYA DÜNYASI” SERİYASINA AİDDİR

Heç bir insan 16 yaşdan o tərəfə
böyümür. 16 yaşdan o tərəfə yaşadıqlarımız
keçmişdə bizə təsir göstərən, yaxud o vaxt
yaşamadığımız istəklərin tamamlanması
üzərində formalaşır.

Elnur Rüstəmov
x–lady
Konsultativ roman
2-ci nəşr

Məsləhətçi:
Narınc Rüstəmova
Redaktor:
Cəlil Cavanşir
Naşir:
Müşfiq XAN
Korrektor:
Gülər Əliyeva
Texniki redaktor:
BəxtiYar
Dizayn və qrafika:
Tamerlan İsmayılzadə
© Elnur Rüstəmov. X-Lady (konsultativ roman)
© “XAN” nəşriyyatı. Bakı–2018. 108 səh. 2-ci nəşr
ISBN: 901020841203

İŞIĞA DOĞRU...
Məmləkətimizdə və onun hüdudlarından kənarda kifayət
qədər tanınan psixoloq-alim Elnur Rüstəmovun “X
Lady” konsultativ romanının təkrar nəşrinə ön söz yazmaq
istəyirəm. (Bəlkə, önə çıxarılmış söz?! Bunun haqqında bir
az sonra). Bunu hər ikimiz istəyirik. Amma daha çox mən
istəyirəm! Və təklif də məndən gəldi. Niyə? Məhz bu suallımı
cavablandırmaq üçün son üç cümlənin metafizik qatına
(quyusuna!) düşməyimiz gərəkir. Ariadna ipinə əlimiz çatmayacaq!
Məlikməmmədin kəndiri isə “farağat” dayanıb!
O universial iplə bizim “kasıb” kədirimiz arasında nə qədər
istəsən, paralellər tapmaq olar...
Yunan mifoloji qəhrəmanı Tesey labirintdən qayıtmaq
üçün sevgilsi Ariadnanın ona toxuduğu ipdən istifadə edir.
Tesey labirintdəki Minotavrı öldürməlidir. Məlikməmməd
də divi. Kəndir (və ya ip!) təkcə nağıl qəhrəmanımıza deyil,
həm də quyu başında duran qanıbir, canıbir qardaşların altşüurlarında
tutduqları məkrli niyyətlərini həyata keçirməkdən
ötrü gərək olur. Göründüyü kimi, “doğma” kəndirimiz
daha “qiymətli” və “statuslu”dur, necə deyərlər, onun “izzəti-şərəfi”
daha çoxdur! Amma hər iki halda kəndir (və ya
ip!) kəndirlikdən (və ya iplikdən!) çıxıb dəruni məna daşıyır.
(Deyəsən, “Əndərun” sözünün də canında “dəruni” uyuyur).
Birincidə məhz əziz, sevgili barmaqların toxuduğu ip
Tseyi xilas edir. İkincidə isə kəndir Əndəruna (gizliliyə, mahiyyətə!)
aparır. Tsey ipə, Məlikməmməd də kəndirə (“borcludur”
yox!) minnətdardır! Zənnimizcə, dilimizdəki “ipucları”
sözü də buna rəğmən yaranıb. Nə qədər pafoslu səslənsə
də, deməliyik: Müəllim, öyrətmən, (və ya ustad!) öz şagirdinə
(və ya şəyirdinə!) ip, kəndir və ya ipucları verir. Şəyirdlər
onu götürüb uzun və məşəqqətli bir səfərə çıxırlar... Və
günlərin bir günü böyük “qənimətlər”lə (bədii-elmi!) qayıdan
şagirdlərini görən müəllim hansı hisləri yaşayar, özünüz
deyin! Elnurun “X Lady”si mənə həmin hisləri yaşadır...
5