21.09.2018 Views

ud#70 (25685)

Create successful ePaper yourself

Turn your PDF publications into a flip-book with our unique Google optimized e-Paper software.

инГОЖ<br />

№ 70 (<strong>25685</strong>)<br />

7<br />

2018-тӥ ар 18-тӥ куарусён<br />

Корказы пырыса, ужан<br />

дӥсьсэ ури-бери куштыса,<br />

киоссэ но ымнырзэ миськыса,<br />

воштӥськыса, нуны кӧкы<br />

доры вуэ ини. Пиналзэ кутэтэн<br />

валче зыбкаысь ӝутэ<br />

но, ӟус вылэ пуксьыса, йӧлын<br />

пельскем нонызэ поттыса<br />

пиезлэн ымаз донге. Собере,<br />

уралмем, сюмам нуныезлэсь<br />

нонэмзэ, сюпсемзэ, ымдур<br />

выретэмзэ учкыса, небыт<br />

сиё шунды кадь пиштыса,<br />

пальпотэ. Та пичи муспотоно,<br />

дуно лул бугорезлэсь солы<br />

верантэм небыт, шуныт тулкым<br />

ыртэ. Мар-о со сыӵе меда?<br />

Анай шуд, дыр. «Таӵе шуд понна,<br />

вылды, нылкышноос тыл<br />

но, йӧ но пыр потыны дасесь»,<br />

- малпа Педотча. Таӵе шудэз<br />

со ӧз тодылы, ӧз веръя на вал.<br />

Оло, соин но, вуэм льӧль эмезез<br />

нырысьсэ веръякуз выллем,<br />

синзэ кыньыса ик, шӧмзэ<br />

мугораз каллен гинэ пыӵатэ.<br />

Собере синзэ усьтэ но пиез<br />

шоры учке, учке… Озьы, дыр,<br />

пиосмурт но кышномурт куспын<br />

кенжем яратон каньылак<br />

гинэ нылпи вылэ выже.<br />

Со али уг но малпа ни пиезлэн<br />

атаез сярысь. Ну, вал сыӵе пиосмурт.<br />

Педотча синмаськиз<br />

лыз инбам кадь синъёсызлы,<br />

пужым кадь веськрес мугорызлы,<br />

визьмо вераськемезлы. Верамезлы<br />

быдэ визьбур кылъёссэ<br />

марӟанэз сямен пазьгылэмезлы…<br />

Озьы Педотча ачиз но ӧз<br />

шӧды, кызьы кужмо пиосмуртлэсь<br />

мӧзмем ныл сюлэмзэ<br />

пытсэтысь эрике лэзиз. Санаторийысен<br />

соос Вася нимо<br />

воргоронэн ӝытъёсы вож садо<br />

урамтӥ поръязы, уӵыослэсь<br />

ог-огенызы вожмаськыса<br />

выллем турлы гуръёссэс кисьтэмзэс,<br />

ӟозъёслэсь чикыртэмзэс<br />

кылзӥзы...<br />

Нош одӥг пол Вася Педотчаез<br />

кык интыем палатае<br />

куное ӧтиз. Эшедлэсь<br />

умой ӧвӧл, шуыны турттӥз<br />

нылкышно…<br />

- Али мон огнам, -<br />

шокыштӥз Вася. - Эше городэ<br />

тодмоосыз доры кунояны<br />

мынӥз.<br />

Воргорон Педотчаез пумитаны<br />

азьло ик дасяськем. Та<br />

сярысь нылкышно палатае<br />

пыремез бере ик валатскиз:<br />

уго котырес ӝӧк вылын вазае<br />

понэм куинь лемлет розаос<br />

сыло вал, шампанской, «тылобурдо<br />

йӧлэн» конфетэн коробка…<br />

Чырсалэс-ческыт винаез<br />

ымдурыныз чепылляса юэмзэ<br />

адӟыса, Вася куноезлы воксё<br />

паймиз но шуиз: «Ма, та<br />

кабак ӧвӧл ук! Сюкась кадь<br />

гинэ. Юэм потыку - сюэз юзматон.<br />

Вай ай быдтытозямы,<br />

ваче шуккиськыса ик, юом…»<br />

- Мар понна? - соку ик юанэн<br />

могӟытӥз эшсэ Педотча.<br />

- А вань умоез понна!<br />

Кудъёсыз азьланьын одӥг<br />

пол гинэ уз луэ на.<br />

- Нош кытысь тодӥськод,<br />

озьы луоз шуыса? - выльысь<br />

меӵкытӥз Педотча.<br />

- Ма, умоезтэк улон уг<br />

пӧлэстӥськы уга…<br />

Вася возьматӥз, кызьы сюмыкез<br />

огполскын бушатоно.<br />

Педотча таяз учыре чепылляса<br />

ик юыны ӧз выры ке но,<br />

куинь пол гучыктӥз ик.<br />

- Конфетме но веръя, -<br />

«тылобурдо йӧлэн» коробказэ<br />

усьтыса Педотчалы пальпотыса<br />

мычиз Вася.<br />

Небыт, ческыт конфетэз<br />

пичиен куртчылыса веръянъяз<br />

Педотча шӧдӥз: лулпушказ<br />

пӧсь тулкым поръяны<br />

ӧдъяз. Со йыраз но тубиз,<br />

пыдаз но васькиз…<br />

Собере, «чутонтэм» понна,<br />

кыкетӥзэ сюмыкез<br />

бушатӥзы. Радиоын вальслы<br />

тупась гур сётэмзы бере<br />

эктыны потӥзы. Комнатаын<br />

ӟоскыт ке но, соослы кроватьёс<br />

вискын но инты тырмиз.<br />

Поръяны гинэ ӧз - берганы<br />

но! Нош Вася таиз ласянь<br />

усточи вылэм: эшсэ бубылиез<br />

сямен, туж капчи ширъятӥз.<br />

Эсьма, Педотчалэн лулыз<br />

ик ыректылӥз. Та вакытэ со,<br />

музъем вылысь тылобурдо<br />

выллем ӝутскыса, инметӥ<br />

лобаз кадь. Кемалась ни вал,<br />

кемалась Педотчалэн тазьы<br />

мыло-кыдо ширъямез. Ма,<br />

кинэн-о? Скалъёсыныз шат?<br />

Гуртысь клубе но потӥськод<br />

ке, вальсэз эктӥсь пиос чиньыен<br />

лыдъямон но ӧвӧл<br />

(шонергес луоз, дыр, бергасьёсыз<br />

шуид ке). Крезьгуръя<br />

поръясьёсыз гинэ вань. Ма,<br />

кытысь-о луозы? Гуртын, городын<br />

сямен, эктонъя кружокъёс<br />

ӧвӧл. Куд-огез маке<br />

быгатэ ке, со ини ас кожаз<br />

дышетскемезлэн емышез.<br />

Педотчаез эктон пичи дырысеныз<br />

ас бордаз кыскылӥз.<br />

Нырысь со юон дырысен<br />

эктӥсьёслэсь адӟем карылӥз.<br />

Собере, телевизор басьтэмзы<br />

бере, отысь ширъясьёсты<br />

адӟыса, шоразы синъёсыныз<br />

мертчиськылӥз…<br />

Гужемзэ гуртазы чиганъёс<br />

вуылӥзы. Соос<br />

котьку сямен шур дуре<br />

интыяськылӥзы. Бадӟым<br />

выж доры. Татын ӵошкыт<br />

возез но вань. Отчы соос кӧня<br />

ке шатёръёс пуктылӥзы.<br />

Пыласькылӥзы. Сиён<br />

пӧзьтылӥзы. Ӝытъёсы, гитараен<br />

шудыса, кырӟаллязы,<br />

эктылӥзы…<br />

Гурт пиналъёс чиганъёсты<br />

учкыны Таган вырйылэ<br />

ветлылӥзы. Татысен, гурезь<br />

йылысен, шур сьӧрысь<br />

чиганъёс кипыдэсын кадь<br />

адӟисько. Та шумприч артистъёслэн<br />

шудэм, эктэм,<br />

кырӟамзылы Педотча (ма,<br />

солэн эшъёсыз но) пумтэм<br />

синмаськылӥз. Кыӵе соос<br />

мылкыдоесь! Гитара шудэм<br />

улсын, асьсэ кылын кырӟаса,<br />

турлы буёло бубылиос сямен,<br />

дэрем сӧзулъёссэс сопала но<br />

тапала шонало. Туж капчи<br />

поръяло, экто. Малпалод,<br />

соос шур дурысь ярдурысь<br />

возь вылын ӧвӧл - сцена вылын<br />

ас быгатэмзэс возьмато…<br />

Та адӟемъёссэс Педотча<br />

но солэн эшъёсыз улытозязы<br />

уз вунэтэ. Бертыса соос<br />

асьсэ коже чиганъёслэсь эктонзэс<br />

дышетыны азбаразы<br />

выризы. Нош анай-атайёссы<br />

нылпиоссылэсь та быгатонзэс<br />

волятон понна юон<br />

дыръёс дыръя эктэмзэс сцена<br />

вылын но возьматыны<br />

курылӥзы…<br />

Берло эктыны дышетскем<br />

потонэз Педотчалэн<br />

уката аляз. Но мар кароз со,<br />

гуртысь школаязы эктонлы<br />

дышетӥсьсы ӧй вал ке. «Макем<br />

шудоесь город пиналъёс:<br />

соослэн котькыӵе быгатонлыксэс<br />

волятыны луонлыксы<br />

вань», - ӝожомыса, бӧрдэмез<br />

ик потыса, малпалляз нылаш.<br />

Ярам ай, интернатысь<br />

Галина Потаповна воспитательзы,<br />

егит нылмурт, школаез<br />

йылпумъяса гинэ вуэм<br />

маке, Педотчалэсь мылкыдзэ<br />

тодыса, вальсын берганы<br />

дышетӥз. Кызьы гинэ<br />

ӧз выре соос кӧня ке нылъёсын!<br />

Выж вылэ мелэн треугольник<br />

лэсьтыса но, пуконэз<br />

асьсэлы эш, куз карыса,<br />

ӟыгыртыса но…<br />

Озьы-а, тазьы-а, но выремез,<br />

курадӟемез Педотчалэн<br />

юнме ӧз луы: со вальсэз эктыны<br />

дышиз. Зӥр бергакуз, лулыз<br />

ик шумпотыса ыректэ.<br />

Зэм, усто бергатӥсь эш шедьтыны<br />

капчи ӧвӧл. Бадӟым луэмез<br />

бере но таӵе шуг-секыт<br />

сюлэмшугъяськытӥз Педотчаез.<br />

Сыӵе быгачи пиос гуртын<br />

ӧвӧл! Луо ке, пумисько ке<br />

куддыр, со нылаш понна сьӧд<br />

пилем улысь потэм яркыт<br />

шунды ини.<br />

Санаторий палатаын берганъяз,<br />

эктонъяз Педотча<br />

пичи дыраз, егит вакытаз<br />

вуылӥз кадь. Сыӵе солы каньыл,<br />

умой вал. Со вакытэ<br />

ик, оло тодэ ваёнэзлэсь, оло<br />

ширъяменыз йырыз но поромиз.<br />

Соин эктонзэ куспетӥ<br />

карыса но лулзэ лэзьыса,<br />

кровать вылэ уськытскиз.<br />

- Кемаласьгес тазьы бергаме<br />

вал ни, эсьма, йыры ик поромиз…<br />

Яке та шампанэд-а<br />

йырам шуккиз, - серекъя Педотча.<br />

Вася, ӵыж-горд луэм нылкышно<br />

шоры паляса, шуэ:<br />

«Кемаласьгес ӧд эктылы ни,<br />

дыр?»<br />

- Озьы. Вунэтӥ ни, ку<br />

сыӵе шудо дыры вал… Али<br />

выльысь егит вакытам<br />

берытскылӥ кадь. Сыӵе умой<br />

вал мыным, бордысьтым ог<br />

дасо аре ик усиз, оло…<br />

- Ма, зэмзэ но тон егит.<br />

Дас тямыс аресъем кадь адскиськод<br />

ай, - ушъяны выриз<br />

Вася, ныллэн синдурысьтыз<br />

но кымысысьтыз векчи кисыриоссэ<br />

синйылтытэк кадь.<br />

- Ну, тон вералод ке вералод<br />

ини. Шу на ай: вӧзад дас<br />

тямыс аресъем нылэз султытыса<br />

юад ке, кудзы егитгес?<br />

Монэ, монэ пиналгес лыдъялозы.<br />

Озьы-а?<br />

- Озьы, - кепыраса мар вазьыны<br />

ёрмиз Вася.<br />

Но Педотча вӧзы пуксьыса,<br />

нылкышнолэсь ужын сюрмем<br />

бадӟымесь кужмо киоссэ<br />

кутыса, воргорон дыдык сямен<br />

гуэктыны ӧдъяз: «Чебере тон<br />

мынам, четлыкын возем бурдое,<br />

эрикез адӟылымтэ пислэге.<br />

Вӧлъя, вӧлъя ни бурдъёстэ!<br />

Тон али эрикын, тон али лыз<br />

инмын! Лобӟы, лобӟы, дыдыке,<br />

ас шудэд-буред доры?»<br />

- Кытын ай бон со мынам<br />

шудэ-буре? - серекъяса юа<br />

Педотча.<br />

- Тани со, тани вӧзад, -<br />

пальпотэ Вася. - Нёшто уд<br />

адӟиськы? Кызьы ай шуэ вал<br />

Сергей Есенин? «Лицом к<br />

лицу лица не увидать». Озьы<br />

ик, иське, тон но шуддэ матысен<br />

адӟыны шугомиськод…<br />

Вася Педотчаез ас палаз<br />

каллен гинэ берыктӥз<br />

но льӧль эмезь кадь ымдураз<br />

чупыштӥз. Нылмурт<br />

ӧз палэнскы. Солы кельшиз,<br />

лэся, ческыт пиосмурт<br />

ымдур. Эсьма, ачиз<br />

но шӧдытэк, синъёссэ кыниз.<br />

Быдэс мугортӥз, чечыен<br />

пӧсь чай юэмез бере<br />

кадь, пӧсь-шуныт вӧлскыны<br />

ӧдъяз. Оло, шампан вина<br />

куд-а озьы улӟиз но, вир<br />

интые лулсэртӥз ветлыны<br />

кутскиз? Котьма медло но,<br />

Педотчалы усто, ческыт-ческыт…<br />

Соин ик со ачиз но<br />

пиосмурт ымдуръёс борды<br />

кыстӥськиз, сяська мӧле муш<br />

кадь мертчиськиз…<br />

УЛОН ЧИГВЕСЬЁС<br />

Ондыръян<br />

Нина ЕРМОКИНА<br />

«Мар ай та таӵе ӵукна<br />

ик сюлэм шурдэ? Уг валаськы:<br />

оло со шумпотэ, оло кышка»<br />

шуыса, Ондыръян азбарез<br />

кузя ветлэ. Туннэ пудо поттон<br />

но чыры-пыры гурт ужъёс сярысь<br />

кенеш луоз. Отчы потыны<br />

дасяське. Кышноез, Овера,<br />

капкаетӥ потыкуз, кеськиз на:<br />

- Пастук потон нуаналэз<br />

тод. Пудо сиёнмы бырон калын<br />

ни. Кема эн ветлы!<br />

Кенешын Ондыръян ымзэ<br />

уз усья. Аслаз гуртаз ке<br />

улысал, оло, мар ке но вераны<br />

дӥсьтысал ик. Но со та<br />

Изгуртын пыртос чотын улэ.<br />

Пиосмуртлы 47 арес тырмиз.<br />

Оло тырмиз, оло лобӟиз,<br />

оло ышиз. Созэ Ондыръян валаса<br />

ик ӧз вутты. Вина, тамак<br />

мугорзэ но, ымнырзэ но дырызлэсь<br />

вазь чабырӟытӥзы.<br />

Синъёсыз пожектӥзы, ымнырзэ<br />

векчи кисыриос чонари<br />

вотэсэн кадь шобыртӥзы.<br />

Ваньмыз улоназ ӟеч кадь.<br />

Кыкетӥ кышноез чупрес, капчи<br />

мылкыдо, ужась. Секыт<br />

ужъёс бере виназэ но сётыны<br />

вала. Корка пуктӥзы. Ул но<br />

ул. Нош малы ке, сюлэм весь<br />

пирсэкъя, гыбда. Кыӵе ке пычей<br />

сюлэмаз каръяськемын<br />

кадь. Вина юыкуз но, тамаксэ<br />

кыскыкуз но, со весь сюпсе.<br />

Уг вала воргорон малызэ, уг.<br />

Кенеше люкаськемъёс<br />

ог кызё мында вал ни.<br />

Ӟусъёс ӧвӧлэн кузесь, зӧ-кесь<br />

пужымъёс вылэ пуксьылӥллям.<br />

Ог дасо аръёс кыллё<br />

ни та коръёс. Зор но<br />

шунды гордмыт сулзэс бездытӥллям,<br />

сисьтӥллям но<br />

уськытӥллям.<br />

Малы ке нокинлы но та<br />

коръёс кулэ ӧз луэ. Коть<br />

пулы ке но кин ке вандэ вал,<br />

кӧня ке кинлы ке шунытсэс<br />

сётысалзы...<br />

Пиналгес депутат сельсоветысь<br />

адямиен тылпулэсь<br />

утиськон, жуг-жагез утялтон<br />

сярысь верасько.<br />

Шуак вань калык йырзэ<br />

огпала берыктӥз. Бускель гуртысь<br />

лыктӥсьёс вань. Веськрес<br />

мугоро кышномурт вылын<br />

льӧль атласлэсь удмурт<br />

дэрем. Шунды сиос дэрем кильымъёс<br />

вылын тулыс эктонзэс<br />

экто-шудо. Векчи пужыё<br />

кашемир кышетэз ӝикытак<br />

керттэмын, чагыр айшетэз<br />

инбамен эчеше. Вӧзаз ик солдат<br />

пи. Кителез веськрес мугораз<br />

лач-лач пуке. Гадь вылаз<br />

трос бырттэм значокъёсыз<br />

синмез мальдыто.<br />

- Ма, Гали, тон лэся ук? -<br />

вазиз Лида апай.<br />

- О-о. Тани Сашике армиысь<br />

бертӥз но поездэ дыртӥськом,<br />

военкоматэ потӥм, - сэзь вамышъяса<br />

ортчизы шудо анай<br />

но пиез сюрес кузя.<br />

Люкаськем калык огогеныз<br />

сипыртыны кутскиз.<br />

Вераськисьёсты уг кыло ни.<br />

Ондыръян но тамаксэ<br />

кенжытӥз. Ымнырыз тӧдьыалэс-пурысь<br />

луиз. Йырзэ<br />

кошкисьёс сьӧры берыктыса,<br />

со туж кема учкыса сылӥз.<br />

Галя - солэн нырысетӥ кузпалыз,<br />

Сашик - пиез.<br />

Галязэ Ондыръян 2 пичи<br />

нылпиен кельтӥз. Кутӥз но<br />

кошкиз мукет кышномурт<br />

доры. Малы кошкемзэ юад<br />

ке но, ачиз но валэктыны уз<br />

быгаты.<br />

Куд-ог дыръя сюлмыз<br />

шурдылӥз ке но, мазэ-созэ<br />

воргорон сямыныз ӧз валалля.<br />

Ӧз кылылы куштэм<br />

кышноезлэсь уйёсы лушкем<br />

бӧрдэмъёссэ, ӧз валалля<br />

пичи нылпиосызлэсь<br />

«атай» кыллэсь вожъяськемзэс.<br />

Олокытысь шуак ыркыт<br />

тӧл пельтӥз. Сьӧд пилем<br />

потӥз. Жаляк зор кисьтыны<br />

кутскиз. Малы ке но со<br />

тулыс зор кадь небыт, няськыт<br />

ӧй вал. Кезьыт, мугорез<br />

юзыр-кезьыр карись...

Hooray! Your file is uploaded and ready to be published.

Saved successfully!

Ooh no, something went wrong!