Create successful ePaper yourself
Turn your PDF publications into a flip-book with our unique Google optimized e-Paper software.
№ 71 (<strong>25686</strong>)<br />
НУНАЛ БӦРСЬЫ НУНАЛ 2018-тӥ ар 20-тӥ куарусён 5<br />
73-33-42, 33 8-951-195-37-65<br />
195 3765<br />
ИВОР КУДЫ<br />
АЛНАШ<br />
Трокай котьку сюлмамы<br />
13-тӥ куарусёнэ Асангурт<br />
школа азьын Трокай<br />
Борисовлы выль синпелет<br />
усьтӥськиз.<br />
Азьвылэз, гипслэсь лэсьтэмез,<br />
зор-кот улын сылмыны<br />
кутскиз но уродмиз. Соин валче «Молодая<br />
гвардия» колхозлэн кивалтӥсез Михаил<br />
Крылов но Асангуртысь потэм скульптор<br />
Андрей Васильев малпазы выльзэ пуктыны.<br />
Гуртын улӥсьёс юрттэмен, малпанзы быдэсмиз.<br />
Митингез усьтыку, школалэн директорез<br />
Татьяна Крылова пусйиз, 2006-тӥ арысен<br />
Асангурт шор ёзо школа Трофим Борисовлэсь<br />
нимзэ нуллэ. Котькуд ар умой дышетскисьёслы<br />
Трокайлэн премиез сётӥське. 2 арлы одӥг<br />
пол «Трокай» фестивальзы ортче.<br />
БАЛЕЗИНО<br />
60 муртлы - кузьымъёс<br />
Ёросын паськыт пусйизы Нюлэс<br />
бордын ужасьёслэсь нуналзэс.<br />
Тӧр шорын луизы Балезино<br />
каргуртысь «Жешартский<br />
ЛПК» огазеяськонын ужасьёс.<br />
Ог 60 мурт сӥлы каремын данъян грамотаосын,<br />
таукаронъёсын, синпель кузьымъёсын.<br />
Юромо та нуналлы «Дружба» культурая юртын<br />
ужасьёс фильм дасяллям. Нюлэсчиосты<br />
озьы ик мыло-кыдо ӟечкылазы уно кырӟасьверась,<br />
эктӥсь коллективъёс: «Юность», «Родные<br />
напевы», «Сударушки», «Микс», «Переменка»<br />
но мукетъёсыз. Пӧлазы арлыдо но, пинал<br />
но артистъёс вал.<br />
ДЭРИ<br />
Ческыт мед луоз!<br />
«Лудорвай» музей-заповедникын<br />
Урал но Поволжье котырысь<br />
юонъёслы сӥзем симпозиум<br />
ортче.<br />
Солэн ужаз пырисько этнографъёс, антропологъёс,<br />
историкъёс, биологъёс, кылчиос,<br />
фольклор бичасьёс но музейёсын тыршисьёс.<br />
Музей-заповедникын ужасьёс «Удмуртский<br />
тетраморф» адӟытон возьматӥзы, калык<br />
юонъёсты дасянъя мастер-класс сётӥзы, нош<br />
Глазовысь шаертодонъя музейысь дӥськутъя<br />
«Кабачи» театр «Ческыт мед луоз!» программа<br />
дасяз.<br />
ИЖ<br />
Инкуазез утёно!<br />
Шоркармы Россиысь 290<br />
городъёсын ӵош итӥськиз<br />
«Сделаем!» акция борды - со<br />
сӥземын вал дуннеын пусйиськись<br />
Чылкытлыклэн нуналызлы.<br />
Ужрадэз радъяз элькунысьтымы Инкуазез<br />
утёнъя но инкуазь узырлыкъя министерство,<br />
отчы мыло-кыдо пыриськизы<br />
волонтёръёс. Ужрадэ люкаськем калык<br />
кылзӥз шуръёслэн, тыметъёслэн кулэлыксы<br />
сярысь лекция. Собере огъя мылкыдын<br />
басьтӥськизы Иж тымет котырез утялтон<br />
борды. 53 мешок жуг-жаг, 25 мешок пияла,<br />
17 мешок пластик бичазы, тымет пыдсысь<br />
дасолэсь ятыр покрышкаосты поттӥзы, люказы<br />
но векчи изӥзы туж трос куасьмем вайёсты.<br />
Волонтёръёс калыклы эшшо одӥг пол<br />
тодазы вайытӥзы: инкуазез утёно!<br />
МОЖГА<br />
Проектэныз вормиз<br />
Можгаысь 5 номеро школаын<br />
дышетскись Евгений Шишов<br />
«ПатриУм» конкурсын вормисьёс<br />
пӧлы шедиз.<br />
Россиысь усточи нылпиосты<br />
шараян вылысь туэ кылдытэмын вал «Патри-<br />
Ум» проект. Конкурсын 137 вормисьёсты 3 нуналлы<br />
Москвае, «ПатриУм» школалэн гужем<br />
лагеряз, ӧтьылӥзы. Соос понна котырес ӝӧк<br />
сьӧрын кенешонъёс, мастер-классъёс, профессионалъёсын<br />
пумиськонъёс радъяськизы. Пиналъёс<br />
пыриськизы визь сынанъёсы. Шудо<br />
нылпиос пӧлы Удмуртиысь 1 гинэ пинал шедиз<br />
- Можга городысь Евгений Шишов. «Иностранецлы<br />
экскурсия» проектэныз со вожвылъяськонын<br />
3-тӥ инты басьтӥз.<br />
ПИЧИ ПУРГА<br />
Великен ворттыло<br />
шонер<br />
Пичи Пурга черкогуртысь<br />
1 номеро школалэн азбараз великен<br />
ворттылӥсьёс понна нимысьтыз<br />
городок кылдытӥзы.<br />
Пичи пургаос вань ёросъёсты<br />
азьпалтӥзы, таӵе инты кылдытыса. Сое<br />
лэсьтон бордын тыршизы ГИБДД-ын ужасьёслэн<br />
эшъёссы - покчи инспекторъёс. Ужрадэз<br />
усьтон нуналэ нырысь ик тодон-валанзэс<br />
эскеризы 1-тӥ классэ вамыштэм пиналъёслэсь.<br />
Соос, сюрес вылэ пуктэм пусъёсты лыдэ басьтыса,<br />
великен сюресэз ортчыны кулэ вал. Вань<br />
нылпиослы та нуналэ памяткаос люкылӥзы,<br />
нош мынон-ветлон правилоосты тужгес ӟеч<br />
тодӥсьёслы - дӥськутазы дэмӟытыны пиштӥсь<br />
арбериос.<br />
ВАВОЖ<br />
Улӥллям мунчоын<br />
Судъя приставъёс мунчоысь<br />
шедьтӥзы 3 пиналъёсты -<br />
4 аресъем нылашез но 6 но 11<br />
аресъем пиосты.<br />
Куашкан калэ вуэм коркалэн<br />
капкаез пытсамын вал. Но азбарысь нылпи куараос<br />
кылӥськизы. Судъя приставъёс юртъер<br />
котыртӥ ортчоно кариськизы, куашкан калэ<br />
вуэм мунчоез синйылтӥзы. Отысь юэм нылкышно<br />
потӥз, собере адӟиськизы 3 пиналъёс но юэм<br />
воргорон. Коркалэсь кузёзэ соос уг тодо - мунчое<br />
ас тодэмзыя интыяськиллям. Пиналъёс кырсесь,<br />
сиёнзы ӧвӧл. Нылкышноен воргорон нокытын уг<br />
ужало. Та учыр сярысь ивортон сётэмын ни опекая<br />
ёзъёсын ужасьёслы, полицейскойёслы. Пиналъёсты<br />
дораз басьтӥз песянайзы.<br />
УВА<br />
Базар ортчытӥзы<br />
Каргуртын но ёросын<br />
улӥсьёс бакча ужъёслы йылпумъянъёс<br />
лэсьтӥзы, «Ува базар»<br />
радъяса.<br />
«Юность» культурая юрт котырын 15-<br />
тӥ сентябре вазь ӵукнаысен куаш! вазьыны<br />
кутскиз. Кин мар ужаз: одӥгъёсыз вузаны<br />
поттӥзы ас киынызы будэтэм кияр-помидоръёссэс,<br />
улмопу, чияпу удъёссэс, чечызэс,<br />
мукетъёсыз соосты мыло-кыдо басьтӥзы. Татын<br />
ик гурын пыжем табанен куноятӥзы,<br />
культурая юртын ужасьёс, каргуртысь<br />
кырӟась-верась коллективъёс люкаськем калыкез<br />
шулдыр концертэн шумпоттӥзы. Нош<br />
ёросысь суредасьёс нимысьтыз фотозона<br />
усьтӥзы - отын туспуксьыны мылкыд карисьёс<br />
тачак люкаськизы.<br />
САРАПУЛ<br />
Дышетозы удмурт кылэз<br />
Городын улӥсьёс удмурт кылэз<br />
дунтэк дышетыны быгатозы<br />
- мылкыд карисьёсты ӧтё<br />
нимысьтыз курсъёсы. Та сярысь<br />
ивортон гожтэмын муниципалитетлэн<br />
сайтаз.<br />
Кызьы вераз «Удмурт Кенеш» огазеяськонлэн<br />
Сарапулысь ёзэныз кивалтӥсь Раиса Трофимова,<br />
курсъёс чакламын 3 толэзьлы, куриськисьёс<br />
вань ини. Ог 15-20 мурт люкаськыны<br />
кулэ, пе. Курсъёслы кутскон сётэмын<br />
вал кылем арын. Соку 15 мурт ветлӥз, эшшо<br />
15 мурт дышетскиз ни туэ тулыс. Р. Трофимова<br />
верамъя, удмурт кылэз дышетыны мылкыд<br />
карисьёс вань ӟучъёс пӧлын но.<br />
ДЭБЕС<br />
Мотоблокъёс гуретӥзы<br />
Бадӟым Ӟӧтым гуртын мотоблокъёсын<br />
ӵошатскон ортчиз.<br />
Ёросын таӵе ужрад кыкетӥ ползэ<br />
радъяськиз ни.<br />
Мотоблокен но уробоен<br />
ӵошатскыны мылкыдзэ вераз 9<br />
мурт. Валамон, гуртын та техника<br />
вольыт сюресъёстӥ уг ворттылы. Соин<br />
ӵошатсконлы но инты нимысьтыз ӧз дасялэ -<br />
воргоронъёс нюко-гопо интыостӥ вожвылъяськизы.<br />
Устоез гонщик луиз Сылӥӟдур гуртысь<br />
Виталий Хохряков.<br />
Амало кузёос асьсэ лэсьтэм техниказэс возьматыны<br />
поттӥзы на. Нимысьтыз инты висъямын<br />
вал киужен вырисьёслы - соос но ужъёссэс<br />
калыклы усьтӥзы. Бакча сиён будэтӥсьёс<br />
удалтэм емышенызы ушъяськыны быгатӥзы.<br />
КИЯСА<br />
Куноын пумитазы куно<br />
Ёрос культурая юртысь<br />
«Ашальчи» ансамбле ветлӥсьёс<br />
пыриськизы Россиысь калык<br />
творчествоя «Вместе мы - Россия»<br />
4-тӥ фестивале.<br />
Та фестиваль улсын ик<br />
13-тӥ-16-тӥ сентябре Саратовын радъяськиз<br />
«Волжское подворье» этнофестиваль. Отчы<br />
пыриськизы Приволжск федерал округысь<br />
14 коллективъёс - Башкортостанысь, Татарстанысь,<br />
Мордовиысь, Марий Элысь, Удмуртиысь,<br />
Пермь крайысь, Киров, Нижний Новгород,<br />
Самара, Ульяновск, Саратов улосъёсысь.<br />
«Ашальчиос» тодматӥзы удмуртъёслэн<br />
сям-йылолъёсынызы. «Куно пумитан»<br />
сям-йылолзы дипломен пусъемын.<br />
ЯР<br />
Губиязы<br />
15-тӥ сентябре Ярын ортчиз<br />
«Губи-фест» фестиваль.<br />
Ужрадэ пыриськизы 3 сюрс пала адямиос,<br />
15 делегациос пӧлын вал Киров улосысь<br />
Фалёнки ёросысь но. «Губиен ческыт сиён»,<br />
«Губиё Яре - азбаре» азбаръёс ужазы. Люкаськемъёс<br />
бырйизы самой ческыт губиез,<br />
вормиз тӧдьыгуби. Лотереяын валтӥсь кузьымез<br />
утӥз Кияса ёросысь куно. Мылкыд<br />
карисьёс губиянъя ӵошатсконэ пыриськизы.<br />
Котькинлэсь трос губи бичазы Алнаш<br />
ёросысь Анна Попова но Юкаменск ёросысь<br />
команда, тужгес бадӟым губи шедьтӥз Сюмси<br />
ёросысь Ольга Малых. Ужрадэ лыктэмъёс<br />
веръязы на губилэсь лэсьтэм пӧртэм сиёнъёсты.<br />
Ужрад йылпумъяськиз бадӟым хороводэн.