Bóndavarðan, apríl 2017

BÓNDAVARÐAN
6. APRÍL 2017. 16. ÁRGANGUR
DJÚPAVOGSHREPPUR
ÚTGEFANDI: DJÚPAVOGSHREPPUR UMSJÓN: BRYNDÍS REYNISDÓTTIR ÁBYRGÐAMAÐUR: GAUTI JÓHANNESSON UMBROT: GRAFÍT

ÁVARP SVEITARSTJÓRA
Það er vor í lofti og styttist í sumarið. Farfuglarnir fara að týnast inn,
bæði þeir sem fljúga sjálfir og hinir sem koma með ferju eða flugvélum.
Nú er svo komið að erlendir ferðamenn setja svip sinn á
Djúpavogshrepp allan ársins hring en ekki einungis á háannatíma á
sumrin eins og var.
Þykir ýmsum nóg um. Af því tilefni er rétt að halda til haga þeim
jákvæðu áhrifum sem aukinn ferðamannastraumur hefur og mun hafa
í för með sér fyrir sveitarfélagið og íbúa þess. Bryndís Reynisdóttir gerir
á öðrum stað í blaðinu grein fyrir þróun sem orðið hefur varðandi
komur skemmtiferðaskipa til Djúpavogs. Þar kemur m.a. fram að
skemmtiferðaskipunum fylgja umtalsverðar tekjur fyrir höfnina sem
veitir ekki af í ljósi þess að landaður afli hefur dregist saman um nær
helming frá 2014. Óhætt er einnig að fullyrða að verslun og þjónusta
væri með öðrum hætti ef ekki væri fyrir fjölda erlendra ferðamanna sem
gera það að verkum m.a. að hér hefur tekið til starfa verslun sem býður
lægra vöruverð en við höfum átt að venjast. Veitingastaðir dafna og
viðsnúningur er að eiga sér stað í sveitunum þar sem á mörgum
bæjum eru uppi áform um uppbyggingu á sviði ferðaþjónustu, matvælavinnslu eða hvort tveggja. Uppbyggingin er
gjarnan drifin áfram af ungu fólki sem sumt hvert á uppruna sinn hér eða er aðflutt. Það er sérstakt gleðiefni að sveitin
skuli með þessum hætti vera að lifna við og óskandi að framhald verði þar á.
Hammondhátíðin verður haldin í 12. skipti eftir nokkra daga. Dagskráin í ár er metnaðarfull og fjölbreytt eins og venjulega
en auk tónleikanna verður fjöldi annarra viðburða í boði dagana sem hátíðin stendur. Undanfarin ár hefur verið uppselt
og miðasalan nú hefur farið vel af stað. Það er ekki sjálfgefið að í sveitarfélagi sem telur ekki nema 450 manns náist að
halda tónlistarhátíð eins og þessa ár eftir ár. Það er heldur ekki sjálfgefið að þegar boðað er til borgarafundar, á
sunnudegi fyrir hádegi, skuli u.þ.b. 80 manns sjá sér fært að mæta líkt og gerðist um daginn þegar haldinn var
vinnufundur vegna sameiningarviðræðnanna sem standa yfir við Sveitarfélagið Hornafjörð og Skaftárhrepp. Þeim sem
mættu er hér með þakkað kærlega fyrir þeirra framlag sem var mikilvægt innlegg í vinnuna sem nú stendur sem hæst.
Fleiri fundir verða haldnir í aðdraganda kosninganna sjálfra sem fara fram í haust – en nóg um það. Áfram Hammond !
MC Sveitarstjóri
BÓNDAVARÐAN
Helgihald um páska
Frá Djúpavogskirkju
Skírdagur 13. apríl: Fermingarmessa í Djúpavogskirkju kl. 11.00.
Fermd verða:
Askur Egilsson, Borgarlandi 26, Djúpavogi
Diljá Ósk Snjólfsdóttir, Vörðu 12, Djúpavogi
Guðrún Lilja Eðvarðsdóttir, Hvannabrekku, Djúpavogi
Íris Antonía Ólafsdóttir, Bjarkargrund 22, 300 Akranes, aðs. Markarland 8b, Djúpavogi
Katla Rún Magnúsdóttir, Borgarlandi 30, Djúpavogi
Ragnar Björn Ingason, Hrauni 3, Djúpavogi
Þór Albertson, Kápugili, Djúpavogi
Föstudagurinn langi, 14. apríl: Lestur Passíusálma sr. Hallgríms Péturssonar í Berufjarðarkirkju Íbúar prestakallsins frá 12
ára aldri lesa og hefst lesturinn kl. 11.00.
Páskadagur 16.apríl: Hátíðarguðsþjónusta í Djúpavogskirkju kl. 9.00. Morgunverður í safnaðarheimili eftir guðsþjónustu.
2

BÓNDAVARÐAN
FRÁ BÓKASAFNI DJÚPAVOGSHREPPS
Síðasta sumar flutti bókasafn Djúpavogshrepps í gamla hluta grunnskólans. Það má segja að safnið sé komið heim því
mér skilst að það hafi verið í þessu saman rými þegar séra Trausti og Valgeir sáu um safnið fyrir allmörgum árum síðan.
Núverandi bókasafn hefur reyndar aðeins meira pláss en þá en ekki er hægt að segja að það sé vítt til veggja en þröngt
mega sáttir sitja og á safninu er góður andi og notalegheit.
Í safninu er nokkuð gott skólabókasafn sem er mikið nýtt enda unnið eftir fjölbreyttum hugmyndum um læsi, bæði í leikog
grunnskóla.
Það er ánægjulegt að segja frá því að útleiga hefur aukist mikið eftir að safnið flutti sig í gamla hluta skólans. Nemendur
virðast kunna að meta þrengslin og mæta jafnvel með teppi og kúra sig út í horn með bók.
Með auknum fjölda fjarnema í sveitarfélaginu hafa millisafnalán einnig aukist en gott samstarf er á milli bókasafna á
Austurlandi.
Bókasafnsvörður hvetur alla íbúa Djúpavogshrepps til að nýta sér bókasafnið á þriðjudögum milli fjögur og sjö eða senda
fyrirspurn á netfangið: bokasafn@djupivogur.is
Einngi hægt að fylgjast með á Facebook.
Bókasafnsvörður
Opnunarmi um páskana
Pálmasunnudagur 9. apríl 12 :00 - 18:00
Skírdagur 13. apríl 12:00 - 18:00
Föstud langi 14. apríl LOKAÐ
Páskadagur 16. apríl LOKAÐ
Annar í páskum 17. apríl 12:00 - 18:00
3

FRÉTTIR AF BÓKINNI HANS JÓNATAN
Hans Jónatan: Maðurinn sem stal sjálfum sér
Bók mín um Hans Jónatan (1784-1827), manninn sem stal sjálfum sér, kom út haustið
2014 (Mál og menning). Hún lýsti bernskuárum Hans Jónatans á St. Croix í
Vestur-Indíum, unglingsárum hans í Kaupmannahöfn og flótta hans eftir söguleg
málaferli til Djúpavogs þar sem hann starfaði síðan í mörg ár (í Löngubúð) og stofnaði
fjölskyldu. Bókin var prentuð þrisvar um haustið og henni var afar vel tekið. Margir
Íslendingar kannast nú við þessa sékennilegu og lærdómsríku sögu, þótt þeir hafi nafn
mannsins ekki endilega á takteinum. Vinkona mín í Vestmannaeyjum, Helga
Hallbergsdóttir, sagði mér skemmtilega sögu fyrir skömmu: Hún var að tala við
grunnskólanema um þrældóm og kynþáttahyggju. Þá réttir drengur upp höndina og
segir “langa, langa, ... langafi minn var þræll!” Helgu grunaði hvaða mann drengurinn
átti við og segir við hann: “Veistu hvað hann hét? Var þetta kannski Hans Jónatan?”.
Þá sagði stráksi: “Ég veit ekki hvað hann hét, en hann stal sjálfum sér”!
Bókin um Hans Jónatan er komin út á ensku í þýðingu Önnu Yates. Hægt er að nálgast
hana hjá Amazon. Bókin hefur einnig verið þýdd á dönsku og mun danska útgáfan
koma út hjá nýju forlagi sem heitir Rebel With a Cause í lok mars á næsta ári, þegar
þess verður minnst að eitt hundrað ár verða liðin frá því að Danir seldu Bandaríkjamönnum eyjar sínar í Vestur-Indíum.
Samið hefur verið um útgáfu í Frakklandi við Forlagið Gaia. Töluvert hefur verið fjallað um bókina vestra og ég hef nýlega
farið í upplestrarferð til Seattle, Boston, New York, Philadelphíu og Minnepolis. Alltaf hafa skapast skemmtilegar
samræður og mörgum þykir sagan eiga erindi við samtímann. Undantekningarlaust er spurt: Hvernig stóð á því að Hans
Jónatan fékk hæli á Íslandi og mætti jafn hlýjum móttökum og raun ber vitni?
Gísli Pálsson
BÓNDAVARÐAN
STARFSSTÖÐ AUSTURBRÚAR Á DJÚPAVOGI:
FRUMKVÖÐLASETRIÐ DJÚPIÐ
Austurbrú veitir marvíslega þjónustu þegar kemur að menntun í fjórðungnum og
sér m.a. um að þjónusta fjarnema varðandi próftöku.
Í janúar og febrúar á árinu 2017 voru 79 próf tekin á 5 starfsstöðvum
Austurbrúar. Á haustönn 2016 voru prófin 361 talsins. Af þeim fjölda voru 39
próf tekin á Djúpavogi en af þeim 5 starfsstöðvum þar sem boðið er upp á
próftökur voru aðeins Reyðarfjörður (105) og Egilsstaðir (171) með fleiri próf á
haustönn.
Á starfsstöð Austurbrúar á Djúpavogi í Frumkvöðlasetrinu Djúpinu er
námsaðstaða mjög góð, með aðgang að eldhúsi, ísskáp og kaffivél. 13
fjarnemar eru nú með aðgangskort að námsaðstöðunni sem verður að teljast
nokkuð gott miðað við íbúafjölda (1. jan 2016: 456).
Að auki fór fram íslenskunámskeið í Djúpinu fyrir áramótin og annað námskeið
fór af stað nú á vorönn. Það sækja erlendir starfsmenn sem hafa atvinnu hjá
fiskvinnslufyrirtækinu Búlandstind ehf. og voru 17 manns skráðir á það
námskeið.
Það væri því synd að segja að íbúar Djúpavogs veigri sér við að sækja fjarnám enda ætti aðstöðuskortur ekki að hamla
því.
Kær kveðja
Katrín Reynisdóttir
Prófstjóri / Verkefnastjóri
4

BÓNDAVARÐAN
FRÁ ÍÞRÓTTASKÓLA DJÚPAVOGS
Vorönn Íþróttaskóla Djúpavogs hófst laugardaginn 4.febrúar. Hann er í Íþróttamiðstöð Djúpavogs milli kl. 11-12 á
laugardagsmorgnum og stendur út apríl. Greta Mjöll Samúelsdóttir íþrótta- og sundkennari Djúpavogsskóla og þjálfari
Neista hefur aðalumsjón með Íþróttaskóla Djúpavogs. Henni til aðstoðar við uppsetningu og tímana sjálfa er Diljá Ósk
Snjólfsdóttir og Jóhanna Reykjalín hefur tekið stjórnina þegar þörf er á staðgengli.
Þessi önn hefur verið sérstaklega skemmtileg þar sem Íþróttaskólinn fékk ómetanlegan styrk frá Bragðavöllum Cottages,
Við Voginn, Kálki ehf og Neista til bolakaupa. Allir iðkendur eru því prýddir glæsilegum íþróttabolum merktum hverju barni
og Íþróttaskóla Djúpavogs.
Í íþróttaskóla Djúpavogs gefst börnum á leikskólaaldri, 18 mánaða og uppúr, kostur á að hreyfa sig í skemmtilegu
umhverfi undir leiðsögn þjálfara og foreldra. Markmið skólans er að bjóða upp á fjölbreytt og markvisst hreyfinám sem
tekur mið að þroskaþáttum barna. Skólinn er unnin í stöðvaþjálfun, þrautabrautum og í ýmsum leikjum með fjölbreyttu
hreyfiálagi þar sem börnin hafa kost á að svala hreyfiþörf sinni í jákvæðu og öruggu umhverfi.
Aðalmarkmið skólans eru að:
• Börnunum líði vel
• Efla hreyfinám og hreyfifærni barnsins sem stuðlar að auknum; hreyfiþroska, líkamsþroska,
mál- og vitsmunaþroska og félagsþroska.
• Foreldrar taki þátt með börnunum sínum.
• Þjálfunin sé leikræn – leikurinn sé í fyrirrúmi.
Hreyfiþroski er undanfari alls annars þroska. Við verðum að byrja á grunninum og byggja ofan á hann. Íþróttaskólinn
vinnur með grunnhreyfingarnar 18 sem eru okkur öllum eðlislægar en þurfum þó að þjálfa og þroska. Með því er unnið
með skynstöðvar líkamans; jafnvægisskyn, snertiskyn, sjónskyn, heyrnarskyn og samspil skynfæra.
Skólinn hefur tekið upp á alls kyns uppbrotsdögum og nú í vor hefur verið bangsatími, búningatími og blöðrutími.
Félagsskapurinn er frábær og ekkert betra á laugardagsmorgnum en að grípa rjúkandi heitan kaffibolla í íþróttahúsinu og
sprikla með skælbrosandi krökkum og foreldrum þeirra.
Greta Mjöll Samúelsdóttir
5

MINJAVÖRÐUR AUSTURLANDS, STAÐSETTUR Á
DJÚPAVOGI
Í byrjun árs 2016 tók ég við starfi sem minjavörður Austurlands. Í því fólst að ég flutti
með fjölskylduna mína til Djúpavogs, en skrifstofa minjavarðar Austurlands er staðsett
þar. Þetta voru miklar breytingar fyrir okkur litlu fjölskylduna því þrátt fyrir að eiga ættir
að rekja út um allt land þá erum við hjónin að mestu alin upp í Reykjavík og þar hafa
strákarnir okkar báðir tekið sín fyrstu skref. Ég flutti því með mér manninn minn hann
Rúnar og syni okkar tvo, Matthías Mána og Aron Frey, hingað í nýtt ævintýri.
Sjálf er ég menntaður fornleifafræðingur. Ég kláraði BA-gráðuna mína árið 2012 þar
sem lokaritgerðin mín fjallaði um eyðibýli og í byrjun árs 2015 kláraði ég svo
MA-gráðuna mína í fornleifafræði þar sem lokaritgerðin fjallaði um jarðfundna textíla frá
Hólum í Hjaltadal. Ég starfa fyrir Minjastofnun Íslands en á hverjum landshluta er að
finna minjaverði sem eru fulltrúar stofnunarinnar á sínu svæði. Minjaverðir hafa umsjón
og eftirlit með minjum á sínu svæði og eru umsagnaraðilar og ráðgjafar þegar kemur
að framkvæmdum er snerta minjavernd. Ég er staðsett á Djúpavogi þar sem það er
miðsvæðis fyrir það svæði sem ég þjónusta en starfssvæðið mitt nær frá Vopnafirði út
á Skeiðarársand. Ég er með skrifstofu í Geysi, Bakka 1 á Djúpavogi og er hægt að ná í mig í síma 570-1310/ 864-1451
eða á tölvupósti thuridur@minjastofnun.is ef fólk vill koma áleiðis ábendingum eða hefur spurningar.
Okkur fjölskyldunni hefur verið tekið vel hérna á Djúpavogi og þökkum við kærlega fyrir þessar yndislegu móttökur. Að
vera tekið svona vel inn í nýtt samfélag er vel metið og gerir gæfumuninn þegar maður kemur langt að. Við hlökkum til
að koma okkur betur fyrir og fyrir komandi framtíð.
Þuríður Elísa Harðardóttir
BÓNDAVARÐAN
Umboð á Djúpavogi
Gréta Jónsdóttir
sími: 478 8114 / 698 8114
6

BÓNDAVARÐAN
FRÁ MENNTASKÓLANEMA
Anný Mist Snjólfsdóttir heiti ég og er 19 ára gömul. Ég hef búið á
Djúpavogi alla mína ævi fyrir utan 1 ár þar sem ég bjó í Noregi og
1 og ½ ár á Egilsstöðum Ég kem úr frekar stórri fjölskyldu.
Foreldrar mínir eru Snjólfur Gunnarsson og María Dögg Línberg
Hjaltadóttir. Ég á 4 systkini, eina eldri systur og eina yngri systur og
svo á ég tvo yngri bræður.
Það að fá að alast upp á Djúpavogi finnst mér hafa verið
ómetanlegt, það er alltaf góður andi í kringum alla. Mér finnst bara
svo gott hvað allir eru nánir og góðir vinir, svo eru allir svo tilbúnir
til þess að gera allt fyrir alla og hjálpast að.
Þegar það kom að því rétt fyrir sumarið 2014 að þurfa að ákveða
í hvaða framhaldsskóla ég ætlaði að fara í þá kom ekkert annað til
greina heldur en að fara til Akureyrar í Verkmenntaskólann. Ég fór
á heimavistina og er búin að búa þar síðan ég fór í skólann 2014.
Í byrjun skólans var skrýtið að hafa ekki fjölskylduna nálægt mér,
sérstaklega þar sem að bræður mínir eru kannski ekki alveg þeir
rólegustu og hljóðlegustu, en það vandist furðu fljótt. Ég er á
náttúrufræðibraut í VMA núna og er að útskrifast í desember á
þessu ári og stefni á að fara fljótlega að læra sálfræði í háskóla.
Á meðan ég hef verið í skóla hérna fyrir norðan hef ég alltaf farið
heim á sumrin, um jólin og nokkrum sinnum yfir veturinn þó að
það hafi ekki alltaf verið hægt út af vinnunni sem ég er í hér á
Akureyri með skólanum. Það hefur alltaf verið jafn gott og gaman
að koma heim á sumrin og vinna og bara fá að vera heima með
fólkinu mínu. Núna í fyrsta skipti verður sumarið með öðruvísi sniði
heldur en það hefur verið því ég ætla að prófa að vera á Akureyri
að vinna.
Ég hef aldrei séð eftir þeirri ákvörðun að fara norður í skóla þó svo
að það hafi verið mjög erfitt í fyrstu því að þá þekkti ég nánast
engan. Núna á ég vini hér á Akureyri sem að koma vonandi alltaf
til með að vera vinir mínir. Það að fara svona langt í burtu í skóla er mjög þroskandi því að maður lærir að standa á eigin
fótum og taka erfiðar ákvarðanir sjálfur. Ég er mjög sátt með mína ákvörðun að hafa komið hingað. Svo að mitt ráð til
þeirra sem eru að fara að velja sér skóla núna fljótlega er að gera það sem að ykkur langar til, ekki láta aðra hafa áhrif
á það sem þið viljið.
VÍSNAGÁTA
Að þessu sinni eru vísnagáturnar tvær og eru þær báðar eftir Björn Hafþór Guðmundsson. Í báðum tilfellum kemur sama
orðið (eða hluti af samsettu orði) fyrir í hverri línu.
Sú léttari
Hlutur smá af epli er,
einkenndi víst menn í her.
Fyrir oft á Blandi ber
og Búrsins utan veltir sér.
Sú þyngri
Nauðsynlegt á veiðum var,
ég velti milli „hér og þar“.
Að eiga - flestir þegnar þrá,
það í sporti gagnast má.
Lausnirnar eru að finna á bls. 11
7

NÝ BÖRN Í DJÚPAVOGSHREPPI
Það bætist enn við barnaflóruna í Djúpavogshreppi. Tveir nýir drengir hafa bæst við frá síðustu Bóndavörðu.
Leó Rafael Natansson
BÓNDAVARÐAN
Þyngd: 3950 grömm
Lengd: 52 cm
Fæðingarstaður: Neskaupstaður
Fæðingardagur: 13. Janúar 2017
Foreldrar: Natan Leó Arnarsson og Anna Czeczko
Honum finnst rosa gaman að ulla á pabba sinn.
Úlrik Örn Ýmisson Mathis
Þyngd: 3600 grömm
Lengd 50 cm
Fæðingarstaður: Burgdorf - Sviss
Fæðingardagur: 8 janúar 2017.
Foreldrar: Ýmir Már Arnarsson og Katrin Simone Mathis.
Finnst skemmtilegast að "tjilla" og sofa.
FRÁ HOFSKIRKJU
Í síðustu Bóndavörðu birtist umfjöllun um endurbætur á Hofskirkju en þar láðist að birta þessa mynd með, sem sýnir vel
hversu falleg kirkjan er orðin. Í sumar verður áfram unnið af fullum krafti við endurbætur og ef fólk vill styrkja
sóknarnefndina í uppbyggingunni þá setjum við hér upplýsingar um styrktarreikninginn.
Reikningsnúmerið er 0169-15-50050-141 og kennitalan er 630169-0979.
Kærar kveðjur,
Sóknarnefnd Hofskirkju
8

FRÁ DJÚPAVOGSSKÓLA
BÓNDAVARÐAN
Grunnskólinn
Danskennslan
Í byrjun febrúar kom Guðrún Smáradóttir, danskennari frá Neskaupstað í heimsókn. Gunna – eins og hún er alltaf kölluð
– er Djúpavogsbúum að góðu kunn en hún hefur komið hingað í áraraðir til að kenna dans. Eins og alltaf var mikið fjör
í kringum danskennsluna, nemendur lærðu marga nýja dansa og sýndu afraksturinn á danssýningu sem var haldin
föstudaginn 10. febrúar. Þangað mættu margir ættingjar ásamt öðrum áhorfendum úr þorpinu og var mikil gleði við völd.
Enduðum við dansinn á því að marsera um allan salinn við mikinn fögnuð viðstaddra.
Öskudagur
Á öskudaginn mættu nemendur og starfsfólk, til vinnu, í skrautlegum og skemmtilegum búningum. Frá 10:00 – 12:00
vorum við með þrautir og leiki í íþróttahúsinu og enduðum á heljarinnar diskóteki. Margir sýndu flotta takta í dansinum
og höfðu allir gaman af. Eftir hádegið söfnuðust nemendur saman í smærri hópa, gengu á milli fyrirtækja í þorpinu,
sungu og fengu ýmis konar góðgæti og gjafir að launum. Þau voru þreytt og glöð börnin í 1.-3. bekk þegar þau komu til
baka í viðveruna, með fulla poka af alls konar skemmtilegheitum. Öskudagurinn verður alltaf skemmtilegur dagur í
skólanum okkar.
Þróunarverkefni
Nú stendur yfir innleiðing á tveimur þróunarverkefnum í skólann. Annað þeirra er Byrjendalæsið sem er heilstæð
kennsluaðferð þar sem margar kennslugreinar eru samþættar. Sú aðferð er fyrst og fremst notuð í 1.-3. bekk. Þetta er
þriðja árið sem skólinn vinnur skv. þessari kennsluaðferð og var Berglind Einarsdóttir leiðtogi hér fyrstu tvö árin en þetta
skólaár er það Jóhanna Reykjalín sem er leiðtoginn.
Þá erum við einnig að innleiða kennsluaðferðina Orð af orði en hún er af sama meiði og Byrjendalæsið og er hugsuð frá
4. bekk og uppúr. Markmiðið með henni er að auka orðaforða nemenda, ánægju af lestri og lesskilning. Þessa
kennsluaðferð er hægt að nota í öllum kennslugreinum og hafa þrír kennarar sem kenna mest á mið- og unglingastigi sótt
námskeið í vetur. Það er Sigríður Ósk sem er leiðtogi skólans í innleiðingunni.
Stóra upplestrarkeppnin
Nemendur 7. bekkjar tóku að venju þátt í Stóru upplestrarkeppninni með Grunnskóla Hornafjarðar og Grunnskólanum í
Hofgarði. Að þessu sinni tóku allir þrír nemendur 7. bekkjar þátt en það eru þau Urður Elín, Elísa Rán og Mark Anthony.
Krakkarnir tóku fyrst þátt í undankeppni hér í kirkjunni en þann 6. mars brunuðum við með fulla rútu af nemendum 6. og
7. bekkjar til Hornafjarðar þar sem lokakeppnin var haldin. Við náðum ekki verðlaunasæti að þessu sinni en bæði
keppendur og klapplið voru sjálfum sér og skólanum sínum til mikils sóma.
Tónskólinn
Í janúar fengum við til okkar frábæra tónlistarkennara, þau Suncana og Charles Ross. Þau koma í skólann og kenna einn
dag í viku, þar sem þau sinna einnig tónlistarkennslu annars staðar. Suncana og Charles eru alls með 22 nemendur úr
1.-10. bekk auk þess sem þau kenna samsöng fyrir 1.-5. bekk. Nemendur eru m.a. að læra á gítar, trommur, píanó,
úkúlele, fiðlu, bassa, blokkflautu og söng þannig að um fjölbreytt tónlistarnám er að ræða.
Það var mikill hvalreki fyrir okkur að fá þau hjónin til starfa þó ekki sé um fulla kennslu að ræða í tónskólanum og bíða
nemendur tónskólans alltaf spenntir eftir föstudögunum þegar Suncana og Charles birtast.
9

BÓNDAVARÐAN
FRÁ BROTTFLUTTUM DJÚPAVOGSBÚA
Hugsað heim!
Við sem fædd og uppalin erum á Djúpavogi vitum vel hversu gott það er að alast þar upp á milli klungu og kletta með
Búlandstindinn formfagran vakandi yfir byggðinni.
Mínar fyrstu minningar sem ungur drengur eru bundnar Ási en þar bjuggum við fjölskyldan fyrstu árin eða þar til við
fluttum í Laufás á Þorláksmessu árið 1965 en þá var ég 5 ára. Á árum okkar í Ási stækkaði fjölskyldan jafnt og þétt og
árið 1965 vorum við systkinin orðin sjö, fimm bræður og tvær systur. Ég man að vísu ekki eftir því þegar ég kom í heiminn
en koma mín varð fjölskyldunni minnistæð. Þann 30. júní árið 1960
var brakandi blíða á Djúpavogi og heyskapur í fullum gangi í Blánni.
Mamma var að sjálfsögðu mætt með hrífuna en börnin voru
hinsvegar hér og þar og m.a. voru Ragnar bróðir minn og Anna
Sigrún eitthvað að bardúsa heima í Ási. Í miðjum heyskap þá varð
mamma vör við að nú væri fjórða barnið að búa sig undir að koma í
heiminn og dreif sig því heim. Þegar heim var komið þá beið hennar
annað verkefni en að undirbúa fæðingu piltsins. Ragnar Jóhann og
Anna Sigrún höfðu nefnilega skrúfað frá vatnskrana í Ási og gátu
ekki skrúfað fyrir aftur og því var húsið á floti og flæddi vatn milli
gólffjala og í stríðum straumi niður stigann. Á meðan pabbi náði í
ljósmóðurina þá vatt mamma upp flóð frændsystkinanna og í
framhaldi þess mætti strákur í heiminn.
Öll börn á Djúpavogi þekktu ömmu í Hlíð, Guðnýju Finnbogadóttur Fjölskyldan í Laufási Djúpavogi
frá Hofi í Öræfum. Mörg þeirra kölluðu hana einfaldlega Ömmu í Hlíð og hún var og verður örugglega alltaf amma
Stefaníu Hilmars og systkinina frá Bár svo góð dæmi séu tekin. Sibba í Bár er mér líka alltaf svo minnistæð sem mikill
máttarstólpi ömmu okkar. Að vera amma margra barna á Djúpavogi líkaði gömlu konunni einstaklega vel. Einhverra hluta
vegna þá var ég það systkini sem var mest hjá ömmu og skottaðist upp brekkuna frá Ási á kvöldin til að vera hjá henni
yfir nóttina. Á veturna var Alladín steinolíu ofninn kynntur í botn og síðan slökkt á honum áður en amma, ég og kisurnar
fórum að sofa.
10

BÓNDAVARÐAN
Mér er minnisstætt að amma var alltaf á sauðskinsskóm og oft hljóp ég á eftir henni þegar hún var að eltast við kindur
eða lömb en það var erfitt að halda í við hana á hlaupunum, svo frá var hún á fæti. Ég áttaði mig ekki á því þá en á
þessum árum var gamla konan komin yfir sjötugt. Amma í Hlíð var mjög trúuð kona og á kvöldin þegar við voru að fara
að sofa þá varð ég að vera hljóður á meðan við hlustuðum á Passíusálmana, þá kunni hún sennilega utanbókar. Einnig
kenndi amma mér margar bænir sem voru gott veganesti fyrir lítinn peyja út í lífið. Ömmu var mjög í nöp við sígarettur
og áfengi og mig minnir meira segja að Coca Cola hafi verið á
bannlista hjá henni. Reykingum kynntist ég á unga aldri en ég mun
hafa verið sex eða sjö ára þegar ég og vinur minn nöppuðum
dýrindis vindlum. Við létum fara vel um okkur og reyktum þá
fagmannlega í blíðunni fyrir neðan Grænuhlíð, mikið var þetta nú
spennandi og gott. Vindillinn var púaður en þegar á leið fór ég að
finna til í maganum og dróst heim til ömmu í Hlíð náfölur og slappur.
Á meðan ég ældi eins og múkki þá spurði gamla konan hvað ég
hefði eiginlega verið að gera? Nú, ég sagði ömmu að við vinirnir
hefðum verið að reykja og ég held bara að amma hafi orðið fölari en
ég þegar hún heyrði það. Nú leist gömlu konunni aldeilis ekki á
blikuna, tilvonandi stórreykingarmaður var háttaður upp í rúm og
gefin flóuð mjólk. Og þar sem ég lá undir sænginni þá bað gamla
konan mig um að lofa því við Guðs orð að þetta gerði ég aldrei aftur!
Því lofaði ég ömmu minni og við það hef ég staðið.
Amma í Hlíð og Hrefna dóttir hennar og Ragnars Eyjólfssonar afa míns
Það er ekki hægt að rifja upp góða tíma með ömmu í Hlíð nema að
nefna í leiðinni Rúnu í Grænuhlíð sem allir á Djúpavogi þekkja. Hún var ömmu alltaf svo hjálpleg, blíð og góð. Rúna í
Grænuhlíð er einstök kona.
Að vera fæddur og uppalinn á litlum stað og í stórum hóp stórfjölskyldu, ættingja og vina er gjöfult og gott. Það segir
sig sjálft að það var gott að búa á Djúpavogi. Því ef svo hefði ekki verið þá hefðum við hjónakornin ekki valið að setjast
þar að árið 1982 og alið upp börnin okkar í örygginu á Djúpavogi.
Það var því erfið ákvörðun að flytja burt með fjölskylduna árið 1998,
eins rótgróin og við vorum orðin. Ræturnar sem liggja á Djúpavogi
eru enn sterkar. Ég hef stundum sagt og meina það, að það hafi
enginn annar staður við sjávarsíðuna á Austurlandi komið til greina
til að búa á fyrir utan Djúpavog nema Seyðisfjörður. Tveir
einstaklega tignarlegir og fallegir staðir með góðu mannlífi.
Djúpivogur með fjölbreyttu klettaborgirnar og formfagran
Búlandstindinn í baksýn og Seyðisfjörður með snotru gömlu húsin
sem kúra milli bröttu háu fjallanna, Bjólfs og Strandartinds.
Okkur fjölskyldunni finnst alltaf jafn vænt um að koma í gömlu
heimabyggðina og það er notalegt að finna þá hlýju sem mætir
okkur hvarvetna þegar við “komum heim”!
Fjölskyldan á Seyðisfirði um síðustu jól
Íbúum sveitarfélagsins óskum við alls velfernaðar á komandi tímum og erum handviss um að Djúpavogi muni farnast vel
enda vandfundinn fallegri og betri staður.
Ómar Bogason
Seyðisfirði.
VÍSNAGÁTA - LAUSNIR
Sú léttari
Lausnin er bátur
Epli eru gjarnan skorin í „báta“
Höfuðföt hermanna voru gjarnan kölluð bátar í „den“
Menn auglýsa (einkum smá-) báta til sölu á bland.is
„Bátur“ veltir sér á bárunum utan Búrsins í Vopnafirði
Sú þyngri
Lausnin er færi
Menn þurfa að komast í „færi“, þegar þeir eru t.d. á skotveiðum
Ég „færi“ hlut til (velti honum eða dreg á milli „hér og þar“)
Flest viljum við gjarnan eiga tæki“færi“ í lífinu
Í knattspyrnu (og mörgum fleiri boltaíþróttum“ er æskilegt að
komast í „færi“ til að ná árangri.
11

LIST ÁN LANDAMÆRA
BÓNDAVARÐAN
Síðustu ár hefur Djúpavogsskóli tekið þátt í verkefninu List án landamæra í tengslum við listasmiðju. List án landamæra
er listahátíð með áherslu á fjölbreytileika mannlífsins. Tilgangur hátíðarinnar er að vekja athygli á því að allir eiga að hafa
sömu tækifæri og öll erum við sérstök á okkar eigin hátt.
Í ár ætla nemendur í 6. – 10. bekk í listasmiðju að sýna lágmyndir þar sem þeir tengja saman sérkenni Djúpavogshrepps
og Orvieto á Ítalíu með áherslu á Cittaslow og sjálfbærni. Einnig ætla nemendur leikskólans að vera með í verkefninu eins
og áður og verkin þeirra eru unnin út frá sjálfbærni og endurnýtingu.
Hótel Framtíð hefur undanfarin ár lánað nemendum Djúpavogsskóla húsnæði fyrir sýninguna og hafa verkin fengið að
vera þar til sýnis allt árið og vakið mikla athygli hótelgesta. Fyrir þeirra framlag er ég mjög þakklát. Ég hef trú á því að
sýningin verði sérlega glæsileg í ár enda höfum við einstaklega áhugasama og skapandi nemendur hér í Djúpavogsskóla
og sumir þeirra eru að taka þátt í sýningunni í fjórða sinn.
Sýningin verður opnuð á Hótel Framtíð þann 1. maí næst komandi og verður nánar auglýst síðar.
Ég tel það mjög mikilvægt, ánægjulegt og í anda Cittaslow að slíkur menningarviðburður sé árlegur í okkar samfélagi. Í
svona starfi fá nemendur tækifæri til að vinna út frá fallegri hugmyndafræði og sýna verk sín öðrum. Svo gerir þetta mitt
starf enn fjölbreyttara og skemmtilegra og er mikilvægur þáttur í að efla list- og verkgreina kennslu.
Obba
Frá áhaldahúsinu
Þessa dagana standa margir í vorhreingerningum og því mikið að gera í
flokkunarstöðinni.
Íbúar eru beðnir að gæta þess að nota réttar lúgur og fylg ja leiðbeiningum svo
komist verði hjá óþarfa tvíverknaði við flokkunina.
Aðstoð og frekari upplýsingar eru veittar í áhaldahúsinu.
Forstöðumaður
12

BÓNDAVARÐAN
CITTASLOW Í DJÚPAVOGSHREPPI
Það er okkur bæði ljúft og skylt að auglýsa vel að Djúpavogshreppur sé Cittaslow sveitarfélag og það hefur vonandi ekki
farið framhjá íbúum sveitarfélagsins. Markmið hreyfingarinnar er að auka á lífsgæði og ánægju fólk, heiðra sérstöðu,
vitund og sjálfbærni og veita hnattvæðingu, einsleitni og hraðaáráttu viðnám. Með því að gerast aðili að
Cittaslow-hreyfingunni skuldbindur bæjarfélag/sveitarfélag sig til að vinna að 72 viðmiðum sem sett eru fram í sjö
mismunandi flokkum. Allar ítarlegri upplýsingar um Cittaslow aðild okkar og hugmyndafræði samtakanna má finna á
heimasíðu sveitarfélagsins (www.djupivogur.is) en svo er einnig ætlunin að koma því á framfæri hér í Bóndavörðunni,
sem er að gerast í málefnum Cittaslow í sveitarfélaginu.
Aðild okkar að Cittaslow samtökunum vekur athygli út á við og ferða- og menningaramálafulltrúa berast reglulega
fyrirspurnir varðandi aðild okkar, ýmist frá fulltrúum annarra sveitarfélaga eða gestum sem hafa komið á svæðið og vilja
fræðast meira um Cittaslow. Sem dæmi um það þá var ferða- og menningarmálafulltrúa boðið sérstaklega á Mývatn til
þess að kynna Djúpavog og Cittaslow og þá hafa nokkur sveitarfélög óskað eftir að við sendum frá okkur upplýsingar
um hugmyndafræði samtakanna. Þá tekur ferða- og menningarmálafulltrúi þátt í alþjóðlegu samstarfi með öðrum
Cittaslow sveitarfélögum á Norðurlöndunum þar sem fulltrúar landanna ræða m.a. hvernig vinna má með hugmyndafræði
Cittaslow, ræða hugmyndir að viðburðum og kynningum og leiðir til frekari kynningar á Cittaslow innan og utan
aðildarsveitarfélaga.
Í Djúpavogshreppi er hægt að gerast Stuðningsaðili Cittslow en þar eru fjölmörg fyrirtæki í sveitarfélaginu sem öll hafa
það að markmiði að vinna eftir hugmyndafræði samtakanna, taka þátt í að þróa verkefni og viðburði tengda Cittaslow og
nota merki Cittaslow í kynningarefni sínu svo fátt eitt sé nefnt. Nú á vormánuðum er hugmyndin að víkka enn frekar út
stuðningsaðilahópinn og mynda svokallað Cittaslow ráð á Djúpavogi. Þar geta íbúar tekið þátt í að þróa og vinna með
hugmyndafræði Cittaslow og hvernig við getum saman unnið að því að framfylgja þeim viðmiðum sem samtökin setja.
Eins og áður sagði þá þarf að vinna að því að uppfylla 72 viðmið sem skiptast í 7 flokka. Það er mismunandi eftir flokkum
hversu auðvelt er að uppfylla skilyrðin, sum þeirra getum við auðveldlega uppfyllt, önnur krefjast ákveðinnar
undirbúningsvinnu og enn önnur tekur svo mun lengri tíma að uppfylla.
Hér fyrir neðan má sjá hverjir eru þessir 7 flokkar og 1 viðmið úr hverjum flokki. Í næstu blöðum Bóndavörðunnar munum
við halda áfram að kynna þessa flokka og fleiri viðmið er falla undir hvern flokk.
Ferða- og menningarmálafulltrúi
DJÚPAVOGSHREPPUR AUGLÝSIR / HREINSUNARÁTAK
Hreinsunarátak á Djúpavogi hefst mánudaginn 10. apríl 2017. Eru bæði íbúar og forsvarsmenn fyrirtækja hér með
hvattir til að hreinsa lóðir sínar og lendur nú næstu daga og koma afrakstrinum að vegkanti, þar sem hann verður
sóttur af starfsmönnum sveitarfélagsins og fjarlægður.
Fyrsta ferð hreinsunartækis verður mánudaginn 10. apríl og sú síðasta miðvikud. 12. apríl. Tekið verður rusl við
gangstéttir og lóðamörk miðvikudag, föstudag og mánudag í hreinsunarvikunni.
Sveitarstjóri
13

CITTASLOW Í DJÚPAVOGSHREPPI
Cittaslow og grunnskólinn
BÓNDAVARÐAN
Þegar Djúpavogshreppur gerðist aðili að Cittaslow hreyfingunni varð Djúpavogsskóli í raun Cittaslowskóli þar sem allar
stofnanir sveitarfélagsins eiga að máta sína vinnu inn í hugmyndafræðina og markmiðin sjötíu og tvö, sem lögð eru til
grundvallar.
Þar sem Djúpavogsskóli hafði verið Grænfánaskóli í nokkur ár þá passaði margt úr Cittaslow inn í þær hugmyndir og því
inn í starfið hjá okkur. Það var svo haustið 2015 sem skólastjóri tók ákvörðun um að stíga skrefið lengra og finna leið til
að máta Cittaslow inn í allt skólastarfið. Síðan þá hefur verið unnið markvisst að því að koma á tengslum við aðra
Cittaslow skóla og máta markmiðin inn í skóla- og aðalnámsskrá.
Eins og kannski margir vita þá fékk Djúpavogsskóli styrk úr Erasmus+ til að koma á tengslum við þrjá skóla í Orvieto á
Ítalíu og fóru fjórir starfsmenn frá grunnskólanum ásamt tveimur starfsmönnum frá leikskólanum í heimsókn til Orvieto á
í janúar.
Orvieto er dásamlegur bær sem stendur að hluta til á kletti en þar búa um sex þúsund manns og restin kúrir undir
klettinum í dreifðri byggð. Kannski ekki ólíkt því að um fimmtíu manns á Djúpavogi byggju á Brennikletti og restin þar um
kring. Á miðjum klettinum stendur ein sú stærsta kirkja sem við stöllur höfum séð, hún fer ekki framhjá neinum ekki frekar
en Búlandstindurinn okkar, nema auðvitað að það sé þoka sem við sáum ekki í Orvieto en þar var hins vegar svo dularfull
og falleg birta, sem minnti örlítið á gosmengunina hérna um árið.
Það var strax ljóst að við áttum ýmislegt sameiginlegt og það átti eftir að koma betur í ljós þegar við kynntumst
heimamönnum og fórum í skólaheimsóknir. Ákveðið var að þessir skólar myndu vinna saman að ákveðnum verkefnum
og á þessari vorönn erum við að vinna með matarsóun og aðra sóun. Kristrún sér um að vigta allan mat í mötuneyti
skólans og skráir hjá sér. Lilja ætlar að sjá um að hjálpa nemendum að koma þeim tölum í tölfræði. Obba er byrjuð að
undirbúa List án landamæra sem verður haldin í vor. Hennar nemendur eru að vinna með sérkenni Djúpavogs og Orvieto
og útbúa listaverk þar sem þau tengja saman þessa tvö Cittaslow þorp og nota eingöngu efni sem til fellur. Systa
tungumála gúrú er að koma á tengslum milli nemenda í gegnum samfélagsmiðla.
14

BÓNDAVARÐAN
Hluti af styrknum sem skólinn fékk fer í að taka upp heimildamynd um innleiðinguna og sér Greta Mjöll um þá vinnu.
Starfsmenn Djúpavogsskóla voru hvergi hultir í Ítalíu heimsókninni fyrir myndavélinni hennar Grétu og þannig verður það
eins í vor þegar nemendur í elstu bekkjum skólans heimsækja ítalska Cittaslow vini sína.
Það er ánægjulegt að segja frá því að verkefnið í Djúpavogsskóla nýtur stuðnings frá alþjóðasamfélagi Cittaslow og hafa
yfirmenn þar sýnt því áhuga sem fyrirmynd fyrir aðra Cittaslow skóla. Lesa má um það á heimasíðu Cittaslow.org.
Við, starfsmenn í Djúpavogsskóla, trúum því að hugmyndafræði Cittaslow, með áherslur á hæglæti og virðingu fyrir
náttúru og menningu, sé gott veganesti út úr grunnskólanum og við hlökkum til að taka skrefið enn lengra á næsta
skólaári.
Dóra og Obba
Cittaslow leikskólinn Bjarkatún
Hér í leikskólanum Bjarkatúni höfum við verið að vinna með Cittaslow í vetur. En hvernig gerum við það? Við byrjuðum á
því að búa okkur til plakat sem á stóð Djúpivogur Cittaslow. Þórdís og Guðrún fóru í ferðalag og voru í 4 daga í burtu frá
leikskólanum og voru börnin full viss um að þær væru í Ástralíu að skoða flóðhesta. Þegar þær komu svo heim var Þórdís
með samverustund þar sem hún sagði frá og sýndi myndir frá ferðalaginu sem var til Orvieto á Ítalíu. Næsta skref var að
setja inn allar þær upplýsingar sem við vissum um Cittaslow. Þetta gerðum við í samverustundum og höfðu börnin orðið.
Á þessum fyrsta fundi komu 3 staðreyndir frá börnunum, hægt, snigill og að ganga á göngustígum eða gangstéttum. Í
listasmiðju gerðum við snigla sem eru til sýnis í Landsbankanum. Í samverustundum höfum við vera að æfa okkur að
syngja lag um snigla, í grennd fórum við á fund með Bryndísi ferða- og menningarmálafulltrúa á Djúpavogi og Páli Líndal
umhverfissálfræðingi þar sem við fræddumst um Cittaslow. Þá var tekið næsta skref þar sem við bættum við upplýsingum
á plakatið. Eins og sjá má á þessari mynd bættist hellingur við og allir orðnir fróðari um hvað Cittaslow er.
Þau verkefni sem við erum að gera í anda Cittaslow er að minnka notkun plastpoka í leikskólanum með því að nýta
taupoka undir blautan fatnað barnanna og skila foreldrar pokunum aftur inn á deild barnsins. Við erum að byrja að nýta
bolapoka undir blautu fötin sem við ætlum að útbúa hér í leikskólanum. Á haustin erum við með gróðurreiti þar sem við
ræktum kartöflur og alls kyns grænmeti sem börnin sjá um yfir sumarið en síðan fá þau að taka það upp á haustin og er
það nýtt í hádegismat í leikskólanum daginn eftir upptöku. Við höfum unnið verkefni með matarsóun þar sem við kennum
börnum að fá sér minna á diskinn og aftur ef þeim langar í meira og þannig að klára matinn sem þau fá sér í stað þess
að henda honum, af því þau fengu sér alltof mikið. Öll börnin taka þátt í flokkun á endurvinnanlegu efni með aðstoð
kennara. Við erum með grenndarkennslu þar sem hóparnir á eldri deildinni fara reglulega í gönguferðir um nágrennið þar
sem þau læra að ganga um náttúruna, týna upp rusl sem við finnum á leið okkar og læra á náttúruna. Við höldum upp
á bóndadag og konudag með því að bjóða í morgunverð, höldum þorrablót, bollu-, sprengi- og öskudag. Krakkarnir
komust að því að dótadagur er Cittaslow enda samvinna við heimili og héldum við dótadag sem og allskonar
öðruvísidaga. Börn og starfsfólk komumst að því að Cittaslow snýst um að njóta og láta sér líða vel.
Guðrún
15

BÓNDAVARÐAN
baksviðs á
HAMMOND 2016
16

BÓNDAVARÐAN
17

BÓNDAVARÐAN
-
Heillaskeyti á fermingardaginn
Kvenfélagið Vaka er með skeyti til sölu fyrir fermingar
~
Í boði eru eftirfarandi textar:
a) Innilegar hamingjuóskir með fermingardaginn. Bjarta framtíð.
b) Guð blessi þér fermingardaginn og framtíðina. Kær kveðja.
c) Hjartanlegar hamingjuóskir til fermingarbarns og fjölskyldu í tilefni dagsins. Kær kveðja.
~
Einnig er hægt að panta texta að eigin vali.
Fermingarbörnin í ár eru :
Askur Egilsson Borgarlandi 26
Diljá Ósk Snjólfsdóttir Vörðu 12
Guðrún Lilja Eðvarðsdóttir Hvannabrekku
Íris Antonía Ólafsdóttir Markarlandi 8b
Katla Rún Magnúsdóttir Borgarlandi 30
Ragnar Björn Ingason Hrauni 3
~
Þór Albertsson
Kápugili
Móttaka fermingarskeyta er í síma :
478-8124 - 849-3439 Bergþóra Birgisdóttir. (Má líka senda mér á fésbókinni )
Verð pr. skeyti er 1200 kr. Hægt að leggja beint inná reikning Kvenfélagsins.
0169-15-808877 kt. 441083-0339
Fermt verður í Djúpavogskirkju á Skírdag 13. apríl.
Byrjum að taka á móti pöntunum mánudaginn 10.apríl og verðum að
fram til kl.12.00 á hádegi á Skírdag.
Kvenfélagið Vaka
@
18

BÓNDAVARÐAN
MÁLFAR TENGT DJÚPAVOGI
Í síðasta blaði Bóndavörðunnar vorum við með umfjöllun um málfar tengt
Djúpavogi. Sá pistill vakti mikla lukku og því leituðum við aftur til Guðrúnar
Línberg, málfarsráðgjafa á Rúv og fyrrum Djúpavogsbúa og fengum að vita meira
um málfar tengt staðnum. Það virðist vera af nægu að taka og ýmislegt fróðlegt
sem kemur í ljós þegar farið er að grúska.
Endurvinnsla
Á ofanverðri nítjándu öld var Þorvaldur Thoroddsen jarðfræðingur við rannsóknir
á Austurlandi en ferðasaga hans birtist í tímaritinu Andvara í ársbyrjun 1883. Frá
Djúpavogi hélt hann í suðurátt að Hamarsfirði, ásamt föruneyti, þann 1. ágúst
1882 og lýsti því sem fyrir augu bar. Frásögn Þorvalds er í bundnu máli en ég
freistaðist til að fá að láni nokkur orð og binda hana niður. Það var nefnilega ljóð
falið í textanum.
Hamrabelti og klettaborgir
klungur og urðir
illar yfirferðar.
Einkennileg líparítbjörg
áður áföst fjallinu
innan um grænir biksteinar.
Basalthamrar allt í kring
rauðleit skriða
grænar og svartar æðar.
Úr skriðunni,
brimbarðir grjótgarðar
dimmbláir hnullungar.
Þau eru mörg orðatiltækin og uppruni þeirra misjafn. Eitt þeirra má rekja til orða vinnumannsins á Hamri en hér fyrir neðan
má lesa meira um það.
„Að standa eins og hundtyrki við Hamarsá“
Enginn veit með vissu uppruna orðatiltækjanna 'grunaði ekki Gvend', 'kannski Eyjólfur hressist' og 'nú er setinn
Svarfaðardalur'. En 'að standa eins og hundtyrki við Hamarsá' er hægt að rekja til Tyrkjaránsins, til ársins 1627 þegar
víkingar frá Algeirsborg, stundum kallaðir Tyrkir, herjuðu á Djúpavog og nágrenni. Sagan segir að Þorsteinn, vinnumaður
á Hamri, hafi þeyst með fram Hamarsánni og inn til Hamarsdals og ræningjarnir á eftir honum. Þorsteinn lagði í vatnsmikið
fljótið og komst undan - en víkingarnir stóðu ráðalausir eftir á eyrinni – eða eins og hundtyrkir við Hamarsá.
FRÉTTIR AF KVENFÉLAGINU VÖKU
Okkur Vökukonum langar að segja ykkur frá starfsemi félagsins á nýliðnu ári 2016.
Starfsárið okkar er frá október og fram í maí , fundir eru haldnir fyrsta þriðjudag í mánuði nema aðalfundur er alltaf haldinn
9.desember en þann dag árið 1928 var félagið stofnað.
Í dag eru 23 konur í félaginu á öllum aldri.
Fastir liðir hjá félaginu eru sala á blómum fyrir bóndadaginn, bollusala fyrir bolludaginn, bingó , sala á sumarblómum,
kertasala , jólamarkaður og erfidrykkjur. Í nokkur ár höfum við einnig tekið að okkur að þrífa stikur á Öxi og í Berufirði og
síðastliðið ár sáum við um veitingar á opnunardegi listasýningunnar Rúllandi snjóbolti/7.
Á árinu 2016 styrktum við m.a. þessi verkefni:
• 300.000.- kr. til kaupa á allskonar tækjum og tólum fyrir þróttamiðstöð Djúpavogs.
• 300.000.- kr til kaupa á útileikföngum á leikskólanum.
• Styrkir til einstaklinga námu samtals 900.000.- kr.
• Bökuðum lummur inn í Hálsaskógi á aðalfundi Skógræktarfélags Íslands.
Þökkum öllum sem tóku vel á móti okkur á árinu.
Vökukonur.
19

BÓNDAVARÐAN
20

FRÉTTIR FRÁ NEISTA
Það er ótal margt sem kemur í huga á undirrituðum þegar hann reynir að draga saman
starfsemi Umf. Neista í einn stuttan pistil. Í raun væri hægt að gefa út sér blað sem fjallar
um allt það góða starf sem á sér stað á vegum Neista. Ég mun því stikla á stóru og draga
fram það sem fréttnæmast er.
Undanfarið starfsár hefur verið gæfuríkt og farsælt. Margir liðir í starfsemi Neista eru fastir
og gengu sinn vanagang. Spurningakeppnir, mótshöld, Alþjóðlegahreyfivikan. Allt þetta, og
margir fleiri, eru viðburðir sem Neisti stendur fyrir og hafa gengið listavel. Þátttaka barna og
fullorðinna er góð og maður fær sterkt á tilfinninguna að fólk sé almennt ánægt með þá
vinnu sem Neisti vinnur fyrir sína sveit.
Þessi vinna er að stórum hluta unnin af stjórn Neista sem samanstendur af virkum
bæjarbúum. Ég legg mikið upp úr því að hrósa fyrir vel unnin störf. Því hrósa ég stjórninni sérstaklega fyrir óeigingjarna
og skemmtilega vinnu sem gerir Neista að því sem hann er.
Djúpivogshreppur er okkar helsti styrktaraðili. Án framlags hreppsins væri starfsemi Neista í þeirri mynd sem hún er í dag
ógerleg. Neisti vill því þakka Djúpavogshreppi sérstaklega fyrir sinn myndarlega styrk og vonar að áframhaldandi
samstarf verði gæfuríkt og farsælt. Einnig ber að þakka öllum öðrum styrktaraðilum og velunnurum fyrir allan stuðning.
Þá ser í lagi Landsbankanum sem er aðalstyrktaraðili okkar úr atvinnulífinu. Starfsemin væri ekki á þeim skala sem hann
er í dag án þeirra.
Það er margt að frétta úr herbúðum Neista. Nýlega var haldinn aðalfundur þar sem fram kom að staða Neista er heilt yfir
góð. Fjárhagurinn er tryggur og sú stefna að halda verðlagi í algjöru lágmarki stendur örugg. Nokkrir meðlimir stjórnar
stigu til hliðar eftir gott starf og langar mig að nýta tækifærið og tilkynna að Neista vantar 2-3 nýja meðlimi í stjórn. Ég
hvet alla sem áhuga hafa á íþróttum og æskulýð að íhuga þátttöku í stjórn. Þetta er skemmtilegt og verðugt verkefni.
Til stendur að snarbæta aðstöðu Neista á komandi mánuðum þegar Golfskálinn verður færður í Blánna og leysir gamla
góða skúrinn af. Þetta mun snarbæta aðstöðu og ímynd Neista og ber að fagna. Áætlað er að fara í framkvæmdir á
næstunni og vonin er að nýja húsnæðið verði klárt til starfs með sumrinu.
Neisti er öflugt félag. Það er öflugt vegna þess að allir í Djúpavogshreppi láta málefni félagsins sig varða og gefa af sér
til að tryggja að íþrótta- og æskulýðsmál séu til fyrirmyndar. Góður þjálfari, góð stjórn og virkir íbúar eru hornsteinn öflugs
ungmennafélags. Ég get staðfest að Djúpivogur uppfyllir öll þessi skilyrði og afraksturinn talar sínu máli.
Áfram Neisti!!
Fyrir hönd Neista,
William Óðinn Lefever,
Framkvæmdastjóri Neista.
BÓNDAVARÐAN
21

AÐDRAGANDI OG FERÐALAG TIL NÝJA
SJÁLANDS
Eftir að hafa nokkrum sinnum vegna bakþreytu og anna almennt ætlaði ég að hætta rúningi nema á heimabúi. Í apríl
2014 hringdi rúningskennari Íslands til 40 ára, Guðmundur Hallgrímsson á Hvanneyri í mig og bauð mér að taka þátt í
rúningskeppni á Írlandi seinnipartinn í maí. Mér fannst hugmyndin fáránleg en lét tala mig til, fann fagmanneskju til að taka
við minni vinnu hér heima og fór. Við kepptum tveir frá Íslandi á heimsmeistaramóti þar, höfðum báðir unnið
rúningskeppni í Búðardal sem er sú eina á Íslandi. Tveir kepptu líka í opinni keppni sem er haldin samhliða aðalkeppninni
til að fleiri geti tekið þátt. Í þessari ferð var okkur Íslendingum boðið að taka þátt í Heimsmeistaramóti á Nýja Sjálandi í
janúar2017. Við þetta vaknaði áhugi á að kynnast betur rúningi erlendis og fórum við sex saman til Skotlands sumarið
2015 og tókum þar þátt í rúningsnámskeiði og keppni. Í þessum hópi var rúningsfólkið Hafliði, Heiða Guðný og Julío.
Lilja Grétarsdóttir og Julió búa á Hávarsstöðum í Hvalfjarðarsveit og sáu þau alfarið um skipulag ferðarinnar.
Guðmundur sá um skráningu í mótið á
Nýja Sjálandi en eftir að hafa kannað
áhuga hjá nokkrum virtist enginn hafa
áhuga nema við Heiða Guðný. Ferðin
var svo skipulögð af okkur sem fórum,
með aðstoð frá Lilju.
Til að gera sem mest úr þessu langa
ferðalagi yfirgáfum við búskapinn 3.
janúar og flugum í fjórum áföngum til
fyrirheitna landsins alls 27 tímar á flugi.
Á Nýja Sjálandi var há sumar og farið að
styttast í verslunarmannahelgi og hitinn
fór yfir tuttugu gráður seinnipartinn
flesta daga.
BÓNDAVARÐAN
Á flugvöllinn í Christ Churtch sótti okkur
Heiðu og (Austurríkismann sem var í
sömu hugleiðingum og við)
rúningsverktaki sem hafði tekið okkur
að sér í rúmar tvær vikur með milligöngu mótshaldara. Hann flutti okkur til þorps á miðri austurströnd suðureyjar, í mjög
gamalt hús sem er notað eingöngu fyrir starfsfólk. Mikill fróðleikur valt uppúr verktakanum á leiðinni en sá fróðleikur lá
að mestu um blómleg landbúnaðarhéruð, lítið af fróðleiknum náði okkar eyrum því framburðurinn á enskunni er svo
frábrugðin því sem við höfum áður heyrt. Heiða náði þó að skilja eitthvað og túlkaði eftir bestu getu þrátt fyrir mikla syfju
eftir langt ferðalag.
Næsti dagur var sunnudagur og frí hjá rúningsgenginu (bara unnið sex daga vikunnar, átta tíma á dag plús ferðir og
matartíma og því stundum 12 tíma dagar í allt. Þó er reynt að hafa laugardagana styttri.Við skoðuðum okkur um og
fengum brýnslunámskeið um kvöldið en allir þurfa að hafa kamba og fjörutíu hnífa klára fyrir hvern rúningsdag. Við notum
yfirleitt mun minna hér heima því það er ekki svona mikið ryk í ullinni hér.
Fyrsti vinnudagur hófst með kynnisferð á eitt af búunum sem verktakinn sér um (hann er með 20 til 30 rúningsmenn í
vinnu allt árið og er fjöldinn misjafn eftir árstímum, ásamt aðeins færra starfsfólki í ullarflokkun og frágangi) þar voru sex
rúningsstöðvar, hávær tónlist og mikið fjör, við fengum að klippa nokkrar kindur. Síðan var fjallarúntur (átti að sýna okkur
kengúrutegund sem var flutt inn frá Ástralíu og er að fjölga sér hratt við litlar vinsældir sauðfjárbændanna vegna
samkeppni um beitina) Við sáum engar en það tókst viku síðar. Dagurinn endaði svo í rúningshúsi þar sem voru tvær
klippur og skiptumst við þrjú því á að rýja 70 stórar og frekar ær og lömbin undan þeim.
Á Nýja Sjálandi eru tæpar 4 milljónir af ám og hrútum, mikið af ánum rúnar á átta mánaða fresti, hluti þeirra er rúinn á
sex mánaða fresti og sumar bara einu sinni á ári, lömbin eru flest rúin nokkrum vikum fyrir slátrun. Ullin af lömbunum
er það lítil af magni og verðmætum að hún borgar ekki rúningslaunin, hún er bara tekin til að hraða vexti lambanna (hitinn
gerir þau annars löt á beitinni)
Við unnum þessar tvær vikur utan einn dag vegna rigningar. Ég rúði mun fleiri lömb en ær og var sagt að það væri betri
æfing fyrir keppni (erfiðara að halda öllum tindum kambanna í einu á skinninu þegar kropparnir eru litlir).
22

BÓNDAVARÐAN
22. janúar sóttum við Guðnýju Grétu og Höllu á flugvöllinn, leigðum okkur lítinn húsbíl og fórum af stað í ferðalag. Til
norðurs inn á svæðið þar sem jarðskjálftinn var í nóvember, vegirnir voru hæðóttir eins og íslenskir malarvegir á íslandi
að vori eftir frostavetur, skriður höfðu fallið og á nokkrum stöðum þurfti að fara hjáleiðir. Verið var að laga vegina og
þeir lokaðir á meðan, undir kvöld komum við að lokunarskilti enga hjáleið að sjá en vörður var skammt frá ég fór og
spurði hvort hann vissi hvort yrði lokað lengi, hann taldi svo vera, þurfum við að bíða marga klukkutíma spurði ég já
segir vörðurinn, ég aðeins farinn að stressast upp vegna þess að ferðaplanið væri nú farið úr skorðum og spurði því
hvenær hann héldi að yrði opnað, kannski eftir ár ef vel gengur var svarið. Þrátt fyrir mikinn aukakrók náðum við ferjunni
til Norðureyju á réttum tíma, þar heimsóttum við Svavar Ingólfsson sem fyllti okkur af fróðleik og upplifun í heilan dag.
Helgina fyrir keppni mættum við á stóran búgarð ,þar sem eru fjörutíu og tvö þúsund ær og sjöhundruð holdanaut.
Þar voru mótshaldarar búnir að skipuleggja æfingadaga. Var lögð áhersla á að ná þar saman fólki sem ekki hefur rúning
að aðalatvinnu ,þarna voru nokkrir fyrrverandi heimsmeistarar sem miðluðu fræðunum .
Áfram hélt ferðalagið með náttúruskoðun og afþreyingu, á tveimur og hálfri viku vorum við búin að fara í hellaskoðun til
að sjá sjálflýsandi orma, skoða fjós, fara í fallhlífarstökk, skreppa í þyrluflug til að sjá hæsta fjall Nýja Sjálands, fórum í
rafting, hraðbát, árabát, kláfferju, fjallgöngu og sáum mjög merkilegt listasafn í skrúðgarði . Ásamt mörgu öðru eins og
vera ber á ferðalagi.
Keppnin var svo níunda til ellefta febrúar í mjög stórri íþróttahöll syðst á suðureyju, öll aðstaða hreinlæti og virðing var
eins og um heimsmeistaramót í handbolta eða einhverri annarri mikils metinni íþróttagrein væri að ræða. Keppt var í
flokkun og frágangi á ull, vélrúningi og handklippurúningi. Þegar úrslitin fóru fram í vélrúningnum þá fylltist allt af
áhorfendum 18 þúsund manns sagði einhver og stemming eftir því. þarna fórum við þrisvar upp á svið, rúðum fimm
lömb fyrsta daginn, fimm ær í sex mánaða ull næsta dag og fimm ær í heilsársull síðasta daginn. Í keppnina mættu
keppendur frá þrjátíu og tveimur löndum, aðeins tveir frá hverju landi mega taka þátt. Mér gekk best með lömbin náði
þar 35. Sæti en í heildina varð ég í 39. Og Heiða í 53. Heimferðin var svo jafnlöng og leiðin út, nokkra daga tók að
snúa sólahringnum aftur við eftir að heim var komið.
Hafliði Sævarsson
HUGVEKJA FYRIR SUMARIÐ
Íbúar Djúpavogshrepps munið að rækta hæglætishreyfinguna í sjálfum ykkur og sýnið gestum okkar vinsamlegt viðmót
og ríka þjónustulund þegar þeir heimsækja okkur, hvort sem þeir koma á Hammond, í fermingu eða eru á ferðalagi um
landið. Óháð því frá hvaða bæjarfélagi, landi eða heimsálfu þeir koma. Cittaslow leggur áherslu á að bæjarbúar sýni
vinsamlegt viðmóti. Gleymum því ekki að ferðamaðurinn sem heimsækir okkur á stóran þátt í uppbyggingu í
sveitarfélaginu, bæði í þorpinu og í dreifbýli. Með fjölgun ferðamanna er nú meiri í sveigjanleiki í þjónustu, opnunartími
verslana er lengri, vöruverð lægra og störfum hefur fjölgað, beint og óbeint. Höfum gaman að þessu og sýnum gestrisni
árið um kring.
Sýnum gestrisni allt árið um kring.
Rán Freysdóttir, formaður atvinnumálanefndar
23

BÓNDAVARÐAN
HANS JÓNATAN OG MAÐURINN SEM STAL
SJÁLFUM SÉR
Við þekkjum flest, ef ekki öll, söguna um Hans Jónatans og dvöl hans á Djúpavogi. Nú er komið að frumsýningu á
heimildarmynd um Hans Jónatan og ber myndin nafnið Hans Jónatan – maðurinn sem stal sjálfum sér. Frumsýningin
verður á Havarí í Berufirði þann 19. apríl kl. 20:00.
Bóndavörunni langaði til þess að forvitnast um gerð myndarinnar og
hvernig bókinni um Hans Jónatan hefur verið tekið og leituðum við því til
höfundar bókarinnar, Gísla Pálssonar og höfunda heimildarmyndarinnar
en það eru hjónin Bryndís Kristjánsdóttir og Valdimar Leifsson. Greinar
þeirra má lesa hér fyrir neðan.
Djúpivogur – og maðurinn sem stal sjálfum sér
Á undanförnum tveimur árum hafa farið fram kvikmyndatökur á Djúpavogi
og nágrenni fyrir mynd um Hans Jónatan, manninn sem fæddist sem þræll
á St. Croix eyju í Karíbahafi árið 1784 en tókst að sleppa frá þrældómnum
og settist þá að á Djúpavogi árið 1802.
Styrktarsjóður Hans Jónatans
Gísli Pálsson mannfræðingur skrifaði bók um Hans Jónatan sem kom út
fyrir jólin 2015 – Hans Jónatan – maðurinn sem stal sjálfum sér. Haldið
var upp á útkomu bókarinnar í Löngubúð í nóvember það ár að viðstöddu
fjölmenni. Á meðan Gísli var ennþá með bókina í smíðum kom upp sú
hugmynd hjá honum að helst þyrfti að gera kvikmynd um sögu Hans
Jónatans og hann hafði þá samband við Valdimar Leifsson
kvikmyndagerðarmann sem strax leist vel á hugmyndina. Niðurstaðan
varð sú að farið yrði í að leita leiða til að fjármagna gerð heimildamyndar
og var þá fyrst leitað til afkomenda Hans Jónatans. Þar drifu menn í að
koma á fót styrktarsjóði Hans Jónatans sem fólk greiddi í eftir efnum og
aðstæðum og hefur þessi sjóður orðið til þess að hægt var að ráðast í
gerð myndarinnar. Valdimar rekur kvikmyndagerðarfyrirtækið Lífsmynd og
með honum starfa þar kona hans, Bryndís Kristjánsdóttir, og sonur þeirra
Arnar Steinn. Bryndís vann handrit að myndinni eftir bók Gísla en Arnar
sér um framkvæmda- og tæknihlið mála hjá kvikmyndagerðinni.
Fetað í fótsporin
Myndin er þannig upp byggð að fylgt er í fótspor Hans Jónatans eins og
hægt er, þar sem m.a. var farið með hóp afkomenda til St. Croix, Gísla fylgt
eftir í Kaupmannahöfn þar sem hann leitar að skjölum og kemur við á
stöðum sem snerta sögu Hans Jónatans og svo á Djúpavogi þar sem
Hans Jónatan settist að, vann í versluninni í Löngubúð, kvæntist og
eignaðist börn.
Nokkrir afkomendur Hans Jónatans, sem nú eru rúmlega 1000 að tölu,
koma fram í myndinni og segja frá því sem þeir vita um forföður sinn,
hvernig það hafi verið að feta í fótspor hans og svo að kynnast
ættmennum sem þeir vissu ekki fyrr að væru til.
Hans Jónatan, assistant í Löngubúð, hittir Katrínu sem seinna verður
konan hans.
Government House: Valdimar að mynda Hans Jónatan sem barn í
landsstjórahúsinu á St. Croix.konan hans.
Hópur afkomenda Hans Jónatans, frá Íslandi og Bandaríkjunum,
við skírnarfontinn sem Hans Jónatan var skírður úr
Til að ná fram dramatík voru nokkrir mikilvægir atburðir í lífi Hans Jónatans sviðsettir, s.s. þar sem hann sem ungur
drengur elst upp í íburðarmiklum híbýlum á St. Croix og í Kaupmannahöfn – þó ekki sem frjáls maður – og þegar hann
fær starf sem assistant hjá kaupmanninum á Djúpavogi, kynnist ástinni í lífi sínu – Katrínu hreppsstjóradóttur og gerist að
lokum bóndi í Djúpavogshreppi.
Frumsýning á Djúpavogi
Allri vinnu við myndgerðina var lokið um áramótin 2016/2017. Þá hafði verið samin við hana tónlist og hún talsett bæði
á íslensku og ensku, með von um að hægt sé að fá hana sýnda á erlendum sjónvarpsstöðvum. Frumsýning myndarinnar
verður að sjálfsögðu á Djúpavogi, eða á Havaríi þann 19. apríl kl. 20:00 eða að kvöldi síðasta vetrardags og rétt við
upphaf Hammond hátíðarinnar, að viðstöddum aðstandendum myndarinnar og bókarinnar. Myndin verður svo sýnd síðar
í Reykjavík og RÚV hefur keypt sýningarrétt að henni.
Bryndís Kristjánsdóttir
24

BÓNDAVARÐAN
25

SKEMMTIFERÐASKIP Á DJÚPAVOGI
Eins og íbúar sveitarfélagsins hafa eflaust tekið eftir þá þykir það í dag nokkuð algeng sjón að hér sé skemmtiferðaskip,
ýmist við bryggju í Gleðivík eða í Berufirðinum en svo hefur nú ekki alltaf verið. Sveitarfélagið hefur frá árinu 2007 unnið
markvisst að því að fjölga komum skemmtiferðaskipa á Djúpavog en það ár kom eitt skip á Djúpavog með um 1100
farþega. Árið 2007 gerðist sveitarfélagið aðili að Cruise Iceland samtökunum en það eru samtök hafna og fyrirtækja sem
vilja koma Íslandi á framfæri sem áfangastað skemmtiferðaskipa og vinna markvisst að kynningar- og markaðsstarfi í
þeim tilgangi. Frá þessum tíma liðnum hefur fjöldinn aukist jafnt og þétt og nú í sumar er gert ráð fyrir 26 skipakomum
og er það metfjöldi í komum hér á Djúpavog.
Í töflunni hér til hliðar má sjá yfirlit yfir fjölda
gesta sem komu með skemmtiferðaskipum
á Djúpavog árin 2009 til 2016 en einnig
sýnir taflan áætlaðan fjölda gesta fyrir árin
2017 og 2018.
BÓNDAVARÐAN
Árið 2009 komu tvö skip til Djúpavogs,
farþegafjöldinn var alls 1484 gestir og
áhafnarmeðlimir samtals 742. Árið á eftir
(2010) komu þrjú skip en þó var
farþegafjöldinn samtals heldur færri eða
612 gestir og samtals 324 í áhöfn. Árið
2011 fjölgaði gestum umtalsvert en þá voru
skipin alls þrjú og þar af eitt með um 1200
gesti. Það ár komu samtals 2514 gestir og
áhafnarmeðlimir voru 1271. Árið 2012
lækkaði talan yfir gesti og áhöfn en jókst svo
aftur næstu árin. Árið 2014 voru sjö
skipakomur með alls 2850 gesti og 1492
áhafnarmeðlimi, árið 2015 voru komurnar
þremur fleiri, fjöldi gesta 3598 og
áhafnarmeðlimir 1847. Síðastliðið ár voru
sextán skipakomur og alls 4196 gestir og
2268 í áhöfn og nú í sumar er svo gert ráð
fyrir 26 skipakomum og alls 9520 gestum
og 5067 áhafnarmeðlimum. Bókanir eru
þegar farnar að berast fyrir næsta ár og árið
2018 eru skráðar tuttugur skipakomur og
reikna má með því að sú tala eigi eftir að
verða hærri því enn eru að berast bókanir.
Hér fyrir neðan má sjá yfirlit með öllum helstu upplýsingum yfir
skipakomur sumarsins:
Tekjur af skemmtiferðaskipum hafa að sama
skapi aukist með fjölgun skemmtiferðaskipa
en þó þarf að hafa í huga að tekjurnar taka
mið af nokkrum þáttum, til dæmis stærð
skips, og því segir fjöldi skipa ekki endilega
alla söguna. Árið 2009 voru tekjur af
skemmtiferðaskipum í Djúpavogshöfn ríflega
800.000 kr. en árið 2011 var þessi tala
komin upp í rétt rúmlega 1,6 milljón króna.
Tekjurnar lækkuðu aftur á móti árið 2012
enda voru aðeins tvö skip það ár. Frá árinu
2013 hafa tekjurnar hins vegar aukist með
hverju árinu en það ár voru tekjur af
skemmtiferðaskipum tæplega 1,7 milljón
króna. Árið 2014 var þessi tala orðin 2,7
milljónir króna og árið 2015 hækkaðu
heildartekjur af skemmtiferðaskpum um
milljón frá fyrra ári, voru 3,7 milljónir króna.
26

BÓNDAVARÐAN
Á síðastliðnu ári, 2016, voru heildartekjur af skemmtiferðaskipum rétt undir 5 milljónum króna og með auknum fjölda árið
2017 og stærri skipum má því gera ráð fyrir að þessi tala hækki enn frekar.
Frá upphafi þessa verkefnis var talað um
að það þyrfti þolinmæði og elju til þess
að halda áfram að vinna að fjölgun
skemmtiferðaskipa á fyrstu árunum, því
það tæki nokkur ár fyrir okkur að sjá
árangur. Ýmsir reyndir aðilar úr
bransanum nefndu að meta ætti
árangurinn eftir fimm til sjö ár og skoða
þá fjölgunina og staðreyndir varðandi
upplifun gesta. Nú, að þeim tíma liðnum
má glöggt sjá árangurinn, eins og taflan
hér að ofan sýnir. Við vitum fyrir víst að
þeir gestir sem hingað hafa komið eru
flestir ánægðir með þennan áfangastað,
við fáum lof fyrir náttúruna, mannlífið og
fallega litla þorpið okkar.
Bryndís Reynisdóttir,
Ferða-og menningamálafulltrúi
Langabúð um Hammond
Opið sumardaginn fyrsta, föstudag & laugardag frá kl. 14:00-18:00
Kræsingar í kökuborðinu, kaffi & kósý
Sumardaginn fyrsta: krakkabíó kl. 15:00
Föstudagur: open mic/karíókí - láttu vaða!
Laugardagur: open mic/karíókí - láttu vaða!
Taktu myndir & notaðu #hammondhatið2017 & myndin þín rúllar á skjánum í Löngubúð
27

BÓNDAVARÐAN
ÓBYGGÐASETUR ÍSLANDS
Allir vilja upplifa ævintýri
Óbyggðasetur Íslands í Fljótsdal hefur vakið
mikla athygli frá því það opnaði formlega
síðastliðið sumar. Fjallað hefur verið um það
bæði í þekktum erlendum fjölmiðlum sem og
innlendum. Nýverið hlaut það síðan hin
eftirsóttu Nýsköpunarverðlaun Samtaka
ferðaþjónustunnar árið 2016. Verðlaunin voru
afhent af Guðna Th. Jóhannessyni, forseta
Íslands við hátíðlega athöfn í Reykjavík.
Á Óbyggðasetrinu hefur verið sköpuð
ævintýraveröld sem byggir á einstökum sögum
og nálægðinni við óbyggðirnar. "Hér geta gestir
komið í kyrrðina til að skynja og upplifa núið með því að ganga inn í fortíðina, fræðast um lífið heimavið, njóta afþreyingar,
eins og að renna sér á endurgerðum kláf yfir Jökulsá, fara í reiðtúr um svæðið eða sofa á safni“ segja þau Arna Björg
Bjarnadóttir og Steingrímur Karlsson, forsvarsmenn Óbyggðasetursins.
Rætur beggja liggja á landsbyggðinni og saman deila þau ástríðu fyrir náttúru og sögu landsins. Þau settu sér það
markmið strax í upphafi að bjóða upp á heildarupplifun í gegnum fjölbreytta afþreyingu og þjónustu. Gestum gefst til að
mynda kostur á að gista á baðstofulofti og í endurgerðu gömlu íbúðarhúsi. Í eldhúsi og betri stofum heimilisins er boðið
upp á veitingar. Auk þess eru í boði skemmri og lengri ferðir allan ársins hring. Í sumar opnuðu þau síðan einstaka
upplifunarsýningu um líf í óbyggðum og við jaðar þeirra.
Nokkrum ársverkum var varið í heimilda- og
þróunarvinnu, þar sem fjöldi aðila á sviði
menningar, sagnfræði og náttúru lagði fram
liðsinni sitt og veitti ráðgjöf og aðstoð.
Þegar hjónin höfðu fullhannað sýningu og
umhverfi voru fengnir til leiks listamenn og
leikmyndasmiðir til að skapa þá
ævintýraveröld sem nú hefur risið í
Norðurdal. „Það vilja allir láta koma sér á
óvart, ungir sem aldnir, upplifa ævintýri og
fræðast um raunverulegar sögur í lifandi
umhverfi" segja Arna og Steingrímur.
Það má segja að á Óbyggðasetrinu séu
framleiddar minningar. Upplifun sem byggir
á raunverulegum sögum sem miðlað er á
skapandi hátt og skilar sér tilbaka. Á
bænum bjuggu 9 af 14 systkinum félagsbúi
til dánardags. Þau voru sjálfbjarga um flest,
liðtæk við hönnunar-og smíðavinnu, nýsköpunarhæfileikum þeirra var viðbrugðið, listrænu auga, nýtni og skyggnigáfum.
„Við höfum fengið til okkar fjölda ánægðra gesta sem fara á brott margs vísari og vonandi með meiri skilning en áður á
náttúru, sögu og þeirri tilfinningu að hafa upplifað eitthvað einstakt og ekta“ segja þau Arna og Steingrímur.
Óbyggðasetrið er opið á veturnar fyrir minni og stærri hópa. „Það er alveg upplagt að heimsækja okkur á Óbyggðasetrið
hvenær sem er ársins, það hentar til dæmis vinahópum og fyrirtækjum að bjóða upp á hvata- eða vinnuferðir og koma
hingað í heimsókn. Við höfum einnig í boði pakka sem eru sérsniðnir að ferðum slíkra hvata- og vinnuhópa eða
svokallaða skemmti- og upplifunarpakka“ segja þau Arna og Steingrímur. Staðurinn er hugsaður þannig að auðvelt er að
setja upp funda- og fyrirlestraraðstöðu í óhefðbundnum umhverfi með skjávörpum og ljósleiðaratengingu.
Óhætt er að ætla að Óbyggðasetrið muni skapa enn frekari segul fyrir áfangastaðinn Austurland.
Arna Björg Bjarnadóttir og Steingrímur Karlsson
28

BÓNDAVARÐAN
HVAÐ ER AÐ GERAST....... Í VIÐ VOGINN?
Stútfull af hugmyndum tók ég við rekstrinum á Við Voginn í maí 2016. Ég setti allt á fullt í framkvæmdir en á sama tíma
fylltist þorpið af ferðamönnum svo öll plön voru sett á pásu meðan mesti ferðamannastraumurinn gekk yfir. Í haust hófst
svo vinna við breytingarnar hægt og rólega á ný. Þessi tími frá maí hefur verið einstaklega lærdómsríkur og fjörugur. Það
hefur ýmislegt breyst síðan hún mamma rak þessa verslun á sínum tíma. En veturinn var góður tími til þess að átta sig á
hvernig best er að hafa hlutina. Það var því bara nokkuð gott að ekki gafst tími til að klára verkið á síðasta ári.
Nú höfum við gert stefnubreytingu í rekstrinum; markmiðið er að leggja áherslu á góðan mat sem er sem mest úr hráefni
í okkar nærumhverfi, fallega framsettur og á góðu verði. Heimilismaturinn verður að sjálfsögðu á sínum stað í hádeginu
og þar verður góður “mömmumatur” í fyrirrúmi ásamt dásamlegum eftirréttum. Barnamatseðill verður settur upp með
spennandi og hollum réttum fyrir krakka undir 12 ára aldri.
Við erum búin að opna á enn betra útsýni fyrir gestina og vinnum nú hörðum höndum að því að klára að gera huggulegt
inni hjá okkur. En það er erfitt að keppa við þetta frábæra útsýni sem við höfum yfir höfnina, þorpið, sjóinn og fjöllinn. Við
ætlum að keppast við að framreiða góðan mat og leggjum áherslu á frábæra þjónustu. Við hlökkum mikið til að geta sýnt
okkur og sannað á næstu mánuðum. Okkur þykir mjög vænt um að heyra frá ykkur heimamönnum; við viljum heyra frá
ykkur til að við getum bætt okkur og þjónað ykkur sem best. Við erum stolt af því að vera á Djúpavogi og að vera
Cittaslow - við förum bjartsýn og jákvæð inn í fyrsta sumarið okkar með nýju fólki, innréttingum og útsýni.
Lífið er ljúft!
Rán Freysdóttir
VIÐ VOGINN
kynnir nýjungar um Hammond:
Brunch
frá 11:00-14:00 Sumardaginn fyrsta, föstudag, laugardag og sunnudag.
Heimilismatur, hamborgarar, hollusta og eitthvað fyrir börnin.
Nýr og ferskur matseðill í nýju og fersku útliti/útsýni.
Opnunartími yfir Hammond:
09:00 - 21:00 virka daga
10:00 - 21:00 helgar
Sjáumst á Hammond
Dönsum okkur svo inn í nóttina á föstudagas og laugardagskvöldið.
Nánar auglýst síðar
29

BÓNDAVARÐAN
30

BÓNDAVARÐAN
HAMMONDHÁTÍÐ 2017
STAÐSETNING VIÐBURÐA & ÞJÓNUSTU
14
5
15
3
4
12
10
11
9
1
7
13
2
1
HÓTEL FRAMTÍÐ
9
VIÐ VOGINN
2
DJÚPAVOGSKIRKJA
10
KJÖRBÚÐIN
3
LANGABÚÐ
11
VÍNBÚÐ
4
TRYGGVABÚÐ
12
BAKKABÚÐ
6
5
RAFSTÖÐIN
13
JFS HANDVERK
6
HAVARÍ
14
BONES STICK & STONES
8
7
SUNDLAUG
15
STEINASAFN AUÐUNS
8
SKOTSVÆÐI
31

UTANDAGSKRÁ HAMMONDHÁTÍÐAR 2017
Miðvikudagur 20. apríl
20:00 Frumsýning á heimildarmynd um Hans Jónatan – Havarí, Berufirði
22:00 Rafstöðin - Opnunarteiti, MC Póló þeytir skífum
Fimmtudagur 21. apríl - sumardagurinm fyrsti
10:00 765 hlaupið – Hefst við rafstöðina á Teigum, hlaupið yfir hálsana og komið niður í réttinni í Hamarsfirði,
þaðan er farið eftir gamla veginum meðfram Strýtu og endað í skógræktinni. Vegalengd 7,65
10:00 Tófumót á skotsvæði Skotmannafélags Djúpavogs
11-14:00 Bröns í Við Voginn
13:00 Kökubasar nemendur í 8-10. bekk í Kjörbúðinni
15:00 Langabúð – Krakkabíó
21:00 Hammondhátíð
Föstudagur 22. apríl
11-14:00 Bröns í Við Voginn
14-18:00 Langabúð – Opinn míkrafónn
15-17:00 Tryggvabúð – Vöfflukaffi í umsjá eldri borgara
21:00 Hammondhátíð.
00:00 Eftirpartý eftir tónleika í Við voginn
Laugardagur 23. apríl
10:00 Skotmót á skotsvæði Skotmannafélags Djúpavogs
10:00-12:00 Timburmannaganga um Búlandsnes á vegum Ferðafélags Djúpavogs – gerir öllum gott í hvað ástandi sem þeir
kynnu að vera. Lagt af stað frá Við Voginn
11-14:00 Bröns í Við Voginn
12:00 Edrúlífið: Sólveig Eiríksdóttir og Pétur Örn Guðmundsson í Djúpavogskirkju
14-18:00 Langabúð – Opinn míkrafónn
14:00 Prinsinn fertugur. Opið hús á Havarí frá kl. 14:00. Prins Pólo og Stórsveit Kongó taka nokkur lög.
Dj. María. Gjafir afþakkaðar en þeir sem vilja láta eitthvað af hendi rakna er bent á www.sannargjafir.is
15-17:00 Vöfflukaffi í Tryggvabúð í umsjá eldri borgara
21:00 Hammondhátíð.
00:00 Eftirpartý eftir tónleika í Við voginn
11-14:00 Bröns í Við Voginn
14:00 Hammondhátíð.
Opnunartímar 20.-24. apríl
Sunnudagur 24. apríl
Óvæntur vinningur í boði fyrir bestu
Hammondhátíðarmyndina 2017.
Myndir sendist á bryndis@djupivogur.is
fyrir 1. maí eða merkið þær:
#hammondhatid2017
Live feed í Löngubúð
Langabúð, safn og kaffihús – kl. 14-18:00 fimmtudag-laugardags. Bakkabúð, handverks- og gjafavöruverslun – kl. 13-18:00 alla dagana
Hótel Framtíð, Hammondhátíðarmatseðill – alltaf opið
JFS, íslenskt handverk – alltaf opið, vinnustofa í Manchester United bílskúrnum
Gallerí Bones, Sticks and Stones – opið ef bíllinn er fyrir utan Vínbúð – föst. kl. 13-18:00
Við Voginn, matsölustaður og verslun – opið fimmtudag, - sunnudag frá kl. 10-20:00. ATH. nýr matseðill
Kjörbúðin– fimmt. kl. 12:00-18:00. Föst. kl. 09:00-19:00. Laug. Kl.10:00 – 18:00 og sunn. kl. 12:00-18:00
Íþróttamiðstöðin, sundlaug og íþróttahús – föst. kl. 7:00-20:30. Laug. kl. 11:00-15:00. Sunn. kl. 11:00 - 13:00