Create successful ePaper yourself
Turn your PDF publications into a flip-book with our unique Google optimized e-Paper software.
73-33-42, 33 8-951-195-37-65<br />
195 3765<br />
УДМУРТИЕЗ АЗИНТОН<br />
№ 88 (<strong>25703</strong>)<br />
3<br />
2018-тӥ ар 22-тӥ шуркынмон<br />
ДЭБЕС ПАЛЪЁСЫН<br />
Сюресъёс верало экономика сярысь<br />
Мария ЕМЕЛЬЯНОВА<br />
Удмуртилэн Тӧроез<br />
Александр Бречалов<br />
14-тӥ шуркынмонэ Дэбес<br />
ёросэ вуылӥз. Дэбес<br />
политехникумын<br />
сое пӧртэм проектъёсын<br />
тодматӥзы, калыкен<br />
пумиськон радъязы.<br />
Егитъёслы тупа-а?<br />
Удмуртиын Дэбес политехникум<br />
гинэ суредаськонъя<br />
но черчениея дышетӥсьёсты<br />
дася. Таӵе ӧрзы 1967-тӥ арын<br />
ик усьтӥськиз. Та аръёс куспын<br />
студентъёс Россиысь<br />
но кунгож сьӧрысь вожвылъяськонъёсын<br />
асьсэдыз усто<br />
возьматӥзы ни.<br />
Котькуд ар Дэбес политехникумысь<br />
суредаськонъя<br />
но черчениея 25 пала<br />
дышетӥсьёс пото. Озьы ик татын<br />
воспитательёсты, покчи<br />
классъёсыз дышетӥсьёсты,<br />
плотникъёсты но механизаторъёсты<br />
дасяло.<br />
Татын «Шунды» огазеяськонлэн<br />
ёзэтэз но вань.<br />
- Милям тросэз удмурт<br />
кылзылэсь куштӥсько, монэ<br />
со туж сюлмаськытэ, - вераз<br />
солэн кивалтӥсез, студентка<br />
Светлана Корепанова. - Политехникумамы<br />
удмурт кылэз<br />
дышетонъя курсъёс усьтэме<br />
потэ. Азьланяз покчи<br />
классъёсты дышетыны малпасько<br />
бере, кужыме тырмыны<br />
кулэ.<br />
Егитъёс пӧртэм студотрядъёсы<br />
мыло-кыдо пырисько:<br />
гужем нылпи лагерьёсы<br />
ужаны ветло. Таяз аре «Патриот»<br />
отряд усьтӥськиз. Студентъёс<br />
сюлмасько, егитъёс<br />
урод ужъёс медаз лэсьтэ, тамак<br />
медаз кыске, юонэн медаз<br />
эшъяське шуыса.<br />
- Нош яра-а тӥледлы Дэбесын?<br />
- юаз элькунлэн Тӧроез.<br />
udmurt.ru<br />
- Бен, - огкылысь вазизы<br />
студентъёс.<br />
- Нош мыным - уг, егитъёслы<br />
азинскыны луонлыкъёсты<br />
туж ичи. Ваньмон дырез<br />
пайдаё ортчытыны нокытын,<br />
- шуиз Александр Бречалов.<br />
Таӵе югдурен нюръяськыса<br />
ик, лэся, черкогуртын<br />
улӥсьёс асьсэос пӧртэм проектъёссэс<br />
улонэ пыӵатыны<br />
кутскизы. Кылсярысь, 2015-<br />
тӥ арын Екатерина Тронина<br />
эктонъя «Синяя птица» студия<br />
усьтӥз. Отын пиналъёслы<br />
но егитъёслы ритмикая,<br />
хореографияя, туала но<br />
классической эктонъёсъя занятиос<br />
ортчыло. Кышномуртъёс<br />
фитнесэн выро. Дэбесъёс<br />
студие мыло-кыдо ветло,<br />
но инты ваньзылы уг тырмы<br />
ни.<br />
- Нылпиосты мон ваньзэсты<br />
кутӥсько, - вераз Екатерина<br />
Тронина, - нош кышномуртъёслы<br />
«вите» шуоно<br />
луэ. Соин ик азям али ужпум<br />
пуктӥ - выль ужась кутоно<br />
но бадӟымгес студие выжоно.<br />
Дэбесын тупась инты<br />
ӧвӧл, выльзэ пуктоно, ачим<br />
сое лэсьтыны уг быгаты.<br />
- Балезино ёросын вань<br />
ужбергатӥсь. Ачиз пуктӥз<br />
фитнес-зал. Ужез туж азинлыко<br />
луиз, дасяське 2-тӥ<br />
зал усьтыны. Малпасько,<br />
тӥлед соин кусып юнматоно,<br />
- дэмлаз Александр Бречалов,<br />
- солэсь ужамзэ учкыса,<br />
соин ваче кенешыса, тӥ, оло,<br />
адӟем кароды, соинвесторъёс<br />
но луоды.<br />
Нош егитъёслэн «Вертикаль»<br />
центрзы ар ӵоже<br />
«Бадӟым сюрес кузя» проектэз<br />
улонэ пыӵатӥз. Со секыт<br />
учыре сюрем нылпиослы<br />
но семьяослы сӥземын.<br />
Пӧртэм ужрадъёс лагерьёсын<br />
но ортчылӥзы, психологической<br />
юрттэт сётонъя но<br />
профессиосын тодматонъя<br />
кабинетъёс кылдӥзы. Отчы<br />
А. Бречалов тодматскиз Дэбесысь<br />
политехникумлэн ужаменыз.<br />
ноутбукъёс, вуриськон машинаос,<br />
пейнтболэн но хоккеен<br />
шудыны арбериос, луоен<br />
арт-терапия ортчытыны<br />
тӥрлык басьтӥзы. Ваньзэ<br />
тае секыт учыре шедем<br />
нылпиослы юрттэт сётӥсь<br />
федеральной фондысь грантэн<br />
но ёрослэн, спонсоръёслэн<br />
коньдонэнызы быдэстыны<br />
быгатӥзы.<br />
- Валамы, проектмы пиналъёслы<br />
юрттӥз, - шуиз<br />
«Вертикаль» центрлэн<br />
кивалтӥсез Лилия Саламатова.<br />
- Йыртэмасьёс ӧй вал, 6-сэ<br />
нылпимес учётысь куштӥзы.<br />
Азьланяз проектмес быдэс<br />
ёросэ вӧлмытысалмы. Нош<br />
кылдэм кабинетъёсамы антикафе<br />
радъяломы. Пиналъёс<br />
но егитъёс ӝытъёсы быгатозы<br />
дорамы ветлыны, куспазы<br />
вераськыны, шутэтскыны,<br />
шудыны.<br />
Мар сюлмаськытэ?<br />
Дэбес ёросысь калыкен пумиськонын<br />
пӧртэм юанъёс<br />
ӝутӥськизы: стадионэз тупатон,<br />
гурезьёстӥ бызьылонъя<br />
калыккуспо ӵошатсконъёсты<br />
ортчытон, мобильной сетез<br />
гуртъёсы вӧлмытон.<br />
Сюресъёсын югдур тужгес<br />
но лэчыт сылэ. Дэбесысь<br />
Шарканэ нуисез интыен-интыен<br />
воксё ортчонтэм.<br />
- Али ми пыртӥськомы сое<br />
гурт сюресъёсты тупатонъя<br />
программае, - шуиз транспортъя<br />
но сюрес хозяйствоя<br />
министр Алексей Горбачёв, -<br />
ваньмыз пӧрмиз ке, вуоно аре<br />
сюрестэс тупатомы.<br />
- Ӵапак сюресъёсъя валаськомы,<br />
азинскоз экономика<br />
яке уз, - вераз Александр<br />
Бречалов. - Быдэс элькунамы<br />
62 сюресэз тупатыны<br />
кулэ. Со понна 4 миллиард<br />
манет пала кулэ. Туэ Глазовын<br />
гинэ 1 но ӝыны миллиардлы<br />
сюресъёс лэсьтӥмы<br />
ни.<br />
Юанъёс кылдӥзы школаосты,<br />
нылпи садъёсты тупатон<br />
пумысен: липетъёсты вошъяно,<br />
пластиковой укноос пуктылоно.<br />
Удмуртилэн Тӧроез<br />
оскытӥз, 2019-тӥ арын ӵапак<br />
со бордын уж нуиськоз.<br />
- Школаямы гуртъёсысь<br />
пиналъёс но дышетско, - вазиськиз<br />
Дэбес школалэн<br />
кивалтӥсез Галина Опарина,<br />
- куд-ог нылпиосмес 7 часын<br />
ик школае вайиськомы, малы<br />
ке шуоно автобусмылы мукет<br />
гуртъёсы ветлоно на. Соин ик<br />
эшшо автобус кулэ.<br />
- Элькунын автобусъёслы<br />
бадӟым черод, - пусйиз Александр<br />
Бречалов, - ми тыршиськомы<br />
ёросъёслы юрттыны.<br />
Тани таяз аре Дэбес ёросысь<br />
Вылӥ Четкерысь пиналъёс<br />
выль автобусэн ветло<br />
ни.<br />
БАЛЕЗИНО ПАЛЪЁСЫН<br />
Табере ӝутсконо!<br />
Мария ЕМЕЛЬЯНОВА<br />
Балезино сылэ чугун<br />
сюрес вылын. Но вокзалзы<br />
огшоры кошкон-вуон<br />
инты луэмысь<br />
дугдӥз ни. Али<br />
отын пӧртэм ужрадъёс<br />
ортчыло. Александр<br />
Бречаловлы та<br />
сярысь пыр-поч веразы.<br />
- Балезино огшоры пичи<br />
станция гинэ ӧвӧл ук, татын<br />
пӧртэм калыкъёс уло,<br />
- шуиз Балезиноысь лулчеберетэз<br />
но калык киужъёсты<br />
азинтӥсь центрлэн<br />
ивор вӧлмытонъя ёзэзлэн<br />
кивалтӥсез Диана Касимова.<br />
- Поездэн кошкисьёслэн<br />
Удмуртия тодазы мед кылёз<br />
шуыса, «Балезино - точка<br />
мира» акция ортчытӥмы.<br />
Кылем арын 4-тӥ коньывуонэ<br />
нырысьсэ пассажиръёсты<br />
удмурт, бесерман, бигер<br />
но ӟуч калык дӥськутэн<br />
нылкышноос пумитазы.<br />
Соос элькунэнымы но тодмо<br />
адямиосынымы тодматӥзы,<br />
калык кырӟанъёсты быдэстӥзы.<br />
Акцизэс али но праздникъёс<br />
дыръя ортчытъяло.<br />
Сылӥсь поездъёс доры пото<br />
но перронысь пассажиръёсты<br />
шулдырто.<br />
- Кемалась ик ӧвӧл Москваысь<br />
Читае мынӥсь поездэ<br />
милемыз пырыны но<br />
лэзизы, - азьланьтӥз веранзэ<br />
Диана Касимова, - пассажиръёслэсь<br />
паймем синъёссэс<br />
адӟыны кулэ вал. Дэмламы<br />
соослы вокзалысь «Лесовичок»<br />
вуз карон сэреге пыраны,<br />
сьӧразы синпель кузьым<br />
басьтыны.<br />
«Лесовичок» туэ оштолэзе<br />
гинэ усьтӥськиз, нош со дыр<br />
куспын отчы 5 сюрслэсь трос<br />
адями пыраз ни, 381 сюрс<br />
манетлы киужъёс вузамын.<br />
Татын туйлэсь, пулэсь,<br />
гонлэсь, горд сюйлэсь лэсьтэм<br />
ужъёсын вуз каро. Куэм,<br />
пужъятэм дӥськутэз но басьтыны<br />
луэ. Ваньзэ сое ёросысь<br />
киужъёсъя центрын<br />
лэсьто. Кусып возё Красногорскысь<br />
кибашлыосын но.<br />
Татын пассажиръёслэсь<br />
куронъёссэс лыдэ басьтыса<br />
ужало, юри сётэм заказзэс<br />
но быдэсто. Озьы балезиноослэн<br />
ужъёссы Финляндие<br />
но, Китае но вуиллям ни.<br />
Киужен вырон, вуз карон<br />
азинске, нош огъя улон<br />
интыяз сылэ. Со валамон<br />
луиз Александр Бречаловлэн<br />
калыкен вераськемез<br />
бере.<br />
Ар талэсь азьло Балезино<br />
ёрос вутэк кыльыны<br />
быгатэ вал. Чупчи шурын<br />
арысь аре ву ичигес луэ, сое<br />
муромытон сярысь сюлмаськисьёс<br />
ӧй вал. Туэ та бордын<br />
бадӟым уж нуиськиз: пӧртэм<br />
интыосын шурез сузязы, куашкам<br />
водонапорной башня<br />
интые выльзэ пуктӥзы.<br />
- Нырысьсэ татчы вуыкум,<br />
Балезино куашкан калэ<br />
вуэмын вал. Ӧй шуысал, али<br />
ёрос пушъе, но со усемысь<br />
дугдӥз. Табере ӝутсконо, -<br />
пусйиз А. Бречалов.<br />
Калыкез тужгес но сюлмаськыто<br />
урод сюресъёс,<br />
ФАП-ъёслэн тырмымтэзы,<br />
экология, вуж школаос но<br />
нылпи садъёс.<br />
Шуг-секытъёс туж<br />
трос, - вераз Удмуртилэн<br />
Тӧроез, - валтӥсь ужпум -<br />
уйпал ёросъёсты ӝутоно.<br />
Кылсярысь, Балезино, Дэбес,<br />
Кез палъёсын сюресъёссы<br />
туж уродэсь. Балезино<br />
ёросын 5 сюрестӥ тулыс<br />
но сӥзьыл одӥг транспорт<br />
но уз поты.<br />
Александр Бречалов ватсаз<br />
на: быдэс Удмуртиын огвыллемесь<br />
шуг-секытъёс.<br />
Соин ик ми «Типовой муниципалитет»<br />
проект дасяськомы.<br />
Кутӥськомы ёросэз,<br />
чакласькомы, мар отын луыны<br />
кулэ ӟеч улон понна.<br />
Балезино ёрослэн трос луонлыкъёсыз.<br />
Вань уж али кутске<br />
гинэ ай.
Change language