You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2019-тӥ ар 23-тӥ пӧсьтолэзь (июль). Пуксён (вторник)<br />
№ 54 (<strong>25767</strong>) udmdunne.ru<br />
Вань удмуртъёслэн газетсы<br />
Кылдытэмын 1915-тӥ арын 4-тӥ феврале<br />
Боз-боз шуккиське куара,<br />
гурзэ кисьтэ тангыра!<br />
.. ..<br />
..<br />
..<br />
..<br />
..<br />
..<br />
Туспуктӥз Максим ЕГОРОВ<br />
«БиГерд»<br />
«Чеберай марафон»<br />
Тэшкам борддоръёс - пӧйшуръёс<br />
«Малыми» учкисеныз люкиськиз<br />
Мунё театрысь вуоно артист<br />
«ИНДУСТРИЯ»<br />
Sugrifest<br />
«Бабушкин лайфхак»<br />
«Ар кыл»<br />
Проект - офисын<br />
ВЫЛЬ АРТ
РЕДАКТОРЛЭН КЫЛЫЗ<br />
МАРАФОН<br />
2<br />
№ 54 (<strong>25767</strong>)<br />
2019-тӥ ар 23-тӥ пӧсьтолэзь<br />
Мария ЕМЕЛЬЯНОВА<br />
Рок-фест<br />
синвуаськытӥз<br />
Кӧт Kubitz, «Эрӥк»,<br />
«Лемлет сюровал»,<br />
«Дэмдор», bobolenin,<br />
Suomi, Silent Woo<br />
Goore, Garuda, «Малыми».<br />
Мар сярысь<br />
верало тӥледлы та<br />
нимъёс? Туала удмурт<br />
крезьгурез яратӥсьёс<br />
валазы ини, дыр, али<br />
вераськон Шарканын<br />
«Эктоника» улсын ортчем<br />
рок-фестиваль сярысь<br />
мыноз шуыса.<br />
Котькуд группа аслэсьтыз<br />
шоузэ дасяз, учкисьсэ<br />
но, кылзӥсьсэ но шумпоттӥз.<br />
Но мон нимысьтыз «Малыми»<br />
сярысь верасал, удмурт<br />
группаос пӧлысь ӵапак соос<br />
ӝытэз йылпумъязы.<br />
Кожай вал, соос потон<br />
азьын вань калык сцена<br />
дорысь палэнскоз шуыса.<br />
Малы? Кемалась ик ӧвӧл «малымиос»<br />
«Обысай» кырӟанзэс<br />
мерлыко огиназы поттӥзы,<br />
со улысь одӥг ӟеч комментариез<br />
но ӧй адӟы. Кожай, таӵе<br />
крезьгурлы удмурт пельёс<br />
дышемын ӧвӧл шуыса. Но<br />
макем шумпотӥ, куке адӟи,<br />
«Малыми» кырӟаку, сцена<br />
азьын эктыны инты пумен<br />
ичи но ичи кыле шуыса.<br />
Фестиваль азьын ик ветло<br />
ини вал вераськонъёс,<br />
«Малыми» группалэн та<br />
берпуметӥ концертэз луоз<br />
шуыса. Сое мон, берпуметӥ<br />
кырӟанзэс быдэстыкузы<br />
гинэ, валай, лэся. Пеймыт<br />
уй, чузъясько «Томагавк»<br />
кырӟанзылэн нырысетӥ аккордъёсыз,<br />
чиляло сцена вылысь<br />
тылъёс. «Али мар ке<br />
но луоз», - шуо эшъёсы. Азямы<br />
ик кияз ӵындӥсь факелэн<br />
Богдан Анфиногенов, группалэн<br />
солистэз, потэ. Чузъясько<br />
кырӟанлэн нырысетӥ<br />
чуръёсыз: «Ми ваньмы кулом<br />
чынзэ…» Макем эпично!<br />
Мынам мугоры юзыркезьыр<br />
ик луиз. Учкисько<br />
сцена шоры но малпасько:<br />
та группа 2015-тӥ арын<br />
«Шундыкарын» кылдӥз ук.<br />
Соку «малымиос» ӧнерчиос<br />
вал, нош мон - нылпи. Со<br />
нылпи шӧдонъёсы улӟизы<br />
кадь но синъёсысьтым сентиментальносте<br />
пазьгиськиз.<br />
Сылӥсько, синкылиме<br />
ӵушылыса. Ачим уг оскиськы<br />
кадь, ваньмыз зэмзэ шуыса.<br />
- Кызьы ас вакытаз сцена<br />
вылысь Amiso Wott группа<br />
кошкиз, озьы ик дыр вуиз<br />
«Малымилы» ӟеч лу шуыны,<br />
- веразы музыкантъёс.<br />
Оло, «Малыми» проектлэн<br />
йылпумъяськонэз мукетызлы<br />
инъет луоз?<br />
Анастасия ПУШКИНА<br />
Кытчы ышиз «Чеберай»<br />
конкурс? Луоз<br />
на-а со яке уз ни ортчылы?<br />
Та юанъёслы<br />
валэктон удмурт<br />
нылъёс 2014-тӥ арысен<br />
утчало ни. Уго<br />
ӵапак соку Ижкарын<br />
берпуметӥез чеберлыкъя<br />
элькун вожвылъяськон<br />
ортчиз.<br />
Туэ тодмо луиз: шаерамы<br />
выль «Чеберай»<br />
радъяськоз.<br />
Кема возьмам ужрадлы<br />
пӧсьтолэзе кутскон сётӥзы.<br />
Выль конкурс азьлоосызлэсь<br />
трослы висъяськоз. Солы<br />
«Нылкышно творчествоя<br />
«Чеберай» марафон» ним сётэмын.<br />
Проект ар но ӝыны<br />
пала кыстӥськоз. Со дыр куспын<br />
удмурт нылашъёс но<br />
кышномуртъёс понна 3 пумо<br />
ужрад чакламын: Интернет<br />
вожвылъяськон, бизнесэн<br />
герӟаськем дышетон семинаръёс,<br />
собере бадӟым сцена<br />
вылын луоз финал, «Чеберай»<br />
йӧскалык конкурс.<br />
Таӵе бадӟым проектэз<br />
ортчытон понна «Удмурт<br />
Кенеш» огазеяськон Президентлэн<br />
грантъёсъя фондысьтыз<br />
бадӟым грант утыны<br />
быгатӥз. Ужрад элькунысь<br />
Лулчеберетъя но<br />
Йӧскалык политикая министерствоослэн<br />
юрттэменызы<br />
радъяськоз.<br />
ИВОРЪЁС<br />
Этноблогинглы<br />
дышетски<br />
Виолетта АНИСИМОВА<br />
3-тӥ арзэ ни «БиГерд»<br />
форум аслэсьтыз пайдаё<br />
ужзэ радъяз. Туэ<br />
со 27-тӥ-29-тӥ инвожое<br />
Татарстанысь<br />
Мамадыш ёросын<br />
ортчиз.<br />
Форуме, Татарстанысь<br />
сяна, Удмуртиысь но Москваысь<br />
егитъёс пыриськизы.<br />
Таяз арын «БиГерд»<br />
3 ӧръя ужаз: этноблогинг,<br />
творчество но проектъёсты<br />
улонэ пыӵатон.<br />
Мон этноблогингез бырйи,<br />
вылезлы дышетскеме<br />
потӥз. Кӧня тунсыко<br />
адямиосын тодматски,<br />
кӧня интервью басьтӥ!<br />
Тунсыко ик вылэм камераен,<br />
копак проводъёсы<br />
биняськыса, ветлыны.<br />
Форумлы котьку но бадӟым<br />
тау шуэм потэ. Со «тау» кылэз<br />
мон гинэ уг вераськы,<br />
адямиослэсь юалляськыса,<br />
«Чеберай» марафон» огинлэн «ВКонтакте» бамысьтыз<br />
Чебер, визьмо,<br />
амало...<br />
- «Чеберай» марафонэ пырись<br />
ӧръёс нимысьтыз ужрадъёслы<br />
пӧрмыны кулэ, -<br />
валэктӥз проектлэн радъясез<br />
Ксения Широбокова,<br />
- али, кылсярысь, вотэсын<br />
удмурт кылын гожъяськись<br />
нылмуртъёс понна «Инстачеберай»<br />
вожвылъяськон<br />
мынэ ни. Нош куарусёнысен<br />
ми командаенымы ёросъёсы<br />
потаны кутскомы. Котькуд<br />
ёросын ужбергатонлы сӥзем<br />
дышетон семинаръёс ортчытомы.<br />
Гуртысь нылмуртъёсты<br />
бизнесэ нуись сюресъёсын<br />
тодматомы. Озьы ик<br />
валаны луэ, котькудӥзлы<br />
татын тунсыко вал шуыса,<br />
котькудӥз татчы выль тодон-валан<br />
дуре лыктэ.<br />
Асьме лайфхакъёс<br />
Никита СОПРИН<br />
Инвожо толэзе Киясаысь<br />
лулчеберетъя юртын<br />
«Бабушкин лайфхак»<br />
выль видеопроект<br />
усьтӥськиз.<br />
Со удмурт йылолъёсты<br />
но лулчеберетэз утён, азьланьтон<br />
понна малпамын.<br />
Пинал калыклы удмуртлыкез<br />
туала амалъёсын<br />
пыӵатоно, пе. Та проект улсын<br />
вотэс бамъёсын берло<br />
аръёсы туж вӧлмем «лайфхак»<br />
(пайдаё дэмланъёс) но<br />
«бьютивидео» (нылкышноосты<br />
чеберъяськыны дышетон)<br />
амалъёсын видеоос<br />
дасямын луозы. Со сяна,<br />
удмурт, ӟуч, бигер сямйылолъёслы<br />
сӥзем сюжетъёс<br />
поттыны чакламын.<br />
стиль, мода сярысь вераськомы,<br />
вотэсын блог нуыны дышетомы.<br />
Дышетон семинаръёс<br />
ортчытон радын «Чеберай»<br />
конкурслэн финалаз шедён<br />
понна быръёнъёс ортчозы.<br />
Али отборочной этапе пыриськыны<br />
мылкыд карисьёслэсь<br />
вазиськонъёссэс возьмало.<br />
Ужрадэ 18-ысен кутскыса<br />
50 аресозь удмурт чеберайёс-усточиос<br />
пыриськыны<br />
быгатозы. Мукет куронъёсын<br />
«ВКонтакте» огинысь<br />
vk.com/cheberaj_marafon<br />
бамын тодматскыны луэ.<br />
Проектэз быдэсъян Вуж<br />
Сальяын кутскиз. Та гуртын<br />
гинэ ортчылӥсь «Бусы сюан»<br />
йылолэз видеое пуктӥзы ини.<br />
Отын бызьымтэ кышноос, бусые<br />
потыса, удмурт гуръёсты<br />
кырӟало, инкуазь трос емыш<br />
мед сётоз шуыса, куро.<br />
Удмуртъёс -<br />
кизилиос<br />
Мария ЕМЕЛЬЯНОВА<br />
«Финляндия - Россия»<br />
огазеяськонэн ялэм<br />
«Мерлыко вотэсъёсысь<br />
фин-угор кизилиос»<br />
ӵошатсконэ 57 адями<br />
пыриськыны мылкыд<br />
кариз. Соос «Инстаграмын»,<br />
«Ютубын»,<br />
«ВКонтактеын» но<br />
«Фейсбукын» фин-угор<br />
кылъёсын бамъёссэс<br />
нуо.<br />
Конкурс кутскем бере ик<br />
радъясьёс 10 вормисез бырйыны<br />
чаклазы. Но трос<br />
адями пыриськемен, лыд-<br />
Чебераез быръёнъя проект бордын<br />
ужасьёс.<br />
Вотэсысь ик «Инстачеберай»<br />
конкурсэ пыриськись<br />
нылашъёслэсь ужъёссэс но<br />
шедьтыны луоз. Таиз ужрад<br />
Интернетын удмурт кылэз<br />
вӧлмытонлы сӥземын.<br />
Вань мылкыд карись нылашъёс<br />
«ВКонтакте» но «Инстаграм»<br />
огинъёсын 4 пумо<br />
темаосъя мылкыдъёссэс<br />
гожъяло. Интернет конкурс<br />
азьланьтӥське на. Проектэ<br />
али ке но пыриськыны луэ.<br />
Устоосызлы уно кузьымъёс<br />
дасямын.<br />
зэс 13-ёзь будэтӥзы. Вормисьёсты<br />
Финляндиын ортчись<br />
фин-угор Sugrifest фестивале<br />
ӧтёзы, отын соос асьсэ ужзы<br />
сярысь вералозы, бамъёсынызы<br />
тодматозы.<br />
Вормисьёс пӧлын уно удмуртъёс:<br />
Богдан Анфиногенов<br />
(«Удмурт кылбурчи»,<br />
MTV Udmurtia огинъёсты<br />
нуэ), Анастасия Иванова но<br />
Лукерья Шихова («Инстаграмын»<br />
бамъёссэс удмурт кылын<br />
нуо), «Куара» огин (вотэсын<br />
видеоконтент кылдытон<br />
бордын ужа). Радъясьёс<br />
пусъё, удмуртъёс тужгес но<br />
мыло-кыдо вожвылъяськонэ<br />
пыриськизы шуыса. Йылпумъян<br />
лэсьтыны луэ: удмуртъёс<br />
мерлыко вотэс бамъёсын<br />
асьсэ кылынызы вераськыны<br />
уг возьдасько.<br />
Вормисьёс пӧлы карелъёс,<br />
саамъёс, коми-пермякъёс,<br />
поръёс, хантыос, ненецъёс,<br />
мордваос пыризы на.
№ 54 (<strong>25767</strong>)<br />
2019-тӥ ар 23-тӥ пӧсьтолэзь 3<br />
ЗАРНИ ЕГИТЪЁС<br />
Тӥрлыкез - мунё<br />
Дэри ёросысь Илья Акилов актёр луыны дасяське<br />
Мария ЕМЕЛЬЯНОВА<br />
Театр сярысь вераськыку,<br />
тросэзлэн мунё<br />
театр тодазы но уг<br />
лыкты, дыр. Ар талэсь<br />
азьло Дэри ёросысь<br />
Ожмос-Пурга гуртысь<br />
Илья АКИЛОВ но со<br />
сярысь ӧй малпасал.<br />
Нош али пияш Санкт-<br />
Петербургысь сценической<br />
искусствоосъя<br />
театрын дышетске,<br />
азьланяз мунё театрысь<br />
артист луоз.<br />
- Пичи дыръя кин луэмед<br />
потэ вал?<br />
- Зэмзэ ке, 11-тӥ классын<br />
но мон пумозяз уг валаськы<br />
на вал, кин луэме<br />
потэ. Олокытчы но сюлэм<br />
кыстӥськиз. Географиен<br />
дышетӥсь но, нефтяник<br />
но, кылысь кылэ берыктӥсь<br />
но, депутат но, актёр но луэме<br />
потэ вал. Пичи классъёсысен<br />
ик сцена вылэ поталляй,<br />
кырӟалляй. Озьы<br />
«Шундыкар» лагере мыныны<br />
мылкыды лӧптӥз.<br />
«Эстрада» отрядэ вуи но театралъёслы<br />
синмаськи. Весь<br />
вожъяськыса учкылӥ, макем<br />
соос етӥзэсь, шулдыресь.<br />
Соин ик вуоно араз<br />
«Театр» отрядэ куриськонме<br />
келяй - басьтӥзы. Валтӥсь<br />
роль сётӥзы. Валай, та сюлэмыя<br />
шуыса. Нош Санкт-<br />
Петербурге театральное дышетскыны<br />
мыныны луонлыкъёс<br />
вань шуыса, «ВКонактеын»<br />
пукыкум, тодӥ.<br />
Иворъёсты бугыръясько<br />
вал, адӟисько - Ижкарысь<br />
мунё театр целевой курс<br />
бича. Утчано-а, мар-а, пӧй,<br />
конкурсэ пыриськыны. Мон<br />
кожай, лыкто, вераськомы<br />
но - мон студент. Но вуоно<br />
артистъёсты быръён кема<br />
кыстӥськизы. Южтолэзе<br />
театрын ми шоры учкизы,<br />
быгатонлыкъёсмес дунъязы,<br />
янгышъёсмес веразы.<br />
Пӧсьтолэзе нош ик пумиськомы<br />
шуизы. Соку ини мон<br />
проза, басня, кылбур, эктон,<br />
кырӟан дасяй. Со сяна, милемыз,<br />
кыӵе ке арбериез кутыса,<br />
этюд дасяны косӥзы. 12<br />
адямиез бырйизы, пӧлазы<br />
ми - 3 кузя удмуртъёс. Дышетсконмес<br />
йылпумъямы<br />
ке, Ижкарын мунё театрын<br />
ужаломы.<br />
- Мунёосын выремед<br />
вал-а?<br />
- Мунё театре одӥг пол<br />
но ветлэме ӧй вал. Мунё театр<br />
мон понна студень кадь<br />
вал. Тани мама студенез сие,<br />
со сыӵе кӧё, кӧш кадь, нош<br />
солы кельше. Солы сыӵе<br />
сиён яра. Али, будэме бере,<br />
малпасько ини, студень - со<br />
сыӵе ческыт. Эшшо ке нянен,<br />
сугонэн. Озьы ик мынам<br />
мунё театрен но луиз.<br />
Туспуктӥз Максим АГАФОНОВ<br />
Уг тодӥськы вал, мар монэ<br />
вите. Малпалляй, ми котьку<br />
но ширма сьӧрын сыломы,<br />
мукет актёръёс сямен, асьмемыз<br />
сцена вылын возьыны<br />
ум дышетске. Но! Занятиосмы<br />
кутскизы гинэ, мыным<br />
3 нунал интые, ӝыны<br />
ар ортчиз кадь потӥз. Сомында<br />
выльзэ тодӥ. Ӵукна<br />
8 часлы лыктылӥмы, 11 часын<br />
уйин бертылӥмы. Милемлы<br />
тренингъёс ортчытъязы,<br />
мед ми асьмелэсь<br />
пуштросмес кыре поттомы,<br />
асьмелэсь актёр луэммес<br />
шӧдомы шуыса. Мунё театр<br />
- со рос-прос. Трос дышетсконо,<br />
тодоно, валано.<br />
- Кызьы Санкт-<br />
Петербурге вуэмдэ тодад<br />
вайиськод?<br />
- Ижкарысь ми ваньмы<br />
ӵош вырӟимы. Вазь ӵукна<br />
вуимы. Сьӧрамы чемоданъёс,<br />
котомкаос. Мастеръёсмы,<br />
дышетӥсьёсмы, пумитазы<br />
но шуо: «Так, нылъёс,<br />
ми ӧм валалэ, малы тӥ<br />
курадӟиськоды со сумкаосыныды?<br />
Пиосты вань ук, соос<br />
мед юрттозы». Озьы ми олома<br />
мында котырен соланьталань<br />
ветлӥмы. Ярам, нырысь<br />
ик огинъюртэ (общежитие)<br />
пыртӥзы. Ваньзэ<br />
отчы кельтӥмы, шокчыны<br />
но ӧм вуэ, институтэ пӧртэм<br />
справкаос лэсьтыны кошкимы.<br />
Кема дыр ӵоже ми одӥг<br />
сюресъя гинэ ветлылӥмы:<br />
институт - огинъюрт, огинъюрт<br />
- институт. Берло ини<br />
И. Акилов «Шундыкар» лагерьын<br />
кышнояськись пилэсь<br />
рользэ ас вылаз мертаз.<br />
уйпал шоркаренымы пырпочгес<br />
тодматскимы.<br />
- Дышетскон секытэн-а<br />
сётӥське?<br />
- Школаын мон «5»-ёслы<br />
гинэ дышетски. Мыным<br />
капчи вал. Пӧртэм ужрадъёсы<br />
ветлыса, урокъёсты кельтыса,<br />
ваньзэ ас поннам валаны<br />
тыршылӥ. Институтын<br />
но озьы ик. Кыӵе ке предмет<br />
капчиен сётӥське, кыӵеез ке<br />
- секытэн. Ачим бордын занятиос<br />
бере но ужасько. Тани<br />
милям жонглирование вал.<br />
Ноку оскалтылэме но ӧвӧл,<br />
мар со сыӵе. Нырысь воксё<br />
ӧз пӧрмылы. Бертыса вотэсысь<br />
видео учкылӥ, занятиос<br />
вискын быгатонлыкъёсме<br />
волятылӥ. Арня ортчыса,<br />
ӵош дышетскись эшъёсылы<br />
мастер-класс возьматӥ ини,<br />
соос тросэз уг пӧртмытоно на<br />
вал.<br />
Но кужым трос быре.<br />
Ми быдэс нуналъёсын институтын.<br />
Уйлы пумит<br />
бертӥськомы, дорысь уж<br />
лэсьтӥськомы. Мон аслым<br />
пайми зачётъёс дыръя.<br />
Созэ-тазэ лэсьтӥськод,<br />
бызьылӥськод, адӟытонъёс,<br />
пичи спектакльёс дасяськод<br />
но малпаськод: ӝоген та<br />
ваньмыз быроз ини, чида.<br />
Тани тон сессидэ ворсад.<br />
Пызьыртӥзы кадь тонэ. Номыр<br />
каремед но, малпамед<br />
но уг поты. Шумпотэм интые,<br />
кыллиськод, вӧлдэтэ<br />
учкыса. Умме усиськод, сайкаськод,<br />
нош султэмед уг<br />
луы на. Амёба кадь. Азьло<br />
мон ноку асме озьы ӧй<br />
шӧдылы.<br />
Милемлы шуо: «Эн жалялэ<br />
асьтэдыз!» Висьыны но уг<br />
яра, висеменыды сэрен этюддэс<br />
возьматытэк кельтӥды<br />
ке, пе, со тӥляд проблемады.<br />
Со шонер, дыр, нёрыса ветлоно<br />
ӧвӧл. Огпол институтмы<br />
карантин калын вал. Ӝыны<br />
группамы гриппен висе ини,<br />
параосы уг ветло. Мастермы<br />
Александр Стависский пыриз,<br />
шорамы учке. «Так. Кытын<br />
ваньзы? Дежурноесь-а<br />
мар-а?» Ми шыпыт вераськомы<br />
ини: «Висё соос». Мар<br />
меда али луоз, охо... Мастермы<br />
пукон вылэ пуксиз. Номыр<br />
уг вера. Шорамы учке,<br />
мынэ ай тӥ бертэ, пе. Ми но<br />
таӵеезлы ӧм ик оске. Кызьы<br />
озьы милемыз лэзизы? Сыӵе<br />
зол куронъёс азямы пукто ке<br />
но, ярам, куд-ог дыръя жаляло<br />
но.<br />
- Иське дышетӥсьёсты<br />
шутэтскыны маза уг<br />
сёто?<br />
- Котькыӵеез пӧлазы<br />
вань. Милям факультетмы<br />
1960-тӥ аръёсы кылдӥз. Но<br />
вань дышетӥсьёс, кудъёсызлы<br />
али 80-90 ар пала. Соосын<br />
кусып кылдытыны секыт.<br />
Но куке валаськод, соос<br />
пыр сомында адями ортчемын<br />
ини шуыса, кӧнязэ соос<br />
визьнодазы, данъяськыны<br />
кутскиськод, тыныд но соосты<br />
кылзыны шуд усиз шуыса.<br />
Занятиосын янгыш лэсьтыны<br />
кышкаськод. Но луыло<br />
сыӵе вакытъёс, ку милям<br />
соосын улон шоры учконмы<br />
уг тупа, соку споръяськыны<br />
но быгатӥськомы.<br />
Валтӥсь мастермы юн<br />
дышетэ. Александр Стависский<br />
трос тодон-валан,<br />
быгатонлык милем сётыны<br />
тырше. Со, мунё театрлы<br />
артистъёсты сяна, киноын<br />
шудӥсь актёръёсты<br />
но милесьтым пӧрмытыны<br />
выре. Азьямы трос ӧсъёс<br />
усьтӥськозы шуыса, оске.<br />
Валэктӥз, ужмы учкисьлы<br />
но, асьмелы но тунсыко луыны<br />
кулэ шуыса.<br />
- Дышетсконды кутскем<br />
бере ик-а мунё кияды<br />
кутӥды?<br />
- Ӧм. Азьло милем суредъёс<br />
возьматъязы. Тани, пе,<br />
таӵе мунёос луыны быгато.<br />
Собере адӟытонъёсысь чебер<br />
куклаос шоры синмаськыса<br />
учкылӥмы. Дышетӥсьёсмы<br />
шуизы: нош табере асьтэлы<br />
кукла лэсьтоды. Со понна<br />
милям вал нимысьтыз предмет.<br />
Папье-машелэсь, гипслэсь<br />
йыръёс лэсьтылӥмы,<br />
мугорзэс вурылӥмы. Дась<br />
куклаез сыӵе буям потэ!<br />
Нош милемыз серекъяло, та<br />
тӧдьы чылкыт мунёосыныды<br />
гинэ, пе, быдэс ар ужалоды.<br />
Ми быдэн 2 кукла озьы<br />
лэсьтӥмы. Огез - паллян ки<br />
вылэ, мукетыз - бураз.<br />
Этюдъёслы ми со куклаосмес<br />
нимысьтыз дасяськомы,<br />
реквизит но асьмеос<br />
лэсьтӥськомы. Тани мон<br />
возьматъяй, кызьы мунё<br />
шырчик уморто лэсьтэ. Пичи<br />
молотэз но, умортоез но ачим<br />
быдэстӥ.<br />
Котькуд курсын ми<br />
пӧртэм мунёосын ужаломы.<br />
Туэ перчатки выллем куклаен<br />
выримы, со ки вылэ<br />
дӥсяське. 2-тӥ курсын вӧзаз<br />
гапит кукла вадьсаськоз на.<br />
Со перчаточноезлы тупа, но<br />
ки вылэ уг дӥсяськы, солэсь<br />
йырзэ, киоссэ кыскаса выретоно.<br />
Собере гинэ милемлы марионеткаосын<br />
шудыны шуд<br />
усёз. Шуд яке курадӟон со<br />
луоз, адӟом ини.<br />
- Нош маин драматической<br />
актёрлэн но мунё театрын<br />
шудӥсь актёрлэн<br />
дышетсконзы висъяське?<br />
- Дышетсконын трос ик<br />
пӧртэмез ӧвӧл. Ми соос кадь<br />
ик фехтованилы, эктыны,<br />
сцена вылын шудыны дышетскиськом.<br />
Но соослы куронъёс<br />
тросгес. Мон показазы<br />
вуылӥ, мар но уг даурто!<br />
Кесясько, чупасько!<br />
Мон шуысал 1-тӥ курсысен<br />
ик пӧртэм факультетъёсысь<br />
студентъёслэн пӧртэм сямъёссы<br />
луо. «Драмаос» йырзэс<br />
вылӥе ӝутыса ветло, асэнызы<br />
данъясько ини, но соос<br />
студентъёс гинэ ай ук! Нош<br />
милемыз пуштрос сярысь<br />
юнгес малпаськыны косо,<br />
соин ик, оло, ми востэмесьгес<br />
адӟиськиськомы. Мунё пыр<br />
ми мур философиез возьматыны<br />
кулэ, со туж ик капчи<br />
ӧвӧл.<br />
- Тодмо актёръёс ӵем<br />
верало, театрын учкисьлэн<br />
мылкыдэныз пыӵало<br />
шуыса. Нош кызьы мунё<br />
театрын артист учкисез<br />
шӧдыны кулэ? Тӥ калыкез<br />
уд адӟиське ук, ширма<br />
сьӧрын сылӥськоды.<br />
- Милям учкись но актёр<br />
вискы мунё чуртнаське на.<br />
Но со ик герӟет но луэ. Мунёлы<br />
тон аслэсьтыд мылкыддэ<br />
сётӥськод, нош мунё сое учкисьлы<br />
возьматэ ини. Милемыз<br />
пельёсты сак возьыны<br />
косо, уго куарая гинэ валаськод,<br />
мар али залын. Адямиос<br />
серекъяло ке - умой. Мур<br />
малпаськыса шып-шып пуко<br />
ке - умой. Но ваньмыз со дырыз<br />
дыръя луыны кулэ.
КРЕЗЬГУРО ФЕСТИВАЛЬ<br />
4<br />
№ 54 (<strong>25767</strong>)<br />
2019-тӥ ар 23-тӥ пӧсьтолэзь<br />
№ 54 (<strong>25767</strong>)<br />
2019-тӥ ар 23-тӥ пӧсьтолэзь<br />
5<br />
«Тангыра» куноосты ӧтча<br />
Богдан АНФИНОГЕНОВ,<br />
Алина ЧЕРНОВА<br />
Вашкала удмуртъёс, тангырае жугыса, Инмарлы вазиськылӥзы,<br />
пӧртэм учыръёс сярысь, кылсярысь, тылпу потэм сярысь,<br />
ивортылӥзы. Нош туала «Тангыра» анай кылынызы кырӟась рокгруппаосты,<br />
рэп но поп быдэстӥсьёсты Ижкаре ӧтчалоз. Фестивале<br />
Удмуртиысь, Башкириысь, Марий Элысь, Мордовиысь, Чувашиысь,<br />
Татарстанысь артистъёс пыриськозы.<br />
МОRТ (Удмуртия)<br />
Аслыз кушем ним бырйыкуз,<br />
Алексей Пикулев<br />
вакчи но меӵ удмурт<br />
кыл утчаз. «Мурт» кыллэн<br />
2 пуштросэз: огласянь,<br />
со адями, мукет ласянь,<br />
ӟуч сямен вераса,<br />
«чужой». Алексейлэн «чужой»<br />
луэмез ӧз поты, соин<br />
ик та кыллэсь вашкала<br />
туссэ бырйиз, МОRТ луиз.<br />
Удмурт эстрадаын аслаз<br />
творчествоеныз висъяське,<br />
крезьгуро дуннеямы<br />
рэп но хип-хоп жанръёсты<br />
пыртэ. Бадӟым саклык<br />
висъя кырӟанлэн пуштросэзлы, кылбур крезьгурен огъя суред<br />
кылдытыны кулэ, шуэ. Азьло МОRТ-лэн творчествоез<br />
философской, малпаськытӥсь текстъёсын тырмемын вал,<br />
али со дуннеысь трендъёслы матынгес луыны выре: поп<br />
жанр пала берыктӥське. Озьы кырӟанъёсыз тросгес адямилы<br />
тунсыко потыны кутскизы. Алексейлэн возьматэмез<br />
потэ, удмурт крезьгур быдэс дуннеысь крезьгур модалэсь<br />
бере уг кыльы шуыса.<br />
bobolenin (Удмуртия)<br />
bobolenin - 11-тӥ классын дышетскись<br />
пияшлэн йыраз кылдэм кыл. Со огазеяз<br />
малпанъёссэ, но нокыӵе пуштросэн ӧз<br />
тырмылы. Али та кылын ассэ быдэс рокгруппа<br />
нима, солэн азьветлӥсез - Кирилл<br />
Кириллов. Валтӥсь вормонзы - группаын<br />
но, кылзӥсьёс пӧлын но эшлыко омыр.<br />
Крезьгурзылэн шӧмыз сярысь малпаськыны<br />
кутскид ке, соку ик тодад ваёд Сиэтлысь<br />
гранжез но «Нирвана» группаез.<br />
«Зэмзэ ке, ми малпаськомы, музыкантъёс<br />
сярысь трос вераськыны кулэ<br />
ӧвӧл шуыса, соосты кылзоно, - верало<br />
bobolenin-ёс. - Соин ик крезьгурмы сярысь<br />
тӥ тросгес валалоды, милемыз<br />
улэпкын кылзӥды ке».<br />
Катерина Кенjали (Удмуртия)<br />
Екатерина Самоделко<br />
Кенjали кушем нимзэ тазьы<br />
валэктэ: «Мон ас поннам<br />
кытын ке турын пӧлын,<br />
кенӟали сямен, ватӥськыса<br />
улӥсько, кырӟан гожъясько,<br />
берло ини кылзӥсьме<br />
паймытӥсько». Зэм но, Катерина<br />
сцена вылэ ӵем ик уг<br />
пота, соин ик котькуд концертэз<br />
учкисезлы дуно луэ.<br />
Солэн кырӟанъёсаз удмурт<br />
фольклорез но буддистъёслэсь мотивъёссэс шӧдыны луэ. Творчествозэ<br />
Катерина импровизация шуэ: «Кылзӥсьёсылы кельше,<br />
куке мон сцена вылын куараеным шудыны кутскисько».<br />
Ольга Ипатова (Удмуртия)<br />
Оля вордӥськиз Юкаменск<br />
ёросын. Удмурт кылын<br />
уг ке но вераськы,<br />
сюлмыз кырӟаны удмурт<br />
сямен куриське. Со сярысь<br />
тросэз тодӥзы 2014-<br />
тӥ арын «Элькуновидение»<br />
вожвылъяськонэ пыриськемез<br />
бере. Отын нылаш<br />
«Кӧня пол» кырӟанзэ<br />
быдэстӥз. Капчи мылкыдо<br />
шулдыр гур егитъёслэн<br />
йыръёсазы пыриз. Собере<br />
Оля «Эктоника» проектэн ӵош кӧня ке кырӟанзэ гожтӥз<br />
на. Берло вакытэ MORT-эн ӵош кырӟалля.<br />
Евгения Аркова (Удмуртия)<br />
Женя Удмурт кун<br />
университетысь Удмурт<br />
кылосбуръя, финно-угроведениея<br />
но<br />
журналистикая институтын<br />
дышетске. Школаысен<br />
ик сцена вылысь<br />
ӧз кошкылы.<br />
2016-тӥ арын «Шунды»<br />
огазеяськонлэн<br />
«Куарагур» вожвылъяськоназ<br />
пыриськиз,<br />
со нылашлы аслэсьтыз<br />
кырӟанзэ гожтыны луонлык<br />
сётӥз. Женялэн<br />
ненег куараез но лэйкатӥсь гуръёсыз капчи, романтичной<br />
мылкыд кылдыто.<br />
2018-тӥ арын Женя «Мисс студенчества финноугрии»<br />
вожвылъяськонын вормиз, отын жюриез удмурт<br />
сям-йылолъёсты ӟеч тодэменыз, чебер кырӟаменыз<br />
паймытӥз.<br />
Богдан Анфиногенов (Удмуртия)<br />
Богдан Анфиногенов<br />
аслаз быгатонлыкъёсыныз<br />
котыр ласянь ушъяськыны<br />
быгатэ. Финляндиысь<br />
М. Кастрен нимо<br />
обществолэн литературая<br />
премиезлэн лауреатэз<br />
луиз, «Айшет будущего»<br />
кылбур бичетсэ поттӥз.<br />
Вотэс бамъёсын MTV<br />
Udmurtia, «Удмурт кылбурчи»<br />
огинъёсты нуэ.<br />
Amiso Wott, «Малыми»<br />
удмурт рок-группаосын кырӟалляз. Со сяна, аслаз но 2<br />
бадӟым крезьгуро проектэз вань. Россиын но быдэс дуннеын<br />
тодмо кырӟанъёсты удмурт сямен Ullapalla Boy кушем нимын<br />
быдэсъя. Нош Мурӝол Underground проектэз удмурт<br />
хип-хоплы сӥземын.<br />
Shoner Paul (Татарстан)<br />
Павел Александров -<br />
Татарстанысь Бавлы ёросын<br />
вордӥськем удмурт<br />
пияш. Йылпумъяз Альметьевскысь<br />
Ф. Яруллин<br />
нимо крезьгуро училищеез,<br />
Казаньысь Н. Жиганов<br />
нимо консерваториез.<br />
Нырысьсэ Паша аслэсьтыз<br />
кырӟанзэ 2013-тӥ арын<br />
«Эль ныл» фестивальын<br />
быдэстӥз. 2017-тӥ арын<br />
ӧжыт лыдъем калыкъёслэн «Евровидениязы» 3-тӥ инты<br />
басьтӥз «Ваньмыз ортче» кырӟанэныз. Кырӟанъёссэ гожтыкуз,<br />
пӧртэм крезьгуро стильёсты кутэ: транс, world music, этнопоп,<br />
огазея соосты удмурт калык гуръёсын. Кырӟанъёсаз<br />
бавлы диалектысь кылъёсты пыртэ. Нош Shoner Paul ассэ<br />
нима, малы ке шуоно озьы ас вакытаз песятайзэ шуо вылэм.<br />
«Аргымак» (Башкирия)<br />
Группа 2009-тӥ арын Башкир филармониын<br />
кылдӥз. Репертуараз пӧртэм<br />
амалъёсын быдэстэм башкир калык<br />
кырӟанъёс, гуръёс, кубаиръёс (башкир<br />
кылбуретлэн жанрез), эпосъёс, легендаос.<br />
Сцена вылын башкир крезьгуро инструментъёсын:<br />
кураен, думбыраен, кубызэн,<br />
кыл-кубызэн - валче гитараос,<br />
барабанъёс шудо. Пӧртэм элькунъёсы<br />
концертъёсын потаса, группаын шудӥсь<br />
воргоронъёс аспӧртэм крезьгуро инструментъёсын<br />
тодматскизы, берло асьсэ<br />
концертъёсазы но соосты кутӥзы. «Аргымак»<br />
быдэс дуннелы тодмо ини: Россиын<br />
сяна, со Великобританиын, Германиын,<br />
Франциын, Чехиын, Австриын, Испаниын, Турциын, Казахстанын но мукет<br />
кунъёсын концертъёс сётъя.<br />
OYME (Мордовия)<br />
Эрзя кылысь берыктыса<br />
ойме - со лул. Группа 2011-тӥ<br />
арын кылдӥз. Крезьгурзэ электрофолк,<br />
арт-рок но world music<br />
амалъёсын шудэ. Группалэн<br />
азьветлӥсез но кырӟасез - Ежевика<br />
Спиркина.<br />
OYME, калыккуспо фестивальёсы<br />
пыриськылыса,<br />
туж ӝог тодмо луиз. Кылсярысь,<br />
вуылӥз «WOMAD», «Дикая<br />
мята», «Сотворение мира»,<br />
«Движение» фестивальёсы.<br />
Эрзяослэн но мокшаослэн крезьгур фольклорзы вылэ пыкиськыса, группаысь<br />
крезьгурчиос котьку но мар ке выльзэ кылдыто, пӧртэм стильёсты куто.<br />
Со сяна, OYME эрзяослэсь но мокшаослэсь сям-йылолъёссэс, возь выл шудонъёссэс<br />
возьматэ на. Та сям-йылолъёсты группаысь шудӥсьёс, экспедициосы<br />
потаса, люкало, вашкала фольклорлэсь улонзэ азьланьто.<br />
«ЯлАр» (Чувашия)<br />
Чебоксарыысь «ЯлАр» группалэн<br />
кылдытӥсез - Николай Пыркин. Солэн кемалась<br />
потэ вал ини крезьгурлэсь пӧртэм<br />
ӧръёссэ, пӧртэм инструментъёсты, кылъёсты<br />
огазеямез.<br />
2014-тӥ арысен со малпанзэ зэматыны<br />
басьтӥськиз. Баян но электрогитара, чуваш<br />
гуръёс но рок, блюз, heavy metal - тани<br />
мар со «ЯлАр». Группалэн нимыз 2 кыллэсь<br />
пӧрме: ял - гурт, ар - воргорон. Озьы крезьгурчиос<br />
пусъё, соос гуртысь потэмын шуыса.<br />
Асьсэ кырӟанъёссэс, чуваш калык гуръёсты<br />
но чуваш эстрадаысь кырӟанъёсты,<br />
ӟуч группаослы каверъёсты быдэсъяло.<br />
Baradj (Татарстан)<br />
Baradj метал группа<br />
вордӥськиз Татарстанысь Елабугаын<br />
2003-тӥ арын. Группалэн<br />
аспӧртэм шӧмыз - вашкала булгар<br />
калыклэн мотивъёсыз бордысь.<br />
Крезьгурчиос таӵе жанръёсты<br />
куто: progressive metal,<br />
art metal, post metal, death metal,<br />
ambient metal, post-rock. Кырӟан<br />
гожтыкузы, бигеръёслэн мифолологизы<br />
вылэ ӵемысь пыкъясько.<br />
Группаын шудӥсьёс творчествозы<br />
пыр егит бигеръёсты выжыосынызы<br />
тодматыны тыршо. Ас<br />
жанрзэс bulgar folk metal нимало. 2005-тӥ арысен кутскыса, группа бӧрсьысь бӧрсе концертъёс<br />
сётъя. Али 4 адями гинэ шудэ ке но, оглом группаязы 12 адями шудыны вуиз.<br />
Ondrei (Карелия)<br />
Карел театрысь артист<br />
Андрей Горшков Олонец<br />
карын вордӥськиз. Пичи<br />
дырысеныз семьяяз ӟуч<br />
но карел кылъёсын вераське.<br />
Анай кылыныз<br />
рэп лыдӟе. Нырысетӥ<br />
альбомез - «Karelication» -<br />
югыт дуннеез адӟиз ини.<br />
Соин Андрей Карелиетӥ<br />
но Финляндиетӥ гастрольёсын<br />
ветлӥз.<br />
Альбомез копак карел кылын. Вашкалазэ но туалазэ,<br />
пӧртэм крезьгуро инструментъёсты кутыса, огазеяз. Озьы<br />
кырӟанъёсысьтыз кылыны луэ гитараез, удмурт крезь<br />
тусъем кантелеез, кубызлы укшась йоухиккоез но крезьгур<br />
поттӥсь бычкыез (пила). Кырӟанъёсаз сюлмаськытӥсь юанъёсты<br />
ӝутэ, «Калевала» эпоссы вылэ но ӵем пыкъяськылэ.<br />
«КУАТ» (Марий Эл)<br />
Пор кылысь берыктыса<br />
куат - со кужым. Группа<br />
Йошкар-Олаын кылдэмын.<br />
Отын кырӟа Марина Садова<br />
- ӧжыт лыдъем калыкъёслэн<br />
«Евровидениязы» пыриськем<br />
пор ныл. «КУАТ»-лэн<br />
крезьгурез - аутентичной,<br />
вашкала пор кырӟанъёсты<br />
пӧртэм стильёсын быдэстонэн<br />
герӟаськемын. Мариналэн<br />
яркыт чылкыт куараез<br />
но калык крезьгуро инструментъёс<br />
контрабаслэн тулкымъёсыныз<br />
пӧлэстӥсько.<br />
Ӵемысь «КУАТ»-лэн крезьгуръёсаз гитарной фингер-стайл но кутӥське, ӵапак<br />
со ик та группалы аспӧртэм шӧм пыртэ. Удмурт учкисьёслы группа «Палэзян»<br />
фестивале пыриськеменыз тодмо. Со сяна, поръёс Эстониетӥ бадӟым турен<br />
ветлӥзы.<br />
Егитъёслэн этнокультуразылы<br />
сӥзем «Тангыра» фестиваль<br />
Ижысь Киров нимо паркысь<br />
фан-зонаын 9-тӥ гудырикошконэ<br />
ортчоз. Со улсын этнофутуристической<br />
перформансъёс,<br />
кино адӟытонъёс, мастер-классъёс<br />
радъяськозы. (12+)
ВЫЛЬ АРТ<br />
6<br />
№ 54 (<strong>25767</strong>)<br />
2019-тӥ ар 23-тӥ пӧсьтолэзь<br />
Ченгешонъёстэк<br />
искусство мӧзмыт<br />
Ижысь культураез азинтӥсьёслэн фестивальзы огыр-бугыр ортчиз<br />
Виктория КРАМОВА<br />
29-тӥ июне Ижысь Суредаськон<br />
искусствоосъя<br />
музейлэн азбараз<br />
выль искусствоен<br />
тодматӥзы Ижысь<br />
Егитъёслэн информационно-ресурсной<br />
центрзылэн (МИРЦ)<br />
Арт-резиденцияз ужасьёс.<br />
Кызьы дунъяно?<br />
Novart фестиваль 3-тӥзэ<br />
ортчиз. Туэ радъясьёс, туала<br />
искусствоысь пӧртэм<br />
ӧръёссэ возьматэм сяна, сое<br />
азинтӥсь адямиосты премиен<br />
пусйизы. Премиез басьтыны<br />
оглом 150 пала заявка<br />
вуиз. Соосты нырысь ик<br />
эскериз жюри: Анна Вардугина<br />
журналист, Алексей<br />
Старков культуртрегер, Анфим<br />
Ханыкин суредась но<br />
Суредаськон искусствоосъя<br />
музейлэн кивалтӥсез Вера<br />
Вахрушева. Соос номинантъёсты<br />
веразы, нош вормисез<br />
«ВКонтакте» вотэс бамын<br />
калык бырйиз. Озьы фестиваль<br />
дыръя ӟечкылазы устооссэ<br />
музыкантъёсты, актёръёсты,<br />
продюсерез, суредаськисез,<br />
дизайнерез, кураторез,<br />
пусъемын вал калыклы<br />
тужгес кельшем клип,<br />
кырӟан, спектакль, книга,<br />
фотопроект но мукетыз.<br />
Вормисьёслы Ижысь пӧртэм<br />
Туспуктӥз Руслан ХИСАМУТДИНОВ<br />
компаниос, фестивальлэн<br />
эшъёсыз, сертификатъёссэс<br />
кузьмазы.<br />
Премиез радъясьёслэн<br />
верамзыя, искусствоез<br />
дунъяны капчи ӧвӧл.<br />
Али котькудӥз ас сяменыз<br />
ужа, соин соосты кызьы<br />
ӵошатыны ӟудоно. Соин<br />
премилэн валтӥсез ужпумез<br />
- Ижысь пӧртэм проектъёс,<br />
ужрадъёс пӧлысь тунсыкозэ,<br />
выль шӧмозэ, мур пуштросозэ<br />
синйылтыны но со<br />
сярысь иворез вӧлмытыны.<br />
Пьесаын улонэз<br />
возьматоно<br />
12 часысен азбарын лекторий<br />
ужаны кутскиз. Татын<br />
Ижысь пӧртэм удысъёсысь<br />
экспертъёс кенешизы,<br />
маин уло туала театр,<br />
литература, искусство, журналистика,<br />
мода но мукетыз.<br />
Соос ар ӵоже ортчем<br />
ужрадъёслы дунъет сётӥзы.<br />
Пӧлазы вал палэнысь вуэм<br />
куноос но, кылсярысь, туала<br />
театр но драматургия сярысь<br />
малпанъёссэ шараяз<br />
Екатеринбургысь егит драматург<br />
Маша Конторович.<br />
25 аресказ М. Конторович<br />
ӟуч драматургиын яркыт<br />
воректӥз ини: пьесаоссэ<br />
сцена вылын пукто, соосты<br />
пӧртэм фестивальёсын<br />
пусйытэк уг кельто. Ачиз<br />
со Екатеринбургысь театральной<br />
институтысь Николай<br />
Колядалэн - тодмо<br />
драматурглэн - курсаз дышетскиз,<br />
сое 2016-тӥ арын<br />
йылпумъяз. Али со Россиысь<br />
пӧртэм каръёсы «12 часов<br />
с драматургом» проектэныз<br />
вуылэ. Иже со Novart<br />
азьын вуиз, 12 час ӵоже<br />
12 адямиез пьеса гожъяны<br />
дышетӥз. Ӵукнаысен уёзь<br />
ужаса, вань дышетскисьёсыз<br />
быдэн пьеса гожтӥзы.<br />
Фестиваль дыръя произведениоссэс<br />
шара лыдӟизы<br />
егитъёслэн «Догма» театральной<br />
группировкаысьтызы<br />
актёръёс.<br />
Д. Коротаев фестиваль дыръя<br />
«Из разных рулонов» суред<br />
лэсьтӥз.<br />
М. Конторович верамъя,<br />
пьеса гожтыны котькудӥз<br />
быгатоз. Сое гожтыны трос<br />
дыр но кулэ ӧвӧл, пе, угось<br />
со - луллэн кеськемез кадь.<br />
Кема малпаськыса, визьмогес<br />
гожъяны тыршыса пукид<br />
ке, номыр уз пӧрмы. М. Конторович<br />
котькудӥзлы улонысьтыз<br />
кыӵе ке висьытӥсь<br />
учырез, секыт вакытэз, йырин-чукин<br />
берыктӥсь мылкыдэз<br />
тодаз вайыны косӥз.<br />
Сое, йырын бергатыса, пьесаын<br />
возьматыны ӵектӥз:<br />
озьы, пе, оскымон диалогъёс<br />
пӧрмозы, пьеса улонлы матын<br />
луоз. Озьы пьеса гожтон<br />
уж огдыре психотерапилы<br />
но пӧрмиз.<br />
Зорен перформанс<br />
Фестивальын учкыны<br />
луиз художникъёслэсь<br />
ужамзэс. Кылсярысь, ульчаосын<br />
суредаськись Дмитрий<br />
Коротаев борддор вылэ обойёслэсь<br />
«Из разных рулонов»<br />
суред кылдытӥз. Дмитрий<br />
Ашихмин Анастасия Шумиловалэсь<br />
«Постудмуртъёс»<br />
кылбурзэ каллиграфия амалэн<br />
борддор вылэ гожтӥз.<br />
Нош Максим Пайп суредаськись<br />
«Купание в ижевском<br />
пруду в пять утра» перформанс<br />
ортчытӥз. Дауртэмез-выремез<br />
дыръя жаль зорыны<br />
кутскиз - учкисьёс но<br />
пыласькытэк ӧз кошке.<br />
Уйшорозь сцена вылэ потазы<br />
Ижысь егитъёслэн<br />
группаоссы. Соос пӧртэм<br />
крезьгур шудӥзы, ваньзы<br />
учкисьёсты-кылзӥсьёсты маин<br />
ке паймытыны тыршыса.<br />
Музейлы матын со вакытэ<br />
бадӟым «Сити-фестын» быдэс<br />
Россилы тодмо группаос<br />
шудӥзы ке но, Novart-ын учкисьёс<br />
ӧз ышылэ.<br />
Тросэз яркыт дӥсен, ворекъясь<br />
ымныръёсын вал -<br />
«Арт-резиденциысь» художникъёс<br />
фестивалез «Зазеркалье»<br />
дуннелы тупась карыны<br />
тыршизы. Оглом фестиваль<br />
но сыӵе ик вал - яркыт,<br />
огыр-бугыр, ворекъясь.<br />
Тросэзлэн кӧтыз ӝож луиз<br />
премия пумысен, фестиваль<br />
ортчем бере споръяськонъёс<br />
пурӟылӥзы. Но искусство<br />
бугыръяськытэк улыны уг<br />
быгаты, ченгешонъёстэк но<br />
со мӧзме. Нош Novart фестиваль<br />
но премия - Ижез<br />
но солэсь улонзэ, татысь калыкез,<br />
туала вакытэз валан<br />
понна эшшо одӥгез вамыш.<br />
ВЫЛЬ ТУС<br />
Кулэ-а Ижкарлы дизайн?<br />
Виктория КРАМОВА<br />
13-тӥ-14-тӥ июле Ижкарысь<br />
дизайнеръёс но<br />
иллюстраторъёс люкаськизы<br />
Туала драматургияя<br />
но режиссурая<br />
центре (ЦСДР).<br />
Татын ортчиз «Индустрия»<br />
маркет.<br />
Тулыспалэ Ижысь дизайнеръёс<br />
- Анатолий Шабалин,<br />
Артём Никитин, Данил<br />
Осипов но мукетъёсыз - татын<br />
ик «Индустрия» адӟытон<br />
ортчытӥзы вал. Отын Ижкарлы,<br />
солэн историезлы,<br />
промышленностезлы сӥзем<br />
пӧртэм ужъёссы: плакатъёс,<br />
инсталляциос, туспуктэмъёс<br />
- люкамын вал. Со сяна,<br />
адӟытонэ пыриськем дизайнеръёс<br />
дасязы аспӧртэм<br />
шрифтъёс. Соосын нимысьтыз<br />
книга дасязы, отын «индустрия»<br />
кыл ог 30 пӧртэм<br />
шрифтэн гожтэмын.<br />
Толалтэ адӟытон улсын<br />
пӧртэм ужрадъёс ортчизы<br />
на, огез соос пӧлысь - Ижын<br />
улӥсь но Ижысь кошкем дизайнеръёс<br />
куспын вераськон-тэкшерон.<br />
Кенешизы:<br />
вань-а Ижкарын дизайн но<br />
кулэ-а со кинлы ке? Кылсярысь,<br />
огез дизайнер выставкалы<br />
Ижысь йӧл поттӥсь<br />
брендлы выль тузӥ логотип<br />
дасяз - нош сое тазьы ужамез<br />
понна судэн кышкатӥзы.<br />
Со дыре ик дизайнеръёслэн<br />
быгатонлыкъёссы бордысь<br />
потэ Ижкарлэн тусэз, промышленностьлэн,<br />
ужбергатонлэн<br />
азинскемзы. Тае асьмеос<br />
валаны кулэ на.<br />
«Индустриялэн» одӥгез<br />
ужпумез вал, дизайнеръёсты<br />
люкаса, соосты ог-огенызы<br />
тодматыны, творческой сообщество<br />
кылдытыны. Ужзэс<br />
азьланьтӥзы - гужем дизайнеръёс<br />
нош ик люкаськизы<br />
ужъёсынызы тодматыны.<br />
Талэсь азьло Артём Никитин<br />
ЦСДР-лы выль стиль суредаз,<br />
нош Данил Осипов июнь<br />
ӵоже ЦСДР-лэсь азбарзэ чебермаз.<br />
Та интыез конюшня<br />
шуо на бере, борддоръёс<br />
вылын валъёс но кылдӥзы.<br />
Вашкала тусо Генерал юрт<br />
(солэн огаз флигеляз интыяське<br />
ЦСДР) вылын туала<br />
дизайн аспӧртэм адӟиське.<br />
«Индустрия» маркетын<br />
дизайнеръёс ужъёсынызы<br />
тодматӥзы, чыры-пыры арбериосын<br />
вуз каризы. Татын<br />
басьтыны луэ вал значокъёс,<br />
открыткаос, плакатъёс, сумкаос<br />
но мукет. Со сяна, маркет<br />
улсын мастер-классъёс,<br />
лекциос ортчизы. А. Никитин<br />
но Д. Осипов вуж дӥсез<br />
принтъёсын выльдыны<br />
юрттӥзы. Татьяна Лобоваен<br />
ӵош открыткаос лэсьтыны<br />
дышетӥзы. Калык азбарын<br />
суредаськиз, йогаен выриз,<br />
хип-хоп эктӥз, книга лыдӟиз,<br />
чай юиз.<br />
Маркет йылпумъяськиз<br />
Kӧt Kubitz группалэн концертэныз<br />
но Никита Сморкаловлэн<br />
Ижысь электронной<br />
крезьгур сярысь Izhwave<br />
киноеныз.
№ 54 (<strong>25767</strong>)<br />
2019-тӥ ар 23-тӥ пӧсьтолэзь 7<br />
ПРОЕКТЪЁСЫН УЖАН<br />
Дэмланъёсты<br />
люкалоз офис<br />
Мария ЕМЕЛЬЯНОВА<br />
Проект гожтыса,<br />
пӧртэм малпанъёсты<br />
улонэ пыӵатыны<br />
луэ. Со понна егитъёслы<br />
«iВолга», «Таврида»,<br />
«Территория<br />
смыслов» форумъёс<br />
радъяськыло, фондъёс<br />
коньдон висъяло.<br />
Пичи Пургаысь<br />
журналист Анна Павлова<br />
йырыныз зымиз<br />
проектъёсын ужанэ.<br />
Малпанъёсаз - ёросаз<br />
проектной офис усьтон.<br />
Отчы егитъёс но,<br />
арлыдоос но вазиськыны<br />
быгатозы.<br />
- Кызьы тӥ дунъяськоды<br />
туала улонын проектированилэсь<br />
кулэлыксэ?<br />
- Мон 15 ар журналистын<br />
ужасько ни бере, котьку<br />
но трос адямиосын кусып<br />
возьыса улӥ. Ивор - со<br />
нырысь ик адямилэн ужез,<br />
малпанэз, быгатонлыкъёсыз,<br />
шугъяськонъёсыз.<br />
Адӟисько, туннэ нуналлы<br />
улонэз капчи но ӟеч карон<br />
понна котыр ласянь трос луонлыкъёс<br />
вань шуыса. Тани<br />
гуртоослэн вань интыысь<br />
аскивалтон сярысь законзы.<br />
Солэсь нимзэ лыдӟыса ик<br />
валаны луэ, гурт калык огазеяськыса,<br />
пӧртэм малпанъёсты<br />
улонэ пыӵатыны быгатэ<br />
шуыса. Нырысь ик самоуправление<br />
- со куке адями<br />
аслаз улонэныз кузёяське.<br />
Куштоз-а со жуг-жагзэ нимысьтыз<br />
висъям интые яке<br />
гопе - ачиз тодэ. Адямилэн<br />
котькуд ужез, вамышез мукетъёсызлы<br />
юрттэт но луыны,<br />
люкетыны но быгатэ.<br />
Таӵе вакытэ дышетсконо<br />
кыл кутыны, аслэсьтыд<br />
быгатонлыкъёстэ будэтыны.<br />
Аспӧртэм луонлык сётэ<br />
проект гожтон. Одӥг адямилэн<br />
ӟеч малпанэз котыраз<br />
уно калыкез герӟаны быгатэ.<br />
Милям ёросамы трос<br />
сыӵе учыръёс. Пургалан<br />
кылем арын ӧй на вал пиналъёслы<br />
шудон интыос.<br />
Соин ик гуртысь анай-атайёсын<br />
герӟаськыса, спонсоръёсты<br />
шедьтыса, ми асфальт<br />
вылэ шудон площадкаос суредамы:<br />
шашкиен шудыны<br />
бадӟым доска, дартс, лабиринтъёс<br />
но мукет. Ми сое<br />
кутским но лэсьтӥм, трос<br />
коньдон но кулэ ӧз луы. Со<br />
ик вань аскивалтон. Калык<br />
ӟеч малпанэз дэмла, нош<br />
кивалтӥсьёс, ужбергатӥсьёс<br />
солы юрттэт сёто.<br />
Анна ПАВЛОВАЛЭН «ВКонтакте» бамысьтыз<br />
- Кызьы асьтэос проект<br />
ужен вырыны<br />
ӧдъяды?<br />
- Проектъёс гожъяны,<br />
Пичи Пурга ёросысь Егитъёслэн<br />
парламентазы ужакум,<br />
кутски. Пургаысь лулчеберетъя<br />
юртысь Елена<br />
Пименоваен ӵош калыкъёслэн<br />
кусыпъёссы бордын<br />
ужамы. Ёросамы лыктэм<br />
калыкез асьме улон сямъёсынымы<br />
тодматон понна<br />
библиотекаын нимысьтыз<br />
площадка усьтӥмы. Та проектлы<br />
нырысьсэ грант утӥ<br />
вал. Бадӟым юрттэт сётӥз<br />
«Креативный капитал» огазеяськонлэн<br />
«Фаст» семинаръёсыз.<br />
Отын трос тодонвалан<br />
басьтӥ.<br />
Ижкарысь пӧртэм мерлыко<br />
огазеяськонъёс кадровой<br />
школа радъязы. Отын<br />
но дышетски. Ӵапак соку<br />
проектной офис кылдытон<br />
борды басьтӥськи. Туннэ<br />
нуналлы со пыд йылаз<br />
султэ гинэ ай. Ёрос йырмылы<br />
Сергей Юринлы но<br />
солэн юрттӥсьёсызлы та<br />
кичӧлтонмы яраз. Оскисько,<br />
матысь дыре офисмы тыропыдо<br />
ужаны кутскоз.<br />
Та дырозь проектъёсынымы<br />
ог 800 сюрс манет<br />
утӥмы ни. Но проектъёсты<br />
уксё понна гинэ уг<br />
гожто ук. Соос адямилэсь<br />
улонзэ ӟечгес карыны юртто.<br />
Тани Улын Юриос шайвыл<br />
доразы сюрес лэсьтӥзы,<br />
Яган школаын телевидение<br />
кылдӥз, Иваново-Самарскын<br />
- шудон инты.<br />
Пичи Пургаысь А. Павлова проектъёсын<br />
вырыны дышетэ.<br />
- Кыӵе ужпумъёс<br />
проектной офисты азе<br />
пуктӥськоды?<br />
- Котькинлэн аслэсьтыз<br />
улон интызэ ӟечгес каремез<br />
потэ. Отысь луэ мукет<br />
азе кошкыны яке пичиенпичиен,<br />
проектъёсты улонэ<br />
пыӵатыса, югдурез тупатыны.<br />
Озьы быдэс ёрослы но<br />
пайда вайыны луэ. Со бордын<br />
ужаломы. Нырысь ик,<br />
офис проект гожтыны юрттоз,<br />
валэктоз, кызьы малпанэз<br />
быдэстоно. Адямиосты<br />
ог-огенызы герӟалоз. Шуом,<br />
адямилэн потэ егитъёслы<br />
шутэтскон инты, парк лэсьтэмез,<br />
со ужез мытон понна<br />
пӧртэм специалистъёс кулэ:<br />
архитектор, строитель, инкуазез<br />
утись но мукет. Соосты<br />
котырес ӝӧк сьӧрын люкаса,<br />
учкомы, луэ-а, уг-а та<br />
малпанэз улонэ пыӵатыны<br />
но кызьы.<br />
Та - проектной офислэн<br />
огез палыз, мукетыз - чаклано,<br />
кыӵе гуртлэн шугсекытъёсыз<br />
вань, кызьы<br />
сое азинтыны луэ. Гуртъёс<br />
азинскемен, быдэс ёрос но<br />
азьпала вамыштэ.<br />
- Нош али Пичи Пургалась<br />
егитъёслы асьсэ<br />
проектъёсынызы кытчы<br />
вазиськыны луэ?<br />
- Кыӵе ке малпанзы<br />
кылдӥз ке, мыным вазиськыны<br />
луэ. Огазеяськыса уж<br />
капчигес мыноз. Вашкалаосмы<br />
верало вал, шудо луэмед<br />
потэ ке, матысьёстэ<br />
улытозяд эн вунэты. Ужаны<br />
яратон сяммы борды ог-огдэ<br />
гажан ватсаськысал ке, асьмеос<br />
бадӟым вамыш лэсьтысалмы.<br />
udmurt.ru<br />
ГУЖЕМ ШУТЭТСКОН<br />
Ар кыл - 2 арня ӵоже<br />
Виктория КРАМОВА<br />
15-тӥ июльысен Ижысь «Арт-резиденциын» ортче<br />
«Ар кыл» лагерь. Удмурт кылэз дышетэм сяна, студентъёс<br />
пӧртэм ужрадъёсы пырисько.<br />
«Ар кыллэн» кураторез но удмурт кылъя дышетӥсез - Дарали<br />
Лели. Со студентъёсызлы мастер-классъёс ортчытъя,<br />
кылсярысь, ӵошен соос дӥсь вылэ трафаретъёсын удмурт пужыос<br />
пуктӥзы, удмурт дэрем вурыны дышетскизы, пельнянь<br />
пӧразы. Озьы ик студентъёсты возьмало удмурт кырӟасьёсын,<br />
дизайнеръёсын но мукет мыло-кыдо адямиосын пумиськонъёс.<br />
Лагере куное вуылӥзы кунгож сьӧрысь студентъёс. Соос али<br />
УдГУ-ысь удмурт кылъя курсъёсын дышетско. Соос «Чукиндэр»<br />
проектлэн ӝӧк выл шудонъёсыныз шудӥзы.<br />
«Ар кыллэн» программаяз вань мылкыд карисьёсты пыриськыны<br />
ӧтё. Курсъёс 26-тӥ июлёзь кыстӥськозы на. Дарали Лелилэн<br />
лагерез гудырикошконэ но ортчытыны мылкыдыз вань.<br />
«ТАВРИДА»<br />
Эктӥсьёс но<br />
туспуктылӥсьёс<br />
Сергей ЗАХАРОВ<br />
Крымын 11-тӥ майысен 5-тӥ октябрёзь быгатӥсь<br />
егитъёслэн «Таврида 5.0» форумзы ортче. 14-тӥ<br />
июле, культурая но искусствоя сменаез йылпумъяса,<br />
грантъёсъя конкурсын вормисьёсты шараязы.<br />
Культура но искусство удысъя егитъёс 82 проектъёс дасяллям,<br />
соос пӧлысь 16 устоезлы грантъёс висъямын. Вормисьёс<br />
пӧлы сюризы Удмуртиысь 2 егитъёслэн проектъёссы но.<br />
Татьяна Шихова «Тавридаын» тодматӥз «Танцевальный<br />
RESTART» проектэныз. Кичӧлтонзэ азинтыны 300 сюрс манет<br />
утӥз. 26 аресъем Татьяна «Купол» заводын художник-конструктор<br />
луыса тырше. Эктонъя проект форум выллем Ижкарын<br />
ортче ни. Отчы пыриськыны быгато шаерысьтымы<br />
ваньмыз мылкыд карисьёс. Эктонэз гажасьёс асьсэлэсь быгатонлыксэс<br />
возьмато, дышетон семинаръёсы, мастер-классъёсы<br />
ветло. Форумез йылпумъяса, устоосыз эктӥсьёс огъя кужымен<br />
бадӟым перформанс возьмато.<br />
Мукетыз Удмуртиысь визь пог - Филипп Павлов. «Фотоволонтёры<br />
Удмуртии» кичӧлтонэзлы 700 сюрс манет тыр грант<br />
висъямын. Пияшлы 22 арес, со Удмурт кун университетэз<br />
йылпумъяз, любительской театрлэн режиссёрез луиз.<br />
- «Фотоволонтёры Удмуртии» проект Ижкарын ортче,<br />
отчы пыриськыло шаерысьтымы но палэнысь туспуктыны<br />
яратӥсьёс. Нырысь-валысь конкурсэ лыктэмъёс асьсэлэсь<br />
быгатонлыксэс возьмато, бӧрысь соос понна дышетон ужрадъёс,<br />
мастер-классъёс ортчо. Устоосыз конкурслэн финалаз<br />
пото, вылезлы дышетскемзэс возьмато. Пӧлысьтызы мылокыдо<br />
егитъёсты волонтёръёслэн штабазы кутӥськом, - вераз<br />
Ф. Павлов.<br />
Ижысь Т. Шихова проектэзлы<br />
грант утӥз.
АДӞЫТОН<br />
8<br />
№ 54 (<strong>25767</strong>)<br />
2019-тӥ ар 23-тӥ пӧсьтолэзь<br />
Вӧзамы уло дуэ но слон<br />
Туспуктӥз Максим ЕГОРОВ<br />
В. Штыкова.<br />
Уясь скал.<br />
Ужысь бертӥсь ӟиллё.<br />
Виктория КРАМОВА<br />
«Удмурт дуннеысь» вёрсткая оператор Вера Штыкова<br />
ваньмон дыръяз дизайнэн выре, суредаське. Вералэн<br />
огез тунсыко проектэз - «Ижкар но татын улӥсьёс».<br />
В. Штыковалэн «Инстаграмысь» бамаз пырид ке, паймыса<br />
тодод: Ижын адӟиськисьтэм изьверъёс, чорыгъёс, тылобурдоос,<br />
аспӧртэм адямиос уло вылэм. Азьдага, кит, кый, бегемот, дуэ<br />
(верблюд), лама но мукетъёсыз асьсэ дуннеязы уло, кин ма дауртэ.<br />
Котькудӥзлэн - аслаз сямыз, выросъёсыз. Нош малы соосты<br />
нокин уг адӟы? Угось со ваньмыз - тэшкам борддоръёс вылысь<br />
гожъёс, куашкам штукатурка, юртъёслэн люкетъёссы. Вера,<br />
Ижкартӥ поръякуз, олокытысь но аспӧртэм геройёсты синйылтэ -<br />
солэн синпӧртмась очкиез вань, кожалод. Туспуктэмъёс лэсьтыса,<br />
бӧрысь отчы аслэсьтыз адӟемзэ ватса-суреда.<br />
Ижевскез Вера улӟытэ 2016-тӥ арысен. Ужъёссэ люкаса, туэ со<br />
«Ижевский зоопарк» книга печатлаз. Нош алигес ортчем Novart<br />
фестивальын Вералэн ужъёсыныз адӟытон радъямын вал. Фестивальын<br />
тросэз, солэсь ужъёссэ адӟыса, шумпотыса вераллязы:<br />
таиз, пе, милям юртмы ук!<br />
«Ижкар но татын улӥсьёс» проектысь туспуктэмъёсын тодматскыса,<br />
городысь ачид но тунсыко изьверъёсты адӟыны кутскиськод.<br />
Со сяна, Вера анимациен выре, пӧртэм суредъёсты улӟытэ.<br />
Ужъёсыныз озьы ик тодматскыны луэ «Инстаграмысь» бамаз:<br />
@vera_shtykova.<br />
Эшъёс.<br />
Дуэ лымыез кола.<br />
Уяны дышетске.<br />
Шпион слон.<br />
№ 54 (<strong>25767</strong>)<br />
2019-тӥ ар 23-тӥ пӧсьтолэзь (июль)<br />
1915-тӥ арысен 1917-тӥ арысен 1918-тӥ арысен 1918-тӥ арысен 1930-тӥ арысен 1943-тӥ арысен 1992-тӥ арысен<br />
Учредители:<br />
Государственный Совет<br />
Удмуртской Республики<br />
Правительство<br />
Удмуртской Республики<br />
Главный редактор<br />
З. К. Рябинина<br />
Ответственный за выпуск<br />
М. М. Емельянова<br />
Адрес редакции-издателя:<br />
426008, г. Ижевск,<br />
ул. К. Маркса, 274<br />
www.udmdunne.ru<br />
e-mail: udmdunne@yandex.ru<br />
Газета отпечатана в АО<br />
«Ижевский полиграфкомбинат»<br />
(426039 г. Ижевск,<br />
ул. Воткинское шоссе, 180)<br />
Телефоны:<br />
73-33-42, 89511953765 - приёмная, реклама,<br />
зам. гл. редактора<br />
73-33-46 - отв. секретарь<br />
73-33-43, 89511953766 - корреспонденты<br />
Индексы: П 5806, П 5001<br />
Тираж номера 1050<br />
Заказ № 559<br />
Объём 2 п. л.<br />
Цена свободная<br />
Подписано к печати - 18.00<br />
По графику - 18.00<br />
Мнение авторов не всегда совпадает с<br />
мнением редакции<br />
Использование материалов допускается<br />
только с разрешения редакции<br />
Материалы, публикуемые с пометкой<br />
«Д» и «Реклама», печатаются на договорной<br />
основе.<br />
Газета зарегистрирована Управлением<br />
Федеральной службы по надзору в сфере<br />
связи, информационных технологий и<br />
массовых коммуникаций по Удмуртской<br />
Республике<br />
Регистрационный номер<br />
ПИ №ТУ18-00646<br />
Рекомендовано для чтения с 12 лет