7 қыркүйек, 2019 жыл №102 (15422)
Create successful ePaper yourself
Turn your PDF publications into a flip-book with our unique Google optimized e-Paper software.
6 7 <strong>қыркүйек</strong>, сенбі, <strong>2019</strong> <strong>жыл</strong> АУЫЛ-АЙМАҚ<br />
САРЫАРҚА САМАЛЫ<br />
ЕКІБАСТҰЗ ҚАЛАСЫ<br />
Көмекке ғана қарап<br />
қалған жоқ<br />
Екібастұздық Әлбековтер отбасы – көпбалалы.<br />
Бес бала өсіріп отыр. Тұңғышы Лейлә<br />
16 жаста болса, ең кішісі Омар әлі қырқынан<br />
да шыққан жоқ. Отбасы әрбір балаға 20700<br />
теңге көлемінде атаулы әлеуметтік көмек<br />
алады. Бірақ отбасы мұнымен шектеліп<br />
отырған жоқ.<br />
Балалардың анасы Майра Әлбекова биыл нәтижелі жұмыспен<br />
қамту және жаппай кәсіпкерлікті дамыту бағдарламасының<br />
арқасында бизнес жүргізудің қыр-сырын үйренді. Одан<br />
кейін 505 мың теңге көлемінде грант жеңіп алды. Бұл<br />
қаражатқа көпбалалы отбасы сүтті тұқымды 4 ешкі және<br />
9 лақ сатып алған.<br />
- Екі <strong>жыл</strong> бұрын қызымыз дүниеге келіп, ана сүті<br />
жетпеді. Сонда ана сүтіне ешкінің сүті құрамы жағынан<br />
жақын келетінін білдік. Жолдасым ешкі сатып алды. Міне,<br />
осыдан кейін ешкі өсіру идеясы туындады. Қазір біз сүтін<br />
сатамыз. Литрі – 500 теңге. Одан құрт, айран, ірімшік және<br />
коктейль жасаймын, - дейді Майра Әлбекова.<br />
Бес жастағы Әлия - отбасының қолғанаты. Ешкілеріне<br />
жем-шөбін қолдан бергенді жақсы көреді. Қорадағы тауық,<br />
күркетауық пен үйректердің де ешбірінен қорықпайды.<br />
Отағасы Қазақстан теміржолында жүргізуші болып жұмыс<br />
істейді. Үйдегі шаруашылыққа да уақыт табады. Оған балалары<br />
мен үлкен ағасы көмектеседі. Төлеухан Шаханұлы<br />
жары екеуі үйде барлығы табиғи болғанына көңіл бөлетінін<br />
айтады. Сол үшін қияр, қызанақ пен сәбіз, аскөк өсіреді.<br />
Жалпы, қалалық жұмыспен қамту орталығының ақпараты<br />
бойынша Екібастұзда атаулы әлеуметтік көмек алатын және<br />
грант жеңіп алған 5 отбасы бар. Олардың үшеуі ұсақ мал<br />
өсірмекші, тағы бірі тігін цехын ашпақ.<br />
Өз тілшіміз.<br />
МАЙ АУДАНЫ<br />
ЖЕЛЕЗИН АУДАНЫ<br />
-<br />
АҚСУ ҚАЛАСЫ<br />
Еңбектің тынысы<br />
Ақсу қаласының әкімі Балғабай<br />
Ыбыраев Мәмәйіт Омаров ауылдық<br />
округіне қарасты Еңбек ауылының<br />
тұрғындарымен кездесті. Елді мекендегі<br />
күрмеулі мәселелер мен алда болатын<br />
өзгерістер талқыланды.<br />
Еңбек ауылында тұрғындар саны да, кәсіпкерлік<br />
нысандар қатары да артып келеді. Еліміздің алты<br />
облысынан 10-ға жуық отбасы көшіп келіп, жұмысқа<br />
орналасты. «Еңбек» бағдарламасы аясында Мәкен<br />
Мұса 4 млн. теңге, көп балалы отбасы ретінде<br />
Күміс Өмей 2 млн. теңге, «Бастау» жобасы аясында<br />
оқудан өткен Гүлмайра Нұрғабыл 2 млн. теңге алып,<br />
мал шаруашылығын дамытуға үлестерін қосуда.<br />
Тағы бес тұрғын қайтарымсыз қаржы алып, өз<br />
ісін бастады.<br />
Сонымен қатар, тұрмысы төмен отбасыларға<br />
жан-жақты қолдау көрсетіліп отыр. Бүгінгі таңда<br />
Мәмәйіт Омаров ауылдық округі бойныша 37 адам<br />
атаулы әлеуметтік көмек алады.<br />
Тұрғындармен тілдескен шаһар басшысы Балғабай<br />
Жұмағұлұлы ауылды көріктендірудің көңіл көншітпейтінін<br />
тілге тиек етті. Бұл ретте әлеуметтік нысандардың<br />
тазалығына қатысты ескерту жасады.<br />
Тұрғындар тарапынан да сауалдар қойылды.<br />
Олардың қатарында жайылымдық жерлерді белгілеу,<br />
бұрынғы су құбырларын ұрлау, мал қорымдары,<br />
малдардан қан алу, көзге тегін ота жасау, су<br />
құбырларын тарту мәселелері бар. Барлық сауалға<br />
тиісті жауап беріліп, назарға алынды. Сонымен<br />
қатар, жергілікті билік өкілдері азаматтарды жеке<br />
мәселелері бойынша қабылдады.<br />
«Тарақтыға» техника алынды<br />
Май ауданында «Сыбаға» бағдарламасы арқылы<br />
мемлекеттен несие алып шаруасын дөңгелетіп<br />
отырған кәсіпкерлер бар. Солардың бірі -<br />
жергілікті «Тарақты» шаруашылығы.<br />
А.ЕРМАНАТ.<br />
Ағымдағы <strong>жыл</strong>дың маусым айында «Тарақты» шаруа қожалығының<br />
басшысы Нұргелді Айтқазин «Ауыл шаруашылығын қар<strong>жыл</strong>ай<br />
қолдау қоры» АҚ-ның Павлодар облыстық филиалынан «Сыбаға»<br />
бағдарламасы аясында асыл тұқымды 100 бас ірі қара мал<br />
сатып алуға несие рәсімдеді.<br />
Нәтижесінде, ол мол мүмкіндікке ие болды. Бүгінде Чех<br />
Республикасынан әкелінген «Симментал» тұқымды сиырларды<br />
шаруа жергілікті табиғатқа бейімдеу үстінде.<br />
Бағдарламада көрсетілген шартқа сәйкес, шаруаға 24 ай<br />
бойы несиесін жеңілдетілген мөлшерде төлей алады. Сонымен<br />
қатар мемлекеттік бағдарлама негізінде аталған қожалық «МТЗ<br />
82.1/2» тракторы мен «ПРФ 145» техникалық құралына қол<br />
жеткізді. Атап өтерлігі, осы бағдарлама бойынша мал мен техниканы сатып алуда субсидиялау қарастырылған.<br />
«Сыбаға» арқылы несие алған шаруалардың қар<strong>жыл</strong>ық жүктемесі айтарлықтай төмендейді.<br />
Өз тілшіміз.<br />
Жаңа оқу <strong>жыл</strong>ына тарту<br />
Биыл 50 <strong>жыл</strong>дан астам тарихы бар Башмашын<br />
орта мектебінің біраз бөлігінде күрделі жөндеу<br />
жұмыстары жүргізілді. 5 оқу кабинеті қалыпқа<br />
келтіріліп, пайдалануға берілді.<br />
Енді бастауыш сынып оқушылары заманауи үлгідегі жаңа<br />
сыныптарда білім алатын болады. Білім күніндегі мерекелік<br />
шараға арнайы қатысқан аудан әкімі Қанат Кашкиров ата-аналар<br />
мен оқушыларға жаңа оқу <strong>жыл</strong>ында сәттілік тілеп, мектеп<br />
ұстаздары С.Мұсалимова, Б.Даниярова және Д.Жүлекенованы<br />
көп<strong>жыл</strong>ғы еңбегі білім беру жүйесін дамытуға, өскелең ұрпақты<br />
тәрбиелеуге қосқан үлесі үшін марапаттады.<br />
<strong>2019</strong>-2020 оқу <strong>жыл</strong>ында мектепте 85 оқушы білім алады.<br />
Биыл мектеп табалдырығын 11 оқушы аттады. Қазіргі уақытта<br />
білім ордасында 29 педагог қызмет атқарады. Оның ішінде<br />
мұғалімдер қатары тарих пәнінен сабақ беретін жас маманмен<br />
толыққанын атап өткен жөн. Жалпы, 1 <strong>қыркүйек</strong>те аудан<br />
бойынша 266 оқушы 1-сыныпқа барды. Сонымен қатар,<br />
№3 Железин орта мектебі, Алакөл, Башмашын, Приертіс,<br />
Есқара, Аққайың және Береговой ауылдық округтеріндегі<br />
білім ошақтарында «Ұлттық домбыра» кабинеттері ашылды. Ал<br />
Жаңа жұлдыз мектебінде демеушілердің көмегімен ІТ-сынып<br />
пайдалануға берілді.<br />
А.СЕРҒАЗИН.<br />
ЕРТІС АУДАНЫ<br />
Тәжірибелерін<br />
шыңдауда<br />
Бүгінде аймағымызда аграрлықтехникалық<br />
колледждердің жұмысына<br />
жоғары мән беріліп отырғаны белгілі.<br />
Кәсіптік білім саласы реформаға<br />
ұшырауда.<br />
Бұл ретте, облыс бойынша жүктемесі аз бірқатар<br />
орта кәсіптік білім мекемелері біріктірілуде. Ал кейбірі<br />
өңірлердегі ірі кәсіпкерлерге сенімді басқаруға берілген.<br />
Солардың бірі – Ертіс ауданындағы аграрлық-техникалық<br />
колледж. Бұл аймағымыздағы табысты жұмыс істеп<br />
жатқан оқу ордаларының бірі болып саналады. Оның<br />
жұмысымен аудан әкімі Аян Бейсекин танысып қайтты.<br />
Колледжді жергілікті «Оразбаев» шаруа қожалығының<br />
басшысы Сайлау Оразбаев жауапкершілігіне алғалы<br />
бері студенттерді жұмыспен қамту мәселесі оң шешілді.<br />
Аудан басшысы оқу ордасының материалдық-техникалық<br />
жағдайымен танысып, асхана, жатақхананы аралады.<br />
Студенттермен тілдесті. Олар аудандағы күзгі жиынтерім<br />
науқанына белсене атсалысуда. Теориялық<br />
білімдерін тәжірибе жүзінде шыңдап жатыр. Жалақы<br />
да қарастырылған.<br />
Н.РАЙХАН.<br />
БАЯНАУЫЛ АУДАНЫ<br />
Тігін цехын ашты<br />
Баянауыл ауданы бойынша <strong>2019</strong><br />
<strong>жыл</strong>ы жағдайы және табысы төмен<br />
отбасыларға атаулы әлеуметтік<br />
көмек көрсетіліп жатыр. Биылғы<br />
<strong>жыл</strong> бойынша жалпы 529 өтініш<br />
келіп түскен.<br />
Осындай өтініштердің бірі Баянауыл ауданына<br />
«Еңбек» нәтижелі жұмыспен қамтуды және жаппай<br />
кәсіпкерлікті дамытудың 2017-2021 <strong>жыл</strong>дарға<br />
арналған бағдарламасы бойынша оңтүстік аймақтан<br />
қоныс аударып келген аудан тұрғыны – Тұрдыгүл<br />
Бөкейден де түскен болатын.<br />
Өтініші қанағаттандырылып, көмектің арқасында<br />
бұл отбасы өзінің тұрмыс жағдайының жақсарта<br />
алды. Яғни, жұмыссыздарға бағытталған қысқа<br />
мерзімді оқу курсына тіркеліп, өзінің жеке кәсібін<br />
ашу мақсатында тігінші мамандығының сертификатына<br />
ие болды. Сөйтіп, жаппай кәсіпкерлікті<br />
дамытуға берілетін грантқа ие болды. Қазіргі<br />
таңда Тұрдыгүл Баянауылда шағын тігін цехын<br />
ашып, ұлттық нақыштағы бұйымдар тігіп сатуда.<br />
ТЕРЕҢКӨЛ АУДАНЫ<br />
Ә.ТІЛЕУБАЕВА,<br />
аудандық жұмыспен қамту<br />
орталығының кеңесшісі.<br />
«Сыбағаның»<br />
сыйы<br />
Аудандағы шаруа қожалық иелері<br />
мемлекеттік бағдарлама арқылы<br />
мал санын арттыруда.<br />
Октябрь ауылдық округіндегі «Таисия» шаруа<br />
қожалығы өткен <strong>жыл</strong>дың соңында құрылған<br />
болатын. Шаруашылық иесі Анатолий Тыщенко<br />
«Ауыл шаруашылығын қар<strong>жыл</strong>ай қолдау қоры»<br />
АҚ арқылы «Сыбаға» бағдарламасына қатысып,<br />
30 ірі қара мал әкелді. Алдағы уақытта мал саны<br />
тағы 20 баспен толықпақ. Етті-сүтті бағыттағы<br />
симментал тұқымды ірі қара Ресейден жеткізілген.<br />
- Қазір ауылда мал өсіремін деген адамға<br />
мемлекет тарапынан қолдау бар. «Сыбаға»<br />
бағдарламасы арқылы мал санын көбейтудеміз.<br />
Жуырда жеткізілген асыл тұқымдылардың ішінде<br />
2 ірі қара төлдеп үлгерді. Мұны жақсы ырымға<br />
бастап отырмыз. Алдағы уақытта еңбегіміз өз<br />
жемісін беріп, мал саны артады деген ойдамыз, -<br />
дейді қожалық иесі.<br />
А.АМАН.<br />
УСПЕН АУДАНЫ<br />
Белсенді жастар<br />
жиналды<br />
Жақында Успен ауданының Галицкое<br />
ауылында «Бірлік.Жастар.KZ» жастар<br />
форумы өтті. Шара «Жастар <strong>жыл</strong>ының»<br />
құрметіне ұйымдастырылды.<br />
Форумға Успен ауданы әкімінің орынбасары<br />
Алмира Дүйсіпова, «Галицкое-Агро» ЖШС директоры<br />
Сергей Саламацкий қатысты. Сонымен<br />
қатар, ауданға белгілі жас кәсіпкерлер мен<br />
мемлекеттік қызметкерлер «Дипломмен –<br />
ауылға!» және «Жас кәсіпкер» мемлекеттік<br />
бағдарламаларының қатысушылары шақырылды.<br />
Форумның бірінші бөлімінде «Павлодар облысының<br />
Қазақстан жастар конгресі» ҚҚ жобаларының<br />
үйлестірушісі Д.Корепанов «Ауыл жастарының<br />
елдің дамуындағы рөлі» тақырыбында және<br />
«Атамекен» өңірлік кәсіпкерлер палатасының<br />
бизнес-тренері» Қ.Досмағұлов «Ауылдық жерлерде<br />
бизнесті дамыту бойынша мемлекеттік қолдау<br />
шаралары» тақырыбында баяндама жасады.<br />
Сонымен қатар, осы аталған мәселелер бойынша<br />
ұсыныстар мен пікірлер ортаға салынды.<br />
Форумның екінші бөлімінде барлық қонақтар<br />
үшін «Галицкое-Агро» ЖШС бойынша экскурсия<br />
ұйымдастырылды. Шара соңында қатысушыларға<br />
сертификат берілді.<br />
Өз тілшіміз.
Change language