ud#75 (25788)

Udmurtdunne

2019-тӥ ар 8-тӥ коньывуон (октябрь). Пуксён (вторник) № 75 (25788)

Вань удмуртъёслэн газетсы

Кылдытэмын 1915-тӥ арын 4-тӥ феврале

«Чеберай» марафон Ӟечкылан Дышетон

Кыӵе со удмурт чеберлык?

«Зарни шеп» ансамбльлэн

3 5

6 кылдытӥсезлы Ф. Тубыловалы -

85 арес

Удмурт кылъя электрон

учебникъёсты пыӵатонын

шуг-секытъёс

КЫЛЭЗ ДЫШЕТОН

«УДМУРТ КЕНЕШ» ОГАЗЕЯСЬКОНЛЭН ВЫПУСКЕЗ

Ã

Å

Ð

Ä

«Кубо» черсоз... тодон-валан

Кылзэс волятыны мылкыд карисьёслы выль клуб усьтӥськиз

Туспуктӥз Максим ЕГОРОВ

Адресэз: 426074, Ижкар,

Октябрьлы 50 ар карлуд,

15 номеро юрт, 213-тӥ, 215-тӥ

кабинетъёс, «Удмурт Кенеш».

Тел.: 68-53-29; тел./факс 68-83-08.

www.udmkenesh.ru

E-mail: udmkenesh@gossovet.udm.ru

Анастасия ШУМИЛОВА

Ижысь Национальной

библиотекаын 1-тӥ октябре

ужзэ мытӥз удмурт

кылын вераськонъя

«Кубо» клуб. Со

радъяське «Удмурт

Кенеш» огазеяськонэн

валче но сӥземын Удмуртилэн

кунлыкезлы

100 ар тырмонлы. Удмурт

кылын тунсыкъяськисьёс

клублэн

нырысетӥ пумиськоназ

ик удмурт культурае

зымизы.

Азьло дыръя удмуртъёс

кусыпъёссэс юнматъяллям

шудыса-эктыса. «Кубо»

ӝытын но нырысетӥзэ пумиськемъёс

ог-огенызы тодматскизы,

удмурт шудонъёсын

шудыса. «Ӟазег уя, ӵӧж

уя», «Чебер чача» но мукет шудонъёсын

калыкез тодматӥзы

Ижысь Искусствоосъя элькун

нылпи школаысь «Шудон»

ансамбле ветлӥсь нылъёс но

соослэн кивалтӥсьсы Юлия

Павлова. Ужрад ӵоже соос люкаськемъёсты

кырӟанъёсын

шулдыртӥзы: куно пумитан

гур кырӟазы, эктӥзы.

Нылъёслы, арганэн шудыса,

юрттӥз Удмуртиысь дано артист

Олег Бимаков. Пермь

улосысь удмуртъёслэсь такмакъёссэс

быдэстӥзы на -

озьы возьматӥзы, удмурт

кыллэн пӧртэм диалектъёсыз

вань шуыса.

Ӝытэз нуиз «Кубо» клублэн

ужез понна кыл кутӥсь

Елена Кутасова, библиотекаысь

ужась. Со вераз: азьланяз

но ӝытъёсы тунсыко

куноос вуылозы.

- Та клуб кылэз волятон

инты гинэ медаз луы, - вера

Елена Анатольевна. - Дорамы

ветлӥсьёс чебер удмурт

кылэз мед кылозы, зэмос удмурт

культураез пыӵатозы.

Мон ачим, книга кутыса,

Удмурт шудонъёс калыкен

тодматскыны юртто.

удмуртлыклэсь узырлыксэ

возьматыны уг быгаты. Нош

тунсыко, кырӟаны-вераны

быгатӥсь, кибашлы куноосын

пумиськыса, адямиослэн

удмурт кылзэс волятыны

мылкыдзы уката пурӟоз.

Со сяна, потэ, ужмылэн одно

ик кыӵе ке емышез мед луоз.

Мар со луоз - али малпаськиськомы

на. Нырысь учкомы,

кыӵе калык ми доры

ветлоз, одно ик мылкыдзэс

лыдэ басьтом.

Пумыз 2-тӥ бамын.


№ 75 (25788)

2 2019-тӥ ар 8-тӥ коньывуон Ãåðä

КЫЛЭЗ ДЫШЕТОН

«Кубо» черсоз... тодон-валан

(Кутсконэз 1-тӥ бамын.)

Туспуктӥз Максим ЕГОРОВ

Анастасия ШУМИЛОВА

«Кубо» клубез усьтыны

ӵектӥз Национальной библиотекалэн

директорезлэн

воштӥсез Анна Семёнова.

Кӧня ке ар талэсь азьло

Анна Леонидовна удмурт

кылъя дунтэк курсъёсын

дышетӥсь вылэм. Со чаклам:

курсъёсты йылпумъяса,

адямиос ӵемысь ӟудо кинэн

удмурт кылын вераськыны,

кылзэс азьланяз волятыны

уг быгато. Вань на

эшшо городын будэм нылпиос.

Соос анай-атаенызы сяна

удмурт кылын уг верасько: я

учыр уг сюры, я вераськыны

уг дӥсьто.

- Клублэн ужез вераськон

котырын бергалоз, - вера

Анна Семёнова. - Татын ми

грамматикаез но пичияк сётом,

но со валтӥсез уз лу.

Елена Анатольевналэн трос

чебересь малпанъёсыз клублэн

ужез пумысен. Курсъёсы

пӧртэм арлыдо, пӧртэм

ужен вырись адямиосты витиськом.

Озьы вераськонъёс

эшшо но тунсыкоесьгес

луозы, угось котькудӥзлэн

пӧртэм малпанэз. Оскисько,

ваньмыз шуныт но лякыт

ортчоз. Татын нокин медаз

кышка шонертэм вераськыны

- янгышъёс понна ум пыкылэ.

Анна Леонидовна шумпотыса

пусъе: туннэ нуналлы

мукет каръёсын но ёросъёсын

вераськон клуб усьтыны

мылкыд карисьёс вань. Матысь

дыре «Кубо» клуб ужзэ

мытоз Глазовысь библиотекалэн

юртаз. Та уж борды

басьтӥськемез кинлэн ке

потэ ке, Национальной библиотека

дась юрттӥськыны,

кенеш сётыны.

* * *

«Кубо» клубе вуэм Расим

Закиров, дыг-мог, каллен ке

но, удмурт кылын вераськыны

тырше. Со удмурт кылэз

ас кожаз кӧня ке дышетэм.

- Мон ачим бигер, Ижын

вордски но будӥ, - вера Р.

Закиров. - Удмурт кылэз

умойгес тодыны мылкыды

вань. Мон сое, курсъёсы

ветлытэк, книгаостэк

кӧня ке дышетӥ ини, калыкен

вераськыса. Ульчаын

кылӥсько ке, адямиос удмурт

кылын верасько шуыса,

соослы вазисько. Адямиос

кыло ке, тон удмурт кылын

валаськод шуыса, капчиенгес

усьтӥсько тыныд,

оско. Озьы выль кылъёс но

тодӥсько, адямиосын кусып

возьыны но капчигес луэ,

мар ке выльзэ но усьтӥсько.

Мон выль кылъёсты дышетыны

яратӥсько. Немец кылын

умой вераськисько, англи

но испан кылъёсын тунсыкъяськисько.

Кылэз дышетон

ас понназ куанытэ

ини.

Р. Закировлэн аслэсьтыз

дорзэ, татын улӥсь калыкъёсты

умойгес тодэмез потэ.

Национальной библиотека калыкез

люказ «Кубо» клубе.

Озьы, пе, нокин тынэсьтыд

уз мурта.

* * *

Нош малы «Кубо»? Елена

Кутасова тазьы валэктэ:

азьло кышномуртъёс

сӥзьылысен Вӧйдырозь, огазе

люкаськыса, черсӥсько,

куисько, киужен выро вылэм.

Соин валче кенешо, огогзылы

выжыкылъёс верало,

мадисько, кырӟало.

Черсӥськонэн валче кылбугор

но узырме, кыл но воля.

Нырысетӥ пумиськонын

ӵапак кубо сярысь ик вераськон

мынӥз. Библиотекаын

куболы сӥзем книгаосын

адӟытон радъямын вал.

Шара лыдӟизы Людмила

Христолюбова тодосчилэсь,

Семён Виноградов суредасьлэсь

кубо сярысь статьяоссэс.

Тунсыкоесь вылӥллям кубоен

герӟаськем чакласьконъёс,

осконъёс, сям-йылолъёс.

Кылсярысь, нылъёс, пе,

Вӧйдыре кубоен нискылало

вал, пыш (конопля) мед

удалтоз шуыса. Чебер вӧлэм

кубоосты пиос дусымъёссылы

кузьмало вылэм. Куболэн

куд-ог люкетъёсыз

кышномуртлы укшало, пе.

Соин валче мадькылъёсын

но кубо, черсӥськон уж кышномурт

пыр возьматэмын:

«суйыз пу, поскесэз - азвесь»

яке «апоклэсь йырзэ корт сынэн

сынало».

Черсӥськыса пуконъёс сярысь

тунсыко гожтыса кельтэм

Кияса ёросысь Уддяди

гуртысь Екатерина Алексеевна

Тукаева: «Тол ӵоже одӥг

кышномурт одӥг пуд (16 килограмм)

тыр кизем тысьысь

будэтэм етӥнэз черсыса но

куыса быдтэ, пе, вал».

Кыӵе бугор черсозы клубе

ветлӥсьёс, тодмо луоз тулыс,

Вӧйдыре - ӵапак соку

кыӵе ке йылпумъян лэсьтыны

ӧдъяло. Али клублэсь

пумиськонзэ 3 арняяз огпол

ортчытъяно медо. Но уж

мынӥз ке, калыклэн мылкыдыз

луиз ке, ӵемгес но пумиськылом,

шуо библиотекаын

ужасьёс. Е. Кутасова

пусъе: ӵошен вераськонъёс,

люкам тодон-валан калыкез

одно ик мед шунтозы.

АФУН

Тустэмесь медам луэ

Елена ТУГАШОВА

Карелиын Петрозаводскын

ортчиз Россиысь

фин-угор калыкъёслэн

ассоциацизылэн

(АФУН) кенешонэз.

Отчы пыриськизы

огазеяськонлэн

ёзчиосыз, асьме шаерысь

- «Удмурт Кенеш»

огазеяськонлэн

тӧроез Татьяна Ишматова,

огазеяськонлэн

ёзчиез Игорь Семёнов

но «Мынам Удмуртие»

телерадиокомпанилэн

валтӥсь редакторезлэн

воштӥсез Сергей

Касаткин.

Кенешонэз ортчытыны

Карелия юнме быръемын

ӧй вал. Та улосын фин-угор

выжыысь пӧртэм калыкъёс

уло: карелъёс, финъёс,

вепсъёс - соос асьсэос но,

кун ёзъёс но ушъямон тыршо

кылъёсты утён ласянь.

Соин ик Карелилэн опытэз

мукет улосъёслы юрттоз

ужзэс эшшо но пайдаёгес

радъяны, пусйиз Фин-угор

калыкъёслэн ассоциацизылэн

кивалтӥсез Пётр Тултаев.

Озьы кенешонэ люкаськемъёс

нырысь ик тодматскизы

Карелиын нациосын ужан

политикалэн быдэсъяськеменыз.

Министрлэн воштӥсез

Александра Ершова ивортӥз:

- Берло дыре бадӟым саклык

висъяны кутскимы

туризмлы. Республикаысьтымы

фин-угоръёслэн улон

интыосазы, гуртъёсазы калык

шӧм пыртоно, отын

луыны кулэ культуразэс

возьматӥсь объектъёс-пусъёс.

Соос тустэмесь, огвыллемесь

луыны кулэ ӧвӧл.

Озьы улосамы тросгес туристъёс

кыстӥськозы: та улослэн

экономикаезлы но пайда

ваёз, фин-угор выжыысь

калыкъёслэсь кылзэс, культуразэс

но утьыны юрттоз.

Та амалэз пыӵатон вылысь

бюджетысьтымы 6 миллион

манет висъяны чакласькомы

6 ёросъёслы, кытын карелъёс,

вепсъёс но финъёс

тросэн уло.

Удмурт кылэз, культураез

утён пумысен вераз «Мынам

Удмуртие» телерадиокомпанилэн

валтӥсь редакторезлэн

воштӥсез Сергей Касаткин:

- Удмурт кылын книга

поттон азинске. Ар куспын

поттэмын 16 книга

7 но ӝыны сюрс экземплярен,

озьы ик удмурт кылын

журнал-газетъёс пото. Элькунысьтымы

10 процентэз

школьникъёс удмурт кылэз

дышето, удмурт кылъя учебникъёсты

федерал перечене

пыртон ласянь бадӟым уж

нуиське.

АФУН-лэн кенешоназ пыриськисьёс

ас синмынызы

адӟизы, кызьы Карелиын

радъяське фин-угор кылъёсты

утён. Соос вуылӥзы Петрозаводскысь

«Периодика»

издательствое. Отын тодматскизы

карел, вепс но фин

кылъёсын печатлам, озьы

ик Карелиын улӥсь калыкъёс

сярысь ӟуч кылын поттэм

книгаосын. Огкылэ вуизы:

матысь дыре поттоно Россиысь

фин-угор калыкъёслэн

произведениосынызы роспрос

бичет.

Со сяна, куноослы туж тунсыко

потӥз та издательство

бордын кылдытэм медиацентрлэн

ужамез - таӵезэ Россиысь

мукет фин-угор улосъёсысь

уд пумита на. Отысь специалистъёс

тыршо кылъёсты

утись амалъёсты пыӵатон

бордын. Тани-тани йылпумъялозы

ОМА MEDIA нимаськись

проектсэс: Интернетын

нимысьтыз кылдытэм портал

пыр тодматскыны луоз Карелиысь

фин-угоръёсын. Татын

ик калыкъёсын герӟаськем

иворъёс но луозы, книгаосын

но тодматскыны, соосты басьтыны

но луоз, нош тужгес пусйымонэз

- та Интернет портал

пыр мылкыд карисьёс

дышетыны быгатозы карел,

вепс, фин кылъёсты. Со понна

нимысьтыз сэрег усьтэмын

луоз.

- Тужгес но тунсыко

потӥзы карелъёслэн финугор

кылъёсты утён ласянь

ужан амалъёссы, - мылкыдзэ

вераз «Удмурт Кенеш» огазеяськонлэн

тӧроез Татьяна

Ишматова. - Кылсярысь, макем

пайдаё тыршо интыосысь

кылдытэтъёс кылэз но

калыклэсь культуразэ утён

ласянь - тае туж ӵем эскерыло,

пе. Со сяна, 3 толэзьлы

огпол Карелилэн тӧроез

бордын кенеш люкаське -

отын эскероно ужпумъёсты

ӵекто фин-угор, озьы ик мукет

огазеяськонъёсазы пырисьёс.

Озьы ик Карелиын

пыӵа этнокультурной образованиея

кун концепцизы,

уно законъёсын юнматэмын

фин-угор кылъёсты утён но

азинтон. Со вие ик син шоры

йӧтӥз: Петрозаводскын уг

шӧдӥськы калык шӧм, шер

пумиталод фин-угор калыкъёсын

герӟаськем синпелетъёсты,

пусъёсты. Та ласянь

Петрозаводск асьме Ижмы

кадь. Огъя вераса, Карелиын

ортчем АФУН-лэн кенешонэз

туж пайдаё ортчиз.

Отын басьтэм тодон-валанъёсмы

юрттозы ужмес эшшо

но ӟечгес радъяны.


Ãåðä

№ 75 (25788)

3

2019-тӥ ар 8-тӥ коньывуон

«ЧЕБЕРАЙ» МАРАФОН

Вылтус борды пуштрос

Кыӵе со удмурт чеберлык?

Мария ЕМЕЛЬЯНОВА

1-тӥ коньывуонэ

Ижкарысь «Артрезиденциын»

нылкышно

творчестволы

сӥзем «Чеберай»

марафонэз радъясьёс

но вань мылкыд карисьёс

малпаськизы,

мар со удмурт чеберлык.

Вань-а сыӵе валатон?

Нырысетӥ

вормисьёс

Удмуртиын «Чеберай»

вожвылъяськон 1995-тӥ

арысен радъяськылэ ни.

Берло аръёсы со бабиз вал,

но туэ «Удмурт Кенеш» огазеяськон

сое улӟытӥз, проектэз

улонэ пыӵатон понна

Президентлэн фондысьтыз

грант утӥз.

Таиз «Чеберай» азьлоосызлэсь

мукетгес. Конкурсын

арлыдъя 3 номинация:

куспазы ӵошатско

18-35 аресъемъёс, 35-55

аресъемъёс но 55 ареслэсь

бадӟымъёс. Азьло вожвылъяськонэ

егитъёс

гинэ пыриськыны быгато

вал. Али, конкурс сяна,

котькуд ёросын нылкышноослы

дышетон семинаръёс

ортчытыны чакламын.

Марафон ёросъёсы потаны

кутскиз ини. Нырысетӥ

семинар Глазовын ортчиз.

Нылашъёс ужбергатонъя,

блог нуонъя, чебер

дӥсяськонъя лекциосты

кылзӥзы, психологен

но астрологен кенешизы,

со сяна, «Чеберай-2020» ужрадлэн

финалаз шедён понна

кастинге пыриськизы.

- Ми Ижкарын асьме

пуртыямы пӧзиськомы,

нош тазьы ёросэ потыса,

аслыд выль нимъёсты

усьтӥськод, - вераз «Чеберай»

проектлэн кивалтӥсез

Ксения Широбокова.

- Глазов милемыз туж

паймытӥз. Огшоры студентъёс,

Удмурт театрысь артистъёс

сямен, ужрадмес

туж ӟеч нуизы. Чеберайёс

рос-прос дасям номеръёсынызы

паймытӥзы. Туала

удмурт нылкышноос котыр

ласянь быгатӥсесь.

Глазовын Екатерина

Болтачева, Марина Наговицына

но Галина Иванова

вормизы.

Оштолэзёзь таӵе кастингъёс

котькуд ёросын

ортчозы. 75 адями мукет

этапе потоз. Онлайн куара

сётыса, финалэ 10-эз быръемын

луоз. Эшшо 5-ез марафонлэн

«Инстачеберай»

люкетаз вормемъёс луозы.

Озьыен, финалын быдэс

элькунысь 15 адями

«Чеберай» огинлэн «ВКонтакте» бамысьтыз. Туспуктӥз Мила УЛЫБКИНА

55 ареслэсь бадӟымъёс пӧлын

вормиз Г. Иванова.

35-55 аресъемъёс пӧлын вормиз

М. Наговицына.

18-35 аресъемъёс пӧлын вормиз

Е. Болтачева.

«Чеберай-2020»

котырысь юанъёс

гинэ ассэ возьматоз, «Чеберай-2020»

ним понна вожвылъяськоз.

«Арт-резиденциын» ортчем

пумиськонын тунсыко

вал марафонэз радъясьёслэн

ужазы зымыны но тодыны,

мар пумысен соослэн споръяськонъёссы,

шугъяськонъёссы

кылдо, но валаны, кыӵе

тусыз луоз «Чеберай-2020»

вожвылъяськонлэн.

Одӥг ласянь учкыса, та

чеберлыкъя огшоры вожвылъяськон

гинэ, но со

азьын бадӟым ужпум сылэ.

- Ӵемысь гуртын улӥсь

егитъёс понна удмурт лулчеберет

- со клубын удмурт

кырӟанъёсты быдэсъясь

песяйёс, - вера «Чеберай»

проектлэн кивалтӥсез Ксения

Широбокова. - Мон

ачим но пӧртэм ӧй вал,

ноку асьме лулчеберетэнымы

мур ӧй тунсыкъяськылы.

Но куке мон «Чеберай»

вожвылъяськонлы

дасяськыны кутски, пушкам

удмурт луэме сайказ.

Мон удмуртъёс сярысь

книгаос лыдӟыса пуки,

асьме Шаркан дэреммылэсь

аспӧртэмлыксэ тодӥ.

Вожвылъяськон монэ

бурдъятӥз. Оскисько, та

проектэнымы валче мукет

удмурт нылъёс но сайкалозы.

Ксения Широбокова

2010-тӥ арын элькунамы

ортчем «Чеберина» конкурсын

вормиз. Вуоно араз Удмуртилэсь

данзэ фин-угор

нылъёслэн «Уйпал кизили»

конкурсазы утиз, отын но

нырысетӥ луиз. Ачиз таӵе

вожвылъяськонъёсты пушласянь

адӟылэмын ке но,

Ижкарын алигес ортчем

калыккуспо «Татар кызы»

вожвылъяськонлэн финалаз

вуылыны солы тунсыко

потӥз. Отын быдэс дуннеысь

бигер нылъёс куспазы

ӵошатскизы. Эскероно,

пе, кызьы таӵе ужрадъёсты

бускельёсмы ортчыто.

Нылашъёсын режиссёръёс,

хореографъёс зол

ужаллям. Концертын соос

кылбур вольыт лыдӟизы,

ваньзы ӵош кырӟазы, Хабибулла

Ибрагимовлэсь

«Башмагым» («Башмачки»)

пьесаезлэсь люкетсэ

возьматӥзы, вальс эктӥзы.

Ваньзэ тае 2 арня куспын

гинэ дасяллям.

- Котькуд нылаш шоры

нимысьтыз учкем потэ

вал, - вераз Ксения Широбокова.

- Номеръёссы

туж чебересь, но нылашъёс

соосты ваньзы ӵош

возьматӥзы, соин ик кельшымонзэ

синйылтыса уд

вуттӥськы. Таиз ӧзгес яра.

Соин ик асьме «Чебераямы»

котькуд нылашмес

котыр ласянь возьматыны

выромы.

Пумитало дӥсья

- Малпасько, асьмелэн

туннэ нуналлы валтӥсь

ужпуммы - дӥськут коллекция

борды басьтӥськон,

- вера «Чеберай-2020» вожвылъяськонлэн

режиссёрез

Дарали Лели. - Бадӟым

сцена вылысен нылашъёсмы

эшшо но синмаськымонэсь

мед луозы. Валамон

ини, сое быдэстоно, удмурт

калык дӥськут вылэ

пыкъяськыса. 2 ке но сыӵе

коллекция кылдытоно.

Крезьгуро номеръёсты,

эктонъёсты финал азьын

гинэ но дасяны луэ ке,

дӥськут али ик малпаны,

вурыны кутсконо ини.

Бадӟым споръяськон

мукет юан пумысен но

кылдэ: кулэ-а «Чеберай»

вожвылъяськонын купальникен

дефиле? Арлыдоос

меӵак, пе, шуо: «Ӧвӧл! Удмурт

нылкышно востэм.

Купальникен сцена вылтӥ

уз ветлы».

Нош кыӵе муген таӵе

дефилеос чеберлыкъя

конкурсъёсын ортчытъяськыло?

Тани «Мисс

Вселенная», «Мисс Россия»

дыръя залын трос

ужбергатӥсьёс пуко, вожвылъяськонэ

пыриськем

нылаш азьланяз модельной

агентствоен контракт

гожтыны быгатэ. Соин ик

уж сётӥсьёс азьын соос

асьсэды котыр ласянь

возьматыны кулэ. Нош

асьме азьын сыӵе ужпум

уг сылы. «Чеберай» нырысь

ик удмурт лулчеберетэз,

сям-йылолъёсты

возьматэ, малы солы купальникен

дефиле кулэ?

Та малпанэн Башкириысь

Мариалина Нуриахметова

но соглаш. Со 2018-

тӥ арын Пермь улосвылын

радъяськем «Чеберай» вожвылъяськонын

вормиз.

Сюлэмаз тужгес но пыриз

вашкала удмурт дэремен

дефиле.

- Мон малпасько, - вера

нылаш, - сцена вылысен

кулэ возьматыны сое, мар

вал азьло, туала улонэз

ваньзы адӟо, нош вашкалазэ

утьыны, адямиослы

адӟытыны кулэ.

* * *

Та выллем пумиськонъёс

азьланяз но ортчылозы,

тунсыко, пе, тодыны,

мар адямиос малпало,

кыӵеен «Чеберай» проектэз

адӟо. Со сяна, марафонэз

радъясьёс юрттэтлы

вазисько. Вӧзазы

пӧртэм ужбергатӥсьёсты,

дизайнеръёсты, спонсоръёсты,

мылкыд карисьёсты

итӥськыны ӧтё. Огазе

кариськыса, рос-прос уж

пӧрмытомы, пе.


№ 75 (25788)

4 Ãåðä

2019-тӥ ар 8-тӥ коньывуон

Туспуктӥз Александр КАРАВАЕВ

ЭГРА

Удмурт сямен эктыны дышетско

Надежда ДАНИЛОВА

Та нуналъёсы Эграысь

2 номеро школаын жингыр!

вазиз. Татын ортчиз

удмурт эктонъя но

крезьгуро инструментъёсын

тодматсконъя

мастер-класс. Ужрад

радъяськиз «Ӵош эктон»

проект чотын.

Эграослэн та проектсы

Егитъёсын ужанъя федерал

агентствоен радъям вожвылъяськонын

грант утӥз

но, та толэзе выль уж борды

басьтӥськизы. Кивалтӥсез

Роман Подлевских - Эграысь

Эшъяськон юртын ужась.

«Ӵош эктон» проект туэ ар пумозь

кыстӥськоз. Эшъяськон

юртын ужась специалистъёс

та дыр куспын каргуртысь

школаосын мастер-классъёс

ортчытъяны кулэ.

Нырысетӥез мастеркласс

радъямын вал Эграысь

2 номеро школаысь 7а

классысь кадетъёс понна.

ШАРКАН

Кин луоз лауреат?

Валентина ЕМЕЛЬЯНОВА

«Удмурт Кенеш» огазеяськонлэн

Шаркан

ёросысь ёзэзлэн правлениез

ортчиз. Школаосын

удмурт кылэз

дышетон, Г. Верещагин

нимо премилы кандидатъёсты

эскерон но

вуоно арын быдэстоно

ужпумъёс сярысь кенешизы.

Нырысь ик вераськиз

ёрос администрациысь дышетонъя

управлениен

кивалтӥсь Василий Туров. Та

вакытэ ёросын 15 школа, со

пӧлысь 1-ез - покчи классъем,

2-ез - 9 классъем. Вань на 10

нылпи сад. Тужгес трос нылпиос

Шаркан шор ёзо школаын

тодон-валан люкало -

1 сюрс 273 пиналъёс пӧлысь

634-ез удмурт кылэз дышето

арняяз 1 час ӵоже. Мишкиноын

153 пинал дышетске,

пӧлысьтызы удмурт кылэз

дышетэ 124-ез. Сюрсовай

Эграысь 2-тӥ школаысь пиналъёс

удмурт эктонэз дышето.

Классэн кивалтӥсь Степан

Гереев шумпотэмын: пиналъёслы,

пе, ватсаса тодон-валан

басьтыны луонлык

сётӥське. Таяз учыре пиналъёслэн

уроксы сӥземын

вал эктонлы, крезьгурен но

крезьгуро инструментъёсын

тодматсконлы. Кадетъёсын

урок нуизы Эшъяськон юртысь

Ольга Емельянова но

Дмитрий Лекомцев. Пиналъёс

нырысь ик удмурт эктонлэн

пичи люкетъёсыныз тодматскизы,

бӧрысь, ваньзэ огазеяса,

тапыртыны выризы.

Дмитрий Лекомцев пиналъёсты

крезьгуро инструментъёсын

(кубызэн, арганэн,

пу пуньыосын но мукетъёсыныз)

шудыны быгатэменыз

паймытӥз. Пиналъёс асьсэос

но аспӧртэмлыко ансамбль

кылдытӥзы: кин ке инструментэн

шудӥз, кин ке эктӥз.

- Мастер-класс туж яраз.

Дышетскем сяна, кӧня

шудӥмы! - шуэ Аня Дерюшева.

- Эктыны секыт вылэм,

пыдъёс но киос соку ик шонер

уг пуксё.

Александр Санакинлы

ярам пуньыосын шудыны.

Татчыозь, пе, пуньыен

сиськылӥ гинэ вал, нош

пу пуньыосын крезьгур но

пӧрмытыны луэ вылэм.

«Ӵош эктон» проект йылпумъяськыны

кулэ 21-тӥ декабре

эктонлы сӥзем фестивален.

Эктыны, крезьгуро инструментъёсын

шудыны дышетскемзэс

пиналъёс сцена

вылын возьматозы. Со сяна,

проект ӵоже пиналъёслы удмурт

дӥськут, калык сямйылолъёс,

сиён-юонъёс сярысь

вералозы. Озьы ик эскерон

ужен вырыны дэмлалозы.

Котькудӥз ас семьяезлэсь йылол-сямъёссэ

гожтыны кулэ.

Нош люкам материалъёсынызы

соос пыриськозы «Мынам

выжые» конкурсэ.

школаын - 12 пинал пӧлысь

11-ез. Нош вань мукет школаосын

удмурт кыл нимысьтыз

предмет луэ. Огъя учконо ке,

ёросысь 72 процентэз пиналъёс

анай кылэз дышето. Правлениын

ӵектэмын вал школаосын

ортчись ужрадъёсты

одно ик ӟуч но удмурт кылъёсын

радъяны.

Шаркан ёросысь удмуртлыкез

азинтонэ пыриськись

адӟем карымон адямиосты

2010-тӥ арысен данъяны

кутскизы Г. Верещагин

нимо премиен. Туэ 3 мурт

ӵектэмын: Ӟузя культура юртэн

кивалтӥсь Татьяна Хохрякова,

удмурт культурая

«Быгы» центрын ужась Алёна

Савельева, Шаркан шор

ёзо школаысь дышетӥсь Татьяна

Ложкина.

- Ваньзы соос кужмо нылкышноос,

кудзэ бырйыны ик

паймод, - шуэ ёросысь «Удмурт

Кенеш» огазеяськонэн

кивалтӥсь Елена Перевозчикова.

- Алёна Савельева,

удмуртлыкез утем-азинтэм

сяна, исследовательской уж

нуэ. Историлы дышетӥсь

Татьяна Ложкина нылпиослы

вордскем шаерез гажан

мылкыд пыӵатэ, исследовательской

ужъёс ортчытэ.

Шаертодонъя материалъёсыз

«Удмуртская деревня.

Шарканский район. Историко-этнографические

этюды

19-20 вв.» книгаен поттэмын.

Татьяна Хохрякова

сярысь веранэз ик ӧвӧл - солэсь

нимзэ быдэс шаерын ӟеч

тодо: «Шуд» ансамбльысь арганчи,

кырӟась ёрослэсь но

шаерлэсь данзэ пӧртэм конкурсъёсын

ӝутэ, кылбур но

крезьгур гожъя.

Правлениын нырысьсэ

радъямын вал лауреатэз

лушкем быръён. Вормисьлэсь

нимзэ шараялозы 4-тӥ

ноябре, сётозы Г. Верещагин

нимо премия, 10 сюрс манет

тыр сертификат.

Кизнерысь искусствоя но киужъя центрлэн архивысьтыз

ИЖ

Быдэстоно ужъёс трос

Любовь ТИХОНОВА

«Удмурт Кенеш» огазеяськонлэн Ижысь Первомай

ёросъя ёзаз пырисьёс кенешизы Выль арозь чаклам

ужрадъёс пумысен.

Кенешон кутскиз шуныт кылъёс бордысен. Первомай ёзлэн

кивалтӥсез Ольга Шилова котрес лыдпусэныз ӟечкылаз

Людмила Васильеваез. Со мыло-кыдо пыриське удмуртлыкез

ӝутонэ.

Озьы ик шуныт кылъёс чузъяськизы «Чильтэр» ансамбль

пумысен: та нуналъёсы солы 6 ар тырмиз. Та ансамбльысь

нылкышноос туж мыло-кыдоесь, котыр ласянь синмаськымонэсь.

Шаерамы но, сьӧрлон но ортчылӥсь ужрадъёсы пыриськемзы

понна соос пусъемын уно дипломъёсын, таукаронъёсын.

Кенешонын палэнэ ӧз кыле ӟырдыт юанъёс но. Ӝутэмын

вал удмурт тодосчилэсь Альберт Разинлэсь 40 уйзэ ортчытон

сярысь ужпум. Ӟеч луысал солы сӥзем конференция яке

котрес ӝӧк выллем ужрад ортчытыны. Отчы мед пыриськысалзы

тодосчилэн ӵыжы-выжыосыз, гуртоосыз - малпанзэ

вераз Ольга Шилова.

Удмурт кылбурчилэсь Оксана Бисарлэсь тодосчилы сӥзем

кылбурзэ лыдӟиз Любовь Самарина. Тимур Шабутдинов

Ижысь Кызьпу арамалы тодосчилэсь нимзэ сётыны ӵектӥз:

отын Виль но Гербер выллем ужрадъёс ортчыку, Альберт

Алексеевич вӧсясь луылӥз.

КИЗНЕР

Даур кузьда ӵушкон

«Зори Кизнера» культурая юртын

64 вашкала ӵушкон возьматэмын

вал.

Валентина ЕМЕЛЬЯНОВА

«Зори Кизнера» культурая юртын быдэс толэзь

ӵоже ужаз «Даур кузьда ӵушкон» адӟытон. Туэ сое

ёросын нырысьсэ радъязы.

Ӵушконлэсь огшорыгес арбери ӧвӧл ни кадь, нош кыӵе

кузь солэн историез. Котькуд композиция кыӵе ке вакытэз

возьматӥз. Адӟытонэ быдэс ёросысь 64 ӵушконъёс люкамын

вал, соос пӧртэм амалъёсын пужыятэмын, пӧлазы вань

етӥнлэсь куэмез но. Тужгес вашкалаез 18-тӥ даурын куэмын

вылэм. Куд-ог нылкышноос вуж арбериосты выжыысь выжые

утялтыса, чакласа возё. Туж ушъямон со.

Ёросысь искусствоосъя но киужъёсъя центрын ужась

методист Надежда Нагорных верамъя, адямилэн улоназ

ӵушкон бадӟым инты басьтэ. Вордскем нуныез ӵушконэ бинялто,

чукыно, зыбказэ но ӵушконэн шобырто вылэм, урод

синъёс медаз адӟе шуыса. Армие кошкись пиослы чыртыязы

ӵушкон ошо, бызьыны дасяськем нылъёс ӵушкон пужыято.

Ас ужъёсыныз паймытӥз Бертло гуртысь Нина Бобкова.

Пенсие потыса, киужен вырыны кутскем, нош 70 аресэзлы

16 пумо ӵушкон пужыятыса дасям. Киужъёсыныз пӧртэм

конкурсъёсы пыриське, ёрослэсь данзэ эшшо но вылӥегес

ӝутэ. Мукетыз кибашлы кышномурт - Ӟуч Сармак гуртысь

Татьяна Филиппова. Со но та адӟытонэ пӧртэм амалъёсын

быдэстэм ӵушконъёссэ ваем.

Нимысьтыз инты висъямын вал буёлэн суредам

ӵушконъёслы. Надежда Нагорных верамъя, вашкала дыръя,

пе, гуртъёстӥ воргорон ветлэм, ӵушконъёс вылэ пужы пуктылыса.

Та адӟытонын одӥг сэрегаз чукен ӵушконъёс вал.

Нылкышноос ог-огзылэсь ӵушконъёссэс басьяло вылэм пужызэ

асьсэлы кельтон вылысь. Нош киужлы син медаз усьы

шуыса, чук понылӥллям.


Ãåðä

№ 75 (25788)

5

2019-тӥ ар 8-тӥ коньывуон

ӞЕЧКЫЛАСЬКОМ

Сюлэмаз нош ялан яратон…

«Зарни шеп» ансамблез кылдытӥсьлы Федосья Тубыловалы - 85 арес

Елена МИННИГАРАЕВА

Шаерысьтымы одӥгез

кужмоез фольклор

коллектив - Пичи

Пургалась «Зарни

шеп» ансамбль. 40

ар талэсь азьло сое

кылдытӥз но 35 ар

ӵоже, вань сюлэмзэ

сётыса, валтӥз Федосья

Тубылова. Та нуналъёсы

Федосья Михайловналы

85 арес

тырме.

Уже - кырӟаса

Федосья Михайловна

Тубылова вордӥськиз

1934-тӥ арын 14-тӥ октябре

Пичи Пурга ёросысь

Гужношур гуртын. Семьяязы

пиналъёс пӧлысь со

4-тӥез вылэм, но сютэм

улэмен, пӧртэм висёнъёс

алямен, апайёсыз пичи

дыръязы ик кулылӥллям.

Быдэ вуэм Федосья гинэ.

Анай-атаез сое туж яратыса

будэтӥллям, удмурт

кырӟан-веранъёс, мадёсъёс

пыр визьмаллям. Озьы удмурт

сям-йылолъёс, аслэсьтыд

шаердэ гажан, яратон

нылашлэн сюлэмаз пичиысен

пыӵаллям. Зэм, будон,

быдэ вуон дырыз туж секыт

вакытъёслы тупазы.

Федосьялы 7 арес тырмыса

ӧз вутты, кутскиз

Быдӟым война. Ӝоген нылашлэсь

атайзэ фронтэ

басьто. Ачиз Федосья 8 аресказ

колхозын анайзэ воштыса

ужаны быгатӥз ни:

турназ, пудо утялтӥз. Нош

ӝытъёсы нылкышноос кин

ке доры люкаськылӥзы

но, ыж гон черсыса, фронтовикъёслы

носки-пӧзьы

керттыса пукизы, ӝож

гуръёссэс кырӟазы. Та гуръёс

но Федосьялэн сюлэмаз

пыраклы кылизы.

Нылашлы удалтӥз: атаез,

Михаил Петрович, фронтысь

луло бертӥз, 3 медален

пусъемын вал. Анайзэ

но фронт мышкын ӟеч

ужамез понна медален пусйизы.

Война бере Федосьялэн

атаез колхозын бригадир

вал. Калыкен ужаны

быгатэмез пыӵаз нылызлы

но. Федосья колхозын

звеноен кивалтӥз, ужын

но, шулдыръяськонын но

азьветлӥсь вал. Нош сюлмаз

нуллӥз чагыр малпанзэ

- куиськись луоно. Но война

бере кыӵе куиськон луоз

ай? Сютэм улӥсь странаез

пыд йылаз ӝутоно. Соин ик

тодон-валанзэ будэтон сярысь

Федосьялы вунэтоно

луиз. Мыло-кыдо нылашез

Пичи Пурга ёросысь ик Бобья-Уча

гуртысь клубе ужаны

кутӥзы. Татын со агитбригадаен

поталляз колхоз

бусыосы но фермаосы,

кыстӥськиз комсомол уже.

Федосья Тубыловалэн архивысьтыз

Ӝоген Федосьяез партилэн

Пичи Пурга ёросысь комитетаз

машинисткае кутӥзы.

Татын нылаш профсоюз

уже но кыстӥськиз на.

«Тросэз егит пиос синъёссэс

вошъятэк учкылӥзы чебер,

ужез яратӥсь, кырӟаны

быгатӥсь нылмурт шоры, -

аслаз анаезлы сӥзем «Зарни

мемие» книгаяз гожтэ Федосья

Михайловналэн пичиез

нылыз - Светлана. - Но

солэн сюлэмыз аслэсьтыззэ

бырйиз. Вуоно кузпалыныз,

Валентин Кузьмич Тубыловен,

соос одӥг вакытэ

дышетскиллям Пычас школаысь

бадӟым классъёсын.

Валентин Кузьмич али но

пальпотыса тодаз вае: нырысь

пумиськыкузы ик, нылмуртлэн

пуштрес суд йырси

пунэтъёсыз пыд йылысьтыз

погырто ни вылэм сое, соин

ик пиосмурт ачиз аслыз

шуэм: та мынам кышное

луоз! Федосьялэн но синмаз

йӧтэм капчи мылкыдо гармонист…»

Кык яратӥсь сюлэмъёс

огазеяськыку, азьланез

яркыт буёлъёсын гинэ

адӟиськиз. Но котькуд семьялы

та улонтӥ ог-огдэ гажаса,

шуг-секытъёслы сётскытэк

вамышъян понна

трос чидан но валаны быгатон

кулэ на. Тубыловъёслэн

семьязы котьку калык

син азьын вал. Угось Валентин

Кузьмич Пичи Пурга

ёросысь «Молния» колхозын

бригадир, агроном,

председательлэн воштӥсез

вал, ӝоген сое партилэн

райкомаз 2-тӥ секретаре

бырйизы, нош собере, тубат

бӧрсьы тубат, Валентин

Кузьмич Удмурт Республикалэн

Вылӥ Кенешезлэн

нырысетӥ тӧроез луиз. Та

биньгозыез политик кияз

возиз тужгес секыт 1990-тӥ

- 1995-тӥ аръёсы.

Зарни шеп

Калыклэн азьпалаз вамышъясь,

ассэ быдэсак

ужезлы сӥзись воргорон

вӧзын кышномуртлы капчи

ӧвӧл. Но Федосья Михайловна

котьку висъяськылӥз

эсэпсэ валаменыз, сабырлы

луэменыз. 1970-тӥ аръёсысен

со Пичи Пурга ёросысь

«Маяк» газетын ужаз, семья

котыраз бергаз, 3 нылзэс

будэтӥз. Сюлэмаз гыбдась

дартэз ӧз сёты солы картэзлэн

ышыгаз гинэ улыны.

1979-тӥ арын, ас котыраз

эшъёссэ люкаса, со пичигес

фольклор коллектив

кылдытӥз. Зэм, соку коллективзылэн

нимыз но ӧй

вал ай, сцена вылысен яратоно

удмурт кырӟанъёссэс

быдэстылӥзы. Но Федосья

Михайловна ӵемгес тодаз

вайылӥз пичи дыръяз пересьёслэсь

кырӟамъёссэс,

сцена вылын улӟытоно

кариськиз удмурт сямйылолъёсты.

Ёросысь одӥг бадӟым

ужрад но «Зарни шептэк»

уг ортчы вал. Куэм дэремъёсын,

кускозязы уксё

тӥрлыкъёсын удмурт нылкышноос,

йыг-йыг воргоронъёс

сцена вылэ пото

ке, историысь суредъёс

улӟо кадь. Кырӟам-верам

Пичи Пурга черкогуртысь

Ф. Тубылова.

сяна, коллектив сюлмаськиз

вашкала удмурт культураез

егитъёслы, будӥсь

пиналъёслы пыӵатыны

- «Зарни шепе» трос гинэ

егитъёс ветлӥзы. Мынам

али но тодам 1990-тӥ аръёсы

Пичи Пурга ёрос библиотекаын

«Пурга гуръёс»

литобъединениын «зарни

шепъёсын» пумиськон.

Коллектив соку гинэ бертӥз

Финляндиысь. Асдунзэс,

чеберзэс тодӥсь но со дыре

ик дан поттӥсьтэм удмурт

нылкышноос пыраклы тодэ

кылизы. Нош пушкын ас

выжыостэ гажан выль сямен

пуромиз.

Кунгож сьӧры вуылэм

удмурт фольклор коллективъёс

пӧлын «Зарни шеп»

нырысетӥез вал, дыр. Та

ласянь со мукет фольклор

коллективъёслы но сюрес

усьтӥз. Пусйыны кулэ,

«Зарни шеплэн» репертуарезлэн

бадӟым люкетэз -

Федосья Тубыловалэн аслаз

малпам кырӟанъёсыз. Пуштроссыя,

мылкыдзыя соос

озьы ик туж матын калык

кырӟанъёслы.

35 ар ӵоже «Зарни шеп»

туж трос дипломъёсын но

данъян грамотаосын пусъемын

вал. Нош ассэ Федосья

Михайловнаез калык творчествоез

азинтэмез понна

дунъязы кунысьтымы

бадӟым данъетэн - «Душа

России» медален.

Берло аръёссэ Федосья

Михайловна калык пӧлы

шергес пота ни.

- Но со азьвыл сямен

ик туж яратэ кырӟаны, -

шуэ нылыз Светлана Валентиновна.

- Тани али

гинэ вераськон сямен кинлэсь

ке сюанзэ тодамы

вайимы. Анаймы юа: нош

тодӥськоды-а, азьвыл сюан

дыръя кыӵе кырӟанъёс

кырӟало вал 1-тӥ, 2-тӥ нуналъёсы?

Тани таӵеоссэ,

шуэ но кырӟа…

Нялтас вераса, «зарни

шепъёс» кылдытӥсьсэс уг

вунэто, дораз вуыло, кенешо,

ӝӧк котыре пуксьыса,

кырӟало. Вӧзазы куддыръя

итӥське Валентин Кузьмич

но. Кузпалыз сярысь со туж

шунытэн вера:

- Со сыӵе адями: азяз

кыӵе ке ужпум пуктӥз ке,

одно быдэстоз. Туж тыршиз

удмуртлыкез вылӥе

ӝутыны, со понна сюлэмзэ

ӧз жаля. Котькудӥз ӧй быгатысал

сыӵе коллектив люканы,

калыклэсь мылкыдзэ

ӝутыны, репетициосы поттаны.

Дась коллективез но

возьыны быгатэм кулэ ай.

Куд-огез вераны выриз: вот,

пе, коллектив ӝутскиз Тубылов

юрттэмен. Шуисько:

юрттӥ. Юало: маин? Ӧй

люкеты… Одӥг учырез гинэ

верало. Мон соку Удмурт

Элькунысь Вылӥ Кенешлэн

тӧроез вал ни. Ӝыт бер

бертылӥ, 9 час котырын.

Огпол бертӥсько, дорын нокин

ӧвӧл, ӝӧк вылын записка:

«Мон - клубын, пельнянь

- холодильникын, ву

- плита вылын. Пӧзьты но

си…» Ма карод? Пӧзьтӥ но

сии... Семьяын ог-огдэ валаны

тыршытэк уг луы. Со

но монэн трос чидаз, оломае

но адӟоно луиз. Но ми валаськом

вал ог-огмес…

Яратон берытске

калыклы

85 аръем юбилейзэ Федосья

Михайловна матысь

ӵыжы-выжыосыныз пусйыны

малпа. Но, валамон

ини, дораз одно вуылозы

эшъёсыз, одно чузъяськозы

кырӟанъёс. Пӧлазы луозы

аслаз кылбуръёсызъя

гожтэмъёсыз но. Зэм, Федосья

Михайловналэсь

кырӟанъёссэ мукет фольклор

коллективъёс но быдэсъяло

ни. Куддыръя калык

кырӟан шуыса. Озьы

Федосья Михайловналэн ас

калыксэ, шаерзэ яратэмез,

сюлэмыз пыр потыса, выльысь

калыклы берытске:

…Нош аръёс ортчизы,

мӧйыми тани мон,

Пужмерен шобырскиз

йырсие.

Сюлэмам нош ялан

выльдӥське яратон,

Яратон ас удмурт

шаерме…


№ 75 (25788)

6 2019-тӥ ар 8-тӥ коньывуон Ãåðä

udmniino.ru

АНАЙ КЫЛ

Выль амалъёсты

могӟытэ вуж техника

ТУРИЗМ

Пургала ӧте «Тюрагай»

Елена СКВОРЦОВА

Пичи Пурга ёросын

кылдӥз туристъёслэн

«Тюрагай» центрзы.

Кылем даурын татын,

туж чебер азьын, шур дурын,

усьтэмын вал «Юный

железнодорожник» лагерь.

Елена СКВОРЦОВА

Удмуртиысь Дышетонъя

но наукая министерство

ивортэмъя,

школаосы таяз дышетон

аре анай кылъя

7 сюрс 942 экземпляр

учебникъёс вуизы.

Соос 26 пумо, огъя дунзы

3 миллион 263 сюрс манет.

Та учебникъёсъя нылпиос

быгатозы дышетыны

удмурт, бигер, пор кылъёсты

но литератураез.

Вераны кулэ: кылем

арын федерал министерство

юнматӥз 3 комплект учебникъёсты.

Соос чакламын

1-тӥ-4-тӥ классъёсын удмурт

кылэз но литератураез

дышетыны.

Туэ удмурт кылъя эшшо

15 пумо учебникъёсты федерал

экспертиза пыр ортчытыны

чакламын. Та учебникъёс

тупало Россиысь Просвещениея

министерстволэн

куронъёсызлы. Соосъя печатлам

учебниклэн электрон

формаез но дышетӥсьёслы

методикая пособие луыны

кулэ. Таяз арын вуттозы

10-тӥ-11-тӥ классъёслы выль

куронъя дасям учебникъёсты.

Со дыре ик республикаысь

удмурт кылъя визьнодасьёс

быгато ни уже кутыны учебникъёслэсь

электрон вариантсэс.

Школаослэсь таӵе куронъёссэс

быдэсъя Удмуртиысь

Дышетон удысысь национальной

ужпумъёсты эскеронъя

институт.

- Удмурт кылэз дышетыны

учебникъёс чакламын

анай кылэз ӟеч тодӥсьёс но

кылэз валасьтэм нылпиос

понна. Котькудӥзлэн ик вань

электрон вариантэз. Соос

школаослы висъямын эксперимент

чотын. Электрон

учебникъёсты кутыны быгато

школаосын, отын интерактивной

досказы но проекторзы

яке планшетъёссы вань

ке, - шуэ Удмуртиысь Дышетон

удысысь национальной

ужпумъёсты эскеронъя

институтлэн кивалтӥсез Надежда

Ураськина.

Электрон учебникъёсы пыремын

аудио- но видеоматериалъёс.

Шуом, литературая

учебникысь кылбурез кылзыны,

спектакльысь люкетсэ

адӟыны луэ. Кылъя урокын

аудиотекст гожтэмын, лексикаен

герӟаськем ужъёс вань.

Бӧрысь нылпи ассэ эскерыны

быгатэ, татын сётэм заданиосты

лэсьтыса. Кызьы та материалэн

ужано - со пумысен

дышетӥсьёс кенешыны быгато

инновацияя площадкаосын.

Н. Ураськина верамъя,

электрон учебникъёсъя мыло-кыдо

ужало ог 50 площадкаын.

Тани лымшор палан -

Алнаш, П ичи Пурга, Дэри

ёросъёсысь тросаз школаосын

- сое куто ни. Озьы ик

бордазы итӥське Шаркан

ёрос но.

Нош 2005-тӥ арын азьвыл

кузёез сое аналтӥз.

Табере «Тюрагай» центрын

чакламын туристъёслэсь

слётъёссэс радъяны.

Соос понна гозы кузя тубанваськанъёс,

Иж шур кузя

байдаркаен уянъёс радъямын

луозы.

Дышетӥсьёсты электрон учебникен

тодматон понна семинаръёс

ортчыло. Огез сыӵе дышетон

ортчиз Дэри ёросысь Совхозной

школаын.

- Нылпиослы таӵе амалэн

дышетскыны кельше. Мон

та экспериментэз мытӥ 5-тӥ

классын дышетскись нылпиосын

ӵош. Туэ 6-тӥ классын

ужмес азьланьтӥськом,

- вера Шаркан ёросысь

Ляльшур школаысь удмурт

кылъя дышетӥсь Светлана

Малинина. - Ужаны туж

тунсыко, но сюлмаськонъёстэк

но уг луы. Нырысь ик,

электрон учебник ужаны быгатэ

Windows 10 операционной

системаын гинэ - милям

школаын огаз но компьютерын

со ӧй вал. Эшшо

шумпотысал, удмурт кылъя

дышетӥсьлэн кабинетаз интерактивной

доска луысал

ке. Нош али милемлы та

учебникен ужан понна мукет

кабинетэ куриськоно,

сьӧрамы компьютер нуллоно

луэ. Огласянь, выль амалъёс

кылдо, нош школаын техника

ласянь луонлыкъёс уг

тырмо.

Удмуртилэн уйпал ёросъёсаз

электрон учебникъёсты

вӧлмытон шугенгес мынэ.

Со понна Дышетон удысысь

национальной ужпумъёсты

эскеронъя институт чакла

татысь школаосын но

пӧртэм ужрадъёс, презентациос

радъяны.

- Бадӟым ужрадъёс ортчытон

понна «Тюрагай» центрмы

дась площадка луэ.

Азьланяз татын кыӵе ке этнофестивальёс,

сиён-юонлы

сӥзем ужрадъёс но трос мукетсэ

радъяны луоз, - вера

«Тюрагай» центрлэн директорез

Никита Москвин.

УДМУРТ КУНЛЫКЛЫ - 100 АР

Сарапулъёс ӧтчасько

Наталья МИХАЙЛОВА

15-тӥ октябре Сарапулын ортчоз «Удмурт движение:

ортчемез но туалаез» научно-практической

конференция. Сое радъяны кичӧлтонэн потӥзы

«Удмурт Кенеш» огазеяськонлэн Сарапул городысь

ёзэз но «Электрон» культурая юрт.

Ужрад сӥземын луоз удмуртъёслэн нырысетӥ

ӧтчамзылы 100 ар тырмонэз пусъёнлы. Отчы пыриськозы

туала удмурт движениысь мыло-кыдо адямиос, тодосчиос.

Та нуналъёсы Кун Кенешлэн юртаз ортчиз та конференцилы

дасяськонъя кенешон. Котрес ӝӧк сьӧры пуксьыса,

удмурт азьветлӥсьёс малпаськизы конференцилэн

пуштросэз но радлыкез сярысь, чакласа потӥзы докладъёсты.

- Сарапулын асьмеос кемалась ӧм ортчытъялэ вал ни

удмуртлыкен герӟаськем ужрадъёсты, - шуиз «Удмурт Кенеш»

огазеяськонлэн тӧроез Татьяна Ишматова. - Соин ик

сарапулъёслэн такем бадӟым ужрад ортчытыны мылкыд

каремзылы туж шумпотӥськом. Конференциез радъянэ

мыло-кыдо пырисько «Электрон» культурая юртын ужасьёс

но. Люкаськем калык понна соос тунсыко программа

дасязы ни: концерт но возьматозы, Сарапул городэтӥ экскурсия

но радъялозы. Нош асьмелы пленарной люкетэзлы

дасяськоно.

Татьяна Ишматова ватсаз на: конференция удмуртъёслэн

нырысетӥ ӧтчамзылы 100 ар тырмонэн гинэ

герӟаськемын луыны кулэ ӧвӧл, бадӟым саклык висъяно

Удмуртилэн кунлык басьтэмезлы но.

Котрес ӝӧк сьӧры люкаськемъёс огкылэ вуизы, Трокай

Борисовлы сӥзем доклад дасяно шуыса. Угось ӵапак солэн

сюлмаськемезъя 1919-тӥ арын Сарапулын удмуртъёслэн

3-тӥ ӧтчамзы люкаськылӥз. Сарапулъёс та ласянь но мыло-кыдо

луэмзэс возьматӥзы: городысь шаертодонъя музейын

ужасьёс та съездлэн ортчемез сярысь мадёзы, со вакытысь

кылем гожъямъёсты, туспуктэмъёсты возьматозы.

Нош тодмо литературовед, тодосчи Александр Шкляев

лыдӟоз удмуртлыклы сӥзем докладзэ, туала удмурт

калыкез сюлмаськытӥсь ужпумъёсты вералоз. Нимысьтыз

саклык висъямын луоз дышетон удыслы но: угось

Сарапулын удмуртъёслэн 3-тӥ ӧтчамзы бере радъяськиз

дышетӥсьёслэн конференцизы - туж интыяз луоз та удысысь

но ужпумъёсты сэрттыны-пертчыны, пусйизы кенешонэ

вуэмъёс.

ДИКТАНТ

История но, литература но

Мария ЕМЕЛЬЯНОВА

Туэ 1-тӥ ноябре Россиысь но кунгож сьӧрысь

вань мылкыд карисьёс Бадӟым этнографической

диктант гожтозы.

- Диктант тодон-валанъёсты гинэ уг эскеры, - пусъе

Кун Думаысь депутат, историк Алексей Загребин, - со этнографиен

тунсыкъяськонэз будэтэ, кунамы уно калыкъёс

уло шуыса возьматэ. Тупаса улэммы - со асьмелэн кужыммы

но данъяськонмы.

Акция диктант шуыса нимаське ке но, шонер гожъяськыны

быгатэмез уг эскеры - пӧртэм юанъёслы валэктон

сётыны дэмла. Оглом луоз 30 юан: 20-ез пӧртэм

калыкъёс сярысь тодон-валанъёсты шарая, нош 10-сэ

котькуд улос нимысьтыз малпа, отчы асьсэ шаеренызы,

историенызы, географиенызы, литератураенызы

герӟаськем юанъёсты пыртэ. Валэктонъёс сётыны 45

минут сётӥське.

- Кылем арын Удмуртиын 220 интыын диктантэз

гожтыны луэ вал, туэ лыдпусмы йылоз, - вераз Эшъяськон

юртысь методист, Удмуртиын диктантэз радъян

понна кыл кутӥсь Любовь Широбокова. - Тужгес но

аспӧртэмлыко инты - Шарканысь Тол бабайлэн усадьбаез,

диктантэз Тол бабаен но Лымы нылэн ӵош гожтыны

луоз.

Мылкыд карисьёс акцие онлайн амалэн но пыриськыны

быгатозы. 1-тӥ-4-тӥ ноябре тест диктантлэн www.miretno.ru

сайтаз интыямын луоз.

- Та акция мыным туж ӟеч потэ, - вераз Тӧролэн но Правительстволэн

администрациенызы кивалтӥсь Сергей Смирнов.

- Шонер валэктонъёсты уд ке но тодӥськы, выльысен

книгаосты усьтэмед потэ, созэ-тазэ эскерыса, аслыд мае ке

но выльзэ шедьтӥськод. Со ик, мон малпамъя, диктантлэн

валтӥсь ужпумез.

4 ар талэсь азьло ӵапак Удмуртия та диктантэз ортчытыны

ӵектӥз. Арысь аре уногес адямиос отчы пыриськыны

мылкыд каро. Кылем арын сое 12 кунысь 392 сюрс адями

гожтӥз, туэ эшшо но тросгес луозы.


Ãåðä

№ 75 (25788)

7

25019-тӥ ар 8-тӥ коньывуон

ТАТАРСТАН

Данэз уг сылмы

Елена НИКИТИНА

Казаньысь И. Волков

нимо урамысь 39

номеро юрт бордын

усьтӥськиз удмурт революционерез,

гожъяськисез

Иван Волковез

буре ваён пул.

Сое сӥё-дано усьтонэ пыриськизы

Татарстанысь удмуртъёслэн

автономизылэн

кивалтӥсез Андрей Герасимов,

та огазеяськонлэн ёзчиосыз,

озьы ик Татарстан

Республикалэн тӧроезлэн

департаментысьтыз нациосын

ужан политикая ёзэн

кивалтӥсь Данил Мустафин,

Татарстанысь Эшъяськон

юртлэн кивалтӥсез

Ирек Шарипов, Удмуртиысь

нациосын ужан политикая

министр Лариса Буранова.

Иван Волков Глазов

палъёсын вордскемын

ке но, нимыз паськытгес

вӧлмемын Казаньын. Глазов

уездысь Нововолково гуртысь

удмурт крестьянъёслэн

семьяязы 1893-тӥ арын

вордскем пияш нырысь дышетскиз

Глазовысь гимназиын,

бӧрысь - Казаньысь

Туспуктӥз Любовь ТУКАЕВА

университетлэн физикая но

математикая люкетаз. Татчы

шедиз муресь тодон-валанъёсызлы

луыса, угось

семьяезлэн сое дышетыны

коньдонэз ӧй вал. Но сютэм,

куанер улон шӧдӥськытэк

ӧз кыльы И. Волковлэн тазалыкез

вылын. Туберкулёзэн

висьыны кутскиз, нош

1919-тӥ арын, Казаньысь

вордскем гуртаз бертыса,

улонысь кошкиз.

25 ар ӵоже гинэ улытозяз,

со трос ужъёс лэсьтыса

вуттӥз. Казаньын дышетскон

висказ та карысь большевикъёслэн

комитетазы

Казаньын усьтӥськиз удмурт

революционерез, гожъяськисез

И. Волковез буре ваён пул.

пыриськиз, «Рабочий» газетлэн

редколлегиезлэн ёзчиез

вал - гожъямъёссэ отын

печатлазы, озьы ик Удмурт

шаерын потӥсь газетъёсын

но. Соос сӥземын вал калыклэсь

асваланзэ ӝутонлы,

выль улонэз лэсьтонлы. Со

вакытэ ик Иван Волков Казаньысь

Горд гвардилэн

кивалтӥсез но вал.

И. Волковлы сӥзем мемориал

пулэз усьтыны 6 ар талэсь

азьло кичӧлтонэн потӥз

Татарстанысь удмуртъёслэн

автономизылэн дано адямиез

Валентин Романов. Та

шаерысь Калыкъёслэн ассамблеязы

но Эшъяськон

юртсы юрттэмъя малпан

улонэ пыӵаз.

Удмуртиысь нациосын

ужан политикая министр

Лариса Буранова тау кариз,

удмурт калыклэн дано

пиезлэсь нимзэ Татарстанын

утемзы-данъямзы

понна:

- История возьматӥз:

ӵапак Иван Волков кадь

мыло-кыдоос сюлмаськемъя

асьме шаеръёсмы

- Удмуртия но Татарстан

- кунлык басьтӥзы. Вуоно

арын асьмеос пусъёмы со

дырысен 100 ар тырмонэз.

Шумпотымон: И. Волковлэн

улэм-вылэмез дырысен

даур ортчемын ни, нош

данэз улэп.

БАШКОРТОСТАН

Вынлыко калыкъёс

Башкортостанысь удмуртъёслэн историяя но культурая центрзылэн архивысьтыз

Наталья МИХАЙЛОВА

Башкортостанысь Татышлы

ёросын улӥсь

удмуртъёс доры куное

вуылӥзы Башкириысь

поръёслэн историяя

но культурая

центрысьтызы адямиос.

Пумиськон ортчиз

«Эшъяськон но тупаса

улон выж» нимаськись

бадӟым ужрад улсын.

- Башкириын улӥсь поръёсын

пумиськыны малпаськомы

вал ни кылем

арын, - веранзэ мытэ Башкириысь

удмуртъёслэн историяя

но культурая центрысьтызы

валтӥсь специалист

Ирина Самигулова. - Но та

кичӧлтонмы миым ӧз быдэсмы.

Туэ пумиськонмес

радъяны туж ӟеч муг шедиз

- Башкортостан Республикамылы

кылдэмез дырысен

100 ар тырме, эшшо ке 25 ар

талэсь азьло ӧсъёссэ вӧлъяз

шаерысьтымы Эшъяськон

юрт. Озьы та дано лыдпусъёсты

пор калыкен дэмен

пусъёно кариським.

Татышлы ёросысь удмуртъёс

кунооссэс пумитазы,

пор калык кырӟанъёсты быдэстыса.

Соосты тодыны-дышетыны

но пор калыклэсь

куно пумитан сямъёссэ тодыны

юрттӥллям ёросысьтызы

одӥг гинэ пор гуртын -

Башкибашын - улӥсьёс. Пор

сямен кырӟам-верамзы бере

татышлыос удмурт сямъёс

вылэ выжизы. Кунооссэс

сӥлы каризы, перепечен, табанен,

турын-куарлэсь чаен

куноятыса.

- Татышлыысь удмуртъёс

туж эшъяськыса уло,

котькыӵе уж борды дэмен

басьтӥсько, - шуэ Башкортостанысь

поръёслэн историяя

но культурая центрзылэн

валтӥсь специалистэз

Алексей Ибулаев. - Калыкен

ужаны быгатэмзы ми

понна адӟем карымон. Туж

шумпотӥськомы удмуртъёсын

пумиськеммылы. Мон

шуысал, удмуртъёс но поръёс

- вынлыко калыкъёс.

Азьланяз, малпасько, кусыпъёсмы

эшшо юнмалозы.

Эшъяськонлэн но тупаса

улонлэн выжез ноку уз куашка!

Пумиськон туж шуныт

ортчиз. Кырӟаса-эктыса

гинэ ӧвӧл: бадӟым программа

дасямын вал поръёсты

Татышлыысь удмуртъёслэн

улонэнызы тодматон понна.

Поръёс вуылӥзы удмуртъёслэн

культурая но историяя

центрзылэн юртаз, шаертодонъя

музее, культурая

юртэ. Пыразы Башкириын

Башкириын улӥсь удмуртъёс но

поръёс эшлыко кусып возё.

удмурт кылын потӥсь «Ошмес»

газетлэн редакцияз но.

Та бӧрсьы ваньмыз, котрес

ӝӧк сьӧры пуксьыса, азьланезлы

чаклам ужрадъёс сярысь

кенешизы.

Пор калыкен пумиськон

йылпумъяськиз шулдыр

концертэн. Татышлы

ёросысь удмурт ансамбльёс

удмурт сямен кырӟазыверазы,

нош поръёс ласянь

калыкез шулдыртӥзы

«МуроЭм» ансамбльысь

кырӟасьёс.

ПЕРМЬ УЛОС

Удмурт кыл

улӟытэмын

Сергей ЗАХАРОВ

Пермь улосысь Куеда

ёросысь Кипчак

черкогуртысь 9

классъем школаын

басьтӥськизы удмурт

кылэз факультатив

амалъя дышетон борды.

Та дырозь Пермь улосын

радъямын вал пиналъёсты

бигер но комипермяк

кылъёслы ватсаса

дышетон. Табере таос

борды итӥськизы удмурт

но пор кылъёс. Удмуртсэ

дышето ни Кипчакын,

нош порзэ - Суксун ёросысь

одӥгаз школаын.

Та улосысь Дышетонъя

но наукая министерство

ивортэмъя, Пермь улосын

удмурт кыллы дышетон

ӧз радъяськылы вал

ни берло 2 ар ӵоже. Со вие

ик нылпиослэн анай кылынызы

тунсыкъяськонзы

будэ. Та сярысь верало

лыдпусъёс: берло 2 ар

куспын 9-тӥ классэз йылпумъясьёс

пӧлысь 350

мурт мылкыд кариз анай

кылъя экзамен сётыны.

Министерство оскытэ:

азьланяз удмурт но пор

кылъёсты пыртыны тыршозы

одно дышетон предметъёс

пӧлы.

2010-тӥ арысь лыдпусъёсъя,

Пермь улосын

уло 20 сюрс 819 удмуртъёс

но 4 сюрс 121 поръёс.


8


75 (25788)

2019-тӥ ар 8-тӥ коньывуон

Ãåðä

ӞЕЧКЫЛАСЬКОМ!

Пушъён но азинскон!

Сюлмысь ӟечкыласькомы «Удмурт Кенеш» огазеяськонлэсь

октябре вордскем азьветлӥсьёссэ. Ужды

азьланяз но пайда мед ваёз, улонды шудо мед луоз!

4-тӥ октябре - Грак ёросысь Депутатъёслэн

Кенешсылэн тӧроезлы, Удмуртиысь

Гурт удысысь дано ужасьлы

Михаил Арсентьевич Крестьяниновлы

- 65 арес.

М. Крестьянинов вордӥськиз 1954-тӥ

арын Грак ёросысь Вуж Эгра гуртын,

Ижысь гурт удысъя академиез йылпумъяз.

Ужан сюрессэ мытӥз инженер

луыса, собере кема аръёс ӵоже Грак ёросысь

«Родина» СПК-ен кивалтӥз. Михаил

Арсентьевичлэн кивалтэмез улсын

хозяйство азинлыко но тодмо луиз. 1990-

тӥ аръёсы М. Крестьянинов Удмуртиысь

Вылӥ Кенешлэн депутатэз вал. 2011-тӥ-

2016-тӥ аръёсы Грак ёросэн кивалтӥз,

М. Крестьянинов. 2016-тӥ арын ёрос депутатъёс Кенешсы-

Т. Банникова.

лы кивалтӥсе бырйизы.

Пусъемын Удмурт Элькунлэн Данъян грамотаеныз, Россия Федерациысь

Гурт удысъя министерстволэн Данъян грамотаеныз, «Удмурт

Кенеш» огазеяськонлэн К. Герд нимо национальной премиеныз.

27-тӥ октябре - «Удмурт дунне» газетын

уно аръёс ӵоже тыршем журналистлы

Татьяна Михайловна Банниковалы

- 65 арес.

Т. Банникова вордӥськиз 1954-тӥ

арын Балезино ёросысь Люк черкогуртын.

Школа бере 1 арзэ Андрейшур школаын

немец кылъя урокъёс нуиз. Удмурт

кун университетысь история факультетэз

йылпумъяса, ужаны кутскиз Ува ёросысь

огаз школаын, собере выжиз Иже. Дышетон

удысын ужам огъя стажез 13 ар.

Берло ассэ журналистика удысын -

«Удмурт дуннеын» - шедьтӥз. Газетын 20

арлэсь ятыр ужаз. Пӧртэм темаосъя гожъяськиз:

гурт удыс, политика но экономика

котырысь ужпумъёсты ӝутъялляз.

Мылысь-кыдысь «Удмурт Кенеш» огазеяськонлэн

ужаз пыриськиз.

Татьяна Михайловна Удмурт Элькунысь Печатья но иворъёсъя министерстволэн,

Удмурт Элькунысь Кун Кенешлэн, Удмурт Элькунлэн Данъян

грамотаосынызы пусъемын.

19-тӥ октябре - Глазовысь Короленко

нимо пединститутысь ӟуч но удмурт

кылъёсъя, литератураосъя кафедраысь

доцентлы Ольга Петровна

Никифоровалы - 55 арес.

О. Никифорова вордӥськиз 1964-тӥ

арын Эгра ёросысь Мазьги гуртын, дышетскиз

Дэбес педучилищеын, Удмурт

кун университетысь филология факультетын.

Ужаз Дэри ёросысь Якшур гуртысь,

Якшур-Бӧдья ёросысь Тыло но Кияса ёросысь

Лутоха школаосын удмурт кылъя но

литературая дышетӥсь луыса.

Собере улон сюресэз сое Глазовысь пединститутэ

вуттӥз.

Татын со 29-тӥ арзэ ини студентъёсты

визьнода, соосын ӵош, удмурт кыллы

О. Никифорова.

сӥзьыса, уно ужрадъёс ортчытъя.

Ольга Никифорова - удмурт кылэз дышетонлы сӥзем трос пособиослэн

авторзы.

28-тӥ октябре - «Удмурт Кенешлэн»

мыло-кыдо ёзчиезлы Алевтина Ивановна

Поткиналы - 70 арес.

А. Поткина вордӥськиз 1949-тӥ арын

Шаркан ёросысь Бередь гуртын, Сарапулысь

совхоз-техникумез, Ижысь гурт

удысъя академиез йылпумъяз. Уно аръёс

ӵоже «Удмурт мелиорация» огазеяськонын

ужаз, кивалтӥсьлэн воштӥсез вал.

Трос аръёс ӵоже «Инвожо» ансамблен

кивалтӥз - бадӟым азинсконъёсыз понна

та коллектив «Удмурт Кенеш» огазеяськонлэн

К. Герд нимо национальной премиеныз

пусъемын. Алевтина Ивановна

уно дырзэ но кужымзэ сётэ «Удмурт Кенеш»

движенилы.

А. Поткина.

Пусъемын Удмурт Республикаысь

Культурая министерстволэн, Гурт удысъя

но сиён-юонъя министерстволэн, Кун Кенешлэн Данъян грамотаосынызы.

ВОЖВЫЛЪЯСЬКОН

Шаерзэ яратэ

Людмила СУРЧАКОВА

Дышетонэз азинтонъя институт нылпи садын

ужасьёс пӧлын «Мынам пичи доре» конкурс

ортчытӥз.

Вожвылъяськонэ шаерысьтымы 30 воспитательёс

пыриськизы, со пӧлысь 8-эз финалэ шедизы. Алнаш

ёрослэсь данзэ утиз черкогуртысь «Берёзка» нылпи садын

ужась Наталия Аккузина. Со вормись луиз «Пиналъёслы

анай кылэз гажан мылкыд пыӵатон» номинациын.

Наталия Кузьминична 20 ар воспитатель луыса ужа,

котьку но капчи мылкыдо, нылпиосты но туж яратэ. Туж

гажа анай кылзэ, удмурт анай-атайёслэн пиналъёсынызы

котьку но удмурт вераськоз. Тэшкылиосты одно ик

черкогуртлэн улэм-вылэменыз, удмурт йылол-сямъёсын

тодматэ.

Туспуктӥз Людмила СУРЧАКОВА

Алнашысь «Берёзка» садысь воспитатель

Н. Аккузина нылпиосын огъя кыл капчиен шедьтэ.

№ 75 (25788)

2019-тӥ ар 8-тӥ коньывуон (октябрь)

1915-тӥ арысен 1917-тӥ арысен 1918-тӥ арысен 1918-тӥ арысен 1930-тӥ арысен 1943-тӥ арысен 1992-тӥ арысен

Учредители:

Государственный Совет

Удмуртской Республики

Правительство

Удмуртской Республики

Главный редактор

З. К. Рябинина

Адрес редакции-издателя:

426008, г. Ижевск,

ул. К. Маркса, 274

www.udmdunne.ru

e-mail: udmdunne@yandex.ru

Газета отпечатана в АО

«Ижевский полиграфкомбинат»

(426039 г. Ижевск,

ул. Воткинское шоссе, 180)

Телефоны:

73-33-42, 89511953765 - приёмная, реклама,

зам. гл. редактора

73-33-46 - отв. секретарь

73-33-43, 89511953766 - корреспонденты

Индексы: П 5806, П 5001

Тираж номера 1050

Заказ № 896

Объём 2 п. л.

Цена свободная

Подписано к печати - 18.00

По графику - 18.00

Мнение авторов не всегда совпадает с

мнением редакции

Использование материалов допускается

только с разрешения редакции

Материалы, публикуемые с пометкой

«Д» и «Реклама», печатаются на договорной

основе.

Газета зарегистрирована Управлением

Федеральной службы по надзору в сфере

связи, информационных технологий и

массовых коммуникаций по Удмуртской

Республике

Регистрационный номер

ПИ №ТУ18-00646

Рекомендовано для чтения с 12 лет

More magazines by this user
Similar magazines