You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
№ 75 (<strong>25788</strong>)<br />
2 2019-тӥ ар 8-тӥ коньывуон Ãåðä<br />
КЫЛЭЗ ДЫШЕТОН<br />
«Кубо» черсоз... тодон-валан<br />
(Кутсконэз 1-тӥ бамын.)<br />
Туспуктӥз Максим ЕГОРОВ<br />
Анастасия ШУМИЛОВА<br />
«Кубо» клубез усьтыны<br />
ӵектӥз Национальной библиотекалэн<br />
директорезлэн<br />
воштӥсез Анна Семёнова.<br />
Кӧня ке ар талэсь азьло<br />
Анна Леонидовна удмурт<br />
кылъя дунтэк курсъёсын<br />
дышетӥсь вылэм. Со чаклам:<br />
курсъёсты йылпумъяса,<br />
адямиос ӵемысь ӟудо кинэн<br />
удмурт кылын вераськыны,<br />
кылзэс азьланяз волятыны<br />
уг быгато. Вань на<br />
эшшо городын будэм нылпиос.<br />
Соос анай-атаенызы сяна<br />
удмурт кылын уг верасько: я<br />
учыр уг сюры, я вераськыны<br />
уг дӥсьто.<br />
- Клублэн ужез вераськон<br />
котырын бергалоз, - вера<br />
Анна Семёнова. - Татын ми<br />
грамматикаез но пичияк сётом,<br />
но со валтӥсез уз лу.<br />
Елена Анатольевналэн трос<br />
чебересь малпанъёсыз клублэн<br />
ужез пумысен. Курсъёсы<br />
пӧртэм арлыдо, пӧртэм<br />
ужен вырись адямиосты витиськом.<br />
Озьы вераськонъёс<br />
эшшо но тунсыкоесьгес<br />
луозы, угось котькудӥзлэн<br />
пӧртэм малпанэз. Оскисько,<br />
ваньмыз шуныт но лякыт<br />
ортчоз. Татын нокин медаз<br />
кышка шонертэм вераськыны<br />
- янгышъёс понна ум пыкылэ.<br />
Анна Леонидовна шумпотыса<br />
пусъе: туннэ нуналлы<br />
мукет каръёсын но ёросъёсын<br />
вераськон клуб усьтыны<br />
мылкыд карисьёс вань. Матысь<br />
дыре «Кубо» клуб ужзэ<br />
мытоз Глазовысь библиотекалэн<br />
юртаз. Та уж борды<br />
басьтӥськемез кинлэн ке<br />
потэ ке, Национальной библиотека<br />
дась юрттӥськыны,<br />
кенеш сётыны.<br />
* * *<br />
«Кубо» клубе вуэм Расим<br />
Закиров, дыг-мог, каллен ке<br />
но, удмурт кылын вераськыны<br />
тырше. Со удмурт кылэз<br />
ас кожаз кӧня ке дышетэм.<br />
- Мон ачим бигер, Ижын<br />
вордски но будӥ, - вера Р.<br />
Закиров. - Удмурт кылэз<br />
умойгес тодыны мылкыды<br />
вань. Мон сое, курсъёсы<br />
ветлытэк, книгаостэк<br />
кӧня ке дышетӥ ини, калыкен<br />
вераськыса. Ульчаын<br />
кылӥсько ке, адямиос удмурт<br />
кылын верасько шуыса,<br />
соослы вазисько. Адямиос<br />
кыло ке, тон удмурт кылын<br />
валаськод шуыса, капчиенгес<br />
усьтӥсько тыныд,<br />
оско. Озьы выль кылъёс но<br />
тодӥсько, адямиосын кусып<br />
возьыны но капчигес луэ,<br />
мар ке выльзэ но усьтӥсько.<br />
Мон выль кылъёсты дышетыны<br />
яратӥсько. Немец кылын<br />
умой вераськисько, англи<br />
но испан кылъёсын тунсыкъяськисько.<br />
Кылэз дышетон<br />
ас понназ куанытэ<br />
ини.<br />
Р. Закировлэн аслэсьтыз<br />
дорзэ, татын улӥсь калыкъёсты<br />
умойгес тодэмез потэ.<br />
Национальной библиотека калыкез<br />
люказ «Кубо» клубе.<br />
Озьы, пе, нокин тынэсьтыд<br />
уз мурта.<br />
* * *<br />
Нош малы «Кубо»? Елена<br />
Кутасова тазьы валэктэ:<br />
азьло кышномуртъёс<br />
сӥзьылысен Вӧйдырозь, огазе<br />
люкаськыса, черсӥсько,<br />
куисько, киужен выро вылэм.<br />
Соин валче кенешо, огогзылы<br />
выжыкылъёс верало,<br />
мадисько, кырӟало.<br />
Черсӥськонэн валче кылбугор<br />
но узырме, кыл но воля.<br />
Нырысетӥ пумиськонын<br />
ӵапак кубо сярысь ик вераськон<br />
мынӥз. Библиотекаын<br />
куболы сӥзем книгаосын<br />
адӟытон радъямын вал.<br />
Шара лыдӟизы Людмила<br />
Христолюбова тодосчилэсь,<br />
Семён Виноградов суредасьлэсь<br />
кубо сярысь статьяоссэс.<br />
Тунсыкоесь вылӥллям кубоен<br />
герӟаськем чакласьконъёс,<br />
осконъёс, сям-йылолъёс.<br />
Кылсярысь, нылъёс, пе,<br />
Вӧйдыре кубоен нискылало<br />
вал, пыш (конопля) мед<br />
удалтоз шуыса. Чебер вӧлэм<br />
кубоосты пиос дусымъёссылы<br />
кузьмало вылэм. Куболэн<br />
куд-ог люкетъёсыз<br />
кышномуртлы укшало, пе.<br />
Соин валче мадькылъёсын<br />
но кубо, черсӥськон уж кышномурт<br />
пыр возьматэмын:<br />
«суйыз пу, поскесэз - азвесь»<br />
яке «апоклэсь йырзэ корт сынэн<br />
сынало».<br />
Черсӥськыса пуконъёс сярысь<br />
тунсыко гожтыса кельтэм<br />
Кияса ёросысь Уддяди<br />
гуртысь Екатерина Алексеевна<br />
Тукаева: «Тол ӵоже одӥг<br />
кышномурт одӥг пуд (16 килограмм)<br />
тыр кизем тысьысь<br />
будэтэм етӥнэз черсыса но<br />
куыса быдтэ, пе, вал».<br />
Кыӵе бугор черсозы клубе<br />
ветлӥсьёс, тодмо луоз тулыс,<br />
Вӧйдыре - ӵапак соку<br />
кыӵе ке йылпумъян лэсьтыны<br />
ӧдъяло. Али клублэсь<br />
пумиськонзэ 3 арняяз огпол<br />
ортчытъяно медо. Но уж<br />
мынӥз ке, калыклэн мылкыдыз<br />
луиз ке, ӵемгес но пумиськылом,<br />
шуо библиотекаын<br />
ужасьёс. Е. Кутасова<br />
пусъе: ӵошен вераськонъёс,<br />
люкам тодон-валан калыкез<br />
одно ик мед шунтозы.<br />
АФУН<br />
Тустэмесь медам луэ<br />
Елена ТУГАШОВА<br />
Карелиын Петрозаводскын<br />
ортчиз Россиысь<br />
фин-угор калыкъёслэн<br />
ассоциацизылэн<br />
(АФУН) кенешонэз.<br />
Отчы пыриськизы<br />
огазеяськонлэн<br />
ёзчиосыз, асьме шаерысь<br />
- «Удмурт Кенеш»<br />
огазеяськонлэн<br />
тӧроез Татьяна Ишматова,<br />
огазеяськонлэн<br />
ёзчиез Игорь Семёнов<br />
но «Мынам Удмуртие»<br />
телерадиокомпанилэн<br />
валтӥсь редакторезлэн<br />
воштӥсез Сергей<br />
Касаткин.<br />
Кенешонэз ортчытыны<br />
Карелия юнме быръемын<br />
ӧй вал. Та улосын фин-угор<br />
выжыысь пӧртэм калыкъёс<br />
уло: карелъёс, финъёс,<br />
вепсъёс - соос асьсэос но,<br />
кун ёзъёс но ушъямон тыршо<br />
кылъёсты утён ласянь.<br />
Соин ик Карелилэн опытэз<br />
мукет улосъёслы юрттоз<br />
ужзэс эшшо но пайдаёгес<br />
радъяны, пусйиз Фин-угор<br />
калыкъёслэн ассоциацизылэн<br />
кивалтӥсез Пётр Тултаев.<br />
Озьы кенешонэ люкаськемъёс<br />
нырысь ик тодматскизы<br />
Карелиын нациосын ужан<br />
политикалэн быдэсъяськеменыз.<br />
Министрлэн воштӥсез<br />
Александра Ершова ивортӥз:<br />
- Берло дыре бадӟым саклык<br />
висъяны кутскимы<br />
туризмлы. Республикаысьтымы<br />
фин-угоръёслэн улон<br />
интыосазы, гуртъёсазы калык<br />
шӧм пыртоно, отын<br />
луыны кулэ культуразэс<br />
возьматӥсь объектъёс-пусъёс.<br />
Соос тустэмесь, огвыллемесь<br />
луыны кулэ ӧвӧл.<br />
Озьы улосамы тросгес туристъёс<br />
кыстӥськозы: та улослэн<br />
экономикаезлы но пайда<br />
ваёз, фин-угор выжыысь<br />
калыкъёслэсь кылзэс, культуразэс<br />
но утьыны юрттоз.<br />
Та амалэз пыӵатон вылысь<br />
бюджетысьтымы 6 миллион<br />
манет висъяны чакласькомы<br />
6 ёросъёслы, кытын карелъёс,<br />
вепсъёс но финъёс<br />
тросэн уло.<br />
Удмурт кылэз, культураез<br />
утён пумысен вераз «Мынам<br />
Удмуртие» телерадиокомпанилэн<br />
валтӥсь редакторезлэн<br />
воштӥсез Сергей Касаткин:<br />
- Удмурт кылын книга<br />
поттон азинске. Ар куспын<br />
поттэмын 16 книга<br />
7 но ӝыны сюрс экземплярен,<br />
озьы ик удмурт кылын<br />
журнал-газетъёс пото. Элькунысьтымы<br />
10 процентэз<br />
школьникъёс удмурт кылэз<br />
дышето, удмурт кылъя учебникъёсты<br />
федерал перечене<br />
пыртон ласянь бадӟым уж<br />
нуиське.<br />
АФУН-лэн кенешоназ пыриськисьёс<br />
ас синмынызы<br />
адӟизы, кызьы Карелиын<br />
радъяське фин-угор кылъёсты<br />
утён. Соос вуылӥзы Петрозаводскысь<br />
«Периодика»<br />
издательствое. Отын тодматскизы<br />
карел, вепс но фин<br />
кылъёсын печатлам, озьы<br />
ик Карелиын улӥсь калыкъёс<br />
сярысь ӟуч кылын поттэм<br />
книгаосын. Огкылэ вуизы:<br />
матысь дыре поттоно Россиысь<br />
фин-угор калыкъёслэн<br />
произведениосынызы роспрос<br />
бичет.<br />
Со сяна, куноослы туж тунсыко<br />
потӥз та издательство<br />
бордын кылдытэм медиацентрлэн<br />
ужамез - таӵезэ Россиысь<br />
мукет фин-угор улосъёсысь<br />
уд пумита на. Отысь специалистъёс<br />
тыршо кылъёсты<br />
утись амалъёсты пыӵатон<br />
бордын. Тани-тани йылпумъялозы<br />
ОМА MEDIA нимаськись<br />
проектсэс: Интернетын<br />
нимысьтыз кылдытэм портал<br />
пыр тодматскыны луоз Карелиысь<br />
фин-угоръёсын. Татын<br />
ик калыкъёсын герӟаськем<br />
иворъёс но луозы, книгаосын<br />
но тодматскыны, соосты басьтыны<br />
но луоз, нош тужгес пусйымонэз<br />
- та Интернет портал<br />
пыр мылкыд карисьёс<br />
дышетыны быгатозы карел,<br />
вепс, фин кылъёсты. Со понна<br />
нимысьтыз сэрег усьтэмын<br />
луоз.<br />
- Тужгес но тунсыко<br />
потӥзы карелъёслэн финугор<br />
кылъёсты утён ласянь<br />
ужан амалъёссы, - мылкыдзэ<br />
вераз «Удмурт Кенеш» огазеяськонлэн<br />
тӧроез Татьяна<br />
Ишматова. - Кылсярысь, макем<br />
пайдаё тыршо интыосысь<br />
кылдытэтъёс кылэз но<br />
калыклэсь культуразэ утён<br />
ласянь - тае туж ӵем эскерыло,<br />
пе. Со сяна, 3 толэзьлы<br />
огпол Карелилэн тӧроез<br />
бордын кенеш люкаське -<br />
отын эскероно ужпумъёсты<br />
ӵекто фин-угор, озьы ик мукет<br />
огазеяськонъёсазы пырисьёс.<br />
Озьы ик Карелиын<br />
пыӵа этнокультурной образованиея<br />
кун концепцизы,<br />
уно законъёсын юнматэмын<br />
фин-угор кылъёсты утён но<br />
азинтон. Со вие ик син шоры<br />
йӧтӥз: Петрозаводскын уг<br />
шӧдӥськы калык шӧм, шер<br />
пумиталод фин-угор калыкъёсын<br />
герӟаськем синпелетъёсты,<br />
пусъёсты. Та ласянь<br />
Петрозаводск асьме Ижмы<br />
кадь. Огъя вераса, Карелиын<br />
ортчем АФУН-лэн кенешонэз<br />
туж пайдаё ортчиз.<br />
Отын басьтэм тодон-валанъёсмы<br />
юрттозы ужмес эшшо<br />
но ӟечгес радъяны.
Change language