ud#18 (25828)

ГИДКУАЗЬЫН
№18 (25828)
2020-тӥ ар 14-тӥ куартолэзь 17
Визь-кенеш
Кызьы карп будэтоно
бакча берын?
Азбарын быжзэ
вӧлъя павлин
Павлинэз аслаз азбараз вордэ Эгра ёросысь Комсомолец
гуртысь Александр Ворончихин. Павлин —
сыӵе ик курег, шуэ.
Карпез вордыны секыт ӧвӧл.
Берло дыре фермеръёс
пӧлын чорыг вордыны
мылкыд карисьёс йыло.
Азбарамы ик карп будэтысалмы,
шуо гуртоос.
Нош мар бордысен
кутскыны уг тодо.
Мукет чорыгъёсты сярысь,
карпез вордыны каньылгес:
сиён трос уг куры, толэз
капчиен ортче, кыкетӥ араз
ик 2-2,5 килограммозь будэ
ни, озьыен, сое вузаны луэ
ни.
Карп вордыса уксё поттыны
кутскон понна лазег
ӵыпет ӵыпоно. 1,5-1,8 метрлэсь
мур медаз луы — чорыг
шунытэз яратэ. Туж паськыт
но медам луы, озьы чорыг аслыз
ӝоггес сиён шедьтоз, чалякгес
будоз. 20 тонна карп
поттон, вузаськыны кутскон
понна 5-10 гектар быдӟа
ӵыпет тырмоз. Карп ӝоггес
мед будоз шуыса, тужгес умой
1 аръем пичиесь чорыгъёсты
вуэ лэзьыны. Сӥзьылозь
200-300 грамм быдӟа будозы.
1 гектар вулы 1 сюрс
800 чорыг тырме. Али ӵапак
дырыз ӵыпетэз тырмытыны.
Та понна карп нумыр (личинка)
но тупалоз: 1 гектар
ӵыпетэ 3 сюрс нумыр лэзёно.
1-ез шорлыдын 10 копейка
сылэ. Сӥзьылозь со 25 грамм
луоз ни. Пичи чорыгъёсты
басьтыны луонлык ӧвӧл ке,
шурысь кутэм карпъёсты
ӵыпетэ лэзьыны луэ.
Артэ ӵыпет ӧвӧл ке, кудогез
бекче выллем садокъёс
шуре пуктылэ, отын карп будэтэ.
Куд-огез ӝожтӥське, шурысь
чорыглэн, пе, сумед
шӧмыз луэ. Шурын угось карп
оломае но сие. Нош ӵыпетын
сое чабеен но йыдыен сюдыны
кутскиды ке, вань кӧш
шӧмыз кӧня ке нунал ӵоже
быроз. Карпез сюдоно ӵукна
но ӝыт. Умой луоз сиёнэз нимысьтыз
лотоке тырыны. Ю
тысь сяна, карп яратэ кӧжы,
комбикорм. Но таиз дуногес
усе.
Паськыт азбарын я бакчаын
но карп вордыны луоно.
Со понна ышыг интыегес
Туспуктӥз Антон ЗЯМБАХТИН
бассейн выллем гу гудоно.
Котырысьтыз сюйзэ юнматоно,
пыдэсаз горд сюй кисьтано.
1,5 метрлэсь мургес медаз
луы. Карп, котькыӵе чорыг
сямен ик, кышка зол куаралэсь.
Ӵыпетлэн оглюкетэз
вужере мед кылёз, мукет палыз
шунды шоры мед йӧтоз.
Озьы чорыг кулэ дыръяз
салкым азе ватскоз, кынмыкуз
шунды шорын шунскоз.
Гурезь улэ ӵыпет гудыны
уг яра: зор-кот дыръя вань
кырсь ву отчы васькоз, чорыгез
ӝокатоз.
Пӧсь вакытэ, 25-30 градус
дыръя, чаклано, тырме-а
чорыглы омыр. Ву вылэ
ялан потэ ке, озьыен, ӝока.
Сыӵе дыръя вуэ аэратор
пуктоно, со вуэз кислородэн
тырмытыны юрттэ. Яке
вузэ выльдоно. Соку гидкуазе
лэсьтэм ӵыпетын но карп
умой будоз.
________
Антон ЗЯМБАХТИН,
Вотка ёросысь
зоотехник-рыбовод
Пиосмурт чебер быжо павлинъёсты вайиз ог 6 ар талэсь
азьвыл. Соку ай 1 йыр тылобурдо понна 10-15 сюрс манет
курылӥзы. Али соосты Интернет вотэс пыр но, зоопаркысь
но капчиенгес басьтыны луэ. Табере Александр Ворончихинлэн
лызпыръемъёсыз но, тӧдьыосыз но вань ни. Ачиз
ик инкубаторын павлинпиосты поттыны выре. Курегпузъёсын
ӵошатыса, таоссэ кемагес — 28-30 нунал — шунтоно
луэ, пе.
— Павлинъёс ненегесь адско. Нош соосты вордыны
секытэз ӧвӧл — курегъёсын одӥг липет улын возисько, одӥг
тусьысь сюдӥсько. Жугиськемзэс синйылтэме ӧвӧл. Павлинъёс
мукет тылобурдоез адӟем но уг каро — асьсэ дуннеязы
уло, мон татын кузё шуо кадь. 2 айы павлинъёс гинэ
артэ уг тэро: мумы павлин понна ожмаськыса, ог-огзэс
кокало, — вера Александр Ворончихин.
Мумы павлинъёс 3-4 килограмм будо, айыосыз 4-6 килограмм
люкало, быжынызы валче 3 метр кузьда луо. Зэм,
быжзы будэ 2-тӥ араз гинэ. Пи поттон вакытазы, пузъёссы
ӵогиськем бере, шумпотэменызы эктыса ик быжысьтызы
вань тылыоссэс уськытъяло. Тылыоссэс дуно дунын
басьтӥсьёс шедё. Павлинъёс уло 15-23 ар.
— Павлинъёс кузёзэс ярато. Азбаре потэмлы быдэ котыре
лыкто, синме учкыло, вешамез возьмало кадь. Нылпиос
ярато ке ярато ни соосты. Тылобурдоосты учкыны куное
вуыло. Аслым тужгес яра, павлинъёс уг висё шуыса. Нырысь
кышкасько вал: ӟезьы йылтӥ лобӟизы ке, кытысь шедьтод
на? Куддыр, писпу вай йылэ кечырскыса, котыр утчаськыса
пукыло, но юртъер котырысь нокытчы уг пегӟо. Курегъёслэсь
бадӟымесьгес бере, соослы инты вӧл-вӧлгес кулэ.
Кынтылыны кутскытозь, кӧланы педлон ярато, гидэ пыремзы
туж ик уг поты. Толалтэ улазы тросгес куро валёно
луэ, медаз кынме шуыса, — индылэ пиосмурт.
Павлинъёс ярато луо я пень пӧлын пыласькыны. Озьы
мугорзэс сузяло. Таза тылобурдолэн синъёсыз чылкытэсь,
нырыз юн, тылыосыз чиляло, сыӵе павлинъёс трос бызьыло,
ог-огенызы шудо. Ярато сиыны пӧзьтыса нелькем
картошкаен сурам вож турынэз. Озьы ик сиё нянь, ю тысь,
бакча сиён но емыш. Мултэс трос сюдыны но, сютэм возьыны
но уг яра: шугекто, пе. Чырсам сиёнэз тылобурдоос азе
поныны уг яра — кӧтсы чутыръяны кутскоз. Тусязы кылеммылемзэ
выль сиён понон азьын одно утялтоно. Кӧтазы
йӧтӥз ке, пудо эмъясьёслы вазиськоно.
— Пузаны кутскон вакытазы сием потон мылкыдзы
эшшо но ӝутске, — шуэ Александр Ворончихин. — 1 павлин
нунал куспын ог 600 грамм сиыны быгатэ. Но сыӵе
дыръя сиён жаль ӧвӧл. Гуждор но потэмын луэ ни, вож
турын вылын соос кема улыны быгато. Тулыс шорысен
гужем пумозь пузало. Пузъёссы, сӥльзы сямен ик, куреглэн
выллем ческыт, но бадӟымгес. Азьло инкубаторе ӧй вал но,
трос люкаськем пузъёссэс пи поттон вылысь курег, немыч
но ӵӧж улэ тырисько вал. Павлинъёс асьсэос но чипыоссэс
умой учко-утялто. Пиоссы чырткемесь вордӥсько, мумызылэн
тыбыр вылаз ворттылыны ярато. Озьы кезьытлэсь но,
тушмонъёслэсь но утиськыны выро.
Юан-веран
Палаське-а коӵышлы COVID-19?
Коронавирус пудо-животлы
паласькыны быгатэ шуыса
кылӥськиз. Осконо-а талы?
Ольга В.
Алнаш ёрос
Валэкто Удмуртиысь Пудо
эмъянъя валтӥсь управлениысь
специалистъёс
COVID-19 коронавирус
адямилэсь пудо-животлы паласькыны
быгатэ. Эскеронъёс
возьмато, тужгес капчиен солы
сётско коӵышъёс но пуныос.
Таос мукет животъёс пӧлын висёнэз
вӧлмытыны быгато. Парсьёс
но тылобурдоос пӧлын вируслэн
паласькемез нокытын
пусйымтэ на. Котьма ке но чакласькыны
косэмын:
• Пудо-живот дӥне потэмлэсь
азьвыл одно ик роспрос
миськоно киосты,
ымныре маска дӥсяно. Гидын
ветлон перчатки, сапег,
халат но кышет нимаз
луизы ке, эшшо умойгес.
Сое лапас улэ ик кельтыны
луэ — микробъёсты
солань-талань эн нуллэ.
Животэз сюдэм, кыскем,
кыедзэ утялтэм бере одно
ик киосты миськоно.
• Коӵыш-пуныез чупан-маяллянлэсь
али возиськоно,
асьтэдыз нюлыны лэзёно
ӧвӧл. Пуныосты думетын
возёно.
• Карантин ялэм гуртъёсысь
пудо басьтонлэсь возиськоно.
• Коронавирусэн черлам
адямилы пудо котыртӥ
берганы уг яра.
________________________________
Бамез дасяз Елена САРАМАТОВА