krumminn júlí 2020

1. TBL. 2. ÁRG. JÚLÍ 2020 MANNLÍFIÐ OG TILVERAN Í HVERAGERÐI
SKÖPUNAR-
ÞÖRFIN
VAKNAÐI
MJÖG SNEMMA
Viðtal bls. 6 - 7
Listamaðurinn Mýrmann býr og starfar í Hveragerði, en þar hefur hann
verið með annan fótinn síðastliðin 20 ár. Víðir Ingólfur Þrastarson eins
og hann heitir, hefur lengi fengist við listir og sköpun, bæði í formi
sjón- og tónlistar. Um tíma bjó hann í Bretlandi þar sem hann stundaði
nám í hönnun nútímaskartgripa, sem mætti kalla listrænt skart. Fór til
Noregs þar sem hann var nemandi norska málarans Odd Nerdrum.
„Ég bjó hjá honum á sveitabæ hans í Noregi. Nedrum hafði breytt
hlöðu í listaaðstöðu þar sem nemendurnir bjuggu á neðri hæðinni og
vinnustofur voru á loftinu. Ég kynntist honum og öðrum listamönnum
sem þarna voru. Mér fannst ég einfaldlega kominn heim. Námið þarna
var af gamla skólanum, svona meistari og lærlingur nám. Í fyrstu tvo
mánuðina var hann í raun að brjóta mig niður, mér fannst ég ekki
kunna neitt og það hélt mér á tánum. Svo fór hann að byggja mig upp
og lofaði mig í hástert. Var samt ekkert að reyna að breyta mér sem
málara, heldur fór að vinna með mína eiginleika. Svoleiðis fór ég að
bæta mig og opna hug minn,“ segir Víðir.
LÍF OG FJÖR Á KÓSÍ 17. JÚNÍ Í HVERAGERÐI
1

www.krumminn.is
krumminn@krumminn.is
Útgefandi: Klettagjá ehf.
Ritstjóri og ábyrgðarmaður:
Hrund Guðmundsdóttir
Umbrot: Klettagjá ehf.
Prentun: Prenttækni
Upplag: 2000 stk.
Próförk: Ingibjörg Rósa Björnsdóttir
Myndir: Helena Stefánsdóttir,
Guðmundur Erlingsson, Hafsteinn Thor
og fleira hæfileikafólk úr Hveragerði
Innsent efni:
Fréttir: frettir@krumminn.is
Aðsendar greinar: krumminn@krumminn.is
Auglýsingar: auglysingar@krumminn.is
NEYÐIN KENNIR NAKTRI KONU
AÐ SPINNA… VEF!
Það eru liðin nokkur ár síðan ég gaf út
Krummann síðast ásamt vinkonu minni,
Ellen Ýr Aðalsteinsdóttur. Við stukkum algjörlega
út í djúpu laugina og fannst nú ekkert eðlilegra
en að stofna fyrirtæki og hella sér í blaðaútgáfu
í miðju fæðingarorlofi. Svo þurftum við að byrja
að vinna og komust aldrei alveg aftur í gang með
þetta ævintýri.
Eftir að hönnunarfyrirtækið mitt Klettagjá sá
fram á mikinn verkefnaskort í og eftir Covid-19
faraldurinn, varð ég að gyrða mig í brók og búa
til eitthvað nýtt eða bara byrja upp á nýtt.
Svo ég ákvað að demba mér aftur í útgáfustörfin.
Ég sakna Ellenar mikið og finn hvað þetta er miklu meira puð svona ein og fæ því lánuð augu
og eyru fólks í kringum mig. Ég tók því sérstaklega fagnandi á móti Helenu Stefánsdóttur sem
bauð fram hjálp sína enda vön að taka viðtöl og tekur fallegar myndir.
Ég opnaði nýjan vef í júní, www.krumminn.is og fékk fljótt í lið með mér hina og þessa
Hvergerðinga sem voru til í að senda mér myndir, taka viðtöl, skrifa greinar og birta auglýsingar.
Eftir stutta könnun á Facebook vildu íbúar bæjarins einnig fá prentað bæjarblað og halda inni
sömu liðum og áður, viðtali, nýbúakynningunni, litlu börnunum, Krunk Krunk viðtalinu o.fl.
Ég er óskaplega þakklát öllu þessu góða fólki sem vill taka þátt í að halda þessum miðli lifandi
og leggja sitt af mörkum og ég mun gera mitt besta til að halda þessu gangandi, skemmtilegu
og fræðandi.
Ást og friður
Hrund
MEIRA LÍF OG FJÖR Á 17. JÚNÍ
Ljósmyndari: Helena Stefánsdóttir
Fleiri myndir má sjá á www.krumminn.is og www.helenastefansdottir.is
2

3

FRAMKVÆMT SEM ALDREI FYRR
Það er gaman að vera til þegar sólin skín, þegar hlýnar í veðri og lygnir. Líf og fjör færist í bæinn okkar. Götur fyllast
af lífi, nágrannar spjalla og börn ærslast úti.
Sumarið hefur loksins tekið við af ansi strembnum vetri í blómabænum og nú sem aldrei fyrr erum við svo
óendanlega þakklát fyrir gróðurinn, ilminn í loftinu, bjartar nætur og gleðina sem færist yfir hugann þegar sumarið
loksins kemur.
Sjaldan ef nokkurn tíma hefur jafn mikið verið í gangi og nú. Þrátt fyrir kófið þá er engan bilbug að finna á þeim
fjölmörgu sem nú hyggja á framkvæmdir og er bæjarfélagið sjálft þar engin undantekning. Viðbygging við
grunnskólann rís nú norðan við skólabygginguna og þar með heyrir gegnumakstur um Skólamörk sögunni til.
Sex kennslustofur verða teknar í notkun haustið 2021 og mun tilkoma þeirra bæta allt skólastarf til mikilla muna.
Nú er unnið að lagningu vatnslagnar frá vatnstanknum ofan við Hlíðarhaga og að Kambalandi. Er verkið nokkuð flókið í framkvæmd enda þarf
að grafa þar í stígakerfi skógræktarinnar undir Hamrinum. Með þessari lögn verður til góður göngustígur með lýsingu sem án vafa á eftir að auka
vinsældir þessa svæðis til útivistar allt árið um kring.
Undir Hamrinum mun fljótlega opna nýr frisbígolfvöllur en búið er að velja vellinum stað, hanna hann og setja saman körfurnar. Uppsetning
þeirra er á næsta leiti og bið ég áhugasama um að taka vel í beiðni um sjálfboðaliða í það starf.
Þær gleðifréttir bárust í vikunni að samþykkt hefði verið umsókn Íbúðafélagsins Bjargs og Hveragerðisbæjar um stofnframlög til byggingar
10 almennra leiguíbúða í Kambalandi. Nú mun hönnun íbúðanna hefjast og vonast er til að byggingu þeirra verði lokið árið 2021. Áhugasömum
er bent á að sækja nú þegar um á heimasíðu Bjargs íbúðafélags.
Vinsældir Kambalands eru miklar og þar rís nú hvert húsið af öðru. Nú þegar götur hafa tekið á sig mynd er auðveldara að sjá hverfið fyrir sér
og greinilegt að margir hafa hug á setjast að á þessum fallega stað. Í nýrri samgönguáætlun ríkisstjórnarinnar er gert ráð fyrir flutningi þjóðvegarins
neðar í landið en þess mun hverfið njóta ríkulega.
Útboð á endurnýjun búningsklefanna í Sundlauginni Laugaskarði mun fara fram í júlí með það fyrir augum að framkvæmdir hefjist í október
og ljúki í apríl/maí 2021. Mun þessi framkvæmd gjörbreyta allri aðstöðu fyrir gesti sundlaugarinnar en enginn kemst hjá því að sjá að núverandi
klefar hafa látið verulega á sjá á undanförnum árum.
Fjölmargt fleira mætti kynna á þessum vettvangi en ég læt hér staðar numið og enda á því að fagna framtaki Hrundar Guðmundsdóttur sem
ákvað að endurvekja Krummann. Það er gaman fyrir Hvergerðinga að eiga vettvang sem þennan til að koma skilaboðum og skoðunum á framfæri.
Bestu sumarkveðjur
Aldís Hafsteinsdóttir, bæjarstjóri
MINNINGIN LIFIR
B&B skemmtihlaupið fór fram í Hveragerði laugardaginn 20. júní sl. þar sem um 80 hlauparar komu saman og styrktu gott málefni. Hressileg
upphitun var í Lystigarðinum við Fossflöt að hætti Íþróttaálfsins og Magga mjóa. Hlaupnir voru 5 km í blíðskaparveðri án tímatöku og í lokin voru
léttar veitingar og skálað fyrir lífinu. Veitt voru verðlaun fyrir fyrsta sætið en það kom ekki mörgum á óvart að Kristinn Ólafsson skyldi koma fyrstur í
mark. Glæsilegir vinningar voru síðan dregnir út í happdrættinu og áttu öll góða stund saman.
Hlaupið var haldið í minningu Mikaels Rúnars Jónssonar sem lést af slysförum 1. apríl 2017 aðeins 11 ára gamall. Stofnaður hefur verið sjóður og er
tilgangur hans að að styrkja einstaklinga sem misst hafa ástvin á barnsaldri, styrkja skóla og íþróttastarf barna auk annarra góðra verka.
Þau sem vilja styrkja málefnið geta lagt frjáls framlög inn á bankareikning sjóðsins. Banki 0314-26-002160 kennitala 470519-1500.
4

KRUNK KRUNK
ÁGÚST ÖRLAUGUR MAGNÚSSON
- ÖLLI
Umsjónarmaður Hamarshallar
Hvað ætlarðu að verða þegar þú verður stór?
Hamingjusamur formaður knattspyrnudeildar
Hamars í Pepsi deild Kvenna og Karla.
Hvað myndir þú gera ef þú mættir stjórna
Íslandi í einn dag? Ég mundi senda rigninguna frá
Íslandi og hækka vel upp hitastigið. Ég myndi líka
millifæra slatta af peningum í íþróttastarfið.
Hver myndi leika þig ef gerð væri kvikmynd um þig? Danny Devito
Skemmtilegasta hreyfing/íþrótt? Fótbolti... og borðtennis sem hentar mínu
ásigkomulagi betur í dag.
Hvar sérðu þig eftir fimm ár? 190 cm, 76 kg. Ég verð líklega að spila sem
atvinnumaður í borðtennis.
Við hvað ertu hræddur? Að vera í mikilli hæð, er óstjórnlega lofthræddur. Sem
er reyndar ekki gott þegar ég verð orðinn 190 cm.
Fallegasti staðurinn? Grýluvöllur á góðum sumardegi.
Hvað gafstu síðast í gjöf? Ég gaf henni Sonju minni blóm um daginn.
Með hverjum myndir þú vilja vera fastur í lyftu? Hannesi rafvirkja. Því hann
gæti eflaust lagað lyftuna.
Hvað er það vandræðalegasta sem hefur komið fyrir þig? Ég á ansi mörg
vandræðaleg móment, sum eru kannski ekki við hæfi hér. En ég er mjög klaufskur
og hef lent í allskonar ótrúlegum vinnuslysum. T.d lenti ég í „vinnuslysi“ í vetur
þegar ég var að bera mótor og endaði á því að detta á hann með hausinn og
endaði með nokkrum saumum á enninu.
Á hvern skorar þú í næstu yfirheyrslu? Ég skora á Kolbrúnu Guðmundsdóttur
sem er gríðarlega duglegur félagsmaður hjá Knattspyrnudeild Hamars
FÓTBOLTASTUÐ Á SKAGANUM
Ungir knattspyrnumenn úr 7. flokki Hamars
héldu á Akranes í júní til að etja kappi á hinu
víðfræga Norðurálsmóti og má með sanni
segja að um frábæra helgi hafi verið að ræða.
Einstök tilþrif, baráttugleði, sætir sigrar, súr
töp, vinátta og hamingja ríkti meðal þessarra
efnilegu kappa í blíðskaparveðrinu.
Hvað framtíðin leiðir í ljós er óvíst en eitt er
þó víst að knattspyrnuframtíð Hamars er
eins björt og Flórída-Skagasólin sem skein
alla helgina og verður spennandi að fylgjast
með iðkendum okkar blómstra enn frekar um
ókomna tíð.
Áfram Hamar!
Myndir og skrif: Hafsteinn Thor
ELDRI BORGARAR HITTAST Á NÝ
Krumminn kíkti við á fyrstu æfingu eldri borgara í Hamarshöllinni eftir samkomubann. Loksins
máttu æfingar hefjast að nýju og höfðu margir beðið eftir þeirri stund með óþreyju. Það er alltaf
hlýtt og gott í höllinni og gervigrasið er alveg tilvalið til göngu og upphitunar áður en Berglind
Elíasdóttir leiðbeinir iðkendum í fjölbreyttum æfingum við allra hæfi. Öll þakklát og spennt að
byrja aftur með bros á vör eins og sjá má á myndinni.
5

LISTAMAÐURINN
MÝRMANN
Vinnur með arfleifðina og hið
íslenska umhverfi
Listamaðurinn Mýrmann býr og starfar í Hveragerði, en þar hefur hann
verið með annan fótinn síðastliðin 20 ár. Víðir Ingólfur Þrastarson eins
og hann heitir, hefur lengi fengist við listir og sköpun, bæði í formi
sjón- og tónlistar. Um tíma bjó hann í Bretlandi þar sem hann stundaði
nám í hönnun nútímaskartgripa, sem mætti kalla listrænt skart. Fór til
Noregs þar sem hann var nemandi norska málarans Odd Nerdrum.
„Ég bjó hjá honum á sveitabæ hans í Noregi. Nedrum hafði breytt
hlöðu í listaaðstöðu þar sem nemendurnir bjuggu á neðri hæðinni og
vinnustofur voru á loftinu. Ég kynntist honum og öðrum listamönnum
sem þarna voru. Mér fannst ég einfaldlega kominn heim. Námið þarna
var af gamla skólanum, svona meistari og lærlingur nám. Í fyrstu tvo
mánuðina var hann í raun að brjóta mig niður, mér fannst ég ekki
kunna neitt og það hélt mér á tánum. Svo fór hann að byggja mig upp
og lofaði mig í hástert. Var samt ekkert að reyna að breyta mér sem
málara, heldur fór að vinna með mína eiginleika. Svoleiðis fór ég að
bæta mig og opna hug minn,“ segir Víðir.
Umbreytingarkrafturinn er mikilvægur en hann byggist á heimspekinni
um gullgerðarlistina (Alkemía), þar sem einu efni er breytt í annað.
Listamenn vinna á svipaðan hátt, taka hugmynd og gera eitthvað úr
henni.“
University of Creative Arts í Bretlandi
Víðir stundaði meðal annars nám við Myndlistaskólanum í Reykjavík og
lærði hönnun í Iðnskólanum í Reykjavík. Um tíma stundaði hann einnig
nám við Tónlistarskóla FÍH, þar sem hann lærði á gítar. Fyrir skömmu
lauk Víðir mastersgráðu í hönnunarnámi frá University of Creative Arts í
Bretlandi. Víðir hefur bæði mikla menntun og reynslu á sviði listmálunar
og hefur hann af og til stundað kennslu og miðlað af reynslu sinni.
Fékk þessa köllun
„Ég bjó í sveit í Fljótshlíðinni sem barn, en ég á samt að ég held
engin ættartengsl þangað. Ég hef teiknað síðan ég man eftir mér, en
áhuginn kviknaði fyrir alvöru í kringum 10 ára aldur. Ég var að skoða
listaverkabækur með myndum gömlu meistaranna, en það var þá
sem ég fékk þessa köllun. Ákveðið verk eftir William Turner, heillaði
mig og þá gerðist eitthvað innra með mér. Svo fór það í dvala á
unglingsárunum og annað tók við, rétt eins og gerist á þeim árum.
Ég byrjaði svo að fikta við að mála í kringum 17 ára aldur. Það eru
listrænir hæfileikar í ættinni, sértaklega í föðurætt, “ segir Víðir.
Dulúð og dökk rómantík
„Sköpunarþörfin vaknaði mjög snemma og er orðin algjörlega samofin
persónu minni í dag. Síðustu tvo áratugi hefur olíumálun átt hug
minn allan. Ég er með svolítið gamaldags stíl, mála landslag og kalla
þetta Syneris (samvirkni),“ segir Víðir. Mörg verka listamannsins bera
blæ liðinna tíma þó myndefnið sé nútímalegt. Stíllinn með dulúð og
dökkum litum minnir svolítið á verk flæmsku miðaldameistaranna.
Til þess að kalla fram þennan sérstaka blæ notar Víðir eldri málaratækni
en segist þó brjóta allar reglur þegar henti honum. „Ef verkin eru of
akademísk vantar þau oft áferð listamannsins sem glæðir þau lífi. Ég
mála mikið ljósaskiptin og finnst eitthvað heillandi við breytingar og
það er það sem ég er auðvitað að reyna að fanga. Ég vinn mikið með
rómantík, það má kannski kalla þetta dökka rómantík. Táknheimurinn
skiptir mig líka máli og dulspekin er mér hugleikin, þar sem hún tengist
æðri meðvitund, guðdómi og andans málum.
6

Miðlar áhrifum og tilfinningum
Listamaðurinn segist sjálfur blanda alla sína liti og notar hann einungis
grunnlitina til þess. Honum finnst ekkert mál að vinna samhliða í
mörgum verkum, flakkar auðveldlega á milli verka sem geta verið á
sitthvorum litaskalanum. „Ég finn alltaf út rétta litinn, ég er orðinn svo
vanur. Ég veit líka nákvæmlega þegar verkið er tilbúið,“ segir hann.
Myndefni listamannsins kemur því úr bakgrunni hans, umhverfi og
ekki síst tilfinningum sem mótuðust innra með honum þegar hann
var barn. „Þetta eru bara mínar rætur, við búum hér á eyju. Ég reyni
að miðla áhrifum og tilfinningum sem ég hef tekið með mér úr æsku,
inn í fullorðinsárin. Mér finnst ég líka verða að miðla arfleiðinni. Þegar
ég mála hlusta ég mikið á tónlist, hún veitir mér líka innblástur. Ég hef
samt ekki lagst í rannsókn á því hvernig verk ég mála þegar ég hlusta
á þungarokk eða klassíska tónlist.“ Myndirnar sýna mjög oft stórbrotna
náttúru með öllum sínum krafti, andstæðum og átökum, kýr, kindur,
hrafna, báta, og skip, ásamt táknmyndum. „Ég gæti þess að gefa ekki
allt of mikið upp í sambandi við viðfangsefnið. Mér finnst skipta svo
miklu máli að skilja eitthvað eftir fyrir áhorfandann.
Kominn af franskri prinsessu?
„Föðurættin kemur frá Stöðvarfirði og nafnið Mýrmann er að austan.
Langa-langafi minn, Þorsteinn Þorsteinsson tók upp nafnið Mýrmann,
en hann hafði tengingu við mýrar fyrir austan, sem ég kann ekki nánari
skil á. Ég er ekki skírður Mýrmann, en fyrir um 15 árum tók ég upp
þetta listamannsnafn, einfaldlega af því að mér fannst það passa svo
vel við myndirnar mínar. Ég er því kominn af austfirskum sjómönnum
í föðurætt, svo þaðan kemur áhuginn á sjónum og sjómennsku. Auk
þess sagði pabbi mér að aftur í ættir væri ég líka kominn af frönskum
sjómönnum og að ég gæti rakið ættir mínar til franskrar prinsessu.
Ekki veit ég hvort það sé rétt, en sagan er engu að síður góð, “ segir
Víðir og hlær. Gefi leikmaður ímyndunaraflinu lausan tauminn, væri
hægt tengja evrópskar rætur listamannsins við 17. aldar málaratækni
Mið-Evrópu.
Viðfangsefnið kemur til mín
„Síðustu tuttugu árin hef ég verið mjög afkastamikill í sýningahaldi,
verk eftir mig finnast víða í einkasöfnum. Fyrir nokkru kom til mín
maður sem sagðist alltaf vera að sjá eitthvað nýtt í verkinu sem hann
á. Þá er tilgangnum náð, ég vil að fólk verði fyrir eigin hughrifum og
finni núvitund þegar það virðir fyrir sér verkin mín. Ég mála sjaldan eftir
pöntunum heldur kemur viðfangsefnið til mín. Það er því gaman þegar
aðrir kunna að meta það sem ég miðla hverju sinni.“
Á tímamótum
Víðir segist standa á tímamótum og eftir sjálfsskoðun hafi hann breytt
ýmsu í lífinu. „Ég hafði þörf fyrir það að þenja mörkin og hef synt á móti
straumum bæði meðvitað og ómeðvitað. Undanfarið hef ég einbeitt
mér að sjálfsrækt, og hef ég einblínt á það að gefa meira af sjálfum mér.
Þá fara hlutirnir að koma til manns. Nú er ég er að undirbúa sýningu
á stórum olíuverkum. Sú hugmynd er á frumstigi, en staður og stund
kemur síðar, “ segir Víðir að lokum. www.myrmann.com
Myndir og skrif. Helena Stefánsdóttir
7

HEYRST
HEFUR…
að Sjöfn Ingvars kunni ekki að nota
sólarvörn
að uppselt sé á öll námskeið í
hundahlýðniskóla Mattheu Sig.
að Guðrún Hafsteins baki orðið betri
súrdeigsbrauð en Almar
að Arion banki sé farinn á Selfoss. Fór í
banka, ekki banka!
að nytjagámurinn sé opinn aftur
að Ólafur Þórir hafi stigið í hundakúk
kl. 6.00 og orðið virkilega reiður
að það vanti leiguíbúðir í Hveragerði
að fegurðarsamkeppni vörubíla fari nú fram
í Dynskógum
að Tom Cruise hafi þvælst um Suðurland
að það þurfi hringtorg á Breiðumörk -
Þelamörk á rush hour
að Jónína Ben sé hrædd við ketti
að 17. júní hafi aldri verið jafn kósí
að sum hafi verið þyrstari en önnur í B&B
hlaupinu og komið extra fljótt í mark
að brauðbíllinn sé vinsælli en ísbíllinn og
bókabíllinn
að einhver hafi ekki ratað úr
skátaratleiknum á 17. júní
að lúsmýið hati lavender og rok
að hægt sé að fá bestu súpu bæjarins
á mánudögunum í konugolfi GHG
að Björgvin Karl fari á inniskónum í vinnuna
að það sé bannað að hjóla á
hoppubelgnum
að Bryndís Valdimarsdóttir sé orðin
formaður húsbílafélagsins í Hveragerði
að njólar og fíflar eigi ekki heima á
göngustígum
HVER ERUÐ ÞIÐ?
Halldór Smárason, Thelma Lind
Guðmundsdóttir, Óliver Muggur Helgason
og Hagalín Smári Halldórsson
Helstu áhugamál?
Við erum öll mikið fjölskyldufólk
og elskum að vera saman og búa til
minningar. Halldór er tónlistarmaður og
allir fjölskyldumeðlimir mjög tónelskir
svo oft er tónlist leikin eða brostið í söng.
Thelma vinnur sem ráðgjafi hjá Birtu -
starfsendurhæfingu Suðurlands og eru
andleg málefni henni mjög hugleikin.
Heimilislífið einkennist því af djúpum
samtölum um lífsins veg með tónlist
alltumlykjandi.
Hvað er langt síðan þið fluttuð til
Hveragerðis?
Við fluttum fyrir tveimur árum, sumarið
2018.
Hvar bjuggu þið áður og hvers saknið
þið mest þaðan?
Áður bjuggum við í vesturbæ Reykjavíkur, í lítilli falinni paradísargötu sem heitir Lágholtsvegur.
Við söknum yndislegu nágranna okkar, roksins út á Granda, hins einstaklega sjarmerandi Cafe
Retro sem nú heyrir sögunni til - og jú, að geta rölt niðrí miðbæ (þó það hafi gerst sjaldan).
Af hverju Hveragerði?
Foreldar Thelmu fluttu til Hveragerðis ári áður en við svo við vöndum komur okkar austur yfir
heiði um skeið. Á svipuðum tíma áttum við von á yngri syni okkar, Hagalín Smára, og vorum á
góðri leið með að sprengja utan af okkur íbúðina í vesturbænum. Því leituðum við að stærra
húsnæði. Með tímanum heilluðumst við af Hveragerði og ákváðum að slá til og festa kaup á nýju
parhúsi hér í bæ. Við sjáum ekki eftir því og erum yfir okkur ástfangin af þessum fallega blómabæ
og samfélaginu hér.
Mikilvægast í lífinu?
Fjölskyldan, heilsan okkar, njóta hvers augnabliks og vera þakklát fyrir hlutskipti okkar í lífinu.
SÖGULEGUR LEIKUR
Þann 7. júní sl. var merkilegur dagur í knattspyrnusögu Hamars í Hveragerði. Nýstofnað kvennalið
meistaraflokks spilaði fyrsta mótsleik í sögu félagsins. Í tilefni þess slepptu Hvergerðingar dúfum
sem tóku flugið í kringum völlinn. Stelpurnar mættu sterku liði ÍA í mjólkurbikarkeppninni. ÍA tók
strax tveggja marka forystu og barðist Hamar vel í fyrri hálfleik og átti góða spretti. Seinni hálfleikur
var ekki eins kröftugur og fóru lokatölur 0-8 fyrir gestunum. Hvergerðingar fjölmenntu á völlinn og
það verður gaman að fá að fylgjast með þessu efnilega liði í sumar. ÁFRAM HAMAR!!
Byrjunarlið Hamars í fyrsta leik liðsins.
(Efri röð f.v.) Katrín Rúnarsdóttir, Íris Sverrisdóttir, Bríet Mörk Ómarsdóttir, Fanney Úlfarsdóttir, Harpa Hlíf Guðjónsdóttir
og Lilja Dögg Erlingsdóttir. (Neðri röð f.v.) Dagný Rún Gísladóttir, fyrirliði, Sunneva Hrönn Sigurvinsdóttir, Kolbrún Ýr
Karlsdóttir, Karen Bergsdóttir og Inga Lára Sveinsdóttir. Mynd: Guðmundur Erlingsson
8

VELKOMIN Í HEIMINN
Úlfur Michael Norris
Fæðingardagur: 28. september 2019
Foreldrar: Fjóla Dögg Norris
og Gareth James Norris
Fæðingarþyngd: 1954 gr
Lengd: 43 cm
Birgittu- og Kristjánsdóttir
Fæðingardagur: 7. júní 2020
Foreldrar: Birgitta Dröfn Sölvadóttir
og Kristján Óðinn Unnarsson
Fæðingarþyngd: 3320 gr
Lengd: 51 cm
Kári Þór Michelsen
Fæðingardagur: 19. nóvember 2019
Foreldrar: Esther María Ragnarsdóttir
og Davíð Michelsen
Fæðingarþyngd: 3110 gr
Lengd: 46 cm
Ásta Birna Hafsteinsdóttir
Fæðingardagur: 30. ágúst 2019
Foreldrar: Sjöfn ingvarsdóttir
og Hafsteinn Þór Auðunsson
Fæðingarþyngd: 2700 gr
Lengd: 48 cm
Hildur Tinna Tryggvadóttir
Fæðingardagur: 10. júní 2019
Foreldrar: Íris Alma Össurardóttir
og Tryggvi Hjörtur Oddsson
Fæðingarþyngd: 4304 gr
Lengd: 55 cm
Anton Manúel
Fæðingardagur: 14. febrúar 2018
Foreldrar: Gestný Rós og Stefán Örn
Fæðingarþyngd: 4018 gr
Lengd: 51 cm
Erna Katrín Þorsteinsdóttir
Fæðingardagur: 4. janúar 2020, fyrsta barn
ársins fætt á Selfossi
Foreldrar: Eyrún Anna Stefánsdóttir
og Þorsteinn Óli Brynjarsson
Fæðingarþyngd: 3300 gr
Lengd: 49 cm
Breki Sturla
Fæðingardagur: 28. maí 2019,
Foreldrar: Gestný Rós og Stefán Örn
Fæðingarþyngd: 5000 gr
Lengd: 54 cm
Orka Ýr Snorradóttir
Fæðingardagur: 10. september 2019
Foreldrar: Guðrún Magnea Guðnadóttir
og Snorri Þór Árnason
Fæðingarþyngd: 3650 gr
Lengd: 51 cm
Matthias Hrafn Þórarinsson
Fæðingardagur: 15. apríl 2018
Foreldrar: Karen Dagmar Guðmundsdóttir
og Þórarinn Gíslason
Fæðingarþyngd: 2990 gr
Lengd: 50 cm
ANNA JÓRUNN
STEFÁNSDÓTTIR HLÝTUR
MENNINGARVERÐLAUN
HVERAGERÐIS 2020
Anna Jórunn á mörg spor í menningarlífi
bæjarins og er varla til það félag í menningarlífi
okkar Hvergerðinga sem Anna Jórunn hefur
ekki komið nálægt. Hún hefur ekki alltaf verið
sú persóna sem mest ber á, en eins og sonur
hennar Stefán nefndi við mig þá á hún mjög
erfitt með að segja nei og hefur því ávallt
verið tilbúin að taka að sér hlutverk og bjarga
málum og aðstoða eins og henni er einni
lagið. Anna Jórunn hefur sungið með Kirkjukór
Hveragerðis og Kotstrandarsóknar, Söngsveit
Hveragerðis og einnig með kór eldri borgara
í Hveragerði, hún hefur ávallt verið tilbúin
að aðstoða við raddþjálfun og styðja við og
syngja hvaða rödd sem er því að hún les nótur
mjög vel og er lagviss. Ef það vantar stuðning
í bassa eða tenór eða jafnvel organista er það
ekki vandamál, lögin og textana lærir hún strax
utanbókar og stendur nær ávallt á tónleikum
blaðalaus á meðan flestir eru með möppur.
Anna Jórunn er heiðursfélagi Leikfélags
Hveragerðis en þar hefur hún verið félagi til
tugi ára þar sem hún hefur setið í stjórn, verið
formaður í mörg ár, leikstýrt nokkrum verkum
og leikið í enn fleiri verkum.
Anna Jórunn er einnig sellóleikari og hefur
í mörg ár spilað með Sinfóníuhljómsveit
áhugamanna. Hún er mikil handverkskona
og hefur verið dugleg að tileinka sér gamalt
handverk og hefur m.a. verið að orkera, gimba
og knipla og hefur hún meðal annars kennt að
knipla á þjóðbúninga hjá Heimilisiðnarfélagi
Íslands. Þá er hún einnig góður hagyrðingur
og yrkir vísur ef þarf sagði góð vinkona hennar.
Það sem hún Anna Jórunn hefur tekið sér fyrir
hendur er gert með eldmóði og dugnaði.
Innilega til hamingju Anna Jórunn, þú ert
einstaklega vel að þessum verðlaunum komin.
Friðrik Sigurbjörnsson
formaður menningar-, íþrótta- og
frístundanefndar Hveragerðisbæjar
Friðrik Sigurbjörnsson og Anna Jórunn
9

Ljósmyndir Helenu Stefáns
„Eitt lítið augnablik“
ULLARPEYSUR
MARGIR LITIR
TJARNARBYGGÐ - SELFOSS
SÍMI 698 3413
-facebook-
Myndlist
og grafísk hönnun
Tökum að okkur fjölbreytt verkefni,
merkjahönnun, myndlýsingar,
auglýsingagerð, umbúða- og
bæklingahönnun o.fl.
Myndir málaðar eftir pöntun.
Ljósmyndaþjónusta
Hveragerði og Reykjavík
www.helenastefansdottir.com
klettagja@klettagja.is
Klettagjá
www.klettagja.is
Ýmsar stærðir kælikerfa
í allar stærðir sendi- og
flutningabíla, fyrir kældar
og frystar vörur. Vottuð
kerfi fyrir lyfjaflutninga.
Við ráðleggjum þér með
stærð og gerð búnaðarins
eftir því sem hentar
aðstæðum hverju sinni.
Færanleg kælitæki
í sendibíla
öflug kælikerfi frá Thermo king
10
Ísfrost, sími 577 6666, Funahöfða 7, 110 Reykjavík

KRUMMINN KEMUR
NÆST ÚT Í ÁGÚST
FYRIR BLÓMSTRANDI DAGA.
MUNIÐ AÐ PANTA AUGLÝSINGAR
TÍMANLEGA.
AUGLYSINGAR@KRUMMINN.IS
Gluggaþvottur á Suðurlandi
Fagmennska, þjónustulund og hagstætt verð
Krafthreinsun sérhæfir sig í gluggaþvotti í Hveragerði, Árborg og
Ölfusi, hvort heldur er að utan eða innan og hefur til þess búnað í
fremstu röð frá heimsþekktum framleiðendum.
Hafðu samband og fáðu tilboð
Sími 88 88 810 - krafthreinsun@krafthreinsun.is
www.krafthreinsun.is
Pallar til leigu og sölu - Mikið úrval
Smiðsbúð 10, 210 Garðabæ - s. 787 9933
vpallar@vpallar.is - www.vpallar is
11

SUNDLAUGIN
LAUGASKARÐI
SUMAROPNUN
- frá 15. maí til 15. ágúst
Mánudaga til föstudaga
kl. 06:45 – 21:30
Helgar kl. 09:00 – 19:00
Sjáumst í sundi!
VETRAROPNUN
Mánudaga til föstudaga
kl. 06:45 – 20:30
Helgar kl. 10:00 – 17:30
12