Guia Arratia 2020

Arratiako Udalen Mankomunitatea
Udalaz gaindiko erakunde hau 1982. urtean eratu zan, Arantzazu, Areatza, Artea, Bedia, Dima, Igorre, Lemoa,
Ubide eta Zeanuriko Udalen aginpidetzako zerbitzuak modu mankomunatuan eskeintzeko. Udalerri horreek
danak Arratiako natur eskualdean dagoz.
4
ARRATIAKO UDALEN MANKOMUNITATEA
Elexalde, 49 (Igorre) Tel. 946 311 717 • Faxa 946 319 215
mankomunitatea.arratia@bizkaia.org
www.arratia.net • Ordutegia: 8,00etatik-15,00etara
ARRATIAKO UDALEN MANKOMUNITATEA,
ZURE ZERBITZURA
I. OINARRIZKO GIZARTE ZERBITZUAK
Administrazioaren gizarte-zerbitzuak jasotzeko zein gizarte-prestazioak
eskuratzeko atea da. Zerbitzu honen eginkizunak honako hauek dira:
- Prestazino eta zerbitzuen ganeko informazinoa emotea.
- Gizarte Zerbitzuen Euskal Sistemaren prestazio eta zerbitzuei
buruzko informazioa.
- Kasuen balorazioa eta jarraipena, hala eskatzen duten kasuetan.
- Pertsonen beharrizanei erantzuteko prestazio eta/edo zerbitzu
egokietara bideratzea.
- Kasuetan esku hartzen duten beste sistema eta eragileekin
koordinatzea.
Helburua hauxe da: pertsonen ongizatea, gizarteratzea, bizi-kalitatea
eta autonomia hobetzea, zerbitzuak eskaintzen dituen jarduerak,
zerbitzuak eta prestazioak direla tarteko.
Eskaintzen diran prestazino eta zerbitzuak honeek dira:
Gizarte-larrialdietarako laguntzak (GLL): Helburuzko izaera
daukan laguntza ekonomikoa, urtekoa. Etxebizitza alokatzeagatiko
gastuak, hipoteka-kredituaren amortizazioa, etxebizitzaren, altzarien
edota etxetresnen mantentze-lana, konponketak eta instalazioak
ordaintzeko edota zorpetzeari eta oinarrizko beharrizanei erantzuteko
baliatzen da.
Hipoteka gastuetarako laguntza bereziak: Laguntza horiek AUMk
GLLgatik ematen dituen zenbatekoen barruan sartuko dira aurten.
Gizarteratzeko laguntza bereziak: Aldian behingo prestazio
ekonomikoa, oinarrizko premiak ordaintzeko bideratuko dena, bai eta
gizarte eta/edo lan-inklusiorako prozesutik sortuko direnak ere. Gastu
horiei aurre egiteko baliabide ekonomiko nahikorik ez duten pertsonei
zuzenduko zaizkie.
Mendekotasunaren balorazinoa: Modu iraunkorrean pertsonek
autonomia fisikoa, sentsoriala, mentala edo intelektuala ez izatea
baloratzen da, adinagatik edo desgaitasun batengatik sortzen dena, bai
eta egunerako bizitzaren oinarrizko jarduerak egiteko beste pertsona
baten laguntza behar izatea ere. Lortutako balorazioaren arabera,
honako zerbitzu eta/edo prestazio hauek eskuratu ahal izango dituzte:
etxez etxeko laguntza zerbitzua; telelaguntza; eguneko eta gaueko
zentroaren zerbitzua; egoitzazko zerbitzu iraunkorra eta aldi baterakoa;
familia-ingurunean zaintzak egiteko prestazio ekonomikoa; eta laguntza
pertsonalerako prestazio ekonomikoa.
Etxez etxeko Laguntza Zerbitzua: Zerbitzua ordainketa partekatuari
atxikita dago, eta prebentziorako, laguntzarako eta inklusiorako
eskaintzen da. Hain zuzen ere, autonomiari dagokionez mugak dituzten
erabiltzaileei laguntzeko sortu da, beren etxebizitzetan geratzeko aukera
ematen dieten eguneroko jarduerarik oinarrizkoenak egin ditzaten.
Zerbitzuaren bitartez arreta pertsonalerako laguntza eskaintzen da eta,
hala badagokio, etxekoa ere bai, ahalik eta denbora luzeenean ohiko
inguruan molda daitezen.
Telelaguntza: Erabiltzaileak behar izanez gero, laguntza iraunkorra (24
ordu egunean) eskaintzen duen zerbitzu batekin berehala harremanetan
jartzeko aukera ematen du zerbitzu honek. Gailua aktibatzeko, botoia
sakatu besterik ez da egin behar, eta aktibatutakoan beharrezko laguntza
berehala eskuratzeko modua ematen dio erabiltzaileari. Zerbitzua
ordainketa partekatuari atxikita dago: 5 euro hilean.
Gizartean eta hezkuntzan esku hartzeko zerbitzua: Gizartean
eta hezkuntzan esku hartzeko lantaldea haurrek babesgabetasunarazo
arinak edo arruntak dituzten egoeretan esku hartzeaz eta horiek
prebenitzeaz arduratzen da, baldin eta gizarte- eta hezkuntza-arloan eta
arlo psikosozialean laguntza behar bada.
Gizarte-hezkuntzako laguntza hori (banakakoa, familiakoa edo taldekoa)
familiaren etxean bertan nahiz komunitatearen ingurunean landu daiteke.
Zerbitzu honen helburu nagusia laguntzen diren adingabeen garapen
integrala bermatzea da, familia-bizitza normalizatua sustatuta.
II. ETXEKO HONDAKINEN KUDEAKETEA ETA BILKETEA
Lehentasunezko zerbitzua da, bitarteko propioekin diseinatua eta
kudeatua, eta AUM-k ingurumenarekiko eta jasangarritasunarekiko
duen konpromisoarekin bat eginez, sentsibilizazio kanpainekin indartua.
Etxeetako hondakinen gaikako bilketa sustatzen du, eta ordenantza baten
bidez dago araututa.
Eukiontzi motak:
- Grisa: berrerabili edo birziklatu ezin daitekeen etxeetako errefusa.
- Urdina: papera-kartoia.
- Horia: plastikozko eta metalezko ontziak.
- Berdea: beira.
- Marroia: materia organikoa (bio-hondakinak).
- Laranja: etxeetako olioa.
- Zuria: berrerabilpena: etxetresna txikiak, arropa, liburuak.
- Pilak: pilak eta akumuladoreak.
ALTZARIAK ETA TAMAINA HANDIKO GAIAK JASOTZEA: zerbitzua
aurretiaz eskatu behar da, AUM-ren telefono zenbaki honetan: 946
311717.