2 наурыз сейсенбі

8 2 наурыз, сейсенбі, 2021 жыл МӘДЕНИЕТ
SARYARQA SAMALY
«КӨРПЕ FEST»
СПОРТ
Павлодар облысында «Көрпе Fest» мега этнофестиваліне
қатысушыларға бұйымдары үшін
онлайн дауыс беру басталды. Айта кетелік, белгілі
ұлттық өнер жанашыры, қайраткер Ырза
Тұрсынзаданың бастамасын Павлодар облысы
әкімінің әкімі Әбілқайыр Сқақовтың қолдауына
ие болған еді. Ендігі жерде байқаудың мәресіне
жететін сәті де таяп келеді.
Өңірде қолөнер фестивалі
2020 жылдың 23 қарашасында
онлайн форматта басталған
болатын. Мәліметке сүйенсек,
аймақтағы онлайн байқауға
5-70 жас аралығындағы 211 адам
тіркелген, оның 50-і бала. Байқауға
қызығушылық танытып,
шеберлік сабақтарына қатысып
жатқандардың жалпы саны
400-ге жуықтады. Қатысушылар
екі айдан астам уақыт бойы
кәсіби шеберлік сабақтарын тегін
алып, өзара тәжірибе алмасуға
мүмкіндік алды. «Көрпе Fest»
мега этнофестивалінің негізін
қалаушы Ырза Тұрсынзаданың
айтуынша, бұл – салт-дәстүрді
кәсіпке айналдырып, нәсібін
табамын деген нәзік жандылар
үшін пандемия кезінде жасалған
ауқымды қолдау.
«Карантин кезінде жұмыссыз
қалып, нәпәқасынан айрылған
адамдар көп. Осы кезде бірінші
мақсат – оларды барынша демеу,
екінші мақсат – үйдің ұйытқысы
ғана емес, елге үлгі болатын
қырық жанды қазақ әйелінің
болмысын жаңғырту. Қазақ
барда бұл кәсіп – мәңгілік», -
дейді белгілі этнодизайнер Ырза
Тұрсынзада.
Сонымен қатар, ол павлодарлық
нәзік жандылардың салтқа
беріктігін аңғарғандығын атап
өтті. «Бәрі Павлодар облысында
ұлттық байқау өткізу қиын болады
деген болатын. Алайда,
павлодарлық әйелдер бәрінен
озды. Өйткені, салт-дәстүрді
жақсы сақтаған», - дейді ол.
«Көрпе Fest» фестивалі Павлодар
аймағында алғаш рет
ұйымдастырылып отыр. «Осы
шараны ойлап тапқан Ырза апамыз
бен оның бастамасын қолдаған
облыс әкіміне алғысымыз
шексіз. Себебі, біз өңірде
ұлттық қолөнерге қызығушылығы
бар әйелдердің осынша көп
болатынын білмеппіз. Осы конкурс
арқылы біз басымызды біріктіріп
ТЕАТР
Ұлттық өнер белесі
үлкен бір «отбасына» айналдық», -
дейді Уәсилә Нұрмұханбетова.
Айта кетейік, байқау төмендегі
бес номинация бойынша жарияланды.
«Шебердің инесі де – алтын,
күймесі де – алтын!», Қазақы
нақыштағы интерьер үлгісі, «Көрпе
вернисажы» (4 көрпе, 4 жастық),
«Ұлттық сый кәде» онлайн шеберлік
сабақтар нәтижесінде жасалған
бұйымдар, «Атаның кәсібі –
баланың нәсібі» атты 5 жастан
16 жасқа дейінгі болашақ
шеберлер байқауы.
Байқау соңында барлық қатысушыларға
жалпы сертификаттар
беріледі. Ал, жеңімпаздарға
бизнес үшін 5 млн теңгеге дейін
грант алуға мүмкіндік беретін
Ырза Тұрсынзаданың жеке кәсіби
шеберлік курсынан өткені
туралы арнайы сертификат,
тұрмыстық және өндірістік тігін
машиналары, сонымен қатар
авторлық дизайнмен көмкерілген
25 метрлік шапанға арналған
кездемелер табысталады. Павлодар
өңіріндегі «Көрпе Fest» мега
этнофестивалінің қорытындысы
22 наурызда өтетін салтанатты
шарада жарияланады.
Облыс бойынша аудан-қалалар
арасынан алсақ, мегафестивальге
облысымыздың
Аққулы ауданынан қатысушылар
баршылық. Фестивальге ауданның
20-ға жуық көпбалалы ана,
ардагер зейнеткер, өзін-өзі
қамтыған, балалар қатарынан
шеберлі қатысушыларымыз өз
өнерлерін ұсынуда. «Төрткен -
өрнегі», «Ұлттық өнер - қазынам»,
«Қосжүрек – ғашықтардың сөзіндей»,
«Інжу-маржан құрағы»,
«Сарқылмас өнер», «Сиқырлы
өрнектер», «Таң әсемдігі» және
т.б. атты туындылар қолөнер
шеберлігінің, оның ішінде қазақтың
құрақ құраудың қайталанбас
оюларымен ерекшеленеді. Әр
атаудың негізінде қатысушының
шығармашылық шабыты мен жігері
байқалады. Мысалы, Аққулы
Қарлығаш ХАШЫМҚЫЗЫ
ауылының қатысушысы Садақ
Ғарап апайымыз «Төрткен өрнегі»
деген туындының мағынасында
«Төрт құбылам тең» деген мәнді
білдірді. Майқарағай ауылынан
қатысушы Уәлихан Мадина
ханым туындысының «Таң әсемдігі»
атауы Таңның – жаңа күннің
басталатынын білдіретін,
жаңа мақсатқа, жаңа арманға,
қиялға жетелейтін таңғажайып
құбылыспен теңдестірді. Жамбыл
ауылынан көпбалалы ана Ошал
Жанай ханым туындысын «Қырық
құрақ оюлар» немесе ұлттық
өнерде оюлардың сан алуан
кеңістігін, ерекшелігін топтастырды.
Аққулы ауылынан
Айымгүл Омарханова есімді
жас шебер болса, фестиваль
аясында «Қосжүрек - ғашықтардың
сөзіндей» атты 4 көрпе,
4 жастық бұйымдарын ұсынуда.
Қатысушылар белгілі дизайнер
Ырза ханымның әлеуметтік
желілерде ұйымдастырылған
шеберлік сабақтарын алып,
жұмыс барысында бұйымдарын
өздігінше жаңа стилистикада
әзірледі. Фестиваль ережесі
бойынша қатысушылардың
жұмыстары бірегей түстік келбетте
ұйымдастырылуы қажет.
Аудан қатысушылары мәдениетімізде
аса ерекшеленетін
көгілдір мен сары, қызғылт
пен ақ эстетикалық мағыналы
түстерге бейімделді.
Қуантарлық жайт, балалардың
қызығушылық танытып,
Қарақала ауылынан Нашен
Томирис, Серібекқызы Перизат
қыздарымыздың белсенді қатысушылары
дәстүрге деген
сүйіспеншілік пен төл өнерге
Көптен күткен қауышу
Сүйінші, халайық! Бір жылдан бері пандемия жағдайына
байланысты жұмысын тоқтатып, қалың
көрерменімен қауышар күнді асыға күткен театр
сахнаға қайта оралды. 5 наурыз күні Ж.Аймауытов
атындағы қазақ музыка-драма театрының өнерпаздары
жаңарған сахнада «Ерте ояндым, ойландым»,
яғни «Жас Абай» трагедиясын сахналамақ.
Театр басшысы Арман Темірбектің
айтуынша, әртістер сахнаны
сағынған.
- Бұл күнді біз ұзақ күттік.
Қазіргі сәтте актерлік құрам, жалпы
ұжым театр алғаш рет ашылатындай
әсерде жүрміз. 1 жыл
сахнаға шықпау, жаңа рөлге дайындалмау
- әртістер үшін ұзақ үзіліс.
Дегенмен, біздің труппа театрға
көрермен келмейді деп қарап жатпады.
Әлеуметтік желілерде түрлі
жобалар ұйымдастырып, театрда
бұған дейін жасап келген дайындықтарын
онлайн жалғастырып
жүрді. Тіпті, карантин уақытында
актерлік құрам жаңа қойылымның
дайындығын да бастаған болатын, -
дейді А.Темірбек.
Театр ғимараты жөндеу жұмысына
жабылған кезде Торайғыров
университетінің концерт залында
дайындық жұмыстарын жүргізіп,
жаңа қойылымдарды да сонда
пысықтағаны есімізде. Пандемияға
дейін режиссер Ж.Садықов сахналаған
Ш.Айтматовтың «Жәмила»
лирикалық драмасы премьерасын
күтіп тұр.
- «Жәмила» пьесасы былтыр
Ұлы Жеңістің 75 жылдығына орай
сахналанған болатын. Өкінішке
қарай, дайын қойылымды сахналап,
премьерасын жасауға үлгермедік.
Жалпы, бұл көрерменін ұзақ
күткен қойылымның бірі болды.
Дейтұрғанмен жақын күндері келушілер
назарына ұсынылатыны
бізді қатты қуантады. Қойылымның
премьерасы 24-25 наурызда
болады, - дейді режиссер
Ж.Садықов.
Атап өтерлігі, театрға келушілер
залға сыятын көрермен санының
20 пайызынан аспауы керек.
Сонымен қатар, сақтық ережелерін
сақтау міндеттеледі. Ал 32-театр
маусымын 5 наурыз күні, сағат
18.30-да, 6 наурыз күні сағат 17.00-
де «Ерте ояндым, ойландым» яғни
«Жас Абай» трагедиясы ашады.
Театрда жүздескенше, жамағат!
Сурет inform.kz сайтынан алынды.
қадір-қасиеттің белгісі. Облыс
төңірегінде екі айдан астам
өткізіліп жатқан фестиваль
200-ден астам өнерге баулыған
шеберлерді қолөнер шеңберіне
біріктіріп, көлемді де зор мағыналы
жобада әрқайсысының
ерекшелігін асқақтата түсті.
«Өнер көзі халықта» демекші,
халқымыздың сарқылмас мұрасы
төл қолөнері сансыз қырлы.
Ата–баба дәстүрінен келе жатқан
шеберлі қолөнер туындылары
әрқайсымызды ұлттық өнердің
қасиеттілігі мен мәніне тәнті
етеді. Дәстүрдің дара жолымен
салған қолөнерді жастар арасында
дәріптеу, дамыту бүгінгі
күннің маңызды мақсаттарының
бірі. Бұл ретте ұлы дала
дәстүрін өнерлі қырларымен
ерекшеленетін әйелдер қауымы
арасында кеңінен насихаттауда
елге танымал атақты этно
дизайнер, ҚР Президентінің
«Алтын сапа» сыйлығының иегері,
«Құрмет белгісі» орденінің
иегері Ырза Тұрсынзаданың
бастамасын шынында құптауға
тұрарлық.
Айтқандай, қазіргі кезде
облыстың барлық аудан-қалаларында
аталмыш мегафестивальге
тіркеліп, бұйымдарын
ұсынушы шеберлер қолынан
шыққан өнімдерін әлеуметтік
желілерде таныстырып, әрқайсысы
өздеріне берілген хештег
(қатысушының нөмірі және
аты-жөнінен тұрады) бойынша
онлайн дауыстар жинауда.
Ұлттық өнерді қолдап, шеберлерімізге
дауыс берейік!
Н.ҚАНАТБЕКҰЛЫ.
05 наурыз
жұма
Карантиндік шектеулерге
байланысты аймағымызда
республикалық турнирлер
өтпегелі қашан... Жақында
облыс орталығында шаңғы
жарысынан жасөспірімдер
арасындағы ел чемпионаты
аяқталды.
Шаңғышылар
«шайқасы»
Иә, мықтылар бақ сынасқан ірі жарыс
болмаса да, «республикалық» деген
мәртебесі бар турнирді ұйымдастыру –
зор абырой. Сайысқа еліміздің түкпіртүкпірінен
285 спортшы қатысқанын
ескерсек, айтулы дода деуге толық негіз
бар. Десе де, санитарлық талаптарға
сай «Зеленая роща» шаңғы базасында
өткізілген чемпионат жайлы
павлодарлықтардың көбі естімеді. Бес
күнге созылған жарыста қатысушылар
өзара бақ сынасып, тез-тез тарқасып
кетті.
Турнирде дараланған павлодарлықтар
аз емес. Атап айтсақ, коньки
стиліндегі 3 шақырымдық сында Сабина
Сүлейменова Қазақстан чемпионы
атанды. Ал Елизавета Толмачева еркін
стильде (3 шақырым) 2-орынға, 1,1 шақырымдық
спринтте қолаға қол жеткізді.
Сондай-ақ Никита Павлов 5 шақырымға
созылған сайыста 3-орынға табан
тіреді.
Павлодарлық жас шаңғышылар
7-12 наурыз күндері Солтүстік Қазақстан
облысында өтетін Гимназиадаға қатысатынын
атап өткен жөн.
Халықаралық және Республикалық театр фестивальдерінің
лауреаты Ж.Аймауытов атындағы Павлодар облыстық қазақ
музыка-драма театрының 2021 жылғы наурыз айының
РЕПЕРТУАРЫ
06 наурыз
сенбі
07 наурыз
жексенбі
12 наурыз
жұма
17 наурыз
сәрсенбі
19 наурыз
жұма
20 наурыз
сенбі
24, 25
наурыз
сәрсенбі
27 наурыз
сенбі
18.30 32-ші театр маусымының ашылуы!
М.Әуезов «Ерте ояндым, ойландым...»
(Жас Абай) /трагедия/
17.00 М.Әуезов «Ерте ояндым, ойландым...»
(Жас Абай) /трагедия/
17.00 К.Жүнісов «Ғашықтар хикаясы» /комедия/
Халықаралық әйелдер күніне орай
11.00
15.00
А.Салбанов
«Ойыншықтар» /ертегі/
18.30 М.Байджиев
«Тіл табысқандар» /комедия/
18.30 Б.Соқпақбаев
«Балалық шаққа саяхат» /драма/
11.00 М. Ахманов «Наурыз – думан» /ертегі/
18.30 ПРЕМЬЕРА! Ш.Айтматов «Жәмила»
/лирикалық драма/
17.00 К.Гольдони «Венециялық егіздер» /муз.комедия/
Халықаралық театр күніне орай
Театр мекенжайы: Ломов көшесі, 140-үй, 31-02-09, касса 62-27-57, 87753682271
teatrpavlodar.kz онлайн билет - Тicketon Events