Digital Book

Petsa: Abril 30, 2021
Oras: 9:00 - 11:30 am
Lugar: Barangay Socorro Hall
Paksa/Layunin: Pamamahagi ng School Supplies
Mga Dadalo:
1. Hon. Mae Mendezabal
2. Hon. Kimberly Austria
3. Hon. Joshua Pactor
4. Hon. Janlloyd Dugo
5. Hon. Teodulo Santos
6. Hon. Maria Mesia
7. Hon. Famela Galang
8. Hon. Engilbert Balang
9. Hon. Valeriano Balay
10. Hon. Leonido Mendoza
11. Hon. Alfredo Navarra
12. Hon. Cesar Sioson
Mga Paksa sa Adyenda Taong tatalakay Oras
1. Panimulang
Palatuntunan
Hon. Mae Mendezabal
30 minuto
2. Iba't-ibang uri ng
School Supply
Hon. Kimberly Austria
30 minuto
3. Paraan ng
pamamahagi
Hon. Janlloyd Dugo
30 minuto
4. Rekomendasyon
tungkol sa pagbibigay
ng load allowance
Hon. Joshua Pactor
30 minuto
5. Budget
Punong Barangay
Hon. Miguel Flores
30 minuto

Sintesis ng
Memorandum
at Agenda
Ayon sa memorandum at agenda na isinagawa, ang paksang
tatalakayin sa magaganap na pagpupulong sa ika-30 ng Abril sa
oras na 9:00 hanggang 11:30 am ay tungkol sa pamamahagi ng
school supplies sa mga mag-aaral ng junior at senior high school
at ano-anong kagamitan ba ang essential o importante na dapat
mapabilang sa ipapamahagi. Bukod dito, ilang rekomendasyon,
tulad ng load allowance ang tatalakayin at magiging budget para
sa proyekto at paano ipapamahagi ang mga napagpasyahang
school supply na ibibigay sa mga mag-aaral, nang hindi makahawa
at kumalat ang sakit na COVID-19 ngayong panahon ng
pandemya. Ang mga nasabing paksa ay ipapaliwanag ng mga
kagawad at ang budget naman ay ipapaliwanag ng punong
barangay.

Kalagayan ng wikang filipino sa
panahon ng pandemya
W r i t t e n T a s k 5 :
T a l u m p a t i
I s i n u l a t n i :
M i g u e l F l o r e s
1 2 - L O V E

Makapangyarihan ang
Wikang Filipino sa
Panahon ng Pandemya
Magandang umaga sa inyong lahat mga kamagaral,
mga butihing guro, at mga kapwa Pilipino!
Kay ganda ng araw kaya't magpasalamat tayo ngayon
sa Panginoon. Nais kong ipabatid sa inyo ang
kalagayan ng wikang Filipino sa panahon ng
pandemya.
Alam nating mga Pilipino na ang bansang
Pilipinas ay binubuo ng maraming wika, tulad ng
Tagalog, Bisaya, Bikol at marami pang iba. Ngunit,
ang ating wikang pambansa ay ang wikang Filipino.
Ito ay nabuo bilang isang midyum tungo sa
pagkakakilanlan, pagkakaunawaan, at pagkakaisa ng
bawat Pilipino. Sa paglipas ng panahon, ang ating
wika ay lumalago at maraming mga salita ang
naimbento tulad ng "sana lahat," "alaws,"
"erpats," at iba pa. Subalit, sa panahon ng
pandemya, mas nananaig ang wikang Ingles bilang
midyum sa pagpapahayag ng impormasyon sa social
media at mga pook-sapot ng gobyerno. Ika nga ni
Dr. Jose Rizal, "ang hindi marunong magmahal sa
sariling wika, ay higit sa hayop at malansang
isda." Bilang isang Pilipino, naniniwala ako na
mas makapangyarihan na gamitin ang wikang Filipino
sa halip na Ingles sa pagpapakalat ng mga
mahahalagang detalye patungkol sa krisis na
kasalukuyang kinakaharap ng bansang Pilipinas.

Mas mainam na gamitin ang wikang Filipino at
mga katutubong wika sa pagpapahayag ng mga
impormasyon patungkol sa pandemyang COVID-19. Ang
paggamit ng wikang Filipino at mga katutubong wika
ang pinakamabisang midyum sa pagkakaunawaan ng
sambayanang Pilipino. Ang solusyon o pagresolba sa
pandemyang dinaranas ng buong mundo, partikular na
sa Pilipinas, ay hindi lang nakasalalay sa paggawa
ng epektibong bakuna. Higit pa rito, may malaking
papel ang pagkakaroon ng kamalayan ng bawat
Pilipino ukol sa virus na sa tama at naiintindihang
impormasyon ay magkakaroon ng kolektibong hakbang
ang mga tao upang maiwasan ang pagkalat ng
nakakamatay na sakit at makagawa ng prebensiyon
para rito.
Ang wikang Filipino at wikang katutubo ang
tulay sa paghahatid ng kamalayan sa mga Pilipino
upang ang mapigilan ang kumakalat na sakit.
Subalit, napag-iiwanan ang mga nasa laylayan ng
ating lipunan dahil hindi maunawaan nang malalim
ang kinakaharap na sitwasyon sapagkat banyaga ang
wikang ginagamit sa pagpapaliwanag. Mawawalan ng
saysay ang mga litrato at mga impograpikong
naglalaman ng mahahalagang detalye tulad ng tamang
paghuhugas ng kamay, pagsuot ng face mask,
pagsasagawa ng social distancing at iba pa kung
hindi naman ito lubos na nauunawaan ng publiko.
Tulad ng iba pang sakit na malala, ang pag-unawa ng
sambayanan ay isang epektibong gamot na nagbibigay
ng paunang aksyon sa mga ito. Ayon sa istatistika

ng Statista.com, umabot na ng 1.1 m ang kabuuang
kaso ng COVID-19, at 61,294 ang aktibong kaso
simula noong Mayo 9, 2021, isang maaaring pahiwatig
na hindi ganoon kaepektibo ang inaanunsyong detalye
na nasa wikang Ingles.
Ang wikang ginagamit ng isang komunidad o
pamayanan ay higit na epektibo sa pagpapaalis ng
pangamba o takot dahil naipapaliwanag at napaguusapan
ang pandemyang COVID-19 sa wikang
komportable ang mga tao o mamamayan ng isang
partikular na lugar sa iba't-ibang panig ng
Pilipinas.
Sa kasalukuyan, ang kalagayan ng wikang
Filipino at mga katutubong wika ay humaharap sa
matinding pagsubok sa problemang hatid ng
pandemyang ito. Dahil dito, mas lumilinaw sa atin
na mas ginagamit ang wikang Ingles kumpara sa
pambansang wika at mga katutubong wika.
Nais kong ipabatid sa inyo, na ang wikang
Filipino ay makapangyarihang kagamitan sa panahon
ng pandemya, kaya't pahalagahan, mas bigyang
pansin, at gamitin ito. Sapagkat, ito ang
magbibigay-daan sa solusyong maaaring tutugon sa
iba't-ibang kalamidad at pandemyang kakaharapin pa
ng bansang Pilipinas, hindi lang ng mga mayayaman,
kundi pati na rin ang mga nasa gitna at laylayan ng
ating lipunan. Ang wika ko, ang wika mo, ang
pambansang wika nating Pilipino ang susi sa
tagumpay ng ating muling pag-ahon sa panahon
ngayon.

REPLEKTIBONG SANAYSAY
"Nagbago ang Aking buhay, simula nang
makilala ko Siya"
"When we put Him first,all other things will fall
into their proper place or drop out of our lives," ang
sabi ni Ezra Benson, na isa sa mga kasabihan na
nagbago ng aking buhay. Noong ako ay limang na gulang
pa lamang, namatay ang aking ina na nakasama ko lang
ng dalawang taon dahil siya ay may sakit sa puso.
Hindi ko siya lubos na kilala, ngunit nang siya ay
mawalay sa akin, gumuho ang mundo ko at araw-araw
pakiramdam ko ay tila isang kahon na walang laman.
"Existing but not living," ika nila. Nagdaan ang mga
panahon at nagsisimula na akong mag agam-agam sa
sarili kong buhay, sapagkat ang mga tao sa aking
paligid, ang aking mga kaklase at aking kapatid ay
nakatatanggap ng mga karangalan sa buhay— unang
karangalan, ikalawang karangalan, best in Science at
iba pa. Iyan ang mga bagay na hindi ko makamtan noong
ako ay nasa paaralang elementarya pa lamang. Ako ay
napaisip nang malalim, at sinabi ko sa sarili ko,
"makakamtam ko rin kaya ang mga katagumpayang ito?" At
isang araw, may binuklat akong libro na naglalaman ng
kwento tungkol sa isang taong nagsakripisyo ng buhay
niya para sa sanlibutan. Simula noon, nagbago ang
aking buhay nang makilala ko siya.
Ako ay mas naging optimismo. Tinitignan ko ang
mga magagadang bagay na mangyayari kumpara noon na
laging iniisip ang masamang mangyayari sa lahat ng
pagkakataon dahil inialay ko ang tiwala ko sa Kanya.

Halimbawa, noong ako ay nasa ikapitong baitang pa
lamang, ako ay isinali sa pandistritong paligsahan sa
"Science Quiz Bee" at hindi ako umaasa na manalo.
Ngunit, ako pa rin ay nagtiwala at naging optimismo na
kahit ika-limang puwesto ay sana makapasok ako. Sa
isang himala, ako ay nagwagi ng ikaapat na puwesto at
hindi ko ito inaasahan. Ramdam ko ang parang ulan na
pagpatak ng aking pawis at kaba nang ako ay matawag sa
entablado at ako ay galak na galak nang matanggap ko
ang medalyang kasingkulay ng ginto.
Naging bukas ang aking isipan. Tinuruan niya ako
na tignan ang bawat bagay sa iba't-ibang pananaw at
hindi lang base sa nakikita ko. Kalaunan ay nakatulong
ito sa akin na maintindihan ang dahilan kung bakit may
nagaganap na bagyo sa buhay ng isang tao at natutuhan
kong intindihin at tanggapin ang bawat opinyon at
iba't-ibang pananaw ng mga tao. Karagdagan, natuto rin
akong mag-isip na labas sa karaniwan sa bawat gawain o
aralin na aking isinasagawa.
Nakatanggap ako ng mga karangalan. Simula noong
nakilala ko siya, ang mga hinahangad ko lang noon ay
nakamit ko rin. Noong ako ay nasa ika-siyam na
baitang, nagkamit ako ng pang-siyam na karangalan. Ang
unang beses kong makapasok sa "top ten" ng buong klase
namin. At sa ika-10 na baitang, sa hindi ulit
inaasahang pangyayari, ako ay nagkamit ng unang
karangalan. Ito na ata ang isa sa masayang pangyayari
na naganap sa buhay ko. Kaya nanumbalik ako sa Kanya,
at nagpasalamat dahil simula noong nakilala ko siya,
sunod-sunod ang natatanggap kong biyaya.

Bilang konklusyon, ang pagkakakila ko sa kanya
at pagbibigay ng tiwala ay nagdulot sa akin ng
maraming pagbabago sa buhay. Naging optimismo akong
mag-isip imbis na magpokus ako sa mga hindi
magagandang pangyayari, naging bukas at malawak ang
aking isipan at tignan ang mga pangyayari sa iba'tibang
pananaw, at nagwagi ako ng maraming karangalan.
Ang dating hinahangad kong maging matagumpay ay
nakamit ko rin dahil sa Kanya. Siya ay walang iba
kundi si Hesukristo. Siya ang nagbigay sa akin ng mga
reyalisasyon, at itinama niya ang mga maling parte ng
buhay ko. Ngayon, napagtanto ko na hindi lang ako ang
matutulungan niyang magbago, gayundin sa ibang tao na
nais maging maayos ang kanilang buhay.
Isinulat ni:
MIGUEL FLORES
12 - LOVE

LAKBAY-SANAYSAY
SA INTRAMUROS
PAGLALAKBAY
I S I N U L A T N I M I G U E L F L O R E S
" P A G B A B A L I K - T A N A W A T P A N G U N G U L I L A S A N A K A R A A N N G P I L I P I N A S "
Ako ay isang uri ng tao na hindi mahilig lumabas,
"introvert" kung tawagin nila. Hindi kailan man ay ako ay naging
sabik sa pagpunta sa iba't-ibang lugar kahit pa ito ay puno ng
ng mga luntiang kapaligiran at sariwang hangin, mas pipiliin ko
pa rin na manatili sa aking tahanan. Ngunit, noong buwan ng
Nobyembre, kami ay naatasan na magsagawa ng bidyo patungkol sa
El Fili Busterismo. At upang mas maging makatotohanan ang aming
bidyo, kami ay naglakbay patungo sa Intramuros — lugar na kilala
bilang "the walled city." Nang aking masilayan ang mga hindi
pangkaraniwang lugar sa Intramuros, tila isang kakaibang
pakiramdam ang aking nadama — tulad ng isang ibong malaya na
gustong balikan ang kanyang kinagisnan.

Ang Intramuros ay matatagpuan sa timog ng ilog ng Pasig
at silangan ng Manila Bay. Ang "walled city" ng Intramuros ay
itinayo ng mga Kastila 450 taon na ang nakalilipas, bilang kuta
at "base" laban sa mga mananakop, mga pirata, at mga natural na
kalamidad.
Habang nagmamasid sa paligid ng Intramuros, napansin ko
ang mga gusali, simbahan, at "ruins" na kakikitaan ng
impluwensya ng mga Kastila sa arkitektura ng mga ito, na
makapagbibigay sa isang tao ng pakiramdam na para bang namumuhay
siya sa panahon noon.
At sa bawat sulok ng mga "gate" at gusali, kami ay
nakakita ng mga guwardiya sibil na may bukod-tanging uniporme na
hindi tulad ng isinusuot ng mga kapulisan sa panahon ngayon. Ang
kanilang uniporme ay may sombrero na parang pampirata, mahabang
manggas at pantalon na kasingkulay ng kalangitan kumpara sa
orihinal na maitim na kulay ng asul. Bukod dito, may mga kalesa
pa rin na ginagamit na pinaaandar ng kabayo. Mukha itong
masayang sakyan ngunit nakararamdam din ako ng awa dahil hindi
lingid sa aking kaalaman ang pagdurusa ng kabayo habang
itinutulak ang karwaheng may sakay na mga tao sa ilalim ng
nagliliyab na sikat ng araw.
Sa mga lugar na aking napuntahan sa loob ng Intramuros,
ang nagtatak ng marka sa aking isipan ay ang Fort Santiago. Sa
kabila ng mga nagsisigandahang tanawin at mga gusali, at itsura
ng Fort Santiago, mayroon itong madilim na nakaraan na maaaring
makapagbigay ng kilabot sa mga taong bibisita rito. Pagpasok ko
rito, marami akong nakitang mga bilangguan at mga piitan o
"dungeon" na nakakatakot pasukin. Ang kuta na ito ay itinayo
noong 1521 at nagsilbi bilang imbakan ng sandata at bala at
kalaunan ay naging bilangguan ng mga aktibista at mga taong
lumalaban sa gobyerno at pamamahala ng mga kastila noon. Dito
rin nakulong ang ating pambansang bayani na si Dr. Jose Rizal
bago ang kanyang pampublikong eksekyusyon.

Tunay nga na ang Pilipinas ay puno ng mayamang kultura, at
ang Intramuros ang nagpatunay nito sa akin. Ako man ay hindi
mahilig gumala at magmasid ng mga tanawin, ang aking pagpunta sa
tinatawag na "walled city" ay nakapagbigay sa akin ng ibang
pananaw at reyalisasyon na huwag mo lamang mahalin ang Pilipinas
dahil sa magagandang mga arkitektura, mga lugar, at mga
kulturang inimpluwensya ng mga banyaga sa ating pamumuhay,
bagkus ay mahalin mo ang Pilipinas sapagkat ito ay taos-pusong
pinaglaban at sinakripisyuhan ng dugo, pawis at buhay ng ating
mga ninuno upang tayo ay makakamit ng malaya at marangyang
kabuhayan na walang sinumang banyaga ang kumokontrol sa atin at
kung ano ang dapat natin gawin.
Kalipunan ng mga nakuhang Litrato

Larawang-
Sanaysay
Isinagawa ni:
MIGUEL FLORES
12 - LOVE (STEM)

"Ang Buhay ng Estudyante
sa
Panahon ng Pandemya"
Magulong pag-aaral, maingay na kapaligiran,
hindi mawari kung ano ba talaga ang aking
pinakikinggan. Ang aking leksyon? Ang sigaw at
ingay ng mga tao at hayop? O tunog ng boses na
nagsasabing "itigil nalang ang pag-aaral kung
hindi man lang din makapag-aral nang maayos?"

Tambak na mga aralin at leksyong hindi maintindihan na
muling isinulat at binasa upang mas maintindihan nang
mabuti...
Mga hugasin at gawaing-bahay na kailangan gawin tatlo
hanggang apat na beses, pinagsasabay sa mga aktibidad at mga
"performance task" na hindi madaling gawin sa loob lang ng
isang oras.

Subalit, sa kabila ng aking hirap na dinaranas, ako ay
may natatanggap na biyaya— bagay na dapat kong pasalamatan.
Sa bawat hamon at pagsubok na umuubos ng aking lakas,
na parang naglalakad sa walang katapusang disyerto. Tila
maging isang cactus— may kakayahang mabuhay, magpatuloy at
mapanatili ang tubig ng pagganyak upang maabot ang pangarap.
Sapagkat, may pag-asa sa bawat kadiliman na dala ng buhay.

Posisyong Papel
"Ang Pagpapatupad nang mas Matagal
pang General Community Quarantine
para sa Buong Metro Manila"
Isinulat ni:
MIGUEL FLORES
12 - LOVE

P a n d e m y a n g C O V I D - 1 9 : D u l o t n g m a s
M a t a g a l n a G e n e r a l C o m m u n i t y
Q u a r a n t i n e
Ang Coronavirus Disease 2019 (COVID-19) ay unang inanunsyo
ng World Health Organization (WHO) noong Disyembre 31, 2019
bilang bagong uri ng pneumonia. Kalaunan ay naging pandemya ito
dahil sa mabilis na pagkalat nito sa buong mundo at nakaapekto ng
malaking bilang ng mga tao, at itinuring na ito bilang isa sa mga
matinding pandemic outbreak na naranasan sa huling mga dekada
(Hacimusalar et al., 2020). Iniulat naman ng Philippine Department
of Health noong Enero 30, 2020, ang unang kaso ng sakit na COVID-
19 sa ating bansa, na nanggaling sa 38 na taong gulang na babaeng
Intsik. Ito ay maagang naibalita sa buong Pilipinas, subalit, hindi
isinara ng Pilipinas ang borders nito sa halip ay pinayagan pa ng
ating gobyerno ang pagpapasok ng mga dayuhan, partikular na sa
Tsina na pinagmulan ng unang pagkalat ng sakit. Sa kasamaang
palad, ito ay kumalat sa isang lokal na komunidad at naapektuhan
ang maraming tao at mga healthworkers, na ibinalita noong Marso 7,
2020 (World Health Organization, 2020). Sa mabilis na pagkalat ng
sakit na COVID-19, ipinatupad ng lokal at pambansang pamahalaan
ang lockdown at ang iba't-ibang uri ng quarantine, tulad ng General
Community Quarantine sa buong Pilipinas. Ayon sa ulat ng GMA
News, ang Metro Manila ay sasailalim sa mas higpit na General
Community Quarantine simula ika-15 ng Mayo hanggang 31.
Ang pagpapatupad ng mas matagal pang General Community
Quarantine na mas mahigpit kumpara sa normal ay magdudulot ng
mas malaki na negatibong epekto kaysa sa magandang dulot nito.
Una, mas bumababa ang ekonomiya ng bansa. Ang bansang Pilipinas
ay umaasa sa pakikipagkalakalan, turismo, at remittances kaya lubos
ang epekto nito sa ating bansa. Ayon sa ulat ng ABS-CBN News,
nasa -9.5 na porsyento ang gross domestic product (GDP) ng
Pilipinas sa taong 2020, ang pinakamalala mula 1947 o pagkatapos
ng ikalawang digmaang pangkasaysayan. Sinabi naman ng Global
Think Tank na Capital Economics, inaasahan na babagsak ng 12%
ang GDP ng Pililinas, mas mababa kumpara sa pre-crisis trend, at
pinakamalaking agwat sa anumang bansa sa Asya. Higit pa rito,
batay sa ulat ng Rappler noong Mayo 11, 2021, ang GDP ng Pilipinas
ay bumagsak ng 4.2% sa unang kwarter ng taong 2021. Ikalawa,
negatibong epekto sa kalusugang pangkaisipan. Batay sa ulat ng
Rappler, ang kaso ng pagkitil sa sariling buhay o suicide ay tumaas
ng 25.7% sa taong 2020 kumpara noong 2019. Ang sanhi ng kanilang
pagkitil sa sariling buhay ay maaring dahil sa new normal, tulad ng

pagkakaroon ng social isolation na lubos na nakaapekto sa mga
kabataan dahil sa pagkawalay sa kanilang mga kaibigan o mga
kapamilya. Bukod dito, ang modular at online distance learning ay
isa rin sa mga nagpapadagdag ng negatibong epekto sa kalusugang
pangkaisipan ng mga estudyante dahil sa mga aralin na hindi
masyadong maintindihan, partikular na sa mga malalalim at
komplikadong asignatura tulad ng Liknayan at Sipanayan. Ikatlo,
pagbaba ng employment rate. Kumakailan lang, naiulat na ang
unemployment rate noong Pebrero ay pumalo sa 4.2 m, pangatlo sa
pinakamataas magmula noong Abril 2020 na umabot ng 17.6% nang
maitala ang lockdown. Ang kawalan ng trabaho, partikular na sa mga
senior citizen na hindi pinapayagang lumabas dahil sa ipinatupad na
community quarantine, ay lubos na naaapektuhan sapagkat ang
karamihan sa iba ay walang umaalalay sa kanila kaya ay nahihirapan
na maghanap ng makukuhaan ng pera o pagkain. Halimbawa nito ay
isang lola na nag-viral online matapos hindi payagan ng Bureau of
Corrections (BuCor) na makadaan sa isinarang daanan sa Muntinlupa
City, ayon sa ulat One PH. Sinubukan daw niya makiusap sa mga
bantay sa BuCor para pumunta sa kanyang amo kung saan siya ay
maglalabandera upang ipambili ng pagkain at gamot para sa mister
niya na may sakit. Kung sa Access Road daw siya dadaan ay 25
pesos lang ang kanyang gagastusin sa paglalakbay kumpara sa 100
pesos na hindi Access Road. Kalaunan, nag-viral muli ang lola
ngunit nasa burol na siya ng kanyang asawang nasawi dahil sa sakit
na diabetes at sa kidney. Kung hindi sobrang higpit ang mga bantay
sa BuCor ay mas napadali sana ang paghahanap buhay ng lola at
pagpapagaling sa kanyang asawa.
Sa kabilang banda, nararapat lang na ipatupad ang mas
matagal pang General Community Quarantine dahil nakatutulong ito
sa kapakanan ng bawat mamamayan sa bansa. Una, ang mas matagal
pang GCQ na mas mahigpit kumpara sa dati ay nakatutulong
mapabawas ang mabilisang pagkalat ng sakit na COVID-19. Ayon sa
Philippine News Agency, umabot na ng 1.1 m ang kabuuang kaso ng
COVID-19 at may nananatiling 61,294 na aktibong kaso sa buwan ng
Mayo. Upang mas lalo pang makontrol at mapabawas ang mabilis na
pagkalat, kinakailangan ipatupad ang mas mahigpit na GCQ,
partikular na sa Metro Manila. Ikalawa, ang mahabang GCQ ay
makatutulong na pababain ang pasan ng mga doktor at nars at iba
pang healthworkers. Sa muling pagtaas ng kaso ng COVID-19,
nagsisipunuan na ang mga hospital beds at nag-oovertime na sila sa
kani-kanilang trabaho na kung saan hindi ito kabilang sa kanilang

hazard pay na umaabot sa puntong hindi nila kayang bumili ng
kanilang personal protective equipment (PPE). Kung patuloy ang
overflow ng bilang ng mga nagkakasakit, hindi na ito kakayanin ng
ospital at hindi ma-aadmit ang ibang tao na may ibang malala na
sakit tulad ng cancer. Ikatlo, makokontrol ang paglabas ng mga tao.
Sa pamamagitan ng heightened restrictions ng GCQ, hindi
pinepermiso ang paglabas ng mga may gulang na 18 pagbaba at 65
pataas. Pinapayuhan na manatili lang sila sa bahay, lalo na kung
hindi mahalaga ang paglabas nila at para na rin mapigilan ang mga
kabataan na gumala at magtipon lalo na tuwing gabi dahil sa curfew.
Batay sa US Venters for Disease Control and Prevention na mas
mataas ang peligro ng mga may edad 60 pataas sa "severe illness"
kaugnay ng COVID-19 kumpara sa ibang age groups. Gayunpaman,
ipinagbabawal din ang mga batang may edad 18 pababa dahil hindi
pa ganoon kalakas ang kanilang resistensya. Sa kabaligtaran, ayon sa
datos ng DOH noong Agosto, lumalabas na mga nasa edad 20
banggang 59 ang karaniwang namamatay sa COVID-19.
Ang pagpapatupad ng mas matagal pang General Community
Quarantine with heightened restrictions, kumpara sa normal ay
magdudulot ng mas malaki na negatibong epekto kaysa sa magandang
dulot nito. Sapagkat ang mga nasa laylayan ng lipunan ang pinaka
nagdurusa, tulad na lang ng nabanggit kong lola na isang senior
citizen na dahil sa kahirapan ay kailangan lumakbay patungo sa
kanyang amo upang magkapera. Kung tutusin, madali lang manatili
sa kaniya-kaniyang tirahan kung tayo ay mayaman dahil hindi
problema ang pera o mga pagkain sa araw-araw. Subalit, ang mga
mahihirap ay kailangang lumabas upang kumayod kahit na
lumalaganap ang mapanganib na sakit sapagkat wala silang
pagpipilian. Tulad ng sinabi ni Kathryn Bernardo sa kanyang
pelikula na "Hello, Love, Goodbye," "kailangan ko magtrabaho, kasi
wala kaming pera para sa pamilya ko, kaya lahat ng ayoko,
lulunukin na lang. Ang choice ay para lang sa may pera."

Mga Sanggunian:
[1] One PH. (2021, May 11). Lola na hindi pinadaan ng BuCor sa access
road sa Muntinlupa, nasawi ang asawa. YouTube.
https://www.youtube.com/watch?v=w17dh4vdB-A&feature=youtu.be
[2] MA. ANGELICA GARCIA,GMA News. (2021, May 13). NCR Plus under
GCQ with heightened restrictions starting May 15, 2021 | News |. GMA
News
Online.
https://www.gmanetwork.com/news/news/nation/787414/ncr-plusplaced-under-gcq-with-heightened-restrictions/story/
[3] Rivas, R. (2021, May 11). PH GDP shrinks 4.2% in Q1 2021, marking
longest recession in recent history. Rappler.
https://www.rappler.com/business/gross-domestic-product-
philippines-q1-2021?fbclid=IwAR1u-
8MMZly8gcHxhJyfHjfC1J5SZ0o5VirxbAp55K70VoPbfNtD4lo7TMQ
[5] Rocamora, A. J. L. (2021, May 15). 8.9K more survive Covid-19; PH
recovery rises to 93.3%. Philippine News Agency.
https://www.pna.gov.ph/articles/1140376
[6] Hacimusalar, Y., Kahve, A. C., Yasar, A. B., & Aydin, M. S. (2020, July
21). Anxiety and hopelessness levels in COVID-19 pandemic: A
comparative study of healthcare
professionals and other community sample in Turkey. Journal of
Psychiatric Research. NCBI.
https://www.ncbi.nlm.nih.gov/pmc/articles/PMC7372275/
[4] GMA News Online. (2021, March 30). Mga walang trabaho, tumaas
sa 4.2M nitong Pebrero— PSA. Balitambayan.
https://www.google.com/amp/s/www.gmanetwork.com/news/balitam
bayan/balita/781843/mga-walang-trabaho-tumaas-sa-4-2m-nitongpebrero-psa/story/%3famp
[7] World Health Organization. (2020, May). Coronavirus disease
(COVID-19) Situation Report – 113. (2020, May). World Health
Organization.
https://www.who.int/docs/default-
source/coronaviruse/situation-reports/20200512-covid-19-sitrep-
113.pdf?sfvrsn=feac3b6d_2