Сарыарқа самалы, 5 тамыз, бейсенбі

SARYARQA SAMALY
ҚОҒАМ 5 тамыз, бейсенбі, 2021 жыл 7
БІЛІМ
Вектор - табысқа
«Дрон операторы». Осындай қосымша біліктілікті болашақ бағдарламашылар
Павлодар Ақпараттық технологиялар колледжінің студенттері ала
алады. Қазір колледж ұжымы жаңа оқу жылына дайындалуда: бір-екі
аптадан кейін күндізгі оқуға құжаттарды қабылдау аяқталады. Павлодар
облысының талапкерлері аймақтың жетекші оқу орнында, оның ішінде
Нәтижелі жұмыспен қамтуды дамыту бағдарламасы бойынша бюджеттік
орынға үміт арта алады.
Айта кетейік, мұнда ең қажетті
мамандықтар бойынша мамандар
даярланады: Ақпараттық жүйелер
технигі, ақпараттық қауіпсіздік
технигі, салалар бойынша менеджер,
техник-электр механигі.
Біздің түлектеріміз IT-компанияларда
ғана емес (көбінесе олар
өздері осындай фирмаларды
ашады), сонымен қатар банктерде,
мемлекеттік құрылымдарда, квазимемлекеттік
секторда, өнеркәсіптік
кәсіпорындарда, агросекторда,
құрылыста және т.б. жұмыс істейді.
Өйткені бүгінгі күні цифрландыру
экономика мен тұрмыстың әрбір
саласына еніп отыр.
Жалпы, ұжым түлектер табыссыз
қалмайтынына сенімді. Олар
жалданып жұмыс істегілері келмейді -
олар кәсіпкерлік векторды таңдай
алады. Көптеген студенттер әлі
де оқып, сайттар мен мобильді
қосымшалар жасаудан ақша
табады, Компьютерлерді жөндеу
және құрастыру бойынша ақылы
қызметтер көрсетеді.
Павлодарлықтар қазір
ақпараттық технологиялар колледжі
өз базасында «Jylyjai-Teplitsa»
ірі құзыреттілік орталығы мен
IT – hub құрып жатқанын естіген
шығар. «Жас маман» бағдарламасы
шеңберіндегі бұл жоба Қазақстанның
бірде-бір колледжінде жоқ,
егер ТМД елдерінде болмаса:
3D-принтерлер (өнеркәсіптік және
оқу), металды талшықты-оптикалық
кесу білдегі, UV-принтер, 3D-сканер,
графикалық станция және т.б.
бірегей жабдықтар жеткізілуде.
Мұнда 4 зертхана жабдықталуда -
3D прототиптеу, желіні басқару,
Веб-дизайн және әзірлеу, Графикалық
дизайн. Ал облыс басшылығының
қолдауы арқасында заманауи оқу
кеңістігін құру үшін күрделі жөндеу
жұмыстары басталғалы жатыр.
«Қазір біздің бастапқы міндетіміз –
оқыту сапасын арттыру және
оған қоса студенттер үшін
жайлы орта құру. Біз жайлылық
туралы айтқан кезде бұл сапалы
жөндеу жұмыстарын жүргізуді ғана
тілге тиек етпейміз. Жастарға
колледжде қызықты болуы
керек. Олар бұл жерге көтеріңкі
көңіл күймен келуі керек –
комьютерлерге, робот техникасына,
3D-принтерде өздерінің
жобаларын басып шығаруға,
бизнес-идеяларды талқылауда
үлкен қызығушылық таныту керек,
бұрынғысынша сабаққа келіп,
содан кейін үйлеріне кету емес», -
дейді колледж басшысы Серік
Джартыбаев. Мұндай тәсіл материалдық-техникалық
базаның күшейтілуімен
бірлесіп, колледжде білім
алу сапасын арттырады,
студенттердің мүмкіндіктерін
кеңейтеді.
Біріншіден, балалар заманауи
жабдықта жұмыс істеуді үйренеді
Ал бұл жұмыс берушінің алдында
түлектің бәсекеге қабілеттілігіне
қосқан елеулі үлесі.
Мысалы, биылғы жылдан бастап,
білім алушылар «Дрон операторы»
қосымша біліктілігін ала алады.
Мұндай дағды бұрынғыдан да көп
және мүлдем басқа қызмет салаларында
сұранысқа ие. Айтпақшы,
студенттер де осы қарапайым
бағытқа үлкен қызығушылық
танытты.
Екіншіден, IT-hub бизнес-инкубаторы
болады, бұл жерде өңіріміздің
жастары өздерінің стартаптарын
әзірлеп, жүзеге асыра алады.
Сонымен қатар, колледж жабдықталуға
ғана емес, сараптамалық
сүйемелдеуге де мүмкіндік береді,
өйткені құзыреттер орталығының
айналасында Ертіс өңірінің және
бүкіл Қазақстанның IT-қоғамдастығы
шоғырланатын болады. Ол
үшін Ақпараттық технологиялар
колледжі IT-Hub Astana,
еліміздің үздік ЖОО Satbayev
University-мен, қаламыздың жоғары
оқу орындарымен – Торайғыров
Университеті және Педагогикалық
университетімен серіктестік туралы
меморандум жасасты, олар колледж
оқытушылары мен студенттеріне
өздерінің әзірлемелерін қолжетімді
етуде. Серіктестердің өкілдері
аймақтық IT-hub құруға көмектесіп
қана қоймай, колледж студенттері
үшін теориялық және практикалық
сабақтар өткізеді.
Оқу орнын күшейтетін тағы бір
бағыт – өңіріміздің кәсіпорындарымен,
кәсіпкерлік корпуспен,
әлеуметтік серіктестермен
байланыс-тардың кеңейтілуі. Бұның
бәрі студенттер ақылы тәжірибе
үшін көп орындар арасынан
таңдап, оқу кезінде ақша таба
бастауы үшін жасалады. Оған
қоса, жаңа жабдықтар колледжге
де табыс табуға мүмкіндік береді.
Экономиканың шынайы секторындағы
кәсіпорындар бұл жерде
тапсырыстар орналастыра алады,
мысалы, 3D – прототиптеу және
металлды талшықты-оптикалық
кесу қызметтеріне.
- Біз бизнес пен өнеркәсіп
өкілдерін оқу процесіне тартамыз -
бұл да оқытуды толықтырудың
барынша пайдалы болуы маңызды, -
деп жалғастырды Серік Джартыбаев
өз сөзін. - Сондай-ақ озық
жобалар мен коммерцияландыру
идеяларын ұсынуға дайын шығармашыл
оқытушыларды іздейміз.
Жаңа оқу жылына дайындықтың
маңызды құрамдас бөлігі «Мүгедек
адамдарға ұсынылатын кәсіптер
мен сабақтардың атласын» ескере
отырып, колледж қабырғасында
кедергісіз орта қалыптастыру
болды.
IT саласы белгілі бір себептерге
байланысты ерекше қажеттіліктері
бар адамдарды жұмыспен қамту
және дамыту үшін тамаша нұсқа
екені анық. Колледжде инфрақұрылымдық
сәттер ішінара ескерілді
– пандус бар, есік ойықтары
мен санитарлық тораптар
кеңейтілді және мұндай жұмыс
жалғасуда. Сонымен қатар, ерекше
қажеттіліктері бар балаларды
тарту үшін, олардың өздері өсу
мүмкіндіктерін көруі, беделді
мамандық алуы және одан әрі
жұмысқа орналасуы үшін инклюзивті
білім беру жобалары іске қосылады.
Дәл осындай қағида IT-Hub-те
«Jylygai-Teplitsa»-да жүзеге асырылады.
Ақпараттық технологиялар
колледжіне оқуға түсу сұрақтары
бойынша +7(777)864-35-88
немесе 8(7182) 55-58-08, 55-73-25
телефондары арқылы хабарласуға
болады. Колледждің мекенжайы:
Павлодар қаласы, Лермонтов
көшесі, 93-үй.
(20137)
БАЙҚАУ
«Қазақстан мұғаліміне» – 1 млн доллар
Еліміздің ең үздік ұстазын анықтап, оны қолдау, педагог мәртебесін
көтеру мақсатында байқау жарияланды. Жобаның жеңімпазына
1 млн доллар тұратын «Қазақстан мұғалімі» ұлттық сыйлығы
тағайындалады.
Аталған жобаға бастамашы болып отырған –
Қоғамдық маңызды жобаларды дамыту қоры.
Ал Samruk-Kazyna Trust әлеуметтік жобаларды
дамыту қоры «Самұрық-Қазына» АҚ
компаниялар тобының атынан бас серіктес
ретінде бастамаға қолдау көрсетпек.
– «Әлем мұғалімі» жаһандық сыйлығы
– 1 млн долларлық жүлде қоры бар
Нобель сыйлығының баламасы. 2019 жылы
Қоғамдық маңызы бар бастамаларды
дамыту қорының құрылтайшысы Әлия
Назарбаеваның бастамасымен жаһандық
сыйлықтың ұйымдастырушыларымен
меморандумға қол қойылды. Оның аясында
«Қазақстан мұғалімі» ұлттық жобасы
ұсынылды. Жоба педагогтер еңбегінің
беделін, мәртебесін арттыру, сондай-ақ
жаһандық деңгейге шығаруды көздейді.
Біздің ұстаздарымыз әлемдік сыйлықтарға,
дүниежүзілік деңгейде танылуға лайықты.
Мұғалімдерден өтінімдерді қабылдау 15
тамызға дейін жалғасады. Әрбір мұғалім
осы жобаға өз бетінше қатыса алады, өз
өтінімдерін мектеп әкімшілігінің шешімінсіз
немесе қатысуынсыз, бөлім немесе білім
басқармасы немесе Білім министрлігі тарапынан
берілген ұсынымдарсыз бере алады.
Яғни әр мұғалім тең жағдайда қатыса
алады, – дейді қоғамдық маңызы бар
бастамаларды дамыту қорының төрағасы
Ермек Мәжитов:
Тәуелсіз судьялар Академиясының
көмегімен топ-50 мұғалім іріктеліп алынады,
содан кейін 10 финалист анықталады.
Олар 24 қыркүйекте Алматы қаласында
өтетін марапаттау рәсіміне шақырылады.
Жеңімпаздар мен 10 финалист «Әлем
мұғалімі 2022» жаһандық сыйлығының
номинанты атанады.
Азаматтық бастамаларды қолдау
орталығының басқарма төрағасы Лима
Диас «Қазақстан мұғалімі 2021» ұлттық
сыйлығы аясында үкіметтік емес ұйымдарға
30 шағын грант (әрқайсысы 1,2 млн теңге
мөлшерінде) ұсынатынын жеткізді.
– Біздің басты миссиямыз – азаматтық
қоғамды да¬мытуға жәрдемдесу. 2016 жылы
құрылған сәттен бас¬тап Орталық түрлі
әлеуметтік бағыттар бойынша 300-ден аса
гранттық жобаларды іске асырды, оның ішінде
білім беру саласына қатысты әлеуметтік
жобалар да бар. «Қазақстан мұғалімі» ұлттық
сыйлығын өткізу шеңберінде барлық мүдделі
тараптарға білім беру процестері мен
өскелең ұрпақты тәрбиелеудегі әлеуметтік
маңызы бар проблемаларды анықтауға,
оны шешудің жолдарын педагогтердің
тікелей қатысуымен әзірлеуге мүмкіндік
беріледі. Педагогикалық
қоғамдастық пен азаматтық
қоғамның, яғни үкіметтік емес
ұйымдардың бірлескен тиімді
жұмысы болмаса, мұндай
мәселелерді толыққанды
шешу мүмкін емес. Осыған
байланысты жаңа идеялар
мен бастамалардың серпінін
ілгерілету мақсатында
Орталық Samruk Kazyna
Trust әлеуметтік жобаларды
дамыту қоры мен Қоғамдық
маңызы бар бастамаларды
дамыту қорының қолдауымен
үкіметтік емес ұйымдарға
30 шағын грант (әрқайсысы 1,2 млн теңге
мөлшерінде) ұсынады, – деді Л.Диас.
Орталық өкілінің айтуынша, шағын
гранттар жобаға қатысушы мұғалімдердің
білім беру процесін, оқыту жағдайларын
жақсарту және елдің шалғай аудандарындағы
ауылдық мектептердегі оқушылардың білімін
жан-жақты дамыту жөніндегі бастамаларын
іске асыруға бағытталады. Шағын гранттарды
2021 жылдың қыркүйек-желтоқсан
аралығында жүзеге асыру жоспарлануда.
Оператор ретінде Орталық шағын гранттар
беру үшін ҮЕҰ арасында конкурс өткізеді,
сондай-ақ жобаға қатысушы педагогтермен
бірлесіп гранттардың іске асырылуына
мониторинг жүргізеді. Жобалардың іске
асырылу барысы Орталықтың интернетресурстарында
жарияланып, нәтижелері
қорытынды есептік іс-шарада ұсынылады.
Білім және ғылым министрлігі жанындағы
Мектепке дейінгі және орта білім беру
комитеті төрағасының орынбасары Жомарт
Қарамбаев «Қазақстан мұғалімі» ұлттық
байқауының өткізілуі ведомство тарапынан
қолдауға ие болып отырғанын жеткізді.
– Министрлік конкурстың барлық кезеңін
ұйымдастыруға және өткізуге қолдау
көрсетеді, сондай-ақ конкурстың салтанатты
жабылу рәсіміне ведомство өкілдері
қатысады. Қазіргі кезде барлық білім беру
ұйымы осы конкурс туралы педагогтер
арасында түсіндіру жұмыстарын жүргізіп
жатыр, – деді ол.
Еске сала кетейік, байқауға қатысу
үшін www.teacherprize.kz сайтына кіріп,
өтінім беру керек.
Өз тілшіміз.