Heath Welcome Guide - Web Artwork CYM

Croeso!
Gobeithio eich bod chi’n mwynhau eich ymweliad ac
yn cael yr holl wybodaeth sydd ei hangen arnoch i’ch
helpu chi i benderfynu pa Brifysgol i astudio ynddi.
Rydym yn falch i gael dweud, yn dilyn arolwg ymysg
myfyrwyr, mai ni yw’r Undeb Myfyrwyr gorau yng
Nghymru a’r ail orau yn y DU!* Mae Undeb Myfyrwyr
Caerdydd yn cynnig llu o wasanaethau, cyfleusterau
a chyfleoedd i’n holl aelodau a’n gwesteion yn
adeilad Cathays.
*Gwobrau Dewis Myfyrwyr WhatUni 2023

Eich UM ym Mharc
y Mynydd Bychan
Wedi’i leoli yng nghanol campws Parc y
Mynydd Bychan, mae ein UM yn cynnig
ystafell gyffredin, ystafelloedd cyfarfod
ar gyfer astudio a chyfle i sgwrsio
â’n tîm ymroddedig am gefnogaeth
academaidd a llesiant. Mae ein tîm ym
Mharc y Mynydd Bychan yn gweithio
trwy gydol y flwyddyn academaidd i
ddarparu digwyddiadau a chyfleoedd i
fyfyrwyr sy’n astudio yn yr ysgolion Gofal
Iechyd, Deintyddiaeth a Meddygaeth.
Hyd yn oed pan fyddwch chi’n mynd
allan ar leoliad, rydyn ni’n gwneud
pob ymdrech i wneud yn siŵr eich bod
chi’n dal i deimlo’n rhan o’r gymuned
academaidd trwy ein hymgyrch ‘Parc
y Mynydd Bychan ar daith’ trwy drefnu
diwrnod allan braf i chi a’ch cyfoedion!
Mae digonedd o glybiau chwaraeon a
chymdeithasau y gallwch chi gymryd
rhan ynddynt hefyd fel myfyriwr ym
Mharc y Mynydd Bychan, felly cysylltwch
â ni ar: SUHeathPark@cardiff.ac.uk i
ganfod mwy! Rydyn ni yma i wneud eich
profiad fel myfyriwr yn well fyth!
Dilynwch ni
@CardiffStudentsHeath
@vpheathparkcsu
Swyddogion
Sabothol
Y peth gorau am Undeb y Myfyrwyr
yw’r ffaith ei fod yn cael ei arwain
gan fyfyrwyr, ar gyfer myfyrwyr! Mae
Swyddogion Sabothol yn cael eu hethol
i’w rolau bob blwyddyn, ac maen
nhw’n cyflawni’r swydd gyflogedig,
lawn-amser honno am flwyddyn. Caiff
y tîm ei arwain gan Lywydd Undeb y
Myfyrwyr sy’n goruchwylio’r Is-Lywydd
(IL) Cymdeithasau a Gwirfoddoli, IL
Chwaraeon, IL Myfyrwyr Israddedig,
IL Iaith, Cymuned a Diwylliant Cymru,
IL Myfyrwyr Ôl-raddedig ac IL Parc y
Mynydd Bychan, sef y prif bwynt cyswllt
ar gyfer myfyrwyr Parc y Mynydd Bychan!
Dewch i gwrdd ag Is-Lywydd
Parc y Mynydd Bychan,
Alex Meers

Farsiti’r Myfyrwyr
Meddygaeth
Bob blwyddyn mae Clybiau Chwaraeon
Myfyrwyr Meddygaeth Caerdydd yn
herio eu cystadleuwyr, Bristol Medics
am deitl pencampwyr Farsiti’r Medics.
Mae hwn yn ddigwyddiad gwych i ddod
ynghyd, dathlu chwaraeon cystadleuol
lefel-uchel, cwrdd â ffrindiau newydd a
chael diwrnod allan gwych!
Undeb Athletau
Mae gennym ni 7 o glybiau’r UA wedi’u
lleoli yn y Mynydd Bychan y gallwch
chi ymuno â nhw. P’un a ydych chi am
chwarae’n gystadleuol neu’n achlysurol,
dyma’r ffordd berffaith i gwrdd â phobl
newydd a gwella’ch profiad prifysgol. Mae
ein clybiau sydd wedi’u lleoli yn y Mynydd
Bychan wedi cystadlu yng nghynghreiriau
BUCS a NAMS. Mae croeso i chi ymuno ag
unrhyw un o’n 60 o glybiau chwaraeon,
felly mae rhywbeth at ddant pawb.
Cymdeithasau
Cymryd rhan ym mhob math o
weithgareddau yw’r ffordd orau o wneud
ffrindiau yn ystod eich cyfnod yn y Brifysgol.
Mae gennym dros 200 o gymdeithasau
sy’n cael eu rhedeg gan fyfyrwyr, gan
gynnwys 38 o gymdeithasau sydd wedi’u
lleoli ym Mharc y Mynydd Bychan. Mae’r
rhain yn cynnwys amrywiaeth o hobïau a
chymdeithasau sy’n seiliedig ar gyrsiau fel
MedSoc, Menywod mewn Llawfeddygaeth,
Cymdeithas Feddygol Affricanaidd
Caribïaidd a llawer mwy!
Rho Gynnig Arni
Ein rhaglen Rhowch Gynnig Arni yw eich
cyfle i roi cynnig ar rywbeth newydd yn
ystod eich amser ym Mhrifysgol Caerdydd,
o wyliau penwythnos yn Ewrop, i sesiynau
blasu ar gyfer clybiau a llawer mwy. Os
ydych chi’n newydd i Gaerdydd ac wrth
eich bodd yn crwydro, yna mae’r teithiau
hyn yn gyfle gwych a fforddiadwy i weld
golygfeydd lleol.