Gaeilge agus Fáilte_Newsletter Aibreán 2026

Comhairle Chathair Dhoire agus
Cheantar an tSratha Báin
Gaeilge
& Fáilte
An 9ú Eagrán
Aibreán 2026
www.derrystrabane.com

Gaeilge & Fáilte
Fáilte
Tá fáilte romhat chuig Gaeilge & Fáilte - nuachtlitir Ghaeilge
Chomhairle Chathair Dhoire & Cheantar an tSratha Báin.
Sa nuachtlitir seo gheobhaidh tú eolas maidir le Seirbhísí Gaeilge
na Comhairle mar aon le heolas faoi imeachtaí atá ag tarlú i saol
na Gaeilge fud fad an cheantair Chomhairle.
San eagrán seo den nuachtlitir, caithfidh muid súil siar ar na himeachtaí
agus na tograí iontacha a bhí idir lámha againn agus ag an phobal le míonna
beaga anuas. Caithfidh muid súil siar ar bhliain eile iontach de Sheachtain na
Gaeilge. Roinnfidh muid eolas ar na himeachtaí Gaeilge atá beartaithe do
na míonna atá romhainn ní amháin ag an Chomhairle í féin ach ag pobal na
Gaeilge fud fad an cheantair Chomhairle chomh maith. Bainigí sult!
Déan Teagmháil Linn
Ríomhphost: gaeilge@derrystrabane.com
Guthán: 028 71 376579 (Líne Ghaeilge)
Facebook: facebook.com/foramphobalnagaeilge
Twitter: twitter.com/foramphobal
Suíomh Gréasáin: www.derrystrabane.com/gaeilge
2
Gaeilge & Fáilte An 9ú Eagrán - Aibreán 2026

An 9ú Eagrán - Aibreán 2026
Seirbhísí Gaeilge
na Comhairle
Cuireann Comhairle Chathair Dhoire
agus Cheantar an tSratha Báin
réimse seirbhísí ar fáil do phobal na
Gaeilge. Mar chuid de na seirbhísí
seo, is féidir teagmháil a dhéanamh
linn as Gaeilge trí ríomhphost a
chur chugainn i nGaeilge, Gaeilge
a labhairt linn nuair a chuireann tú
scairt orainn, iarratas a dhéanamh
le do shráidainm nó ainm do
bhóthair a fháil i nGaeilge,
foirmeacha agus iarratais a
chomhlánú i nGaeilge, mar aon le
réimse leathan seirbhísí Gaeilge
eile. Tabhair cuairt ar
www.derrystrabane.com/gaeilge
le teacht ar eolas breise maidir lenár seirbhísí.
Má tá seirbhís uait i nGaeilge déan teagmháil leis an Oifigeach Gaeilge,
Erin Hamilton, ar an líne Ghaeilge: (028) 71376 579 nó seol ríomhphost
chuig gaeilge@derrystrabane.com
Nó is féidir teagmháil a dhéanamh linn ar an fhoirm theagmhála atá ar fáil
ar ár suíomh gréasáin anseo: https://www.derrystrabane.com/gaeilge
Chomh maith leis sin, má tá seirbhís uait nach bhfuil ar fáil faoi láthair, déan
teagmháil linn.
3

Gaeilge & Fáilte
Fóram
Phobal na
Gaeilge
Tagann Fóram Phobal na Gaeilge
le chéile gach ráithe le cúrsaí
forbartha teanga a phlé. Tugtar
cuireadh d’eagraíochtaí, ghrúpaí
agus dhaoine aonair a bhfuil
suim acu dul i mbun plé faoin Ghaeilge,
dheiseanna comhoibre agus faoi cheisteanna straitéiseacha
agus forbartha teanga bheith i láthair.
Tharla an cruinniú is déanaí i Halla na Cathrach i nDoire ar an 4ú Feabhra
agus bhí cruinniú fiúntach agus spreagúil ann le heolas roinnte idir na
rannpháirtithe ar fad. Pléadh na himeachtaí a bhí beartaithe ag na grúpaí ar
fad do Sheachtain na Gaeilge chomh maith ag an chruinniú seo.
Más mian leat bheith páirteach sa chéad chruinniú eile a bheas ar siúl i mí
an Mheithimh 2026; ní mór duit clárú leis an Oifigeach
Gaeilge ar gaeilge@derrystrabane.com nó cuir scairt ar an líne
Ghaeilge ar: 028 71 376579.
4
Gaeilge & Fáilte An 9ú Eagrán - Aibreán 2026

An 9ú Eagrán - Aibreán 2026
Torthaí an tSuirbhé ar
Sheirbhísí Gaeilge
na Comhairle
Ba mhaith linn buíochas a ghabháil le gach uile duine
a chomhlánaigh an suirbhé ar Sheirbhísí Gaeilge na
Comhairle. Bhí idir aiseolas fiúntach agus moltaí
feabhais iontacha sna freagraí a fuarthas agus
cuideoidh an t-eolas seo go mór linn agus muid
ag forbairt agus ag feabhsú na seirbhísí Gaeilge a
chuireann muid ar fáil don phobail. Chomh maith
leis sin, cuidíonn an t-aiseolas linn aon bhearnaí
sna seirbhísí Gaeilge a aithint. Is féidir torthaí an
tsuirbhé a fheiceáil thíos:
Dúirt 81% de na daoine a d’úsáid na seirbhísí Gaeilge roimhe go raibh siad
iontach sásta nó sásta leis an tseirbhís.
Dúirt 100% de na daoine a ceistíodh go mbainfeadh siad úsáid as na seirbhísí
arís agus dúirt 94% de na daoine a ceistíodh go molfadh siad na seirbhísí le
daoine eile chomh maith.
Chomh maith leis sin, d’fhiafraigh muid ó dhaoine cén ardán is fearr leo eolas
a fháil uainn agus dúirt 88% de na daoine a ceistíodh gur fearr leo eolas a
fháil ón Chomhairle trí ríomhphost. Dúirt 38% gur fearr leo eolas a fháil ón
Chomhairle tríd an Nuachtlitir agus dúirt 31% gur fearr leo eolas a fháil ar na
meáin shóisialta.
Má tá tuilleadh eolais de dhíth nó muna raibh deis agat an suirbhé a
chomhlánú agus ba mhian leat aiseolas a roinnt linn go fóill, is féidir teagmháil
a dhéanamh leis an Oifigeach Gaeilge ar: gaeilge@derrystrabane.com
5

Gaeilge & Fáilte
Seachtain na
Gaeilge 2026
Cuireadh tús le ceiliúradh iontach eile do Sheachtain na Gaeilge i
mbliana le seoladh clár Chomhairle Chathair Dhoire agus Cheantar an
tSratha Báin leis an Mhéara an Comhairleoir Ruairí McHugh i Halla na
Cathrach ag tús mhí an Mhárta.
6
Gaeilge & Fáilte An 9ú Eagrán - Aibreán 2026

An 9ú Eagrán - Aibreán 2026
Scéim an Fháinne
Mar chuid den chlár do Sheachtain na Gaeilge, rinne baill
foirne Chomhairle Chathair Dhoire agus Cheantar an tSratha
Báin scrúduithe Cúpla Focal, Fáinne Airgid agus Fáinne Óir.
Tá áthas orainn a fhógairt gur bhain ochtar acu an gradam
Cúpla Focal amach, bhain beirt an gradam Fáinne Airgid
amach agus d’éirigh le duine amháin an gradam Fáinne Óir a
bhaint amach. Bíonn na fostaithe seo ag freastal ar ranganna
Gaeilge a chuireann an tOifigeach Gaeilge ar fáil d’fhoireann na
Comhairle gach seachtain agus tá muid iontach go deo bródúil
astu as an éacht iontach seo a bhaint amach. Mo cheol sibh!
7

Gaeilge & Fáilte
Mo Cheol
Thú
Lúcháir
Leabhar
Bhí ceol binn na Gaeilge le cluinstin
fud fad Halla na Cathrach ar an 4ú
Márta agus Róise Ní Mhurchú ag cur
ceardlann amhránaíochta iontach ar
fáil don lucht éisteachta mar chuid de
Sheachtain na Gaeilge 2026.
Chuir Róise ceardlann thar a bheith
spraíúil agus suimiúil i láthair agus
tugadh léargás den chéad scoth don
lucht éisteachta ar réimse amhráin
thraidisiúnta agus foinn shimplí trí
mheán na Gaeilge.
Bhí lúcháir orainn fáilte a chur roimh
na daltaí iontacha ó Bhunscoil
Cholmcille agus Ghaelscoil na Daróige
go Halla na Cathrach ar Lá Domhanda
na Leabhar.
Thug an Méara an Comhairleoir Ruairí
McHugh cuireadh chuig na Gaelscoileanna
teacht agus bualadh leis i bParlús an Mhéara
le ceiliúradh a dhéanamh ar thábhacht agus
luach na léitheoireachta sa Ghaeilge. Mar
chuid den ócáid, bhronn an Méara beart
leabhar Gaeilge ar gach scoil le cur lena
leabharlanna scoile agus tá súil againn gur
bhain siad idir shuim agus shult as an
imeacht seo.
8
Gaeilge & Fáilte An 9ú Eagrán - Aibreán 2026

An 9ú Eagrán - Aibreán 2026
Logainmneacha
an tSratha Báin
Bhí Leabharlann an tSratha Báin lán go doras i rith
Sheachtain na Gaeilge don chaint suimiúil a thug Tarlach Mac
Giolla Bhríde ar logainmneacha an tSratha Báin.
Thug Tarlach léargas thar a bheith cuimsitheach agus sonrach ar na scéalta, na
bríonna agus an oidhreacht atá faoi bhun na logainmneacha áitiúla ar an Srath
Bán agus mhínigh sé an dóigh a bhfuil an Ghaeilge fite fuaite le tírdhreach agus
stair an cheantair.
9

Gaeilge & Fáilte
Maidin Chaife
Charthanachta
Cuireadh fáilte roimh bhaill foirne Chomhairle Chathair Dhoire agus
Cheantar an tSratha Báin go maidin chaife charthanachta in Oifigí na
Comhairle i nDoire i rith Sheachtain na Gaeilge. Tugadh deis don fhoireann
cúpla focal agus frásaí Gaeilge a fhoghlaim agus a chleachtadh leis an
Oifigeach Gaeilge agus a gcomhghleacaithe eile chomh maith, agus bhailigh
na rannpháirtithe airgead do charthanachtaí an Mhéara; PIPS Suicide
Prevention Ireland agus Castlederg Patient Comfort & Terminally Ill Fund.
PLEASE SCAN THE QR CODE
to donate to the Mayor’s Charities
10
Gaeilge & Fáilte An 9ú Eagrán - Aibreán 2026

An 9ú Eagrán - Aibreán 2026
Lá Gairmeacha
na Gaeilge
I mBéal
an Phobail
Ba mhór an onóir dúinn freastal ar Lá
Gairmeacha na Gaeilge in Ollscoil Uladh,
Coláiste Mhig Aoidh arna eagrú ag Cultúrlann
Uí Chanáin ar na mallaibh. Bhuail muid le
mic léinn Ghaeilge ó na meánscoileanna
áitiúla sa cheantar agus bhí deis againn agus
ionadaithe ó eagraíochtaí eile in earnáil na
Gaeilge na deiseanna atá ar fáil in earnáil
agus i saol na Gaeilge a phlé leis na mic
léinn. Tá súil againn gur tugadh spreagadh
do na daoine óga leanstan lena dturais leis an
Ghaeilge.
Más mian leat ábhar scéil a mholadh don
chéad nuachtlitir eile, nó má tá scéal agat féin
a ba mhaith leat a fhógairt bíodh fáilte romhat
an t-eolas a chur chuig
gaeilge@derrystrabane.com
nó déan teagmháil leis an Oifigeach Gaeilge
ar an Líne Ghaeilge
T: 028 71 376 579.
Tá an tOifigeach Gaeilge ar fáil le cuairt a
thabhairt ar scoileanna le labhairt le daltaí
faoi na deiseanna agus na buntáistí a
bhaineann leis an Ghaeilge. Tuilleadh eolais
ar fáil ar: gaeilge@derrystrabane.com
11

Comhairle Chathair Dhoire agus
Cheantar an tSratha Báin
Gaeilge
& Fáilte
An 9ú Eagrán
Aibreán 2026
Tá an Nuachtlitir seo ar fáil i bhformáidí éagsúla lena
n-áirítear cló mór, braille, formáidí fuaime
(CD, MP3, DAISY) agus mionteangacha.
Tuilleadh eolais faoi fhormáidí eile:
guthán: 028 71 253253
nó
ríomhphost: equality@derrystrabane.com
www.derrystrabane.com