Transform your PDFs into Flipbooks and boost your revenue!
Leverage SEO-optimized Flipbooks, powerful backlinks, and multimedia content to professionally showcase your products and significantly increase your reach.
Liburutegia
Hamaika jarduera irakurzaletasuna bultzatzeko
2025–2026 ikasturtean zehar eskolako liburutegia jarduera
ugariren topagune izan da, irakurzaletasuna sustatzeko
eta ikasleek liburuekin harreman estua garatzeko helburuarekin.
Haur Hezkuntzatik Lehen Hezkuntzara arteko
ikasleek liburutegira hurbiltzeko eta bertako aukerak
ezagutzeko hainbat dinamika eta ekimen antolatu dira,
irakurketa, kontakizuna eta sormena uztartuz.
Txikienek ere izan dute liburutegia ezagutzeko aukera,
HHko 2. mailako ikasleak apirilean etorri baitziren lehen
aldiz espazio hau ezagutzera. Bisita horretan liburutegia
zer den, nola erabiltzen den eta bertan zer aurki
daitekeen azaldu zitzaien modu atseginean. Jarduera
berezi gisa, kamishibai saio bat egin zen, irudiak eta
kontakizuna uztartzen dituen ipuin-kontaketa modu
berezia. Haurrek arreta handiz jarraitu zuten istorioa, eta
askorentzat liburutegien munduarekin izandako lehen
esperientzia izan zen.
Haur Hezkuntzako 3. mailako ikasleek, berriz, “lehen
irakurle” gisa hasten dute beren ibilbidea liburutegian.
Urtean zehar hiru aldiz etortzen dira, eta bisita horietako
batean irakurle karneta jasotzen dute, liburuen mailegua
egiteko lehen pauso garrantzitsua. Ikasturteari amaiera
emateko, Musas y Fusasen emanaldia antolatu zen,
musika eta kontakizuna uztartzen dituen saioa, haurrek
giro berezian gozatu zutena.
Lehen Hezkuntzara igarotzean, liburutegiarekin duten
harremana sendotu egiten da. LH1 eta LH2 mailetako
ikasleek bi astetik behin bisitatzen dute liburutegia,
liburuak maileguan hartzeko eta irakurtzeko ohitura
pixkanaka sendotuz. Errutina horrek ikasle askoren
artean irakurketarako interesa pizten laguntzen du, eta
asko liburu berrien zain egoten dira hurrengo bisita iritsi
arte. Ikasturtean zehar, gainera, kamishibai saio batzuk ere
antolatzen dira haientzat, ipuinen bidez irudimena lantzeko.
LH3. mailako ikasleek ere bi astetik behineko dinamika
mantendu dute aurten, liburutegira etorri eta liburuak maileguan
hartzeko. Ikasturtean kamishibai saio bat ere egin
zen, baina jarduera berezietako bat Liburuaren Egunaren
inguruan antolatu zen. Egun horretan loreen tailerra egin
zen: liburu bat maileguan hartzen zuen ikasle bakoitzak
lore bat eramaten zuen etxera. Horrez gain, ikasleek liburu
gomendioen fitxak bete zituzten, eta horiekin “gomendioen
txokoa” sortu zen liburutegian. Horrela, zer irakurri ez
dakitenek beste ikasleen proposamenak kontsultatzeko
aukera dute.
Adinean aurrera egin ahala, ikasleek autonomia handiagoa
izaten dute liburutegia erabiltzeko. LH4. mailakoek,
adibidez, mailegu librea dute: irakasleari baimena eskatuta,
beraien kabuz joan daitezke liburuak aukeratzera.
Ikasturte honetan, gainera, jarduera berezi bat antolatu
zen haientzat: misterioz beteriko escape edo ihes-joko
bat. Eskubeltz taldearen abenturak liburuan oinarrituta,
ikasleek hainbat pista eta erronka gainditu behar izan
zituzten, misterioak argitu ahala kofre bateko giltzarrapoa
irekitzeko zenbakiak lortuz. Kofrearen barruan detektibe
karnetak aurkitu zituzten. Ondoren, misteriozko liburuak
irakurtzera animatzeko, karnet horietan urrezko izarrak
jartzen zitzaizkien liburuak hartzen zituzten bakoitzean.
18
LHko 5. mailako ikasleek, bestalde, komikien munduan
murgiltzeko aukera izan zuten. Bigarren hiruhilekoan komiorria
sanferminikastola.eus
