+ Descargar revista nº 10 (PDF) - Centro Gallego de Vitoria

10
hai unha maneira de facer as cousas.
Quizais iso de escaldar e logo raspar as
serdas sen queimalas ven de lonxe, xa que
os antergos utilizaban as serdas para facer
molidas, albardas e tamén cordas (liames).
Despois do almorzo xa non había acougo,
todos se poñían á faena e o matachín ía
comprobando se todo estaba como el quería.
Alá pola miña terra penso que tra b a l l aban
moito máis do que debían, pero como
había mans fortes abondo, ninguén se paraba
a pensar en cómo facer as cousas máis
doadamente: os homes ían á corte e collían
o cocho, uns polas orellas, outros polo
rabo, polas patas, cada quen botaba a man
onde podía, e tiraban del ata achegalo a un
carro que era onde o deitaban para que o
m a t a chín o sangra ra (o sangue tamén se
a p r oveitaba para facer as ricas filloas).
Despois de sangrados, dous arrastrábanse á
parte tra s e i ra do carro e se había máis botá-
Fotos: Luis Pena
banse os outros riba de palla no chan ou
riba doutro carro; cando todos estaban
s a n g rados comezaban os homes a escaldar
e as mulleres e os nenos comezabamos
a raspar mentres os homes seguían
escaldando; unha vez limpos colgábanse
do chambaril no lugar preparado para iso
e o matachín comezaba a tarefa de abrir o
p o rco para lle quitar as tripas, a asadura, o
fígado, e tamén o unto; nós estabamos
moi atentos cando collía a macheta para
cortar o óso do lombelo.
Ata non hai moitos anos todo se facía
á man: tirar do cocho dende a corte ata o
carro, ás veces o sitio de matar estaba
arredado da corte, logo deitalo no carro,
tarefa nada doada, e suxeitalo mentres
sangraba, metelo no caldeiro, logo darlle
volta para escaldar a outra parte; unha
vez raspado colgalo na escarpia a pulso.
Logo as cousas foron mellora n d o ,
copiando o que alguén vira facer noutros
lugares, deron en utilizar un gancho
de ferro para axudar a manobrar
riba do carro e durante a faena da
escalda, un cordallo pouco groso para
prendelo polo fuciño, cordallos atados
ós piotos para deitalos no carro e suxeitalos
mentres sangraban; agora que hai
tractores e roldanas xa non é como a
matanza de antes.