Create successful ePaper yourself
Turn your PDF publications into a flip-book with our unique Google optimized e-Paper software.
As costumes van cambiando, as novas<br />
tecnoloxías inundan o noso día a día,<br />
relegando ó esquecemento oficios que<br />
noutro tempo foron esenciais. Moitos<br />
deles perderon o seu posto na sociedade<br />
substituídos por unha máquina ou a<br />
causa dun sistema económico que lles<br />
fixo imposible competir en prezos cos<br />
que gañar o sustento.<br />
<strong>Xente</strong> con oficio é un programa<br />
dedicado ós homes e mulleres galegos<br />
que traballaron arreo nun oficio ata<br />
chegar á mesma perfección. Chegaron a<br />
el, na maioría dos casos, ensinados polos<br />
seus pais ou avós que vían no bo facer<br />
dun oficio a maneira máis sinxela de<br />
levar un sustento as súas familias. Agora<br />
son eles os que transmiten con ilusión o<br />
seu coñecemento a mozos e mozas, que<br />
cunha perspectiva laboral incerta, ven<br />
nos oficios dos seus antepasados unha<br />
profesión de futuro.<br />
Canteiros de Poio, oleiros de Buño,<br />
ferreiros de Riotorto, palilleiras de<br />
Camariñas, fiandeiras de Zas, panadeiros<br />
de Cea, arrieiros de Maside, campaneiros<br />
de Caldas, telleiros de O Rosal,<br />
guarnicioneros de Maceda, tecedoras de<br />
Parada, albarderos de Melide, redeiras de<br />
Cangas... oficios de sempre que, moitos<br />
deles, seguen tendo o seu espazo nos<br />
tempos actuais.<br />
Algúns destes oficios son tan vellos<br />
como a humanidade. Hainos que<br />
pasaron longos anos escuros e que<br />
estiveron a piques de desaparecer para<br />
logo volver a florecer e outros que<br />
tristemente desapareceron. Pero aínda<br />
queda en Galicia moita xente con oficio,<br />
protagonistas de moitas lendas que<br />
conforman as nosas tradicións.